26
2
0
以上资料只供参考，请与餐厅确认详情
今晚去左佐敦文英街探朋友既👶🏽，順便係附近搵食～見到文英街有好幾間串燒烤肉店，睇完餐牌從中挑選了呢間李記～今日天氣好焗好熱，所以冇揀到食雞煲火鍋，首先點了一款涼菜：青瓜、雲耳雙拼佢既醬汁調教得好好味！唔太辣酸酸地好開胃～跟住見到餐牌有好多燒海鮮，見剛出左糧，決定食豪d!呢個血蚶真係好食到不得了！本身見到餐牌有螄蚶，諗住應該都係白恰啦，點知有驚喜佢係用酒+醋+蒜頭+辣椒 生醃製的，店員細心遞上開螄蚶夾，一夾就可以打開肥美既螄蚶，螄蚶已浸泡了醬汁，一齊食好味！😋仲叫左燒扇貝同蟶子海鮮好新鮮，配上特製醬汁、香料同蒜頭一齊燒，正！見到今日時令海鮮有瀨尿蝦，叫左一份，拆完啖啖肉，肉質彈牙！桑拿花甲個菜式名好特別，但應該係蒸既做法，不過蜆好新鮮，沾埋佢既醬就能吊起鮮味。淨係食海鮮唔夠....所以再叫左幾款串燒特別一提燒菠蘿好好食！菠蘿好多汁又甜！最後有生果送係山渣糖水，應該有消濟、解油作用？😊店鋪知道顧客會食海鮮/串燒整污糟手，每張枱都有紙巾供應，細心👍🏻
继续阅读
今日公司忽然要O.T.真係好攰，放工既時候同事話不如去附近食下野飲下啤酒放鬆下，所以就帶我到文英街的<李記大連燒烤>。入到去差不多全場爆滿，好不熱鬧！啤酒以外我地叫了幾樣送酒小吃燒茄子，配合大量蒜蓉同辣粉燒，不太辣但好惹味烤雞翼烤得乾身香脆可口，再配合辣粉，絕對正宗東北風味羊肉串配上孜然粉同辣粉去烤，帶著羊肉獨有的香味而不<蘇>，肉質香滑結實但不韌，不錯不錯涼拌豬耳，一貫東北菜的惹味風格，豬耳很軟滑，佐酒良拌
继续阅读
印象中渡船角一帶可算係香港嘅雞煲同串燒發源地，所以同類型店舖喺附近開到成行成市，以往一癮起就會落去幫襯，但今次落去食比較冷門嘅東北菜，亦令我又有新嘅體驗。李記大連烤燒位於文英街，附近都係啲燒烤老字號，當然佢哋本身都有雞煲、烤魚同燒烤供應，但老細本身係東北人，所以東北菜先至係佢哋嘅特色主打。我地本身唔係經常食東北菜，所以拜托老闆娘介紹左幾味菜，佢好好客，而且點嘅幾款都好啱我地口味餐廳位置唔多，但乾淨企理，最欣賞係每枱都有盒裝紙巾當日落住大雨，客人就唔係特別多，所以我地都坐得舒服。但老闆娘話平時人多啲，會熱鬧啲，什至有時要坐埋室外張枱仔。桑拿花甲 $70有別於一般炒法，並冇加入豆豉，落左彩椒、辣椒輕炒依然惹味，而且花甲本身夠新鮮，粒粒飽滿，鮮甜好味蒸東北餃子 $45餃子即叫即蒸，老闆娘話由連餃皮都係鄉下寄過黎，夠哂地道，由搓皮到餡料全部自己親手做，餡料簡單唔複雜，只用上豆角切粒加豬肉，已經好好食。東北餃本身皮會厚身啲，食落帶韌勁，咬落肉汁豐富，可配蒜醋食，輕鬆清哂十隻紅燒芽帶魚 $128呢味係餐牌上我搵極都搵唔到，因為貨源關係唔係成日有得食架，真好彩。老闆娘話呢道都係東北名菜，小店堅持用野生芽帶魚，食落會同養植嘅唔同，所以就唔係成日有。芽帶先炸香，後回鍋紅燒，食落咸香，魚肉唔多但莓莓下又可以送飯。香辣蟹 $388全晚主角當然係香辣蟹啦！香辣味道撲鼻，賣相又吸引，睇相我都流晒口水肉蟹本身夠大隻，相信係用過猛火將外殻炸至酥脆，蟹肉本身就唔算話好多，但好新鮮，食落唔會太乾。加上香辣超級惹味，辣度適中，唔會過龍，正宗嘅東北辣蟹會辣得多，但老闆娘怕我地唔食得太辣，調整過口味。總之就食到停唔到口，連配料嘅青瓜同金筍都好入味韭菜炒木耳 $68韭菜同木耳呢個配撘有清脂、降血壓嘅作用，用蒜蓉清炒已經好好食，木耳夠爽口，食完香辣，清清地中和一下非常好。涼拌豬耳 $65同四川嘅涼拌有少少唔同，以香辣為主而非麻辣，但依照過癮，豬耳有軟骨，口感脆脆，送酒一流整體嚟講菜式嘅水準不俗，雖然自己好少食東北菜，但都留低唔錯嘅印象，加上老闆娘非常豪爽，招呼週到。眼見現場亦有唔少係熟客幫襯，自己回訪機會亦高
继续阅读
落大雨約左朋友係柯士甸附近食飯，本身想行過element，但咁大雨都係唔好行咁遠喇，近近地，就係附近睇雨有咩岩食。咁岩見到李記，見到大連燒烤幾隻字記入左去，因為好想食串燒呀估唔到除左串燒之外，仲有好多野食，例如海鮮，小炒，涼菜等等。一坐低老闆娘就問使唔使飲啤酒，緊係要啦，估唔到又幾好飲，似係麥啤，甜甜地。醬牛肉 一黎到，好大碟!!!!你知啦，宜家出去食飯，d涼菜通常好細碟，兩啖就無，呢碟真係好足料而且唔會乾爭爭，唔點個汁都好好味。東北黑木耳 老闆娘話係係家鄉野生既黑木耳，唔係室內種植，特別有營養架。食落真係特別爽口，無得彈，涼拌木耳唔使多講，因為係我最愛辣炒蜆推薦！推薦！超抵食，平時係廟街大排檔，細細碟仲要隻隻蜆都無肉，呢到終於食到真正既炒蜆，粒粒漲卜卜，少少辣，好野味，送酒一流。烤茄子推薦！重口味之選，個皮好脆，d茄子肉軟棉棉，香料岩岩好，又係一流！烤辣椒落單個陣以為係尖椒，送到黎咀都o埋，咁大條既問下職員會唔會超辣，佢答都會架，點知食落都唔係好辣，反而係好甜！！ 愈食愈過引，又係好岩送酒食。蒜蓉炒油麥菜獲氣夠炒菜就自然一流！鍋包肉超級推薦！！！個汁好似廣東既咕嚕肉咁，但鍋包肉個粉漿開得好，炸到好脆，食到最後都無淋到，好好味！一定要試。串燒雞翼其實仲叫左羊肉串同雞脆骨，但一上台就俾我即刻食左叫得燒烤鋪，燒烤當然係好味啦，燒得脆身唔會乾爭爭，羊肉彈牙又唔會好un! 正食到飽飽，老闆娘請我地食山楂，係大連運黎架！少少酸多多甜，我第一次食原粒山楂，原來係咁既每張台都係盒紙巾，好鬼細心呀！店內乾淨闊落，坐都坐得好舒服，最岩幾個朋友黎飲啤酒傾計，最緊要係老闆娘同員工都好好人，見到老闆娘同每台既人都好好傾就知咩事，有禮貌有人情味既小店好難求喇連我都同隔離台既小朋友打成一片呢
继续阅读
第一次同老公喺香港試東北菜，以前在國內食過一次就喜歡上東北菜，太想回味以前的味道，所以揀左近柯士甸既李記大連燒烤！我地好早到，唔洗等位，入到去有大排擋feel，旁邊仲有好多游水海鮮！見到咁新鮮，決定豪一豪！兩碟涼菜頭盤：涼拌乾豆腐絲 $65 - 上菜時，老闆娘特別指明乾豆腐絲由東北直運香港！食入口乾豆腐絲一d都唔硬，而且吸晒配料及秘製醬汁的味道，香香辣辣，岩晒飲番兩杯啊！味道勝於賣相之作！涼拌豬耳$65 - 我本身唔好豬耳，老公想食就試一試啦！豬耳好林，味道及口感都好豐富，俾我食左1/3 碟！小食@燒烤：燒雞翼（$15/串），我鐘意食 - 雞翼燒得剛好！調味冇得彈，燒到雞皮脆卜卜！燒雞脆骨 （$15）- 個人對雞脆骨興趣不大，咬唔到，但睇老公食到好滋味，一口氣食三串燒茄子（$25）- 係我喜愛之一，即叫即燒，上台仲要涼一陣先可以放入口，軟棉棉的茄子肉沾滿蒜蓉辣椒調味料，頂瓜瓜！只俾老公試左一口，其他我食晒！呢個價位，咁好質素，抵食！地道菜：殺豬菜 - 其他人可能會覺得個名好奇怪，但呢個的確係地道東北菜，材料有東北酸菜、豬腩、豬肝及粉絲，味道甜甜酸酸，好開胃，好回味！海鮮 - 當然要問老闆娘有咩新鮮啦，自己又唔識揀！燒大連鮑魚 - 未食過燒飽魚，估唔到咁鮮甜，而且口感適中，一d 都唔韌！去左腸，少少泥味都冇，真係洗得好干淨！燒龍蝦 - 我地望住老闆喺海鮮池揀好攞入廚房整，雖然係手掌咁大隻，但肉質好新鮮肥美！而且仲有蝦膏，以後唔洗只食芝士焗龍蝦了，原來東北燒龍蝦都好美味！想再叫一隻，可惜我地叫左太多野，怕食唔晒。我們的主角 - 香辣炒蟹 - 雖然我唔識太多蟹的種類，但呢隻蟹真係超級多膏，除蟹鉗，其他每一件都超多膏！蟹蓋係鋪滿蟹膏，愛膏人士就岩晒了！唯一美中不足係蟹膏好似煮得或炸得耐左少少，有少少硬，蟹肉則夠嫩又入晒味！蜜桃冰 - 第一次食，好正！東北甜品！
继续阅读