李家 (海壩街)

营业中

休息中

嘢食味道ok. 但一定唔會再幫襯價錢唔算特別平，態度好少少都話算。叫炸雞，店員問要唔要骨，我哋話要。佢即刻黑面(?) 因為有骨嘅係平啲嘅，但我哋鍾意lur骨, 有咩問題？又唔主動俾手套，用筷子食完一隻炸雞之後真係覺得好唔方便，問佢拎手套，好環保咁計好每人一隻。所以只能夠單手食。其實佢側邊有啲包左錫紙嘅吉盒可以俾人放食完嘅雞骨，佢冇拎俾我哋。我哋啲碟滿雞骨又唔換。其中有兩位朋友嗌汽水，佢淨係嚟咗一罐，提佢要兩罐，佢竟然答”你頭先又唔講”。頭先講咗，係你聽唔到。準備咗生日蛋糕 ，你收得切餅費服務費，其實係咪應該執枱同埋比嗰啲新嘅刀叉碟呢？碟上面全部都係雞骨。店員拎個蛋糕出嚟嘅時候，問我哋使唔使執枱，我哋話要。而枱上面仲有好多食物淨，我哋想打包啲食物，然後佢就話咁”我唔理你哋啦” 。咩事？即係要打包食物就唔可以幫我哋執枱？然後我哋喺冇新嘅餐具之下分咗個蛋糕嚟食，啲叉全部係癡滿晒醬汁。其實係咪嫌我哋嗌嘅食物小？ 嫌棄剩係得兩個人嗌嘢飲？其實人均消費都$250. 雖然未必係大客戶，但都唔需要咁嘅態度掛。以上提到嘅每件事都好似小事，但夾夾埋埋一齊發生，真係令人好反感。

同朋友行完商場，嚟福來邨呢帶覓食，李家炸雞聽過好多次，今次難得附近搵到一間，決定入去試下。炸雞可選有骨或者無骨。我地好懶，所以揀無骨嘅，個蜂蜜大蒜炸雞好好食，就咁睇已經好脆，食落炸粉比其他韓國餐廳厚啲，但出奇地可以非常酥脆，反而覺得呢個更加好食，更加正宗。肉質夠嫩又Juicy。熱辣辣即炸真係好正，咬開啲雞肉勁嫩滑。而且呢個蜂蜜大蒜口味實在巨巨巨好味。食完蜂蜜大蒜炸雞，就用水冷麵過一過冷河。水冷麵雖然比起炸雞冇咁邪惡滿足，但係食落同樣非常好味，同埋有種平衡返心理嘅效果。冷麵煙煙韌韌，有咬口，而且佢嘅冷冷麵汁食落冰涼，加少少韓國醋有種解膩嘅感覺，亦都可以試下加黃芥末少少嘅香辣，令味道提升。個人覺得仲好食過好多旅行期間係韓國當地食到過嘅水冷麵。之後就試埋大蔥炸雞，口感同味道同樣非常豐富。蔥汁食落較惹味，食落無蜂蜜大蒜咁甜，少少咸香味，好特別。炸雞放左陣仍然好酥脆，實在忍唔住一嚿駁一嚿咁食。一路聽住k-pop，一路食美食，心情實在太美好，滿滿嘅炸雞籃，份量真係好多，不過真係忍唔住係咁食😋。

原來荃灣都有李家，鄰近愉景新城，搭到去荃灣站過去都非常方便，私心覺得李家係韓式炸雞Top.3，口味又多!環境：7/10以簡約裝修為主，餐廳以劇照同霓虹燈作裝飾，電視長期播住K-pop，大大增加Y2K感覺🤗食物：8/10自選半半炸雞 - 蜂蜜蒜蓉&青辣椒蛋黃醬 $241份量超大份，半份都有8件🤩，兩種味道分開上，避免味道會互相影響，而炸雞炸漿夠薄身，令到炸雞外脆內軟，食到唔停口🤤海鮮炸醬麵 $198都係大大碟🤦🏿‍♂️絕對係3-4人份，最後只好打包番屋企，調味啱啱好唔會太咸，海鮮配料充足，讚👍🏿Corona Rita $68食炸雞點少得啤酒，corona啤酒加上檸檬沙冰，可以去一去食物嘅油膩，酒味唔濃~ 唉好想飛轉韓國🫠💰性價比：8/10 今次雖然埋單都要約$550，其實餐廳都有推出二人及四人套餐，適合大家黎拍拖或者同三五知己暢聚，一啖炸雞一啖酒，所有不快都溜走🤣

好耐無食過 之前淨係去過尖沙嘴分店原來荃灣都有店🙈星期六都有午市套餐不過覺得散叫啲嘢食吸引啲😝今次食嗰啲全部都好味😋.- 粟米炸雞 (無骨) (半隻)本身鍾意食粟米見到呢個覺得好吸引 點都要試吓原來粟米同炸雞都幾夾 .- 蜂蜜大蒜炸雞 (無骨) (半隻)呢個係常比較常見嘅味道 係穩陣嘅口味叫咗無骨 啖啖肉 食得好開心啲雞唔會炸得太燶太乾 好味.- 泡菜餅雖然要過百蚊 但真係超大塊!煎得啱啱好 個餅皮有外脆內軟嘅口感啲泡菜唔會好辣 可以放心食用味道同份量都對得住呢個價錢.- 海鮮炸醬麵本身無諗住嗌呢個但店員極力推介 話食唔晒可以拎走 所以就叫埋啦🤣又係超大份量 啲海鮮都幾多 仲有超腍嘅薯仔🥹都係唔辣的 啲麵仲好彈牙最後真係食唔晒要拎走 但返去翻熱食都好好味.- 清河燒酒之前去韓國飲完有啲念念不忘😂日光日白飲燒酒😂.- 柑橘汁

屋企人好鍾意食韓國紫菜包飯和炸雞，今日就帶佢去荃灣食，當然要食我最愛嘅炸雞～🌟#泡菜小食: 蘿蔔條和椰菜爽口酸甜，配合炸雞食一流，十分解膩。🌟#韓式豬肉炒粉絲材料10分豐富，而且真係好大份！豚肉丶鮮菇丶紅蘿蔔丶香葱等等，十分之香口。粉絲軟硬適中，入味香口，屋企人食到舔舔脷！🌟#甜辣醬炸雞皮非常香脆，大大件，雞肉鮮嫩，仲有少少肉汁，好好食，口感不錯。十分邪惡，但真係超級好食！❤️❤️份量一樣好多，夠晒4個人食，而且仲可以叫無骨的，選擇好彈性。🌟#啤酒+可樂食炸雞點可以無啤酒！冰涼可口，配上炸雞一流！荃灣的韓國菜有選擇唔算多，李家的韓國菜味道正宗，份量上真係好多，想試正宗韓國菜的朋友絕不能錯過！

#chuchu食在荃灣📍 李家如果想食韓國嘢一定係食李家，至少真係有韓國人坐陣，oopa一入門口就안녕하세요😆餐廳座位好鬆動，唔會話坐得好迫，而且平日夜晚冇乜人，同班friend嚟食飯就最啱—————————————————————❣️ 芝士雞蛋卷 $128好大份！一切開就好拉絲，面頭淋上滿滿嘅茄汁同芥末醬，酸酸甜甜，呢個醬真係冇得輸，好開胃，好好胃口！蛋都好嫩滑！.❣️ 韓式芝士炸豬扒 $198嗰日唔係好想食炸雞，就嗌左個炸豬扒！超邪惡！大大舊芝士係入面！外皮炸得好脆！好滿足！side dish仲有大量薯條同沙律！如果多幾個friend share就冇咁heavy！.❣️ 雪濃湯 $168嗌湯會跟埋飯同泡菜，好似個set咁！乳白色湯，好濃嘅牛骨湯味，加左麵條同牛肉，加左蔥絲個味鮮咗，味道好鮮甜，好暖胃！如果飲完酒飲就好解酒！牛骨湯配白飯好正！.❣️西柚梳打 $38一啖梳打入落去！爽！好解芝士膩！仲要都好大杯！.💬 一坐低就上左一碟蘿蔔同一碟沙律，蘿蔔酸酸甜甜好開胃，食完可以Refill，食完炸野再食好解膩—————————————————————不專業評分👅好味指數: 8/10 💰性價比:

上次朋友嚟食完，呢間啲炸雞幾好食同埋份量好大。真係比我想像中嘅份量多。我哋兩個人點咗一份自選半半炸雞同人蔘雞湯。原味炸雞$93 拼 蜂蜜大蒜炸雞$113我哋揀嘅雞全部都係有骨嘅，個原味都超正，啲雞新鮮熱辣辣即炸，炸粉唔會太厚，入口好鬆脆，咬開啲雞肉勁嫩滑。食完呢個再食蜂蜜大蒜炸雞，口感更加豐富。個醬汁真係超Juicy，食落好惹味又開胃。忍唔住食完一嚿又一嚿。兩大盤嘅炸雞份量雖然好多，不過都比我哋清晒😋。人蔘雞湯$198個湯底好鮮甜，隻雞入面有糯米同埋一條人蔘，人蔘味唔算好濃。成隻雞都幾大隻，雞肉新鮮。呢款即點即做，等咗20分鐘。最後食炸雞點少得凍飲🥤，點咗杯西柚梳打$38，清新嘅西柚味，配好夠氣嘅梳打，我最鍾意佢隻杯🤩，而且都幾大杯好抵飲。另外嗰杯濟洲柑橘汁$18，我仲以為係罐裝嘅，點知都係一杯嘅，好濃郁嘅柑橘🍊味，好飲！另外不得不讚嘅係，由入座到埋單，職員同老闆嘅服務態度都好好。成餐飯食得開心又滿足。下次再嚟試埋其他菜式先。

👧🏻😋👅🍽✨家的感覺韓國菜-🇰🇷 李家荃灣店係海壩街福來邨附近, 主要做街坊生意, 幾枱都係一家大細🇰🇷 裝修簡約有家的感覺, 非繁忙時間亦不設用餐時間, 可以慢慢傾下計; 韓國藉既店員都好nice!-🧇泡菜餅 $138💯比一般泡菜餅冇咁煎炸, 質地似焗餅, 比較濕潤冇咁熱氣, 泡菜酸酸地好爽脆, 仲有多款海鮮粒粒, 點埋個海鮮汁更鮮甜-🍗 醬油炸雞 $178✨裝滿成個滕籃份量好多仲好有野餐feel😂 醬油均勻醃滿炸雞每一處, 鹹香入味, 配鮮檸檬會更fresh-🍲 年糕餃子湯 $98💯個湯有驚喜, 奶白色似魚湯好鮮甜, 餃子好滑, 飽滿漲卜卜, 切片年糕, 蛋皮絲同紫菜好足料 -🥤 西柚梳打$38

韓式餐廳食得多，今次黎到呢間香港元祖級別既炸雞店，港九新界都有分店。一入餐廳就覺得好有feel，餐廳全程播住韓文歌同埋有唔同既韓國嘢作為裝飾。座位好闊落，服務員好友善，食物選擇非常多，味道都好唔錯，好推薦😍 半半炸雞🐔半半炸雞揀咗粟米炸雞同埋醬油炸雞，粟米炸雞表層有好多粟米味道既粉，食落甜甜地好jeng，雞肉炸到好脆，入面都keep到水分，好多汁。而醬油炸雞就會有小小辣，表層既脆同埋醬油融成一體，好好食！🤓 芝士辣雞炒年糕雞估唔到呢個炒年糕非常大份，年糕煙韌有口感，雞肉嫩滑唔會太鞋，但最好食既反而係啲菜，甜得黎吸收晒啲汁，搭配埋芝士一口咬落好滿足。😍 韓式魚餅湯🐟魚餅湯入面有洋蔥、魚餅、魚糕等配料，飲落清甜有回甘！🥰 

生完小朋友好耐冇去韓國，以前成日去滑雪，經過李家即係去食炸雞，解一解思鄉之苦👅🔥半半炸雞（甜辣和蜂蜜蒜蓉）🐔🧆我們揀左無骨的炸雞，兩種口味選擇讓人驚喜，份量真係唔少，炸雞外脆內嫩，炸到香脆之餘又鎖到肉汁，肉質嫩滑🤩甜辣味外層有一層厚厚的韓式甜辣醬，非常惹味蜂蜜蒜蓉醬汁好正，蒜香味濃郁，味道好香，仲有甜甜地食到蜂蜜嘅甜味，停唔到口🤤芝士辣雞炒年糕💫🥘面頭芝士滿滿，外表十分之吸引，裡面有泡菜、辣雞和年糕等等，好有Q彈口感，成件事真係好邪惡Stella 500ml 🍺以前追都知道炸雞配炸雞，真係好爽架（店內都有不同嘅酒精飲品同非酒精飲品選擇）超級有名的炸雞店，一定唔會失望，非常推薦大家😁😁

放工約咗住荃灣嘅朋友食飯，佢話佢屋村附近有間不錯嘅韓國餐廳，炸雞很出名，於是便去試下。我哋叫咗半半炸雞（原味+甜辣）、牛膝骨湯及泡菜餅。半半炸雞（原味+甜辣）原味炸雞，炸得外層很鬆脆，內層充滿肉汁，非常美味；甜辣味同原味炸雞一樣外脆內軟，再加上又甜又辣嘅韓式醬汁，非常惹味。牛膝骨湯牛膝骨湯會配飯及泡菜，骨湯非常之濃郁，同雪濃湯一樣美味，而且滿滿藥材味，湯裏面有牛膝、蛋絲、紅棗、杞子等，非常好飲，配飯一流。泡菜餅泡菜餅外層煎得焦香，內層鬆軟，泡菜餅除了泡菜外，仲有魷魚及洋蔥，配埋點泡菜餅嘅汁，辣辣地非常好食。

由炸雞開始興起嘅年代食到而家仍然最鐘意李家，記得第一間分店喺尖沙咀，當時排好耐隊先食到，但係值得嘅😋！到今日喺港九新界都有分店，好方便。由韓國人主理嘅炸雞店，除咗有經典嘅原味炸雞、甜辣炸雞，仲有其他新奇口味，例如蜂蜜蒜蓉味、芝士味、青辣椒蛋黃醬、香蔥、辣咖喱….半半炸雞（原味+甜辣味）⭐️⭐️⭐️⭐️⭐️即叫即炸，每一件都係皮脆肉嫩，每啖都充滿肉汁，每次食都係高水準。唔食辣嘅朋友必試原味，食完一件會好想繼續食第二件。甜辣炸雞口感微辣，紅色甜辣醬汁包住酥脆嘅外皮，連內裡雞肉都非常入味！本身鍾意食有骨嘅炸雞，亦可以加$10要無骨炸雞～韓式海鮮湯⭐️⭐️⭐️辣辣地嘅海鮮湯配有大蝦、蟹、青口、墨魚仔、魷魚同蔬菜，份量好豐富，鮮味得嚟好開胃，如果有埋一碗白飯就完美喇～叫咗Stella啤酒，口感清爽帶花香，味道唔苦易入口，同炸雞絕配🥹。Corona Rita非常Igable，忌廉汽水做底加Corona，啱晒少飲酒嘅朋友，配炸雞又係一流。

呢間成日都有叫外賣，原來荃灣都有間有得堂食，唔使諗，現場食即叫即整，新鮮熱辣辣。半半炸雞三心二意嘅我緊係要半半炸雞啦，因為有齊原味同甜辣味，份量都幾多，外皮炸得好香脆，原味都幾好食，夠晒味，可以食到雞嘅味道，而甜辣個醬都好出色，甜甜辣辣夠晒惹味，雖然有醬汁，但都唔會整淋晒炸雞外皮，正。韓式辣豬手上枱係用鐵板，咋咋聲，豬手好有骨膠原，食落煙煙韌韌，個味道辣辣地，好惹味。辛辣麵煮得啱啱好，麵質好煙韌，唔會太淋，入面仲有隻煎蛋，呢個配埋泡菜一齊食，夠晒風味。

因為想試晒兩隻味，所以呢就叫咗雙拼嘅炸雞，每隻味半隻～～～值得稱讚嘅係炸雞都好嫩滑，我個人就比較鍾意甜辣炸雞嘅！1️⃣甜辣炸雞（半隻）啲醬吸晒落去好入味啊，酸酸甜甜都好開胃！2️⃣芝士味炸雞（半隻）呢個都唔錯，有芝士粉喺個炸雞上面，炸雞就炸得好脆，咁同個芝士粉都幾match嘅～～～3️⃣芝士辣雞炒年糕呢個真係比想像中大～～～有年糕啦，蔬菜有埋好多雞，所以呢超級飽最後其實係食唔晒㗎，我哋都係外賣拎走咗～～～唔好浪費！總括而言都好抵呀！份量好夠啦！4️⃣黑莓梳打&西柚梳打點都要叫返少少嘢飲，配返炸雞咁先可以balance返嘅～～～

香港有好多韓國餐廳，呢間細細個已經去食，主打多款正宗嘅韓式料理，豬牛雞、飯麵湯、小食、飲品樣樣有齊，設有多間分店，店內裝潢簡約，播住流行K-pop，彷彿身處於韓國。講到韓式炸雞，真係每次去韓國都一定會叫。呢度可以自選口味，帶骨或無骨。即叫即製，熱辣辣，外層炸粉唔厚，原味超級脆身，甜辣沾滿醬汁，嫩滑多汁，食落啖啖肉，值得一試。蒸水蛋好大一碟，無調味，滑溜且帶蛋香氣，配上辣醬同泡菜就啱啱好。唔夠飽嘅可以叫主食，烏冬份量適中，夠熱，湯底清甜，麵條滑嘟嘟，仲有紫菜、豆卜等配料，食埋就真係飽啦。