李家 (海壩街)

营业中

休息中

真係好掛住韓國嘅炸雞，今日搵咗呢間聽聞係第一代炸雞人氣長龍店😍 聽講佢哋嘅炸雞有家傳秘方好吸引😍 入到去有兩個笑容滿面嘅韓國oppa熱情招呼，仲識得講廣東話🥰 應該嚟咗香港好耐，加埋舖頭播放k pop同裝修設計偏向韓風，有種去咗韓國旅行嘅感覺，環境乾淨企理，座位闊落👍👍🌟自選半半無骨炸雞原味$98蔥味$113炸雞有分有骨同無骨選擇，當然無骨最適合懶人🤣 口味眾多，令人有啲選擇困難😆 最後揀咗呢兩款，份量超大，cp值高👍 原味炸雞外皮脆卜卜，裏面保留住雞汁超Juicy, 調味啱啱好唔會過咸或冇味，有雞肉嘅鮮甜，食過無數炸雞嘅我都覺得呢個質素真係數一數二👍👍 蔥味炸雞多咗份蔥香，令人越食越想食🫶🏻🌟芝士辣海鮮炒年糕$178一樣份量十足，味道正宗好似去咗韓國食咁，有韓國芝士嘅濃度😆 熱辣辣嘅拉絲令人流晒口水😍 大蝦，青口墨魚仔好鮮甜，辣度啱啱好，越食越開胃，年糕好煙韌同芝士一齊食簡直係Perfect match🫶🏻🌟檸檬梳打$38🌟西柚梳打$38如果唔想飲啤酒可以飲梳打配炸雞清新解膩，不二之選👍整體性價比高，估唔到咁高質難怪開咗咁多分店下次再試埋其他分店先😎

李家一直都係👧🏻嘅韓式炸雞愛店🐔，不過👦🏻原來一直都未食過，今次就帶佢去荃灣分店試下先👍🏻。🌟甜辣炸雞 x 青辣椒蛋黃醬炸雞配洋蔥做人貪心啲，今次就揀咗兩款口味炸雞。兩款炸雞份量好足，每款口味都至少有5-6件，炸雞多肉又夠Juicy，炸得開脆，即使包裹著醬汁都唔會令炸雞🍗變腍。甜辣醬比例均勻夠惹味。而青辣椒蛋黃醬就第一次食，青辣椒蛋黃醬其實就唔辣，算係重辣椒香🌶️嘅Creamy醬汁，反而辛辣感覺係來自洋蔥🧅。🌟芝士雞蛋卷雞蛋卷係由四至五層蛋漿🥚煎熟，包住邪惡嘅Morzzarella Cheese，面層吱滿茄汁🥫同芥末醬。雞蛋卷綿軟又厚身，加上芝士嘅咸香，係最快被KO嘅食物！🌟牛肉炒粉絲牛肉粉絲嘅份量十分驚人，大概係夠4個人食😨。粉絲盡吸醬汁，十分惹味，條條分明，唔係”一餅餅”粉絲好難夾。牛肉就用上肥牛，配埋基本配料：冬菇🍄、洋蔥🧅、紅蘿蔔🥕、金菇就更加惹味可口。

李家 • 荃灣荃灣海壩街有間食韓國風格好重嘅韓式餐廳，入到去除左聽到大大聲播住韓文歌之外，店內裝修包括燈光同裝飾都有種韓國平民小店嘅感覺，😋😋..✅ 蜂蜜蒜蓉炸雞 🐤 $208炸雞份量好多，面頭淋左好多蜂蜜蒜蓉醬汁。炸雞部位有雞胸，雞翼同雞髀，外皮炸至金黃，好脆口，不過入面略嫌肉汁少左啲，如果多汁啲就好！醬汁好濃蒜香味，醬汁甜甜地同炸雞都幾搭！😋..✅ 韓式魚餅湯 🐟 $168湯係一個胡椒湯底，都好濃胡椒味，入面有好多芽菜同蘿蔔墊底，魚餅有各款形狀，每款質感都有少少唔同，幾有趣！食完炸雞想清清地食呢個都係唔錯選擇～👍🏼..✅ Curacao Blue Soda🥤$38好似海洋咁嘅呢隻藍色soda，顏色幾靚，飲落去甜甜地，好岩曬食完炸雞飲~😛..✅ Lemon Soda🥤$38檸檬味都有少少，不過唔算太特別，帶少少酸，同樣幾配炸雞~

去到荃灣好多美食選擇，本來諗住同朋友去食米線，不過午飯時間實在太多人，見到附近有間韓國菜李家，其實想試好耐😎，聽講係元祖級炸雞，即管去試下。接待我哋嘅係一個正宗韓國人，即刻信心大增！💪🏻💪🏻一坐低見到周圍每檯都好多人點炸雞，我哋當然唔好錯過，要試真啲個炸雞🐓好唔好食，最好嘅就點原味。餐牌上有雙拼嘅選擇另一半我哋揀咗最出名嘅甜辣味，炸雞分量差唔多係一隻全雞！🍂天氣轉涼叫返一個熱辣辣嘅韓國湯窩，點咗一個好特別嘅 牛膝骨湯鍋 湯底濃郁 人參味好重🍲，味道鮮甜帶甘，好重骨膠原，牛膝骨口感有咬口，加入白飯變湯飯最後驚唔夠飽，叫多一個韓式泡菜餅，外脆口感煙韌。

有位朋友住荃灣，地膽帶左我去食呢間炸雞店既元祖。餐廳由正宗韓國人主理，店鋪唔算大，裝修簡約具韓式風格，播住k pop music，環境舒服又有氣氛。自選半半炸雞可以揀無骨同有骨，我地中意啖啖肉，所以揀左無骨。一共有八款口味包括甜辣、咖喱、粟米味等，令人眼花撩亂。🍯蜂蜜蒜蓉炸雞(半隻) $118雞肉嫩滑多汁，外皮薄脆，蜂蜜蒜蓉醬沾滿炸雞，香甜誘人。另外，仲有原粒香蒜，助解膩。🧀芝士味炸雞(半隻) $118呢款炸雞係外層灑滿芝士粉，相對冇咁易膩，仲可以食到雞肉既原汁原味，芝士控絕對唔可以錯過。🍳芝士雞蛋卷 $128芝士雞蛋卷蛋味香濃好滑溜，一切開芝士滿瀉，仲可以拉絲，配埋蕃茄醬一齊食，好邪惡。檸檬梳打 38Coke zero 18食物份量都幾多，建議3-4位朋友share，可以試多幾款唔同既菜式。

之前都聽過呢間餐廳係香港第一代韓國炸雞嘅人氣店今日去完南豐紗廠見附近有分店就去食下📍李家（荃灣店）行入去見到環境有啲似韓國家庭式餐廳🇰🇷啲位好闊落坐得好舒服好適合同好姊妹食住野傾計👩🏽‍🤝‍👨🏾✅前菜：醃蘿蔔&沙律椰菜絲💰免費食之前可以開下胃🥗食完辣嘢又可解膩✅年糕餃子湯 💰$98比起平日食開嘅餃子🥟韓式餃子一向係我最愛又大又好味 好足料✅芝士辣雞年糕 💰$178芝士厚厚咁鋪係面🧀配埋雞、年糕同雜菜食可以中和返啲辣味趁用鐵板啱啱送上嚟時食就最好味唔算太辣🌶唔食得辣嘅應該都接受到✅韓式辣豬手 💰$198唔多地方有韓式豬手食呢度煮到又腍又入味豬手亦好細心地整到細細塊方便食值得一讚👍🏻整體嘅餸菜都好正宗嘅韓國菜份量都好足料值得再去食🥳

李家成日叫foodpanda便當都覺得好好食，一直好想搵日去門市試一次，不過堂食梗係試招牌炸雞🍗另外仲有湯飯、鐵板料理、炒粉絲、炒年糕等供應，選擇也不算少。荃灣分店裝修簡約，加上有部分店員是韓國人，真有點地道韓國感覺。甫坐下就會奉上前菜醃蘿蔔、椰菜絲先開開胃。🔸自選半半炸雞 - 蜂蜜蒜蓉 $113 + 甜辣$98兩款均沾上了滿滿的醬汁，好夠味而外皮仍保持香脆。蜂蜜蒜蓉甜甜的好重蜂蜜味又帶點點蒜蓉味道，而且仲食到有花生粒可以增加點口感。甜辣醬偏杰身一點，入口唔會太辣，兩者相比甜辣會較惹味少少。🔸芝士雞蛋卷 $128好厚身又大份，以雞蛋包着滿滿的芝士，切開還有拉絲效果。🔸泡菜餅 $138大大塊份量足，點上醬汁一起享用更惹味。🔹西柚梳打 $38🔹藍色多瑙河 $38

餐廳由韓國人主理，好像走進了一間韓國的家庭式餐廳一樣。我們點了無骨半半炸雞（原味加甜辣）炸雞的份量多，外皮的炸漿非常香脆，雞件鮮嫩多汁，食落啖啖肉。甜辣亦都加上蒜蓉，十分惹味，不吃辣的都岩食。海鮮蔥餅海鮮蔥餅幾乎有2隻水掌咁大，滿滿的海鮮料，如魷魚、蝦、蜆肉，還加上大蔥增加鮮甜味。煎餅厚實，咬落Q軟，有蛋香味，十分真材實料。牛肉炒粉絲上枱時給它的超大份量嚇倒，2個人吃完已經飽了一半有多。粉絲炒得剛好，咬落Q彈，而且有滿滿的蔬菜絲和牛肉，食落甜甜的又有很香的麻油味，水準很高。這間店所有食物的份量都比預期多，頗適合人多的聚會。而且菜式很正宗，有住家菜的感覺。

✨ 李家係由韓國人主理既炸雞店 尖沙咀分店我都已經食過好幾次🥳今次就去咗荃灣分店食😋雪濃湯味道剛好 牛肉軟稔 入面仲有麵線 另外會配埋白飯 泡菜/醃蘿蔔 開始天氣轉涼 啱晒食韓式湯飯 特別暖胃🤭👍🏻✨炒粉絲大大碟 接近三至四人份量🤣幾抵食 可以揀牛肉或者豬肉 熱辣辣炒起 配料好多好吸引😍味道好香口惹味 停唔好口 必試🤤最後梗係揀咗必食嘅炸雞 份量好多 起碼有十幾舊🤟🏻青辣椒蛋黃醬第一次試 勁多醬汁👹味道酸酸地好開胃 配埋洋蔥都好夾 炸雞依舊外脆肉嫩 啖啖肉 好滿足😝未食過李家既must try佢哋嘅炸雞 出色😎👍🏻🍴雪濃湯 $168🍴牛肉炒粉絲 $158🍴青辣椒蛋黃醬炸雞跟洋蔥 $218📍 李家 🔍 荃灣海壩街16號地下

海壩街一整排食店都排隊只有李家有位， 咪入去 我相信我吾會再去食客： 原味炸雞， ....吾該店員：炸雞要吾要骨？ 食客：要， 有骨香d原味送到，食食下， 辣嘅， 就問店員店員1 : 係呀，有骨係辣食客, 下， 原味係辣， 咁辣味係咩？店員1: 有骨係辣架食客： 咁頭先落單果時吾講嘅店員1: 係你地自己無問食客： 叫原味要問辣吾辣？！？！店員2 : 再衝出黎幫口， 堅持有骨係辣食客：無再出聲之前再上錯一碟餸， 擺明寫錯枱夾硬要我地食， 我就明白點解無人幫襯食一次就明白幾百個讚何來最後埋單仲計多左2 杯啤酒錢

李家炸雞果然炸雞🍗出色，佢哋有好幾間分店，今日嚟到荃灣就去一嘗味道。原來除左炸雞外，雪濃湯飯都好好食😍 店舖以卡位為主，枱上都準備好水同杯，還有搓手液，下單後就先送上醃製蘿蔔同沙律菜😊 半半炸雞🍗半半炸雞，有原味同甜酸味，一份嘅份量都好大份，飄散陣陣香味，外皮好鬆脆，肉質好嫩滑 雪濃湯濃味牛骨濃湯，充滿香濃牛味，但係唔油膩，好清又有牛骨肉味 Terra Rita🍹啤酒配梳打特飲，一邊飲一邊啤酒從樽慢慢滲到大杯內，可以保持冰温，特別清涼 桃汁🍸清甜桃汁又香又怡人

👍🏻 自選半半炸雞 （蜂蜜蒜蓉炸雞 + 青辣椒蛋黃醬炸雞跟洋蔥）炸雞上檯時熱辣辣 外脆內嫩 雞肉十分嫩滑 炸雞有好多隻唔同味道 比較推薦蜂蜜蒜蓉味😋 蜂蜜甜甜嘅味道 加上一粒一粒嘅蒜蓉調味 令到炸雞嘅味道更上一層樓另外一隻味就係青辣椒蛋黃醬炸雞跟洋蔥🧅 爆多嘅生洋蔥加上濃濃嘅青辣椒蛋黃醬 上檯時望落非常澎湃 食落口有一點點辣辣嘅感覺 加上生洋蔥嘅配搭 口感一流👍🏻 味淋魚乾一共三大塊味淋魚乾 上檯時仲感覺到魚乾熱辣辣 食落口有脆脆嘅口感 味道帶點甜味 作為佐酒小食非常不錯🤗🤗👍🏻 Apple Cider Rita打卡一流嘅飲品 呢款飲品含有少量酒精成份 飲落好重蘋果梳打嘅味道 注意事項⚠️- 餐前會有兩款小菜 酸蘿蔔及沙律🥗- 可以問店員攞手套 食炸雞就唔怕油膩啦

[ 李家 ]荃灣香車街一帶有幾間人氣餐廳，而呢間韓國料理店係港九新界都有分店，主打韓式炸雞🍗🍗✿ 蜂蜜蒜蓉炸雞(無骨) $118半份✿ 芝士調味炸雞(無骨) $118半份餐廳有多款有骨&無骨炸雞選擇，除咗全份炸雞，食客可以自選「半半炸雞」，咁就可以試到兩款口味😋半份炸雞份量已經超多🐔😳 無骨炸雞啖啖肉，外皮香脆，肉質鮮嫩好juicy。蜂蜜蒜蓉適合中意食甜嘢嘅朋友；而芝士炸雞嘅芝士味好香濃，比較襟食。✿ 牛肉炒粉絲 $158韓式炒粉絲係傳統韓國料理，口感煙韌，材料有牛肉、菠菜、洋蔥、紅蘿蔔、蘑菇等，份量超大碟，適合3-4人share食。✿ Rainbow soda 西柚味 🌈$38食咗咁多炸雞，飲返杯果汁梳打既解膩又解渴😋 中意飲酒嘅朋友餐廳都有唔少酒精類飲品選擇。總結🫦餐廳嘅韓式料理份量超大份，今次去食只係叫咗好少款式，唯有下次再去食埋其他款式啦🫢🫢✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿李家Chicken Hof & Soju地址：荃灣海壩街16號地下電話：3709 2177✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

煲得多韓劇真係成日都想食韓國野，韓國野首先諗起就會係炸雞。一啖炸雞一啖啤酒真係好好好爽架。炸雞必食元組級李家，分店多又抵食。.炸雞有好多口味可以選擇，我地心多多就緊係揀半半炸雞🤩可以一次過試兩隻味道，仲一定要揀無骨 ，咁先係真正啖啖肉!.無骨蔥炸雞（半隻) HKD113即叫即炸，上枱時熱辣辣，真係好正。炸粉唔會厚厚的，雞肉嫩滑又juicy🤤 加埋蔥絲一齊食，香口👍🏻無骨蜂蜜大蒜炸雞(半隻）HKD118以為會好甜同勁重口味，點知比我想像好👍🏻大蒜味道恰好，配埋蜂蜜非常香甜惹味酥炸魷魚鬚＋年糕湯套餐HKD158呢個餐好抵食，有兩大隻炸魷魚仲配埋一大碗年糕湯，超有份量。Stella HKD68/杯炸雅＋啤酒係 perfect match! 筋直互相輝映🥰.兩條友仔眼闊肚窄😂😂同埋低估左李家抵食夾大件程度，最後都要打包返屋企食但估唔到返到屋企食都仲係好食。

元祖級韓式炸雞店開左咁多年 到底有冇退步呢?播住k pop 裝修都是舊式韓國餐廳咁主打炸雞同埋韓式料理 好多年冇食啦突然諗起佢🤭 .🔸青辣椒蛋黃醬炸雞跟洋蔥 $218 (+$10 轉冇骨雞)揀冇骨雞係必要!! 咁樣食先夠爽想講佢勁大盤 絕對夠2-3人食 巨多青辣椒蛋黃醬 每一件雞都可以撈醬雞件夠嫩滑多汁 多皮炸得夠脆~ 絕對冇退步到.🔸豬肉炒粉絲 $158碟炒粉絲又係勁大盤 2-3人食都飽到抱全個肚走炒得入味 配料好多的唯一係林左少少 如果炒到爽口d更加正啦.🍹蘋果梳打 $38飲品正常😆📍李家📌荃灣海壩街16號地下