李圓圓 (億利工業中心)

营业中

休息中

台灣最好飲嘅黑糖珍珠鮮奶李圓圓香港開咗三間分店分別喺荔枝角佐敦同埋旺角三間分鋪嘅水準同喺台灣嘅做都係一模一樣雖然佢主打係黑糖珍珠鮮奶但我個人最鍾意飲嘅係黑糖珍珠奶昔因為感覺冇咁甜之餘仲比較健康熱辣辣軟綿綿嘅珍珠係沙冰嘅急速冷凍下變得堅堅韌韌由於沙冰好快融嘅關係，所以呢杯飲品亦都冇得做外賣除咗奶類嘅飲品之外，佢嘅冬瓜茶亦都好出名夏日炎炎飲番杯就最適合如果你叫我唯一挑剔嘅就係佢有部份飲品真係太甜未必真係適合香港人嘅口味又或者講未必係唔適合只不過感覺音樂太唔健康但係間唔中一兩杯都係可以接受如果真係太甜想試吓其他可以試吓佢嘅奶茶系列因為黑糖珍珠嘅黑糖已經一早煲好咗冇得調教甜度但係奶茶就可以另外見着佢將個好嘅珍珠攞出嚟嗰一下又真係好療癒

今日lunchtime 經過見有時間一於買杯飲品返公司飲飲！店舖裝修以簡約設計，地方都幾大，仲有一個大玻璃窗可以睇到廚房環境.廚房地面乾淨.仲可以睇仲點煮珍珠！飲品（冷/溫/熱）選擇！苿香黑糖珍珠（$22）去冰正常甜茶底都幾夠茶味，帶少少茶澀味，仲好香苿莉花味！又唔會太甜！溝埋黑糖珍珠一齊食！甜度剛好！珍珠好香黑糖味，口感煙韌.食落口感似芋圓，好特別.朋友飲-黑糖珍珠鮮奶綠茶（$30）味道略為冇乜茶味！可能因為鮮奶嘅關係！比一般嘅奶茶略微遜色！

🥤荔枝角 來自台灣的完美黑糖珍珠🥤一直都想試台灣李圓圓好耐，在香港一共有三間分店，另外兩間係佐敦，旺角，今日咁啱經過荔枝角，已經見到勁多人排隊，店家用上明火去煮珍珠，所以特別好食，我都要買返杯試試🥤黑糖珍珠鮮奶2.0 $33(完美比例）🥤飲黑糖珍奶真係要點正常，保持完美比例，第一口飲落，冰度，甜度剛剛好，黑糖珍珠超軟熟Q彈，黑糖味突出，大口飲感真係好正🥤呢間的黑糖珍珠真係好正，暫時咁多間黑糖珍珠，個人最喜歡呢間的口感煙韌，重黑糖味，而且是黃店，撐醫護，所以好值得一試

台灣淡水人氣珍奶李圓圓喺香港有三間分店，店舖主打2小時慢火熬煮黑糖珍珠。依間舖好飲又係黃店，值得懲罰！😋💛黃店認證： 5.8、11.11響應罷工和支援手足；撐前線醫護。⭐️👻GoodMalling app有李圓圓飲品優惠⭐️👻凡出示醫護證件可免費飲，撐前線醫護💪🏻👓 黑糖珍珠鮮奶2.0 $33採用咗明治奶，2.0進化版指加多咗30%鮮奶，所以真係好重奶味💁🏻‍♀️ 珍珠彈牙又夠黑糖味，唔係死甜味。整體唔算太甜或好漏。有人因唔鍾意奶味而選擇愛飲黑糖珍珠奶茶，但如果你係鍾意飲鮮奶嘅話李圓圓夠重奶味會適合你😋李圓圓嘅黑糖珍奶落得比較多黑糖醬，唔係剩係得珍珠先有黑糖味，所以成杯飲品同時亦重黑糖味。不過我鍾意依個比例👍🏻😛熱辣辣嘅珍珠配上凍冰冰嘅鮮奶冰火感覺一流🤤評分：9/10

今日去咗幫襯 "Yellow to Golden" 嘅台式飲品店「李圓圓」。我幫襯呢間其實係荔枝角嘅分店，黑糖和珍珠都係現煮嘅，感覺好新鮮。買咗黑糖珍珠鮮奶紅茶2.0，黑糖珍珠冬瓜茶，呢兩杯飲品真係我真心推介。黑糖珍珠鮮奶紅茶，味道好有茶香，亦好有奶香，加埋豐厚嘅黑糖，同埋煙煙靭靭嘅珍珠，果然係黑糖珍奶嘅極品！黑糖珍珠冬瓜茶，味道真係甜甜蜜蜜，冇想到，原來黑糖加埋冬瓜茶會係咁好飲，又唔會太甜，係啱啱好，又解渴好好飲！

買左一大堆din(就係尋找台味之旅3）至發覺沒野飲tem就搵一搵，遠在天邊近在隔離的台飲店bo，咁就一系列合乎台味主題買黎飲，雖然有8成想買黑糖珍珠鮮奶2.0（2.0＝多奶）但諗起買din好似都好多評估自己的戰鬥力後就降低至3成（會太飽對身體唔好）然後難得見到有冬瓜鮮奶賣就已經決定好就買佢的2.0版。雖則甜度已固定沒得調，但甜度沒話好甜（對我而言）明顯鮮奶都多but冬瓜茶味唔夠出丫2/3奶，1/3冬瓜茶。可能因為飲慣台灣甜到high high至覺夠勁的冬瓜鮮奶所致啦，但整體唔錯架，fd個杯野飲認真清淡feel啦~可能認真要飲佢招牌至斗，下次有機會就試下無坊的

想去荔枝角工廠買食材咁岩碌ig又見到有人推介呢間既飲品橫掂行過 點都要試下來一個：黑糖珍珠鮮奶綠茶🤩🤩🤩🤩🤩🤩🤩🤩🤩🤩d珍珠聲稱係手制煲兩個鐘，焗兩個鐘omg!!!第一次飲台式飲品係覺得d珍珠好味過個茶底d珍珠勁好咬又唔貴，$30真係值得一試

來自台灣的「李圓圓」開分店到荔枝角，咁近公司，可以得閒落去飲返杯，可愛的圖案已打動我，黑糖珍珠更是誘惑著我。周圍有聖誕裝飾，幾有氣氛，店員有禮，出飲品速度也算快，唔使等好耐，就可取飲品。主打黃金比例的黑糖珍珠鮮奶，還有配搭紅茶/綠茶，唔少得的古早冬瓜茶系列，還有鮮奶拿鐵系列，茶飲系列及岩哂冬天的暖笠笠薑汁系列，價錢$19-33。珍珠用黑糖熬煮2小時，味道相當濃郁，而且用甘蔗煉成的純正黑糖，甘甜帶香，甜而不膩。我買左兩杯，一杯係黑糖珍珠鮮奶，另一杯是黑糖珍珠鮮奶綠茶，兩杯都揀了2.0，即是厚奶版本，比原本的增加30%鮮奶份量。先下單付款，再等取飲品，等待時留意到店內提供的正確飲法，不用搖杯，只需用吸管搞5-6圈便可。黑糖珍珠鮮奶2.0 $33加多左奶量，果然有濃郁奶味，黃金比例真係好正，冰量也剛好，搞幾圈令珍珠冷卻，質感變得更Q彈煙韌，非常好咬，而且黑糖味越咬越突出。黑糖珍珠鮮奶綠茶2.0 $33鮮奶綠茶多份清香茶味，呢款可揀冷量同甜度，所以揀左少冰和半糖，少冰都夠令珍珠由暖變冷，所以都很軟綿Q彈，半糖加上綠茶同多奶，所以飲品微甜，味道都很好，更適合男生飲。外帶包裝也很可愛。

本身叫左綠茶鮮奶2.0佢話要入food panda 單叫我等等我話ok跟住就等左5分鐘我再三重複要綠茶鮮奶2.0 熱 無糖佢都係入錯左做綠茶鮮奶咁就算啦 我話反佢知落錯左 佢就幫我改反點知個同事get錯左做黑糖珍珠綠茶鮮奶2:0凍我完全唔明白係點先可以睇錯成咁都算啦我就話反佢知佢居然問反我 明明杯上面印左單😂我完全無奈左 佢係同經理再三溝通之後 就出反一杯俾我見到佢封膠膜我已經覺得奇怪 熱架喎？一攞上手，果然 暖既我都懶得投訴諗住算啦 一邊行出舖頭一邊飲左啖凍既。又未可以話係完全凍，係熱飲攤凍左一半既感覺我行反入去同佢講佢好唔耐煩 整過杯都算 見佢忙 點知佢「呯」一聲dum反杯新既俾我既時候fing左我一眼鏡牛奶攞上手杯野仲係暖既 未去到熱我都嬲到廢示理我買一杯野飲等左20幾分鐘 換左2次味道普普通通 仲要唔熱我都係想咁凍飲杯熱野姐態度差我已經廢示理 但fing我一眼鏡牛奶係點？發我脾氣？😂野又唔好飲 唔會再幫襯。

食完飯諗住搭MTR走經過見到呢間黑糖珍奶店咁try try 啦呢杯係店主推介TOP 4 既黑糖珍奶沙冰 $33本身想叫小糖但店員話無呢個OPTION，但可以「不」少D 黑糖畀我地 lol（我諗佢既意思係除左黑糖之外，係冇糖漿架）通常飲開既黑糖飲品都會好甜好甜但呢杯竟然唔會！佢既toppings 係牛奶沙冰中間個層係鮮奶最底係黑糖+ bubbles 好有層次～～～～～～同埋佢d黑糖同bubbles都真係好香好香～～下次會再試埋其他店主推介的飲品  

是次點了黑糖珍珠鮮奶紅茶，半糖，小冰只點鮮奶很濟，所以加了紅茶。今次是第一次喝李圓圓。店舖跟自己工作的地方很近，開業很久但從未試過，所以今天口痕痕就試一試。珍珠太甜了茶底淡而無味，喝不出是紅茶鮮奶味也很淡不是難喝，可能是不合自己口味。

聽講呢間係台灣淡水人氣既珍奶，既然咁出名就當然要試下呢個過江龍！佢地店舖主打明火煮製2小時黑糖珍珠，粒粒Q彈煙韌，咁所以我就叫左杯凍黑糖珍珠鮮奶！order個時怕太甜叫左半糖，但員工講先知呢杯既糖同冰都係固定。黑糖珍珠鮮奶佢既奶好濃厚，好重奶味又唔會太甜；珍珠就真係非常煙韌，粒粒咬開都超重黑糖味，小小炒香左既糖味但又唔會好膩！佢既黑糖味加落牛奶好夾，岩岩好唔會太甜，又唔會搶左大家既味，等我一黎仲驚太甜添！呢杯真係值得推薦，個人認為比另一間較出名既過江龍好飲，無咁重味同一味得個甜字，下次要試下其他野飲！

去完D2 PLACE 市集, 見到呢間珍奶店排哂長龍, 乘機8下有咩咁特別, 買左杯黎飲。由於本人唔喜歡太奶既飲品, 就揀左溫黑糖珍珠鮮奶紅茶。奶茶味道同坊間台式奶茶有D唔同, 因為佢更似係港式奶茶, 帶點甘甘的。而雖然我叫左少甜, 但由於珍珠好有糖份, 成杯珍奶都幾甜下。珍珠口感好軟熟, 可以ENCORE!

今日放假，做完私事，可以偷閒下行下街仔，係荔枝角附近見到有間黑糖珍珠茶店，茶店開到通街都係，但有間令你想飲完再飲既並唔多試左個黑糖珍珠鮮奶2.0 完美比例，顧名思義就係已經專業地調配好味道，我心諗有幾完美呀，點知試左2啖，有驚喜啵，味道確實幾好喎，奶味好鮮，黑糖珍珠又唔似其他店既黑糖珍珠超甜，搞到我平時只會食幾粒珍珠就算既我今次食左一大半珍珠

又一間珍珠奶茶店🙏🏽🙏🏽好耐無飲過黑糖珍珠鮮奶😂😂，今日經過呢一間，聽講台灣好紅，所以又試吓，而家已經完全唔使排隊了，一入去就買到，有好幾種黑糖珍珠鮮奶選擇，我揀咗呢個少冰多奶版嘅🙈🙈👍🏼👍🏼👍🏼，黑糖珍珠鮮奶2.0❤️❤️🧡🧡🧡, 感覺其實同平時飲嘅差唔多，不過奶味再重咗啲啲，鍾意飲奶，好似我嘅朋友，可以一試，但係珍珠就普普通通過得去啦，良心小店，係要去支持下既👏🏽😺😌