影片
食家推介
云吞松松散散，无香港风格。可以俾多八蚊去附近其他有云吞卖既舖会舒服得多。单款面 28，双拼34，净食一样价。只收现金。份量普通偏少。云吞里面确实有虾呢个算系咁啦，加上少量睇唔出系乜既肉，非常浅色但又唔似肥肉。但系呢类平到无可再平既粉面店始终有个问题，就系味道始终有D唔到位。不过比肥仔记好，我去湾仔肥仔记食云吞系已经开始腐坏变味。我食云吞粗，粗面好薄身，感觉奇怪。员工质素差欺软怕硬。见到国内大佬模样就客客气气，落单落错咗都唔敢讲一句，对我本土人就粗声粗气。只收现金但嫌我D纸币有「迹」（本来系利是钱倒泻水所以有几哒红色）拒绝收我张20 蚊。服务垃圾到极点既店，味道普普通通，除咗够平+快已经无其他好处。28 蚊我俾多两蚊去麦门食套餐好过啦。唔怪得附近店都排队排到出路边，但佢永远可以坐低，纵使我旁边客人都食得好慢。旁边四个人全部比我早入座，我去到全部都已经食紧，到我走都未食完。两个小姐姐斋聊天直到我走佢碗粉都无乜减少到，一个小姐姐睇手机，一个学生打机打到够先开始食。唔会再黎啦。以后见到权记都唔会再去。
继续阅读
那天，冒著大雨为自己的新目标而努力，早上收电话，下午立即过海。到埗后就立即找一个地方，可以快快趣医肚，令自己准备充足。一出地铁站，再过对面马路，就在著名的汤丸名旁让我发现《权记云吞面》这一个耳熟能详的名字。当日既目标是嗱嗱临吃好就走，快快趣𡁻碗云吞面就啱晒我心意啦。当日叫了一碗云吞牛丸粗面。可以说，这是一碗很传统的广东汤面，汤底带点枧水香，面条入口又够爽。单是以面来到，是不错的。云吞，是他们的招牌，可以说是没花假的好味道。够香，有虾粒，也有味道浓浓的大地鱼香味。牛肉丸味道是浓郁，但我觉得太硬，黑椒味也太强。好不容易，我成功了。炮台山一带开始成为我经常出没的地方。为了庆祝，同因为这天要搞银行野搞到冇时间，我又来《权记云吞面》了。这次点的是鱼饺贡丸粗面。鱼皮饺，皮够烟韧香口，连带到整个饺子由内到外都十分之香口，贡丸就可以用爽脆来形容。这一次，整碗面令人满足。应该是前年吧，玻璃樽可乐说要暂时停产，令到全香港市民都大叫怀念。也不知是去年或是刚刚好今年年头，玻璃樽可乐又再出现在大家眼前了。我立即要了一支，因为，我觉得，面同可乐系一个绝配。可乐的味道就不必再用文字去影容了，而且可能是心理问题，总是觉得玻璃樽可乐好饮一点。简单快趣，比起快餐店茶餐厅更加之快趣。嗱嗱临𡁻碗面，可以说，系香港人既生活写照。因为身在香港地，好多野都要快，而面店，就正正做到了快靓正三个字。多年来，都是老少咸宜的饮食地。
继续阅读
ғᴏᴏᴅɪᴇ ᴛɪᴍᴇ 今次食咗权记云吞面喺港岛区竟然有$20嘅云吞面，真系好抵🥳其实佢大部份单拼都系$20，质素正常，仲可以拣面底😋鱼蛋一共有5粒，都叫做几弹牙🤩我就叫咗河粉，但系唔知点解食食吓超大碗😂可能吸左啲汤食极都仲有咁🤣仲叫咗个油菜， 都系$10就有一大碗！
继续阅读
【抵食云吞面 】系北角炮台山附近做完野，又到LUNCH TIME，就系附近揾餐厅食饭。经过权记云吞面，望到个餐牌，真系好耐无见过咁平的粉面，只需要$20，就有一碗云吞面，好正！云吞面的份量适中，唔会话好小，对女仔来讲啱啱好，面入面有4粒大大粒云吞，真系有大虾系入面，亦都几好味！见到油菜一碟和一碗净面都只系$9，好抵食。临走前我仲买左包炸鱼皮FOR今晚打边炉用，都几香脆，家人都觉得几好味！餐厅环境一般，唔算太干净，而且服务真系有待改善，楼面姐姐个个都好似好唔耐烦咁，一坐低就要我即刻叫餐，我都未睇得切。
继续阅读
二十元能吃得饱吗？ 答案是权记的招牌云吞面。一碗面内有4大粒外皮薄但充满著虾肉的云吞，加些红醋、辣油一起吃，满足非常！面条以高汤泡著，加几滴鱼露，令整碗汤的咸鲜味提升不了，香味随著热气漂进我的鼻子，面条也颇弹牙，这餐真是划算。
继续阅读
您可能会有兴趣的...