朴將軍 (已結業)

上网睇到Facebook有$88炸鸡放题，就谂住同朋友一齐试吓啦。我哋一行入去，个地下好似有好多胶水咁，行步路都痴粒粒，好核突。跟住我哋坐低左就谂住叫炸鸡，点知要叫好耐啲waiter先会留意到，同埋佢哋平时都唔系好留意有冇客人叫佢哋。跟住我哋落order嘅时候，我哋就叫咗蜜糖、甜辣、原味同埋烤酱，但系个waiter完全冇覆我地单同埋你都冇回覆我哋，佢只系点下头，一粒声唔出就走左。跟住等左10分钟左右，啲鸡就嚟咗。都几大碟。但系佢整埋一碟，完全分唔到边只味打边只。同埋佢啲鸡一啲都唔热，只系有少少暖，同埋啲鸡肉炸到干晒，仲干过KFC。只系有将𠮶啲甜辣味冇咁干，但系个酱调味得一啲都唔好食。同埋原味嘅鸡胸肉好干好似沙纸咁同埋佢芝士味已经卖晒，冇得试。所以我情愿俾贵少少，食返啲非放题嘅炸鸡。…查看更多

早一日book好枱，1500食炸鸡放题，去到同我地讲冇鸡，要等1700下一轮，咁book枱嘅意义何在？另外员工态度恶劣，完全冇歉意，专登同朋友过嚟铜锣湾，结果失望而回，不会再帮衬！！！…查看更多

一入到黎 冇人serve明明冇乜客 个staff 都系到发梦好啦坐低左 试下个炸鸡放题其实冇乜要求 正正常常都接受 毕竟依个价钱但系啲鸡系完全冇味 鸡肉入面完全冇味好似就咁炸完只鸡就沾啲汁就serve 比人食咁最令人受气系个韩国人staff已经得一个staff佢仲要好似唔想做咁 系到发梦之后仲激气有个都系韩国人嘅人黎左个staff 仲正 直头企左系到同佢个fd 倾偈成个场嘅客都唔理有人叫佢 佢仲挥一挥手 之后继续吹水吹完先埋台 有冇搞错？以后唔会再黎！！题外话 其实前一晚十点零黎左睇佢广告牌话收一点 未上黎想食 点知佢话收左又系果个韩国staff 睇黎系佢自己定嫁个收铺时间以后都唔会再黎 系以后 贴钱买难受…查看更多

贪佢个$88任食炸鸡去食……另外再嗌咗个牛肉饭卷同芝士卷蛋加野饮。个牛肉饭卷嚟先，好大份，但完全无韩式饭卷嘅麻油味😑之后嚟芝士卷蛋，都唔错，但佢面头个茄汁好有麦记味😂重点当然系炸鸡……我嗌咗4只味……但……除咗原味我都唔系好分到啲咩味打咩味……原味分到系因为啲鸡系无味嘅……系无味！所以虽然系任食，但我只系嗌咗一round ……因为真系食唔落😣Fail......唔会再去食……KFC都好食过佢😓…查看更多

第一次写食评就系为咗唔想见到人俾钱去试伏。就系咁既，朋友见到$88任食炸鸡放题所以组队一齐食，虽然唔会比好高expectation因为真系平，但佢完全唔值$88啰。d鸡又干又唔入味，每次比既份量都唔同，第一次俾一大碟，之后少到每人得一旧鸡。难食都算，淋住食个饭坐低同朋友吹下水，点知同个侍应自己听错野系到发我地脾气，以为大声就赢晒（佢系韩国人，讲普通话），从来未见过咁既服务态度。绝对唔推荐，唔会再食，失望至极，影衰佢自己系韩国个间餐厅，希望唔好再有人中伏。…查看更多