朱敏記大牌檔

营业中

休息中

約咗朋友喺長沙灣等，朋友見到呢間餐廳幾得意就幫手攞埋位，呢間朱敏記我之前食過土瓜灣分店，印象中佢個胡椒豬肚湯係幾足料，所以都想試吓呢間新開嘅分店。weekday 6pm啱啱開始晚市，其本上人流唔多，侍應都係一貫嘅服務態度，好多嘢都要問兩三個先有人應。蒜蓉蒸蠔仔：賣相先扣一份，又浸滿油咁，個菜式嘅presentation真係要搞搞佢，啲蠔仔好細粒，基本上幾啖下肚就冇晒啲蠔仔，而且因為落得太多蒜蓉嘅關係，成碟嘢只有蒜頭味，完全蓋過蠔仔本身僅有嘅鮮甜味道，可以話係本末倒置，調味掩蓋咗食物本身嘅味道蒜蓉蒸吊桶：俾足8件排到靚靚都好有心意，但啲吊桶好靭，同埋即使落咗蒜蓉都掩蓋唔到吊筒嗰陣腥味豆豉鯪魚油麥菜：最後叫咗個油麥菜，呢度菜理應係家常小炒，似最穩陣嘅菜式，但唔知係落鹽定其他調味料重手，我覺得鹹得滯，而且油膩感重，食咗3份1到就要放棄就係啱啱先上返OpenRice諗住打個食評，點知原來已經係負評如潮，早知睇咗OpenRice先，叫我朋友即刻轉餐廳，唔使嘥咗個胃

話說今日老公話見到拒唔使排隊，同埋見拒杯超大凍檸茶好吸引，於是就去試下！我地當時係2點落單，一個牛河，一個蒸陳村粉！個waiter仲話炒嘢要耐D！我地心捻，炒個牛河應該20分鐘都得了，點知30分鐘都未有野到！然後見到周圍D人都開始催單，我地就知道瀨野了！等到40分鐘，見到一堆牛河出黎，原來係等埋曬一齊炒！仲要炒到爛曬，燶噶！份量又少！我食左一啖，唔知食左D乜！跟住等左45分鐘，碟陳村粉都未到！最後放棄，唔要埋單走！真係不知所謂！

又到咗夜麻麻搵嘢食嘅時候，突然諗起呢間餐廳就去試吓。晚上九點幾入座，餐廳好多人，幾乎坐滿，咁啱唔使等位，門口見到五光十色嘅雷射燈，播住好大聲好勁嘅音樂，好有disco feel，望入門口大部份都係上咗年紀嘅中年食客，有啲食客興起喺度載歌載舞，真係第一次見識😆環境非常熱鬧非常之嘈，每個位置有唔同嘅佈置蒜蓉蒸吊桶 - 個人覺得呢碟幾好食，平時出邊嗰啲吊筒好細隻，佢係好大隻，蒜蓉和汁好味豬油渣炒椰菜苗 - 好大碟，成盤上，味道偏鹹椒鹽豆腐 - 正常份量和味道大檸樂 - 勁大杯，只係三十幾蚊，係大型啤酒杯嗰隻size脆皮花生 - 冇椒鹽味，係鹹鹹地嗰隻，唔食花生嘅我試咗一粒，呢碟係強迫你要的，坐低就要必須收費食物質素冇乜特別，最差就係落錯單，第一次嚟張單嘅餸菜唔係我哋叫嘅，叫侍應更正，第二次再拎單嚟都係錯嘅，到第三次先啱。之後又送錯餸菜嚟我哋張枱，原來就係之前佢落錯單嘅餸菜。另外，我哋食咗個零鐘，椒鹽豆腐都仲未嚟，上菜就真係有少少慢，同埋價錢偏貴。

3個朋友諗住出黎食下飯,吹下水。見新開冇耐試業中的朱敏記大排檔就去試下。雖然係星期三，夜晚食市竟然要等位！？之前行過的都唔會爆棚，就係因為好奇，我們都選擇等這裡食飯。食物味道唔錯，有些更加係比在內地更好食。雖然價錢偏貴。當晚叫左最好味的“麻辣手抓骨”， 食到9點左右會搖身一變成夜總會，迷幻燈光加勁音樂節拍，真的很新奇。但未必個個喜歡。Anyway, 同朋友慶祝生日，或者試下新奇野，強力推薦。

中伏，未食過全部係麵粉，炸到硬咬唔入的咕嚕肉，粒肉係勁迷你，麵粉勁多，小炒王好似係淥熟完再炒咁，完全配唔上大排檔呢個名，冇鑊氣冇味道！松子魚賣相OK，不過都係全條都係麵粉，食炸麥粉咁，鐵板桶蠔啲桶蠔係出咗水啲水都未乾，就擺上鐵板，蠔裏面完全都唔夠熱，根本就未夠熟就攞出嚟俾人食，味道較為正常嘅，就係烤羊排，同埋杯大檸茶！如果係想食大排檔嗰啲有鑊氣嘅口味，呢度完全俾唔到你，………………………………………

落單等好耐，伙記半個鐘無出菜單，遲來食客都已經落單、出單、上埋食物我們還在等，伙記推搪同事食飯中，他們應該漏咗單，已經一個鐘還在等，催了幾次還未出餐......🤬🤬🤬🤬🤬

朱敏記大排檔一直好出名，近期係長沙灣開左間新分店。宜家試業中，門口都已經大排長龍，人山人海。新舖新裝修，同之前大牌檔裝修比完全唔同，好多霓虹燈牌，佈置滿分。食食下到九點鐘就會有個熄燈儀式，有埋廣播，全場一齊倒數，都幾有新意，氣氛唔錯咁岩我地八點入場，見證住由開燈到熄燈。熄燈之後個場就開始轉哂氣氛，隨機播住懷舊歌曲、韓國音樂等等，仲有侍應係到拍手帶氣氛，鍾意熱熱鬧鬧既人就岩啦。不過如果想同朋友仔傾計就唔建議啦，因為音樂好大聲，根本聽唔到杯檸檬茶大杯到，一個人真係飲唔哂唔知係咪人多，上菜速度就慢左少少。不過唔限時，慢慢上慢慢食都okay。

有錢唔賺，特登試吓，去買午餐外賣，收銀寸咀話唔做外賣，好忙，又話等一個鐘囉，咩嘢態度，又話有幾好食，又話最緊要服務，一個咁寸咀嘅員工，係度趕客走，唔知老闆又知唔知呢，唔通係老闆意思，真係太忙唔做外賣，外賣錢少賺唔到，只係做堂食？係就麻煩寫幾個大字話俾人知，唔做外賣啦⋯⋯又唔係得佢哋一間所為嘅食肆，再搞幾多新花款新菜式都無用，過咗度氣咪又係普通野，應該管員吓啲員工，辛苦唔好做，休息下，唔好趕客，態度語氣要好啲⋯⋯

約咗枱8:00，點知去到要等位，等咗成半粒鐘問服務員幾時有位？又唔答你，一味話盡快，等到9:15先入到去，喇叭勁大聲，根本講唔到嘢，嘈到耳仔都暈，價錢又貴又鹹又唔好食，尤其嗰個魚香茄子，咸到…，事頭婆好多人都覺得佢好好招呼佢，其實我又真係唔覺得，問佢嘢，同埋好彩你

朋友想試，預早幾日book位。去到見到店內一班都是當去disco嘅人，已心知不妙。當日我們一班朋友足足等了1小時30分鐘都仲未能入座，心情超級差。店員完全沒有做到分流、交枱應做嘅責任。訂了枱要等半個鐘，其實我都會接受，但係一個半小時係仲未有位完全唔掂😡

等左1個半小時先有位，非常混亂出面d桌有人打占唔管，播住d音樂吸引一班老野坐到天荒地老都唔肯走叫海鮮d蜆好多沙無洗乾淨而且無乜味，唔沾豉油係完全食唔落口，唔值呢個價錢唔會再有下次

今日諗住同人慶祝生日，平時見門口咁多人排， 入邊爆曬場，以為好好食，完全唔知食緊乜，叫咗三個餸等咗一個幾鐘，吹左四五次先同你跟一跟，入邊啲音樂嘈到你講嘢都聽唔到，叫咗條烤魚浸味似豆豉鯪魚，勁多人喺入邊食煙，九唔搭八，俾錢買難受，食嗰個真係交智商稅，成班中坑喺入邊跳舞，不知所謂，真係鄧嗰度啲員工慘，隻碟就大到成個面盆咁又重，，d餸就少到，…真心冇下次，，d餸油到反光，未試過食到咁嬲， 食到成肚油，，，，

一個鐘菜都上唔哂，啲嘢唔好食太鹹，炸白飯魚一啲都唔脆軟淋淋，啲粥勁水，一碟菜百幾蚊份量少，得個炒通菜好食啲，叫菜都煮唔好就咪開啦。位又好逼，逼到算，仲要有人跳舞，完全唔知做乜9，食食下飯播歌都算，仲要播到勁大聲，連講嘢都聽唔到，一家人食飯完全日啲音樂聲嘈到點解可以係住宅區附近開，小朋友都頂唔順。如果想開club可以去番蘭桂坊，開餐廳就唔該正正常常。一家人落嚟食飯冇諗過可以差到咁。唔會再嚟食，想食嘅都可以食其他，講真尼個價錢去食自助餐都抵食啲。

好耐好耐冇寫評，今次真係忍唔住。野食方面睇食評本身都預左一般，睇到報道覺得幾有創意，都知而家飲食業難做，真心純粹係想嚟感受一下個氣氛支持下。價錢貴都算、嘢食真係唔係個個頂得住，超鹹超重味精🤮🤮🤮，色香味俱冇～大排檔？？？仲要食到有頭髮😒同店員反映～侍應咩都冇講直接收走…咩料，唔好意思都冇句！？好野，一定冇下次。4個人埋單$2553，貼錢買難受😣大家想見識下都可以黎，首先睇吓自己想要啲乜嘢啦！😬

嘢食好鹹！好似d豉油唔洗錢咁，成碟都係，鹹到死！！上菜超慢！平均9個字先上到一碟菜，甩漏好多！ CP值低！夜晚9點半去幫襯，叫佐4個菜，落單半個鐘話我知冇A，9個字出嘢飲，差不多一個鐘出佐一個菜、再過15分鐘出第二個，不過係出錯佐、重做，又等佐半個鐘，最後一個炒麵，催佐3次、等到11點半都未到！成晚就係咁吸佢d白霧，根本開唔到口講嘢，一講嘢就覺得呼吸唔舒服，嘢冇得食，計傾唔到，都唔知坐係度做乜，睇班叔父係度表演？唱得又難聽！嬲爆，唔食好過食！絕對冇下次，極之唔推介！