札幌拉麵 Miso No.1

訓遲左起身諗住出街搵有下午茶既餐廳食晏一上扶手電梯見到呢間日式料理有下午茶餐肚餓就坐左入黎叫左個燒肉定食D燒肉又乾又嚡，食到差d哽親汁又唔夠配晒成碗飯省d白飯好唔抵39蚊碗燒肉飯，早知去食吉野家

今日黎荃灣買野，係依個商場發現依間拉麵店～我點左招牌牛油拉麵配鰻魚飯招牌牛油拉麵加上牛油好香呀，牛油既粉絲一定要點加左牛油既拉麵表面好滑，麵質煮得岩岩好，好煙靭加左海帶，多一份海洋鮮味；而且仲有大蔥，好惹味；加上大量既筍，好筍呀义燒半肥瘦好香呀～湯底充滿住濃郁既牛油味，再配栗米粒食，好似食緊牛油栗米咁個鰻魚飯一上枱就聞到甜甜既味道😋片鰻魚厚切又滑，肉又軟又甜👍🏻老公就點吉列豬扒奄列咖哩飯跟味噌湯佢個奄列係半滑蛋，所以口感好滑，一d都唔老😘日式咖啡香得黎又唔辣；當中既薯仔同紅蘿蔔好林好甜。吉到豬扒好脆，好香豬味。旁邊再送薯蓉，yummy再另加雞骨腸外面好脆，點沙律醬食好夾啊

某百貨公司大減價，趁著我的悠長大假即將結束，相約二姊去荃灣掃貨，血拼了兩個小時，買了兩大袋，肚子也開始餓了，但由於銀包啱啱大出血，食嗰方面要慳住荷包，二姊話想食超值又好味嘅食物一D都唔難，於是帶了我去荃新天地二期~ 札幌拉麵Miso No.1。未進入餐廳前，門口有一個玻璃櫃，擺放著好多食物嘅模型，看著都已經流口水，好想快D進入餐廳進餐，由於我和二姊來到嘅時候較早，所以好快有位，但當我們坐下後，只係相隔15分鐘，餐廳就滿座了。看過menu後， 我哋要了一個$199自選二人套餐( 任選兩款拉麵或飯及在12款小食類任選三項)。雜錦拉麵(另加$15)配料豐富(叉燒、豬軟骨、蟹柳、半隻蛋、粟米、海帶)，麵質有彈性，湯頭夠香濃，不錯不錯。大鰻魚飯(另加$10)鰻魚厚身肥美，烤得香脆嘅鰻魚外皮，包住入口即化嘅魚肉，加上吸滿魚油同秘製醬汁嘅飯，真係超高享受。炒魷魚鬚充滿蒜頭香，不會炒過火，非常香口。吉列蝦炸到金黃色，口感酥脆。自家製餃子(大)外皮煎得香脆，內餡嘅肉同蔬菜量多， 飽滿又juicy。其實價錢咁平，唔會對服務有任何期望，但這間餐廳嘅侍應不但親切有禮，還會好細心地招呼客人，令人喜出望外。

因為岩岩搬左新寫字樓黎荃灣,再加上星期六都係返半日同地點都比較近西鐵站,於是上網睇下有咩好野食～卒之比我揀到呢間,於是放左工就一個人行過去食啦～入到去,人唔算太多,揀左近門口既2人位坐,跟住就揀左個套餐食啦～因爲實在太肚餓,於是就叫左個辛辣拉麵+滑蛋豬扒飯+可樂～等左十分鐘左右,個拉麵就黎到,但略嫌拉麵湯底比較稀,同埋我可能食得辣,所以嫌唔太夠辣,但其他野都ok既～食完個拉麵之後又等左幾分鐘,滑蛋豬扒飯就黎到～因爲係個set lunch,所以滑蛋豬扒飯就比較細碗,最後岩岩好食得晒對我黎講,幾十蚊就食到2樣野,其實都算唔錯架啦～下次如果再去,或者會試其他野食

呢日買咗飛去荃新天地二期睇戲，睇戲前搵地方食晏，見到呢間札幌拉麵門口餐牌嘅午市套餐好抵食，咁就一於入去醫肚啦！餐廳樓底頗高，感覺明亮舒服。餐牌厚厚一本，好多選擇。午市自選套餐幾十蚊就有拉麵、有小食，加$5仲有凍飲，望落好吸引。豬軟骨拉麵 ($74) - 入面有三嚿大大嚿嘅豬軟骨，豬軟骨夠入味，口感腍得嚟帶少少爽脆，麵身爽滑彈牙，配上鮮味湯底，絕對係一個唔錯嘅選擇！串燒雞軟骨 (跟餐免費) - 雞軟骨燒得香口，既爽脆又有雞味，好適合喜歡食香口嘢嘅朋友！泡菜拉麵 ($69) - 湯底鮮味中帶有泡菜嘅酸辣味，叉燒夠入味軟身唔嚡口。配上海帶、筍及爽彈牙嘅拉麵，味道同口感都豐富好食。串燒雞翼 (跟餐免費) - 火候控制得好好，雞皮燒得香口脆身，雞肉仍然可以保持嫩滑juicy, 水準之作！炸廣島蠔 ($22) - 炸漿鬆脆唔油膩，廣島蠔蠔肉juicy，蠔味濃郁，Yummy！凍咖啡 (跟餐$5) / 凍柚子蜜 (跟餐$5) - 每杯跟餐只要$5，十分抵飲！呢餐食物味美，叫咁多嘢食埋單都唔使$200，推介！

札幌拉麵是北海道札幌市的一種日本拉麵，湯底以味噌口味為特徵。 吃拉麵通常只會吃豬骨湯底，較少會選擇味噌口味，今天一於到此店品嚐，店子設計簡約，以木系為主調，甚有日本風。以為餐廳只售札幌拉麵，細看餐牌，原來除了拉麵套餐外，也有很多其他選擇，如有定食，咖喱套餐，烏冬套餐等等，而我們最後點選了自選套餐，價格由$69起，可選一款拉麵，一款小食。牆上寫了有關白味噌的好處， 雖然是日文的，但有其中有些漢字，所以都意會到當中的意思，既可美容，消除疲勞， 防止老化，心筋梗塞，對胃、肝等等都有好處，看完這一大段簡介，真的要用心品嚐這個味噌湯底。自選套餐 $69豬軟骨拉麵  + $5 - 豬軟骨有三塊，每塊都帶軟骨，軟骨爽脆， 豬軟骨亦夠入味， 至於拉麵則彈牙，口感帶點煙韌，味噌湯底濃郁，配料有大蔥，海帶，粟米粒，半隻糖心蛋。自選套餐配鰻魚飯 – 小碗份量，鰻魚肥美肉嫩，鰻魚太好味了，一小塊不足夠，要再三回味。套餐加配凍檸茶 + $5 – 雖有熱茶提供，但吃完一碗熱辣辣的拉麵，需要一杯凍飲降溫。自選套餐 $69牛肉拉麵 + $5 – 牛肉份量頗多的，配有一些洋蔥很惹味。配滑蛋豬扒飯 -小碗份量，濕潤的滑蛋

交税季節，見到綠色信封就唔開胃，想食好d都好肉赤。經過荃新天地呢間札幌拉麵， 大大張自選套餐poster 令我停下腳步仔細閱讀。整整齊齊一個晚市自選套餐 ，有拉麵或者飯畀你揀，加一份小食都係七八十蚊， 夫復何求。服務員見我一袋二袋，好細心咁安排我坐卡位。今次揀咗199自選套餐，包2麵/飯， 三款自選小食。揀咗呢個嘢炒魷魚， 細細碟，但係真係令人回味無窮。 用咗特別嘅醬油加大量蒜片去炒，正正正。燒雞翼加雞軟骨， 絕對唔係翻燒， 上枱 見雞皮脆卜卜， 香味四溢。皮薄餡多煎餃子， 外面塊皮好薄好滑， 入面啲豬肉就好嫩滑。叫咗一個招牌牛油拉麵同一個雜錦拉麵， 湯底就兩個都一樣， 招牌牛油拉麵呢就超多粟米，加上牛油令湯底更香滑。雜錦拉麵就多咗半隻糖心蛋、豬軟骨、蟹棒，適合多心為食嘅我。

在一個非常忙碌嘅日子、又要不斷出外做嘢又要顧住公司嘅問題、真係人都颠、好在去到荃灣放底咗啲文件嘅時候、望吓嗰錶、又係開餐嘅時間、咁啱付近有間札幌拉麵店、門面望落幾好、就入去坐下、叫咗一個燒肉拉麵同埋雞翼、拉麵還可以、雞翼就一般、不過唔緊要、晚餐可以揀間好嘅食。

今日難得有假放，見天氣涼涼地就諗住陪仔仔出去荃新天地買下冬天衫，啊仔話想食日本拉麵，問下reception，佢地推薦這間便來試試。黎到門口見到成間鋪到有好濃嘅日本風，有D感覺真係以為去左日本呀！入面裝修整潔，地方雖然唔算係好大但座位都坐得好舒服。服務員即刻好貼心咁拎左兩杯上比我地，笑住口咁好有禮貌。我地叫左好多野食，叫左佢地嘅招牌牛油拉麵、鰻魚飯，仲叫左牛舌、餃子、雞軟骨同雞翼依幾款小食。等左冇幾耐啲野食好快咁送來，本來我覺得牛油同拉麵依個組合好奇怪，但既然佢係招牌所以就膽粗粗咁叫左黎試，佢係將一粒牛油放喺啲湯到。意想唔到牛油同個湯底咁夾，啲麵又軟硬適中，最尾我差唔多飲曬啲湯！仔仔個鰻魚飯都係招牌黎嘅，一打開個蓋，大大條鰻魚鋪喺面到好吸引，加埋啲鰻魚汁簡直絕配！啲小食都比想像中大份又好食，尤其係個雞軟骨同餃子，餃子啲餡料好飽滿、足料，啖啖都好滿足，啲雞軟骨咸咸地咁好正！我地食左咁多野都總共係二百幾咋！好平好抵食！店舖位置方便就腳，如果有幾會我都會再去食！

因工作繁忙已經有一段時間無去過日本，但心中依然對日本既拉麵念念不忘，好想係香港搵個味道似日本既地方食返餐，而今日就揀左呢間札幌拉麵地點於位荃新天地二期，離西鐵數分鐘路程店面大，裝修唔馬虎。多數座位設有屏風，私隱度高。199自選二人套餐 ，可加錢升級轉鰻魚飯鰻魚飯用盒裝，魚油融入飯中配上鰻魚汁，味道一流ankake拉麵，味道濃，配菜份量多，不用就住食雞翼+雞軟骨，雞翼燒出黎乾身唔漏油，入面keep到肉汁，雞軟骨脆得黎唔會硬掘掘牛舌，燒到外皮少少焦香，唔會好乾好柴，夠爽口炒魷魚鬚，加蒜片炒夠曬蒜味，尤魚新鮮肥美，好食

嗰日同同事去荃灣見客又未夠鐘，於是就喺樓下食碗日式拉麵當午餐，時間尚早，兩個人叫咗兩個拉麵，一般我很討厭吃雲南米線覺得太有大陸味，日式拉麵我就比較喜歡，但香港日式拉麵有些很好有些很差，荃灣這間店裝修很好，座位也很舒適先來兩杯凍O茶，，我叫了招牌牛油拉麵同事叫了燒肉拉麵，湯底不錯並不是味精湯，是很濃的牛骨味最後點了兩份小食，是串燒雞翼和自家製餃子，這兩個小食並沒有比拉麵差，串燒雞翼味道又香皮又脆，餃子肉汁都算多，招牌牛油拉麵，有極香牛油味，燒肉拉麵，麵質彈牙湯底也算濃加上燒肉不太肥膩整體上我可以給80分，香港要吃到有水準的日本拉麵並不容易，這間可以算達到合格水平，埋單200有找，荃灣區算不錯了。

因為近公司，所以成日都會去荃新天地二期lunch，但呢度食肆選擇不多，大約有十間，最常幫襯係板長，佢真係做到平靚正三個條件，而札幌原來都有set lunch，價錢都親民，但我今次食呢個set就唔多ok，不過因為同事話佢個拉麵ok，所以我決定比多次機會佢。午市套餐————豬扒蛋飯 $48👎🏻👎🏻👎🏻👎🏻套餐有薯仔沙律、主角豬扒蛋飯同一碗麵豉湯，薯仔沙律好好味，薯茸內加有沙律醬，令整個沙律好香好滑；主角豬扒蛋飯賣相唔吸引，蛋鞋又唔香，豬扒炸漿唔夠脆，而肉太薄無口感之餘仲好鞋，絕對係失敗之作！一人共消費：$53

假日走到荃灣區來個一人行，幾年來荃灣區居住發展迅速，大型商場食肆臨立，單單是逛商場都已花了半日時間。巧合之下，經過一間多年老字號拉麵店- Miso No.1，還記得當年於尖沙咀開業時名氣極大，想想可能已有6-7年未有再嚐，故親身一試。1. 札幌叉燒泡菜拉麵定價68蚊的泡菜拉麵，特別之處是其用芽菜炒過的札幌白味噌湯底，濃郁的味噌，入口香甜，因混合芽菜炒製關係，湯底有少許焦香味道，配搭叉燒及泡菜，極具特色，真的一試難忘。2. 串燒雞翼燒物似乎同樣是這間拉麵店的皇牌。串燒雞翼預先用香料醃製，而且即叫即燒，廚師預先將雞翼起骨，炭燒之下，雞翼肉嫩滿油香，要試就要快啦

放工係先施行完順便係荃新天地天地2期食埋晚餐先返屋企 上樓上見到札幌拉麵 就入左去食我地2個人叫左個自選二人套餐$199套餐可以揀2款拉麵/飯 再加3款小食朋友加10蚊叫左Ankake拉麵見到好大碗 配菜都有好多有半個雞蛋同幾片日式叉燒我就加15蚊叫燒豚肉拉麵湯底好濃郁 拉麵我唔鐘意太軟太硬 佢嘅硬度就啱啱好燒豚肉都有幾片 食落肉質幾嫩口小食自家製餃子好大份每個都飽滿多汁炒魷魚鬚好香用蒜片炒到好香口魷魚鬚仲好新鮮 每條都炒到好入味燒魚餅 好細心將一大塊切細塊食落幾彈牙 味道都唔錯呢個二人套餐真係幾抵食 一次過滿足幾個願望

星期日行開荃新天地，見到喱間日本野午市過後有位，就入去試下。喱間日本菜雖然叫札幌，不過佢都唔止北海道口味既，有咖喱、拉麵、炸物定食等等，午市定食黎講算好多元化～既然叫札幌，就試下北海道最出名既牛油拉麵啦。再加多左個網燒牛排定食，特別既地方係，配小佞時可以揀一小碗既滑蛋豬排飯，平平地都可以試到三款食物滑蛋豬排飯喱個小食唔錯，雖然吉列有少少淋，但佢個滑蛋同飯都幾好，小食過下口癮幾好～網燒牛排定食都有中上既水準，牛排配上燒汁撈飯，算係一個無死既選擇喱個定食反而係個凍薯蓉最驚喜，係日本旅行時我都好鐘意食，喱個加左分而牛油拉麵黎到見到大大舊牛油係上面，撈暈之後都好香，都有幾分北海道風味，只係差左粒帶子總括黎講，餐廳既食物屬中上水準，但勝在款式多，午市定食黎講算係幾抵，不妨一試