札幌拉麵 Miso No.1

营业中

休息中

以前我們常常到愉景新城的那間麵店吃......後來發覺DOM_N的拉麵大不如前，就沒去了～之後看到食評才知道分家，師傅在citywalk自行開了店鋪～～～今天才有機會到那邊試試了～～～下午茶比較便宜，30多元就可以吃到一碗麵～～我的牛油拉麵：拉麵還是很有水準，是煙韌的～～然後那一大塊牛油好好吃=v=（OS：你是為了吃牛油的嗎？）不過湯底比較鹹，還有點“鹼水”味兒……而且所謂的味噌湯底，感覺不太嘗得出來…………南瓜薯餅：十塊錢實在太超值了！！甜甜的，口感爽脆～～炸豆腐：木魚（柴魚）好多～～～是外脆內軟的，不過更脆一點就好～～～燒雞翼：超香，可是欠了一點鹽～～哎，總之不負期望啦～～久違了的味道，真好！

突然想吃拉麵，不打算山長水遠搭車出外面食，在家附近的，就只有愉景新城和荃新天地兩家，後者我是從來沒試過的。據說原是同一品牌，現在拆了夥，而後者才是正貨。不知道是否屬實，也不知道哪間較對口味，反正要吃過才知。翻開餐牌，見其以牛油拉麵作招牌，無理由不試吧！拉麵上檯，看到的一大片牛油，還有叉燒、銀芽、筍、海帶和大蔥等材料，岩數了。慣性地先喝一口湯，濃郁可口，唯牛油香稍遜。拉麵麵條較為稔身，有少許的鹼水味，而且還未煮開就拿上來，實有點失望。幸而，銀芽爽口不澀，粟米粒飽滿有咬口。叉燒呢，質感是軟熟，但肉味就不夠濃了。中華冷麵，材料是豐富，但每樣均是大大件放上去，感覺是粗枝大葉，未夠精緻。麵條跟拉麵的一樣，偏稔身，唯勝在夠凍，撈埋粟米粒和蟹柳絲等配料，總不會難食，而日式叉燒，同樣軟熟，當然肉味應該再重一點。日式煎餃子，底部沒有煎得很燶，但餃子皮就很薄，裡頭的餡料有豬肉有韭菜，不論味道和外形均不像平時食慣的日式煎餃。但以味道計，唔差既。另一款小食是雞軟骨串，熱辣辣的，很香口，尤以軟骨的位置更是脆卜卜，口感不錯。兩款小食，比起麵條更為吸引。很罕有地不想飲汽水，隨便要杯咖啡。在拉麵店子喝咖啡，要求自然不

臨睇戲前近近地試下呢間~我唔餓,所以BF叫左一個麵GE餐~ 有一碗拉麵+小食+飲品~上菜都幾快, 可能就快關鋪, WAITER幾有禮貌我地叫GE蟹棒拉麵,同出面D拉麵無咩分別小食叫左蝦餃子, 反而幾好味, 有全隻蝦享入面~ 唔會太油, 味道適中~ 不錯~

新開, 第一次幫襯~TRY TRY~KC 柯打左醬油拉面,阿A柯打左蟹肉棒拉面~跟住再加多個蟹子沙律同燒豬潤~都OK幾好食~KC 成碟燒豬潤清晒.埋單後問返個waitress, 原來呢間唔係我地食開o個間... (以為係蔡蘭介紹o個間 DOMON...而事實上呢間張poster又有個蔡蘭o係度)個waitress話係o個間分拆出黎的,咁即係拆顆左?唔明~

開頭盲中中冇睇清楚當左係Domon 札幌拉麵, 入左去食左D麵先知原來唔係果間唔怪得超差.叫左兩個麵, 一個牛油,一個蟹腳.果陣味真係好唔掂, 個麵真係有代改善, 果陣皂水味真係唔多掂. 個牛油味唔夠香, 塊叉燒似煲湯豬肉咁,冇味0既真係好野...淨係個蟹腳就真係幾好食.份一人前有個餃子超耐, 食完個麵先黎, 咩叫小食呀大佬, 前後不分都算數. 個餃子其中有一隻隻蝦係梅0既. 即係D用料有問題啦.呢間野D價錢唔平囉. 但咁0既質數真係冇下次.

四月四日 (星期日)數日前剛吃過尖沙咀分店,味道不錯,講好有機會會再試碰巧今天吃完農場牛奶公司有巴士前往荃灣,順路,於是便再吃了位於荃新天地二期,一個頗新的商場店鋪比尖沙咀的大多了,可能是鋪租的分別吧,這裡的座位寬敞多了亦因此,我們的胃口也多了(上次我倆只各吃了一個拉麵便算)薯仔沙律送來時已經嚇一跳了,因為有三個球,在大戶屋只有一個球的,加上外表似雪糕!今日在農場牛奶公司又沒有雪糕吃...令我想起傷心的回憶呢!薯仔沙律味道不俗,但是如果加點其他調味料會更加味道!燒牛舌這個就非常一般了,可以不叫,因為很老,要用力才咬得開,有8塊!味道只是一般...金菇牛肉卷定食有很多的金菇肥牛,而且味道好!很惹味,加上汁,可以撈飯吃呢!有生菜絲做配料!珍珠白飯,外表一般,但是吃下去很有飯味!香呀!!我吃得一粒也沒有剩下呢...自家製餃子有點失望,見到其他網友讚不絕口,我只覺得一般,而且夾開會散的!一碟小的四隻都$32...可以不叫呢!整體來說都可以,比尖沙咀店的好吃,下次再來吃他的拉麵吧!又見到有日本人來吃...

食過以前Domon間拉麵店,覺得So so,之後冇再幫襯過,之後便覺得荃灣冇咩好既拉麵(其實日本菜都係)鋪啦....突然見到呢間新鋪都幾多好評,選科空窗期成日圍住四幢牆又好悶,不如去食下啦"D人話蝦餃子好好食,但係只有八十五蚊個餐先有,個人覺得都幾貴,不如食六十八蚊個餐,有拉麵、有普通餃子,有枝裝忌廉.....叫左個豬肉拉麵(其實係叉燒就叉燒啦),個麵條係正常既攣度(一直既一定唔係正宗),個麵又爽口彈牙,湯底佢落左白麵豉,有Miso味之餘懷疑仲有肉汁@裡面,好香好濃,叉燒有一塊瘦o個滯,其餘兩塊都係肥瘦均勻既,餃子佢有一隻特別既菜,好咬口索索聲,肯定佢唔係來貨,不過菜肉都幾5 : 5,餃皮我覺得係輕煎啦,都唔算熱氣既.....之後就去隔離荃灣公園影下相,順便散下步啦.....

呢個商場睇完戲,想飯番餐好既,呢間係不錯既選擇。留意到佢新開張冇耐,裝潢不俗,同埋係日式拉麵,岩晒我咀型,望下餐牌又唔算貴,即管試下。兩個人結果揀左二人套餐$188,可選普通拉麵兩客及三款小吃。不過,店員推介說+$10可以自選任何拉麵,呢方面我覺得幾貼心。拉麵大大碗,份量足夠,加埋三款小吃其實都幾飽下。湯底可選濃或淡,不過落單時店員冇提示,直至我等食果陣周圍望先見到貼左係牆度。湯底味道不錯,配菜亦很足料,有齊我最愛的海苔粟米,賣相很誘人,只係D主要食材食落口就冇乜驚喜,所以下次還是點回普通拉麵算了。煎餃子:冇諗過有六隻咁多,不過好味多食一點冇所謂。餃子落足料,脹起晒,但係一點都唔油膩,好多時出去食都煎到乾晒同濃濃地,呢度就恰到好處,真係值得一試。串燒: 有四串,雞軟骨,無乜特別; 燒大蔥, 難吃,外面濃裡面好似未燒熟; 雞翼,煎得幾香口;燒冬菇,估唔到係最好,落少少檸汁又幾夾燒牛舌:一入黎就聞到陣陣燒牛肉的香氣,所以或多或少對燒牛舌都有點期望。出黎既時候雖然唔係熱辣辣,但灑上少許檸汁,配合點點盬香,作為小食的確係不錯的選擇。服務方面我覺得幾好,每逢叫人會即時到,加茶唔駛叫亦會不停幫你加

今日上openrice睇下去邊食下午茶好啦..搵搵下..就發現呢間新開的拉麵.. 食評不錯. 決定去試下試行到商場門口時, 咁岩有coupon添! 因為我地去到都3點幾, 有下午茶食.一入門口, 就見到大廚, 他也大大聲說歡迎語~ 感覺良好.我們企係到等人帶位, 見到大粒個果叫個細去帶我地, 但個細既好黑面咁走埋黎.帶到中途仲走左去, 友我地行....我地都唔知坐邊好囉..好啦~ 之後坐低睇餐牌, 有下午茶餐揀. 多數都係拉麵, 35-40蚊倒啦.我地點左兩個拉麵. 牛油拉麵@ $38辛辣拉麵@ $38每個餐仲包一支汽水..很好~~等了差不多20分鐘, 拉麵先到.仲要係同其他人一齊上, total有6碗麵. 我的辛辣拉麵, 飲第一啖湯時, 失望! 湯不熱的..........是暖的.湯底沒有辣味, 喝下去沒有想再喝第二啖的意思.而且湯面很油...食拉麵啦... d拉麵冇乜味, 可以話係唔好食, 根本就冇乜味..湯底又唔可以搭救.食幾啖已經好失望!男朋友的牛油拉麵, 黎到時見到一舊牛油放係麵上, 他要撈了一陣子才融化, "招牌牛油拉麵"..就係咁黎!呢個麵都很過份. 湯底又唔熱, 湯底

據說以前domon的大師傅因某d原因已而自立門戶, 除左嘉蘭圍本店外, 再於荃灣開設分店, 店子不大, 裝潢有著以前的影子卻帶點新潮, 侍應換上了一班年青人中午來到, 客人不多, 睇下餐牌, 都係同domon一樣有套餐同散叫, 我叫的套餐($68)包了一碗簡單得來又可以試下手勢的叉燒拉麵配 盬燒雞翼同汽水一支, 所有食品都係即叫即煮, 等左10分鐘左右, 雞翼先上, 有2串, 每串有1.5隻雞中翼, 即係總共3隻, 雪藏貨色當然無咩味道, 但燒到皮脆肉嫩, 灑上少少鹽食 中午來計, 有如此水準已非常不錯拉麵之後送上, 叉燒有3片, 一夾落去頗為鬆散, 但肉質尚算可口, 麵豉湯底的顏色唔算好濃, 試一口屬於偏淡的湯底, 和傅統的麵豉湯底不同, 突然望到牆上寫著原來可以可選擇濃或淡的口味, 而且係用上白麵豉, 立即解決左我以上的疑慮了, 拉麵的口感唔算彈牙, 偏腍, 而且鹼水味比較重, 我想係失手吧??!! 另外配菜卻十分豐富, 有海帶, 芽菜, 大蔥, 筍等等, 增加了不少風味值得一讚的係竟然有兒童餐具提供, 調味配套亦齊全, 連蒜泥都有, 表現出店主細心的一面, 中午呢個套餐賣$6

其實我住係附近, 咁o岩尋晚睇戲, 就試一試呢間野, 之前都好想試, 見都ok 多人。點知....我同老婆點了分別: 雜錦拉麵, 牛油拉麵, 炒菜。炒菜老實講, 我係覺得唔錯的, 幾香口。雜錦拉麵: 就係什麼都料都有, 料唔講, 一般, 但係湯底, 不甜不咸不香! 哇, 飲了一淡, 真係難飲...麵就一般, 無咩野, 但係個湯真係好大獲, 我食到一半已經食唔到下去...牛油拉麵情況都一樣....如果係平, 係ok 的, 但係埋單要$157 還要唔飽 + 難食, 我下次一定唔會再去

Had dinner on Sat night. Arrived at 6:20p.m., already half full. It was full around 6:45p.m. So many people.....Had a 2-ppl set dinner, one noodle and one eel rice, with selection of three snacks. We had fried mushroom, dumpling and deep fried pumpkin and potato cake. The noodles with light miso soup is good. not salty. the noodles is chewy. Eel rice is also quite good. The eel is quite thick. yummy.Mushroom and dumpling are fine. I love the deep fried pumpkin and potato cake. it is so c

話說"蝴蝶屋村"間拉麵鋪初初開個陣,就已經見到那位大身型的師傅在煮東西. 初初的時候還很不錯, 到後來品牌大了, 但食物就愈來愈差勁.前陣子聽說他過檔了, 到荃新天地2看一下才知道原來是老店和其他分店分家了, 荃灣原來的師傅和侍應也一起走了, 在荃新天地2開過另一間鋪. (點解分家,原因睇怕都好明顯了)望一望個餐牌,都係個d,原本最正常有既野都有齊, 係無左d騎呢款式 (例如拎即食鮑魚加落麵度)太太叫左個豬軟骨拉麵同餃子,我叫左個anekake(唔記得點讀?)拉麵同埋細滑蛋豬飯飯同餃子soso,始終係小食.豬軟骨拉麵,我老婆食到連湯都飲埋,質素應該係同區內最好咁滯; 我自己個碗味道都好ok,食晒d野飲晒d湯. 終於似番好多年前"蝴蝶屋村時代"既水準! 絕對值得再幫襯!

是日同媽咪去左荃灣行街街...這個商場是新的~ 經過札幌...見佢門面都唔錯~餓餓地就走左去試~先講門面吧。當晚可能仲早。入到去可以隨意揀位。坐位都幾闊。肥妹仔都會坐得好舒服一坐底。服務員即刻俾杯茶同menu我地。笑容滿面。又會不停留意你杯茶飲晒未。不停為你加茶。唔駛叫都識加。值得加分至於食物方面。當晚叫左個。一人餐(雜錦拉麵配餃子)。蒜片雪花牛柳定食。另加一個。吉列雜錦兩個人食。都算大食。呵呵呵 雜錦拉麵碗麵既份量都算多。配料十足。蔥花。海苔。粟米可能呢張相影得唔清楚。粟米既份量係何其多。到我食到尾聲都仲有粟米呢!!讚!!主角有。叉燒。豬軟骨。螃蟹。正!!就好次出奇蛋咁。一次過滿足晒你三個願望~!! hehe!!味道都算唔錯。唔會太濃。至於個麵。超讚!! 因為小女子本身唔係好食拉麵。因為怕有鹼水味。但呢個麵冇乜。有點意想不到。而且煮得夠彈牙!!個湯夠熱。有少少濃味。不過咁樣先係正宗吧??不過本人接受到。仲可以飲晒d湯。 蒜片雪花牛柳定食呢個都帶俾我驚喜。通常去拉麵鋪頭。應該係食拉麵。唔係食飯。所以對麵以外既主食。唔會抱太大期望。但呢個牛柳。真係好味。好多肉汁。蒜片炒得好香。份量都好多

記憶之中，今次係第３次來，之前兩次無寫到食評，今次一於要寫返夠。簡單Ｄ講，如果俾我選擇，我會食呢間拉麵，而唔去味千。因為係平均食物水準都合乎佢既價錢，唔算貴亦唔係平，有時貪平食左Ｄ唔好食既我仲唔開心。所以，我會一食再食佢既蝦餃子，同埋要提下，如果食拉麵，湯的味道可選擇淡／濃口味。本身我超鐘意飲佢Ｄ湯，但我次次都唔記得叫淡口味，所以飲左幾啖就放棄左，好浪費。醋海蜇，有驚喜，大碟又好食，讚！做ＶＩＰ有９折，覺得抵食左！