札幌元祖北海道拉麵 (已結業)

星期六，天朦朦，太座於下午在四季酒店享受完一頓極之滿意嘅孕婦按摩服務後，與筆者會合，往鯉景灣出發，試一試這裡新開的拉麵館。此店與位於中環交易廣場的拉麵店同名，想必是姊妹店。奇怪的是，星期六嘅晚市，但人客卻只有零星幾人。筆者與太座也是點了定食，筆者的包括有鹽味拉麵及一客炸雞；太座的則是豬骨湯拉麵及半份咖哩飯。麵條入口是軟硬適中，爽口彈牙，是對辦的。不過鹽味湯底只是鹹而已，冇那種天然海水嘅鹹味。配料有筍乾、芽菜、粟米、蔥花、叉燒等，材料豐富；至於豬骨湯底味道比較淡，亦食唔出豬骨嘅甜味。炸雞是香脆可口的，雞肉亦嫩滑，有點油膩但不太過份；咖哩飯是帶甜味的日式咖哩，咖哩汁稀了些，味道偏淡，飯亦煮得過軟，飯粒不夠結實。每份拉麵定食九十蚊，連加一是九十九蚊。事後看過網上嘅食評，對中環店嘅評價很高，相反，此新店則是十萬八千里外了。唔怪得星期六晚嘅生意都唔係咁旺，原因是對食有要求嘅人，已經用腳投了票。不給喊面，主要係炸雞不差而已。

如果你有錢但係想掉落屎坑的話,可以去一嘗此店的所謂西山拉麵,本人因留學關係,在日本逗留了約兩年的時間,本人深切明白要找香港的拉麵與日本相比是沒有可能的,但是差就需要有一個譜,你叫得做札幌拉麵而且賣$60蚊一個,對你的拉麵味道有十分的期望與要求可算是十分正常吧.誰知價錢不合理已經是一個問題,普通一個拉麵$60,如果要加食物真各加$20,換句話說,加兩款已經埋單已經要$100大元,重要加一,說回正題,小弟今日中午約一時左左右路經此地,早前一位友人說想嘗嘗此店的拉麵,既然如此,擇日不如撞日,就闖進店中,平日中午時間,這裡竟然沒有設有set lunch,這時我的心裡已經打了 一個突,但是算吧,儘管嘗試一下他們振店拉麵,本人點了一個豉油拉麵, 當麵來到的時候,已經心知不妙,個塊死人叉燒簡直就如同虛設,得個兩塊重要薄到見光,我真係火都黎埋,咁都算,試埋個個所謂既日本入口既西山拉麵,食落口,嘩!個麵都重未熟既,真係可怒也!咬落個麵度好似咬鐵咁,真係火到我拿拿臨比錢走人,真係去太安樓食個10蚊麵好過.大家唔信,真係可以試下,如果你有鍾意食垃圾的話.

呢間餐廳新開冇耐，見招牌係主打拉麵。本人雖然唔係話好鍾意食拉麵但係都決定一試。拉麵有4款湯底(麵鼓、鼓油、鹽湯同豬骨湯底)，另外可加餃子、炸雞、叉燒，帆立貝等TOPPINGS。不過我見淨麵都60，加上面配菜平均都要2/30 蚊，所以就決定試左拉麵 + 半份咖喱飯定食，而太太叫左鹽燒三文魚定食。拉麵有幾塊筍同叉燒、海帶等配菜，而咖喱飯就連豬扒。個麵一黎，一啖飲個湯底... 真有D咸喎 ，不過心諗要麵鼓湯湯底，有D咸都係正常0既。 至於個拉麵個質素都尚算唔錯，不過，感覺上配菜就唔係咁多，既然係一個定食SET，配菜上應該可以大方小小卦...至於咖喱飯方面，豬扒就真係有D太硬0既感覺，所以評價一般。不過太太叫0既鹽燒三文魚定食就真係好麻麻了，好明顯廚師對用鹽非常大方，不過佢0既大方對我黎我就一D都唔受用，而且佢個咸法同頭先拉麵麵鼓湯隻咸法一D都唔同，呢個三文魚定食食完之後係要即刻飲水止渴。除定食附送漬物、白飯以及麵鼓湯。最神奇0既係呢個麵鼓湯真係好咸...我諗好少可以飲倒咁咸0既麵鼓湯，我真係飲左一兩啖就冇飲喇。本人認為如果想食拉麵0既話，呢間都算係OK 0既。不過以呢個價錢呢睇，係咪物有所值

這間舖我以前都食過。近日換上札幌元祖拉麵，我就記得其中環店我都同朋友食過有不少好評，D面仲好正,一於捧場。開頭我仲諗拉麵是其主力，當然要一試。拉麵只得最簡單的幾款選擇，就同我兩位朋友來三碗唔同味的!!我就叫咗豬骨湯拉麵(＄60),我的朋友就叫了鹽味拉麵配餃子,仲有味噌味的拉麵!!湯底濃而好咸，叉燒好少。麵條則是偏硬又好生，我的朋友口味都好高,佢地都唔滿意！D餃子表面不脆仲有雪我仲叫咗炸雞,D炸雞好黑...又好似石頭咁好難食很可惜我的朋友的鹽味拉麵定食同味噌味的拉麵又出事：佢地同我同一樣，佢地話個湯又咸一個又淡又唔夠熱,係一大食拉麵差不過同中環個面比拉麵水準之高,西灣河眞係無得比仲可能卑拉麵D拖累，佢唔可以叫得元祖,食味千都好食過佢,這一餐未算理想,我同我朋友講叫佢地唔好叫D fd去西灣河食呀,仲講明係拉麵tim

這間舖一直為日式食肆佔據。近日換上札幌元祖，其中環店有不少好評，一於捧場。拉麵是其主力，當然要試。拉麵只得最簡單的幾款選擇，就來一碗豬骨湯拉麵(＄60)。湯底濃而滑，叉燒軟腍。麵條則是偏硬一點之類，合個人口味。稱心滿意！很可惜吉列蝦餅定食($70)是另一回事：蝦餅只得兩件，表面不脆，內裏亦欠蝦味，咬落似吃薯餅。椰菜絲更是一看便知不新鮮，棄不足惜！可能是新開張的關係，服務相當好。有禮又跟得貼。不過給遠離水準的蝦餅定食拖累，這一餐未算理想。