影片
开饭介绍
主打日式炉端烧，同时供应鱼生、寿司及天妇罗等日本料理，食材全都是即点即烧。餐厅自设酒窖收藏多瓶顶级葡萄酒。
继续阅读
营业时间
星期一至日
12:00 - 15:00
18:00 - 23:30
以上资料只供参考，请与餐厅确认详情
招牌菜
食记 (13)
同朋友食饭坐吧枱位, 叫左2个set 之后, 谂住倒定啲日本鼓油，点知真系吓亲人!!!! 一碟仔鼓油竟然有4只有翅膀既昆虫仔尸体系入便，更吓人既系我同个女侍应讲时， 佢一啲反应都无，即刻拎走碟鼓油，当无事发生咁拎第二樽比我地后走人.. , 好明显系唔止第一次发生!! 都谂住间嘢唔平，应该咁啱系呢樽有问题即, 所以都无 再追究落去，再倒第二樽鼓油，今次出黎就冇嘢啦，但基于有啲唔放心，我打开个鼓油盖望入去， 因为深色比较难望，望左一阵先见倒面有一只...我地即刻O晒嘴, 即取消order 走人, 当然佢 地唔敢阻止我地啦。 全个过程佢地都无任何歉意，可想而知佢地既衞生标准系差到咩地步，收中环价钱， 茶餐厅既环境同服务，好彩最后都取消order, 因为见倒楼下留言, 我都系叫左个杂锦鱼生饭, 如果出黎真系佢所讲咁既质量, 我反枱都似, 仲call 埋食环添!
继续阅读
一行三个人第一次中午行到木星街见到一间日本料理，担粗粗行入去试试，叫个3个餐，杂锦刺身定食竟然得三文鱼同一样白身鱼，系个师傅有问题还是剌身定食只有两款鱼，差到真系无朋友，同名蒋差唔多级别 ，另外一个罗白青鱼，第一口咬到罗白全部都系雪柜味，个件青鱼硬过石头，个汤底就唔须要多讲，个师傅咁都可以比个客食 ，最后一道菜铁板牛肉薄烧已放弃，点知出奇地好味，平时食开食牛肉入面夹葱同蒜，今次加埋洋葱真系好特别 ，如果要比份，刺身40分 ，罗白青鱼10分 ，牛肉薄烧80分 ，食品唔好食重要卫生环境差，小强周围走，蚊周围飞，同个四眼肥肥地经理讲，只笑笑口无回答就走 ，刘徳华个句(今时今咁嘅服务态度点得架)，本阵已经列入我心目中黑名单唔再来食饭。
继续阅读
今次同朋友再次去本阵，今次铁板烧比起之前更好味，比得起花杯松菱，我同老婆叫左一个龙虾二人餐，龙虾焗得有鲜味，鲍鱼好有质感，酒煮蚬火喉控制得好好，牛肉薄烧新食法，炒饭炒得好香，第一次焦糖多士，真系好好味，今次有惊喜，下次我一定会再试多一次。
继续阅读
抵夹正师傅好有心机, 煮得好好味, 侍应生很殷勤有礼, 待意在此赞佢地 刺生好新鲜, 鲍鱼很鲜甜, 三文鱼又滑又甘香, 虽然件头不大, 但材料正, 这个价钱, 吃到的质素, 很低啊! 再要赞师傅, 所有热食都是即煮即上, 一道接一道, 好好味呀! 焗蚝是用广岛蚝, 滑而不靱, 芝士汁配调得好, 连汁都啜哂; 天妇罗炸得松化, 里面主要是鲜虾, 好味 可是胃口有限, 最后放弃了炒得靓又香的海鲜炒饭, 吃了鱼子冷面, 啱啱好饱饱!
继续阅读
真系忍唔住想在此投诉下!!用$148买了"本阵" 特盛晚餐 Coupon, 见佢的Menu, 同post 出来的相, 以为有番咁上下质数, 点知完全唔得!!食物质数真系好普通, D 野好细碟(部份质相片不乎), 除了第一碟鹅肝不错之外, 全部都系普通货色.. a. 鲍鱼、甘虾、三文鱼刺身 : 除了鲍鱼同三文鱼OK D 外, 甘虾有d 腥臭味。 话系南非鲍鱼仔, 其实系普通野, 平时西贡食个d仲正. b. 焗蚝 : 算OK, 不过好细只, 酒店自座餐个d 大只美味好多lor !! c. 法色冷春鸡 : 主菜之一, 真系不知所谓!! 好似雪柜拎出来, 求其加d 汁比你咁; 没咩颜色, 味道好淡.. 老婆话, 都唔知咩来, 我地成碟没食!! d. 美国安格斯牛 : 也是主菜之一, 话系安格斯牛, 真系唔系好信 lor... 我在 Sogo 买个d 仲美味!! 相片个度 Show 系一块牛扒切成 8 小片的, 点知上主菜时系用细点上 4 小片, 好似一块牛扒分开两份上比客人... 主菜之一 wor... 得个 4 小片? 唔系麻... 真系当我地傻 ga mei.. e. A5和牛炒饭 : 真系不知A5和牛在哪里?! A5和牛应该遇热易溶, 点解炒饭上d 牛肉咁硬的, 唔知仲以为系叉烧。 似牛肉粒炒饭多D Lor.. 仲要得一碗仔炒饭, 几啖没哂 f. 蚬肉立鱼汤 : 淡,没鲜味; 好似沟水冲的咁, 真系唔得; 吉野家的Miso汤好味得多了... 因为个餐原价系$398, 所以要以原价收加一, 即系$39.8 一位。我见到隔离卖单时, 向佢地收每人40, 客人问唔系 39.8 咩, waiter 竟然话$40 系39.8 的齐头数, 加上他们没豪子找, 唔好意思...咁都得?! 总结:用$188($148 + 40)食一餐咁的所谓特盛晚餐, 我宁愿自己出去食其他日本野 lor。 和民、千两好好多啦..原价仲要系$398, 真系唔知价值何在!! 食餐 Buffet 唔好?!我从未因食完一餐如此愤怒,也从未投诉过。平时试新野唔好食咪算lor, 但今次愤怒系因为感觉被人欺骗, 相就影到好靓, 仲有好多明星来食过的相, 又话几好口碑, D 野点新鲜... 完全唔系呢回事, 仲够誊死主菜得个四条牛扒丝...!!话荣获最受欢迎食肆 ?! 荣获必食食店 ?!我估佢本身的质数未必真系咁差的, 但可能我地系买 Coupon 来吃的, 所以有d 求其, 得过且过!!真系唔好以为人地傻架, 比d 咩人食, 人地系知的!! 我地都系用 $$ 买架 lor !! 我以后同d Friend 都唔会食呢间!!
继续阅读