本家韓國料理

营业中

休息中

終於同朋友嚟到朝思暮想嘅「本家韓國料理」朝聖喇！🥳 一入到去已經充滿韓國人，聽到隔離枱都係講韓文，真係好似瞬間去咗首爾咁呀！✈️我哋今次主力係嚟食佢嘅韓式燒烤，所以點咗勁量級嘅「特大牛排骨」、「五花腩」同「燒白鱔」。塊牛排骨真係冇講笑，勁大塊，橫跨成個燒盤！🥩啲肉醃得好入味，甜甜哋嘅醬汁燒起上嚟焦香四溢，阿珠媽仲會好細心咁幫我哋燒同剪開，確保每一舊都係外脆內軟，肉汁滿滿，真係超正！🤤 啲五花腩都唔輸蝕，我哋特登燒到佢邊邊有啲脆脆哋，肥瘦相間，用生菜包住泡菜同蒜片一啖食落去，油香十足但又唔會好膩！🥬另外一定要讚嘅係個「燒白鱔」，絕對係驚喜之選！🐟 燒完之後塊皮脆卜卜，但入面啲肉依然超嫩滑，口感一流！魚油嘅甘香慢慢喺口入面滲出嚟，而且完全冇腥味，真係皮脆肉嫩嘅完美示範，必點！不過今晚嘅MVP，我一定要頒俾「八爪魚素麵」！🐙🍝 本身見到紅卜卜以為會好辣，點知個醬汁係甜辣為主，超級開胃！八爪魚好新鮮，口感爽彈唔會韌，配埋彈牙嘅素麵一齊食，又辣又爽，真係超！級！好！味！個種刺激感真係會令人食上癮，我同朋友清晒成碟都仲想再叫！另外，個「泡菜湯」都係必點之選。🍲 佢唔係平時普通餐廳嗰啲死鹹死辣嘅味，而

尖沙咀 本家， 米酒連續兩次相都有曱甴！米酒 第一次上枱， 在碗裏有曱甴屍體！🫠第二次 上枱， 碗邊有大隻曱甴正在爬行！通知店員， 店員知吾以對， 不瞅不睬， 韓國人( 疑似老闆） 扮唔識聽英文及廣東話， 玩賴皮，態度極差！成間嘢性價比極低， 價錢貴，份量少， 衛生情況欠佳!五人食用， 其中兩人當晚屙咗兩次！😷😷訂座時已肯定韓國人老闆出講廣東話， 發現有曱甴後竟然扮唔識講， 真係差到不得了， 醬油蟹性價比極低， 完全不值得過來， 不要再被他們蒙騙了！又限時， 準備被社會淘汰吧！

未諗到食乜，突然間有人講起想食韓國菜～咁就去食啦～佢咁樣講一講就想食醬油蟹啦！！！！！！！！我地得三個人咁叫左四隻醬油蟹～再叫左小小肉～～～一大碗飯～～～～～都好夠食啦醬油蟹真係好好食香港少有可以食到既味道

如果你想食正宗韓國菜，本家韓國料理絕對係一個唔可以錯過嘅地方！醬油蟹，一上枱就被佢嘅外觀吸引到！啲蟹好大隻，色澤鮮艷，開咗後蟹膏滿滿，真係好正！味道方面，醬油嘅鹹香同蟹肉嘅鮮甜完美結合，每一口都令人回味無窮。可以話係一個「爆炸」般嘅體驗，食完之後真係想再叫多一份！韓牛，質素都非常高。牛肉切得厚厚的，燒得剛剛好，肉質鮮嫩多汁，加上特製醬汁，更加提升咗整體味道。每一口都充滿了肉香，搭配埋啲生菜包住食，更加好味！呢度不單止食物好味，仲有一種韓國阿朱媽嘅氛圍，令你感受到餐廳對食物的用心。如果你喺尖沙咀附近，本家韓國料理真係值得一試！

2個人叫左個烤肉拼盤set加2隻醬油蟹，份量非常夠，甚至乎係食唔晒。烤肉質素非常高，每一塊都好靚好厚，好好味。醬油蟹都好大隻，好鮮甜，好多膏，越食越上癮。服務都好好會幫你烤埋啲肉同埋將醬油蟹撈埋落啲飯度。價錢都合理唔算好貴對得起呢個品質。佢亦都每人會俾一份前菜，有七小碟，for你做開胃菜同食得有啲膩嘅時候解膩。呢間下次一定會再encore ，不過要提前book位，我平日去食都要排半個鐘左右，有啲耐。

午餐12點， 同1位朋友一齊入去， 職員安排我哋坐4日位。 準備點菜時， 另一個女職員態度惡劣甘問我哋： 你哋做咩坐尼個位？ 吓？ 你哋安排架囉。。 然後要求我哋換位， 換2人位， 但當時餐廳有一半以上係空的。 準備走時， 去洗手間， 想直行過去， 會經過餐廳一個收拾杯碟位置， 但當時係無職員收拾，也沒有人。 立即被另一位年長的女職員喝止： 你去邊呀？ 洗手間行尼度呀，阻住我哋做嘢。 其實同一個方向行， 當時又無咩危險位置，需要甘喝止客人嗎？食餐飯食到一肚氣。。

今年我生日朋友選了韓國餐可能是看了黑白大廚😏我們是一行3人去食本來不是太餓想叫1.醬油蟹2.燒鰻魚3.湯窩一個後尾店員說要叫兩個燒烤餸才可以開爐於是我地無食燒鰻魚改左食石板八爪魚豬肉朋友說訂枱用餐時間是2小時🍺生米酒$120我覺得俾平時香港的好似好飲，不是支裝倒落去碗度，佢有微微發酵過的酸度對之後食既食物有解溜既作用，味道也好濃。🧡no T21的豆腐湯$110幾好👍🧡石板八爪魚豬肉$480店員教我地夾埋菜，翠玉瓜，辣豬肉，八爪魚一起吃。我覺得幾好食。🧡醬油蟹$520（有2隻，切開8件）店員幫我將2件蟹肉放入紫菜飯入面，再攪勻放入蟹蓋。佢見我地食得好開心，主動介紹返佢地d蟹係韓國入貨再自己醃製，同平時其他店叫貨醃好的蟹不同。朋友話（佢食過香港其他醬油蟹）：味道剛剛好，不會太咸。我（之前係韓國食過真味食堂/大瓦房）：幾近韓國口味。總結：會再去食

話說今日三個人去食lunch，每一個lunch set都有碗牛肉湯，其中一個朋友話佢唔飲牛肉湯，咁我就話唔緊要啦，我飲埋佢。之後三個湯嚟到，我朋友將兩個湯擺咗喺我面前，個韓國人老女侍應，佢問我點解一個人可以飲兩個湯，然後佢堅持收返一個湯，佢話我唔可以飲兩個湯，我問佢點解我唔可以，佢話因為個湯係屬於我個朋友，而我個朋友決定唔飲湯，所以佢有權收走個湯，我忍唔住鬧咗佢一鑊，點解我哋有俾錢？但係唔俾湯我哋飲？請問我一個人飲兩個湯有咩問題？

腸胃唔好嘅人想挑戰食醬油蟹，屋企人就推薦食呢一間，仲話係醬油蟹嘅天花板。不過呢間餐廳booking好full，要提早半個月前book定枱，而且電話都唔一定打得入喎，真係睇你嗰日好唔好運。🍄生米酒，屋企人超推，但我嫌酒味重，飲咗一啖就放棄咗🍄好多碟嘅前菜，不過得泡菜可refill🍄叫咗個一牛一豬套餐🍄醬油蝦🍄醬油蟹店員會問係幾多個人食，跟住幫手拆肉，再塞返啲飯入去。我哋嗰晚有四個人，得兩個蟹殼，佢會額外再攞多兩個細碗仔嚟裝啲飯喺幫手拆緊蟹肉嘅同時，另一位店員就先幫我哋燒住牛肉先。🍄按照佢哋介紹嘅步驟點返啲醬，粒牛超級好好食！🍄辣八爪魚加素麵，兩樣野都好割裂😅😅🍄豬肉，有人幫手燒係零舍好食啲🍄後來加咗個生菜，印象中佢都唔平，但有好多塊菜呢餐飯埋單人均都要成六百零蚊，都真係唔算平⋯⋯但對於初試醬油蝦醬油蟹嚟講都安全可靠嘅。

人生第一次寫食評，因為成個用餐體驗非常差！夜晚6點半左右walk in 入去問有冇位，話有位但只可以食一小時到7點半，我哋覺得OK就入左去。坐低即刻order，我哋兩個人叫左一份醬油蟹，一份五花肉，因為唔食牛肉，所以就無打算再叫其他肉，本身想另外再叫一個湯，但個短髮識講廣東話嘅店員竟然話叫一份肉唔可以開爐燒肉，廚房會燒埋出黎，一份五花肉都成$200蚊，居然有如此不合理條件，礙於不想餐飯掃興，我哋再點左份魷魚，其實都係格硬點到燒肉時，個韓國姐姐本身都正正常常咁幫我哋燒，其實我哋Prefer自己燒，個啊姐燒完竟然用支鉗敲我隻食飯碟，示意我哋可以食得，呢個動作真係好冇禮物同勁差跟住上醬油蟹時，因為之前食過有跟飯同紫菜用黎撈蟹膏，今次就冇上飯同紫菜，隔左大概10分鐘先有另一個店員拎過黎同幫手撈飯，之前食過一次係好食的，呢次個店員撈飯時落左好多醬油，搞到個飯勁濕又鹹餐飯食到7點10分，有兩個店員就黎收我哋張檯啲碟，清到一乾二淨，意思已經好明顯，我哋都不想多留一刻就起身走人，兩個人埋單$979，價錢不便宜，但是服務態度卻非常糟糕，整個用餐體驗非常差，咁唔憂做，以後唔會再幫襯

係香港從未去過一間噤差服務態度的一間韓國餐廳！第一：叫左一個炒八爪魚加素面，上菜時問需唔需要幫我撈，我當下當唔需要，因為其中一個朋友唔食辣。之後朋友叫我哋照撈，於是服務員回來時我話請幫我撈，誰知俾佢質問話問左我幾次我都話唔使，而家又要。第二：因為我地人多，夠最低消費，所以book左私人房。我地一班朋友傾訴開心怕嘈到人，於時關埋房門，過左一陣有服務員好大力噤拍開度門，黑口黑面衝人黎，好粗魯噤放低個生日蛋糕（因為我地準備切生日蛋糕），咩都無講，蛋糕盒又拆開，碟同叉又隔一陣先上。無而在場staff從來無同我地講唔可以關門。今時今日仲係噤的服務態度？香港餐廳多不勝數，唔一定要食你！

小朋友放暑假，特登請假同佢呢隻為食貓週圍食，其中一站就係本家，因為小朋友睇電視見到白種元，上晒腦。去到餐廳啱啱開門，被帶左入去2人卡位坐低。幾位侍應完全無招呼嘅打算，揮手幾次先有個嬸嬸過黎，仲要只俾一個 a la carte嘅menu我地，問佢唔係有lunch menu嗎?  佢話未咁快有。咁奇，你午巿未準備好做乜開門，當我係遊客嗎。心有不甘，過左一兩分鐘揮手叫另一位嬸嬸，就俾左個lunch menu我地。點完餐都好快上菜：泡菜只有一碟偏辣，其餘我個仔都食到。款式比普通韓國餐廳多。個飯味道正常，係白蘿蔔偏硬，鍋底有飯焦，頗香口。牛肉份量好多，無肥膏無筋，非常好食。牛肉湯好重胡椒味。

尖沙咀。醬油蟹🦀本家韓國料理。人氣韓國餐廳依間韓國料理應該好多人都熟悉，算係熱門既韓國餐廳，長期full booking，而且只接受電話預約，但系電話成日打唔通，多數要打好多次先有機會有人聽🤣..walk-in就通常無咩機會食到，所以都係建議乖乖地打爆佢地個電話🤣餐廳入面staff大部分都系韓國人，不過都溝通到容易點到餐，當日去到大約7點半，一如既往地爆場，非常熱鬧，雖然staff們都好忙，但系都好快放低左幾款前菜，今次服務態度顯然比上次好，記得上次同朋友食，佢地飛D前菜比我地，即刻個樣呆左🤣，仲要叫極都無人，想refill小菜要等一大段時間..今次體驗好好多😂..但系refill小菜都系咁慢，不過叫做有人應機🫣—醬油蟹$520每次黎親本家都系為左食醬油蟹，一份醬油蟹有兩隻，今次既醬油蟹都系蟹膏滿滿😍，滿瀉既橙黃色蟹膏，甘香豐腴，而新解既半透明蟹肉亦非常鮮甜，無腥味，配上自家製醬油，咸香咸香，鮮甜鮮甜，店員仲會幫忙將醬油蟹拆肉連同蟹蓋既蟹膏以完美比例撈埋紫菜飯，撈好後再分好放落蟹蓋，方便客人食用，醬油蟹撈紫菜飯真系好好食，間唔中就會掛住依種滋味，不過醬油部分比較咸少少，但系可以接受。—

食到一半先記得影相， 可以想像有幾咁好食。 肉類份量非常足夠，真材實料點餐時要諗一諗 消唔消化到先重點推介生菜包豬腩肉絕對唔係199肥膏，係紅白交替嘅豬腩肉，冇騷味，煎得好香。牛肋骨100％推介好好味原條骨，非常香口，高質素石頭飯食肉太多一定要試去石頭飯，蔬菜新鮮，份量滿分， 菜嘅份量遠遠遠多個白飯。自覺食咗好多菜，好健康，腸胃都通水冷麵平凡中見真章。 冷麵彈牙， 湯底調味清甜， 再配埋 已醃製的白蘿蔔薄切，水準遠遠拋離一般韓食店舖。順帶一提，韓國實地菜式肉類少， 主要都係蔬菜根部醃製品。。。 我都係鍾意香港可以食淡淡香口的肉肉肉！

同朋友聚舊 朋友話想食韓國嘢 就揀咗呢間《本家》位置係 尖沙咀 金馬倫道， 位置都容易搵嘅， 電梯等咗勁耐 所以建議行樓梯一層就到達我哋叫咗一份海鮮煎餅 燒韓國淡水鰻魚 燒豬腩肉 豆腐辣湯 前菜總共有六款 但係只有泡菜可以refill一次,淡水鰻魚同燒豬腩肉幾好食 阿豬媽佢哋會幫你燒埋， 你係唔需要自己燒 而且佢亦都唔會畀你自己燒伏！！！ 海鮮煎餅 伏！！！ 粉漿好厚睇唔到海鮮 唔會再order!!!! 伏！！！因為泡菜可以refill一次，我哋食完之後就叫佢refill， 跟住等咗十分鐘都未嚟 我哋就同職員講多次要refill， 然後我哋再同佢講話未嚟，有一個女職員同我哋講話我哋已經refill咗2次，我地當堂O哂咀 ，我朋友都忍唔住衰聲同佢講返 ， 之後有位男職員 快快手refill返俾我地本身上去食之前睇過openrice都有心理準備係無service ,原來係真的...