影片
员工态度差,个个㶶口㶶面食物质素差上枱仲要唔系热嘅卫生环境差出餐时间极耐,已经催过两次单前后接近等咗40分钟帮衬时间唔系繁忙时间绝对唔会再帮衬附近比佢好嘅餐厅大把
继续阅读
又喺因为一年一度阿妈嘅死忌日而嚟到钻石山坟场扫墓，之后照惯例就同细佬妹一齐食埋晏先散。贪方便加上由于天气热，所以，大多数都喺行过嚟「慈云山中心」揾食就算。佢哋唔多试新嘢，茶记就最啱佢哋，所以，一早上网拣定咗「木椰餐厅」，可谓目标清晰。睇门面已觉得间铺好大，环境干净企理，光猛阔落，正值午饭高峰时间，全场近乎座无虚席。虽然喺咁，无见店家逼人坐埋一枱，或两个人坐卡位要坐埋同一边。我哋就揾到个角落位，骚扰度细啲。主餐牌大大本，今次就无影晒，只喺影咗我哋有嗌𠮶版，另外，仲有个精选午餐餐牌，每日都有6款选择 包餐汤及热饮。是日餐汤细佬就嗌精选午餐，餐厅都喺茶记嘅标准：红汤、白汤，佢就要咗红汤（杂菜汤），味道OK啦，料多，酸酸香香，够平稳。焗葡汁鸡皇饭 $58因为喺是日精选午餐，所以，好快就送到嚟。睇外观感觉好似几正咁，食落又会系点呢？细佬就话个葡汁闻落几香，但食落唔够椰子香味，唔叫差，但未有食到好开心嘅感觉，幸而啲鸡肉就都嫩滑，拉番啲分。精选常餐 $52细妹就拣咗常餐，主食都有四款选择，佢就拣咗「瑞士汁鸡翼捞螺丝粉」，啲鸡翼上晒色，睇样又喺几唔错㖞，细妹就话几入味，几好食，啲螺丝粉亦都煮得够咬口，不过，就喺好唔够汁啰，食到尾段好干。另外常餐仲包咗肠仔（或火腿）、炒蛋配丹麦多士，啲炒滑蛋就炒得一流，香滑又够份量，肠仔都喺普普通咁嘅鸡肉肠，本应丹麦多士本身就几好食，不过，细妹就嫌佢烘㶶咗啲。炸鸡髀煎蛋饭配特制葱油 $53小弟就睇啱招牌葱油系列，炸髀葱油够晒唔健康，但啱我啰，难得老婆今次唔得闲嚟，当然放纵少少食返个邪恶碟头饭啦。先讲只炸髀，确喺有料到㖞，大大只有眼你睇，而且，炸得甘香，咬落去层皮咔咔声咁脆，又唔觉得好油腻，啲鸡髀肉亦都好嫩滑，又入晒未；葱油亦都俾得好手松，加埋啲蛋浆捞饭食，真喺可以讲净食蛋浆葱油捞饭都够呀！热奶茶嚟到茶记，我都喺忠于饮番杯热奶茶，虽然睇表面好似泡多啲，但味道确喺唔失礼，茶底醇厚芳香，茶奶比例又啱啱好，虽未至于丝咁滑，但入口都算好顺口。今餐啲嘢食几唔错，不过服务就真喺有啲乱，我哋同隔离张二人枱喺同枱号，但分为A枱、B枱，咁啱我哋喺同时间点餐，点嘅嘢部份又有啲相似，但送餐就送到乱晒笼，其实啲阿姐啲态度都好好嘅，相信喺比较新手。
继续阅读
📍木椰餐厅呢个价位嘅屋邨餐厅，其实对佢食物嘅质素都冇乜要求，只要唔难食就可以。帮衬过几次觉得佢嘅炒饭同蕃茄芝士焗鸡扒饭都几唔错。每次我嚟其实都系食呢两样嘢。今次叫咗辣椒鸡粒炒饭，佢嘅炒饭份量好足好大碟，不过略嫌佢今次炒得唔够干身有啲湿。另外加咗个罗宋汤，味道正常。但蕃茄芝士焗鸡扒饭嘅份量就明显好细。鸡扒一般餐厅嘅鸡扒要细好多。我平时都细食，但食完都系啱啱好冇乜饱嘅感觉。佢呢个焗饭有炒饭底，如果可以加埋菠萝就Perfect
继续阅读
喺呢度食过好多次，最令人反感就是有个男人服务员，工作态度差，没有礼貌，食物水准一般，杯冻咖啡淡过猫尿一啲咖啡味都冇，价格一般，最主要唔会再去原因，就系这个男服务员非常之无礼貌，基本礼貌都没有，真系是赶客之都。
继续阅读
因为住附近食过呢间好多次之前食过佢下午茶嘅咖喱牛腩饭 上到嚟见唔够汁叫佢加多啲汁都会畀今次都系食呢个 个饭嚟到牛腩得两三旧 汁又少唔够捞😅就嗌侍应帮手加啲汁啦佢竟然话下午茶冇得多㗎 要就加5蚊讲完佢头也不回走咗😅😅但汁真系太少 唯有嗌返佢过嚟话要加啦佢笑住话 加5蚊都加？帮你问下啦咩叫问下？😅😅😅如果系不嬲都加5蚊先畀𠮶一兜仔咖喱汁嘅就唔洗特登去问下啦下话？直接帮我落咪得😅仲要menu根本冇写要加5蚊睇返张单写住 手写单 $5其实加5蚊系咪个侍应自己作？😅😅😅
继续阅读