木村麵包屋

营业中

休息中

噚日（7-8-2025 Sat）睇吓openrice，見到蛋撻就諗起好耐冇食，放工時又肚餓，咁不如買返件啦，石圍角得呢間麵包舖，都要焗住嚟買㗎啦。嚟到時睇見蛋撻擺喺門口嘅櫃，賣$6.00一個，係要店員夾嘅，咁我入去睇重有咩吸引先，見到紙杯蛋糕賣$6.50一個，又見到朱古力卷蛋，同樣$6.50，呢間嘢啲嘢貴咗，咁我要朱古力卷蛋，夾到去收銀等俾錢，有個店員將佢放入膠袋，我即刻話要多個蛋撻，咁佢就用另一個袋裝。由於肚餓，所以我拎到返屋企就即食，拎起個蛋撻，曲奇皮就裂，食落味道對版，曲奇皮唔太膩，正常嘢。3分然後食朱古力卷蛋，呢個唔太甜，味道正常，口感好鬆軟，呢個係有驚喜。5分其實我係戰戰兢兢咁買，始終有之前唔好食嘅經驗。服務：排隊等俾錢時，背後傳嚟一把女聲“唔該借借。”但語氣麻麻，然後到我俾錢，我已攞定$12.50，但嗰5毫係三個1毫加一個兩毫，收銀話：“唔好意思，我哋唔收1毫。”但同樣，語氣都唔係咁好。抵食係2.7分上次食評係2025年7月24日提交嘅呢篇：https://www.openrice.com/zh/hongkong/review/%E9%9B%A3%E9%A3%9F-e613

11-7-2025（Fri）老公約咗朋友放工後見面，剩低我一人食晚飯，唔知食咩好，喺呢喥買麵包食算。嚟到睇有冇舊年食過嘅咖啡椰圈，見到有喇，賣$9.50一個，好似加咗價，夾咗先，再睇有咩包，見到有個$14.00嘅千島沙律法蘭克福腸包， 咁就要呢個啦。返到屋企我就先食千島沙律法蘭克福腸包，一咬落去，個皮有啲韌，味道係食唔到千島沙律嘅味，腸鹹係正常，但成個撈埋個味道有啲怪，唔係咁好食。0.5分而咖啡椰圈，咖啡味就重，今次就食到椰絲，同上次食嘅都差唔多正常水準。5分

大前日（22-11-2024 Fri）放工後諗夜晚食咩嘢，由於晏晝食叉燒食到消化不良，所以都係輕食，咁就買麵包啦，買返上次食過嘅咖啡椰圈？（食評係2024年11月16日刊登嘅呢篇：https://www.openrice.com/zh/hongkong/review/%E7%89%B9%E5%88%A5-e5777481）嚟到時睇，冇，只有普通椰圈，咁睇吓其他，見到有$9.00嘅吞拿魚包同$9.50嘅芝士蟹柳包，就決定要呢兩個。拎到返屋企，忙咗一輪至開始食，先食芝士蟹柳包，唔知係咪天氣凍，佢已經有啲硬，感覺芝士唔多卻食再沙律醬，蟹柳味道都唔多食到。原本想俾0.5分，但公平啲，俾1分。然後食吞拿魚包，口感正常冇問題，內裡嘅吞拿魚饀都唔少，ok嘅。3分

今日（16‘11-2024 Sat）晏晝要同老公整啲嘢，但夜晚又會同佢男友人RK食早飯，咁要留肚唔好食咁多，於是喺呢喥買定麵包先，嚟到睇，我見到有$9.00一個嘅咖啡椰圈，店員話啱啱出爐，可惜我唔係即刻食，而老公就睇中$8.50一個嘅芝士條，最後我都係試咖啡椰圈。到晏晝要食咗先，我先食咖啡椰圈，其實我覺得佢哋好似焗過龍，食落咖啡味唔係太燶，但成個係好特別。4.5分然後食芝士條，相對呢個就會係普普通通。3分上次食評係2024年10月16日刊登嘅呢篇：https://www.openrice.com/zh/hongkong/review/%E6%88%90%E5%8F%A3%E6%B2%B9-e5730955

前日（14-10-2024 Mon）放工後經過呢嚟，睇吓有啲咩甜品可以買，瑞士劵或蛋糕？睇睇先，啊，剩低原味同咖啡味瑞士卷，老婆餅，叉燒酥，甚至啱啱出爐蛋撻我都唔啱，因為都食晚飯喇，但都買啲返去同老公食啦，最後我買咁同樣$14.00嘅芝士蛋糕布甸，同木糠布甸各一個。拎出嚟，其實都幾細個。我哋食完晚飯就食喇，我先食芝士蛋糕布甸，一食就食到啲檸檬味，落得太多檸檬汁？芝士味唔係好出，口感Ok。2分然後食木糠布甸，呢個味道明顯甜啲，有啲蛋味，口感比芝士蛋糕布甸鬆散，亦食到成口油嘅感覺，好差。0.5分服務：一去到喺門口睇，店員即刻介紹蛋撻係啱啱出爐。抵食係2.5分上次食評係2024年10月8日刊登嘅呢篇：https://www.openrice.com/zh/hongkong/review/%E7%AB%A5%E5%B9%B4%E5%91%B3%E9%81%93-e5716969

作為荃灣工廠區和這邊住宅一帶唯一麵包店，木村的麵包款式、味道和價錢都算合理。去過幾次都是由一位中年女員工收錢，該位員工連望都不會望顧客一眼，poker face般，匆匆把麵包放進膠袋，不會直接交到顧客手上，更遑論一句多謝光顧。雖然麵包只是十元八塊，我也不是奢求有什麼良好待遇，但麵包店另一位較年長的員工每次收錢都笑容滿面，親手把麵包交到顧客手中，連連說多謝光顧，這樣就形成很大對比了。此為個人感受，不喜勿插。

前日（6-10-2024 Sun）朝自己一個買完餸後，就叫去完教會返嚟嘅老公，喺呢喥買麵包返嚟做早餐， 佢買到返嚟，我嗅到好香，原來有一個麵包係啱啱出爐，睇吓佢買咗咩嘢？有：1. $11.50嘅紫菜肉鬆球（三粒 ）呢個每個肉鬆球裏面都有紫菜肉鬆但唔係好多，尤其是紫菜，而味道同口感都正常冇問題。3分2. $7.00嘅菠蘿包呢個就係新鮮出爐，一食就係熱騰騰，微甜嘅菠蘿面好脆口，包身口感都正常。4分3. $9.00嘅火腿蛋包睇見呢個外形係圓形，唔似以前嗰啲長長地，欖核形，中間劏開放火腿蛋嘅樣，側邊睇，將火腿蛋攝打橫放喺中間，睇見火腿片薄，全熟蛋係貫徹嘅鞋口，麵包口感都係ok正常。3分

17-9-2024 (Tue)中秋節放早,35度嘅高溫下買嘢食,唔想去麥當勞,就試呢間唯一嘅麵包舖.嚟到睇,賣嘅麵包多數係舊式,睇勻後,就揀$9.00嘅紅豆菠蘿包同$5.50嘅芝麻卷各一個.返到屋企影好相就食啦,先食紅豆菠蘿包,呢個大大個,食落,菠蘿皮唔脆,味道同口感都正常嘅紅豆餡份量適中.而芝麻卷嘅皮韌到開始偏硬,佢唔太鹹,好少芝麻香.詳細評分係:味道: 2分,  環境,衛生同服務: 5分,   抵食係3分