木村日本料理 (已結業)

上星期5同友人行黎行去搵野食~見佢好似坐得幾舒服就入左去.....等我講下我食左d咩啦1) 三文魚刺身 - 唔新鮮個味好怪2) 鰻魚壽司 - 個汁冇咩味3) 吞拿魚壽司 - (我冇食，友人話唔新鮮too)4) 炸雞軟骨 - d炸粉唔好食唔脆..但都算入得口5) 叉燒拉麵 - 麵ok..但湯好似出前x丁既九州味味粉開出黎咁既味..仲要係好淡6) 炸蠔 - (我冇食，友人話個味ok，但唔知點解係一d細蠔係入面而唔係一隻大蠔)7) 泡菜豬頸肉石頭飯 - (我都係冇食，友人話呢個好似大排檔既醬爆豬頸肉飯，唔特別&佢唔係用石頭窩/碗，但佢叫石頭飯??真奇怪)8) 一罐好正常既可口可樂9) 味僧湯 (我都係冇飲，友人話冇味好淡)我冇記錯好似係食左咁多野~味僧湯有個小插曲，冇啦啦一個好似經理既人好大聲叫d侍應"味僧湯要加返個蓋先好上台"我聽完之後呆左，你唔講我都唔知，你一講我就諗返起你岩岩上碗湯係冇蓋，個侍應仲話個蓋唔知比師父放左d咩所以冇蓋蓋住d湯，真奇怪....好既野就係佢自動自覺加茶同埋坐得舒服。

為咗慶祝母親節, 母親大人想食日本野, 朋友介紹呢間扺食, 所以一試...........我之前book枱果陣話要卡位, 諗住坐得舒服d, 點知好似迫左少少, 好彩我地一家人唔算肥, 所以都可以接受...........果晚係星期六, 七點半去到, 見入面都唔係好多張枱, 但都只係得一半枱有人坐, 我媽咪仲驚緊係咪唔好食呢?? 因為見到其他間間日本野都好多人, 企滿哂人等位, 反而呢間就唔算多人, 不過老豆泊完車入到黎, 話原來門口已經有人等緊位, haha~~佢張menu紙的食物全部$10, 望落好似好扺食, 但其實全部都係超迷你版...........壽司 -> d飯好散, d魚生超薄, 又細塊, 小朋友都可以一啖食哂刺生 -> 算幾新鮮, 不過得2片, 唔係好夠喉飯 -> 1飯碗咁多炸物 -> d粉漿好厚, 不過好脆手卷 -> 2-3啖食得哂, 冇出面果d咁多料鍋物 -> 迷你鍋, 好多菜墊底基本上都試勻好多食物, 6個人食左36碟都好夠飽, 我地就冇漏單情況, 其他枱都有聽到漏單, 而我地只係漏埋單啫, 明明叫左個經理埋單, 但等

今日同個FD去食下午茶...去左木村見佢有A-Z個 SET LUNCH..每個都係$20幾抵..入去試下入到去坐CAR 位..但職員唔俾分開2面位只可坐一邊...(這點可理解)過了一會有一家4口在等位...我同個FD主動搬2人坐位..讓張枱俾他們職員知道後什麼反應都冇...搬位要我們自己來做請問哩D係咩服務manner.???.劉華的短片真的要重點從播呀!!!settle 之後...我地點了泡菜三文魚石頭咼飯...鉄板豬頸肉炒noodle...等了20 mins...所點的東西都沒有到來...問了職員...她問我地點了什麼...之後話2-3 mins後會到....點知再過了10mins..炒noodle才出現於眼前但鉄板豬頸肉炒noodle並唔係隔離枱般用鉄板上...只有general dishnoodle味道帶sour...在三追問下...泡菜三文魚石頭咼飯都未到...向等石頭咼飯時候點了sushi 頂肚...所謂$10 3件...規定要同一樣點了饅魚&蚧子sushi...饅魚sushi 好dry...d飯仲要一夾就散蚧子sushi 蚧子勁硬一d汁都冇..食到好想嘔結果問了一味叫你等

記得以前這個舖位是一間門口有小飛俠公仔的餐廳的...現在轉了這間木村..難道我記得?下午茶時段入面都唔係好多人..但坐卡位居然都要我地坐埋一邊..唔係呀?你話如果多人就話JA..仲有成半間舖的位都要?服務員的態度有時都幾差下.. 下午茶每樣$20 又真係幾抵...飲品唔包..加$3 有普遍飲品 / 加$5 有特飲 仲有些小食全部都係十元碟 鰻魚炒飯：好大碗．．＄２０真係抵．．不過就好咸 雞翼拉面 炸蝦十元一碟有2件...尚可接受 壽司雖然十元三件...三件要選埋同一種..不過超迷你... 三文魚壽司...>_<...唔得呀..又細件...三文魚薄到呀..又好淋喎~~~下次一定唔會再叫壽司~~

話說我早排一直都有諗住搵間餐廳同女朋友興祝拍拖1年紀念~咁我平時都有上黎睇下有咩好食..當然啦我緊係揀比較近自己既地方食^^咁我就見到大家d食評就有好有差~咁就決定去一次試下!我同我女朋友8點幾去到~入面都唔算太過空去到就俾左個卡位我地2個人~好快就有侍應俾左兩杯荼我地同講下介紹下有咩好食睇到張自點既10蚊每款菜單我就心諗係唔係咁抵呀?我地就點左十幾碟野食大約坐左15-20分鐘一直都有music播緊個侍應就上第1碟野俾我地"辛辣鐵板炒蜆" 我同我女朋友都好鐘意呢碟野夠晒辣 夠鮮味然後一碟一碟就開始上值得推介既係以下幾款ps:因為當時太肚餓未有時間影相下次再補番*"雪花肥牛鍋"切粒魚生飯"凡立貝沙律燒"燒雞中翼串"芝麻八爪魚"木村軍艦壽司"花之戀壽司"特式曼魚卷"真係好抵又好食我女朋友都讚間野d食物幾好食又平不過可能個日爆左位出品部太忙見到格離台等好耐先上菜..希望間野可以改善下啦晚市每人平均都係大約80~

特餐都還好~ 下午茶全部廿蚊, 有飯, 湯面, 炒烏冬叫左個鐵板豬頸肉炒烏冬, 廿蚊有鐵板餐, 都味道都還好但女友叫左個個石頭泡菜飯... 食落去好乾咁...唔係太得重點：諗住叫10蚊3件壽司啦...諗住點6件原本以為其他款可以混埋一齊叫啦" 點知10蚊只可以叫其中一款!!! "咁個餐牌又唔寫明顯示只可以任揀其一仲要d 三文魚...冇而家openrice 上面d 相咁~ 大大片三文魚, 變到勁細片(岩岩夠蓋住個飯)d 飯仲要散散地咁...點落d 醬度...舊壽司已經散晒.. 幾舊都係咁...仲有..."原本睇到張菜單上面幅相...以為真係咁長o既三文魚啦...原來呃人架 "唔知係咪下午茶時段先cut 到咁細片... 我係食客見到咁樣明不符實... 都唔會再幫襯啦情願你唔好張幅長長o既三文魚壽司做招牌..好過叫完order 先知lor另外...最大問題係d 服務員... 口黑面黑咁.....仲要拎錯第二台張單比人埋都得...哈...真係睇到都火滾不過有野抵讚, 環境都幾好!!

見成日o係元朗食金田、酒泉...就試下木村...見佢成張menu都話所有食品只係$10...又真係幾吸引ge....連炒蜆、拉麵、飯、手卷、刺身、壽司都係$10...每人最低消費$60..所有我同男朋友總共叫左12樣東西...三文魚壽司(3件): 我未試過食三文魚壽司係無味道嫁!!!!芝士火炙海蝦壽司(3件): 不知所謂, 芝士是凍的...照理應該係stick住d蝦...但係係分開的!!!三文魚炒飯: 又係無味!!!!鰻魚壽司(3件): 鰻魚薄過廁紙~辣醬炒蜆: 第一次上ge時候10隻蜆有一半都係合蓋..叫左waitor換過之後....情況都係一樣=.= 算數...唯一讚下....個芝士焗野菜都唔錯....其實都幾抵食ge....叫左12樣食品每人$60, 加一都係$66不過唔好期望咁高law!!!!

當時係夜晚, 我一個人行過未入去食囉. 8點幾見到門口無嘜人都心知不妙, 我叫左1個鰻魚飯, 等左10-15分鐘, 送來時見到d鰻魚非常唔新鲜, 我expect係d鰻魚好似在壽司上面d飯咁, 點知佢係好似隔左夜, d人攞番出來丁番熱咁比我食, 仲要無嘜汁, 間野埋單仲要加一, 至慘我又食唔飽, (因為d汁少關係) , 我心想一盒鰻魚飯都搞成咁, 我唔希望仲會食到其他好既野囉!

上星期五晚,家人和我到元朗慶祝生日,我們去了一間位置比偏僻的日本料理 -- 木村日本料理而今次,我們點的菜,幾乎全是有三文魚的三文魚刺生 (特價) – 肥美肉厚什錦天婦羅 (特價) – 粉槳夠薄,不油膩三文魚手卷花之戀壽司 (特價)香芒三文魚卷 芝心軟殼蟹卷 – 我這個芝士怪,當然覺得好吃特色焗三文魚頭 (原隻) – 意想不到的辣,但也吃光光沖繩山島蠔鍋 – 非常鮮甜,意外驚喜泡菜海鮮三文魚石頭鍋飯 – 因為怕辣,從不吃泡菜,但這個泡菜卻是咸多於辣 整頓飯都不錯,而爸爸最喜歡的竟然是那日式沙律醬,奇哉! 奇哉!

上個月去開元朗搵野食，就試下木村喇，點知真係好失望...果日係星期六，但六點幾都無人排隊，見無人等位，望入去環境又唔錯，當時我同我女朋友都好肚餓，所以即刻走入去試下...首先，無錯 d 野係平，但只限特價果 6 款，通常特價野，都有少少限制，所以咪問下個侍應生，係唔係可以點哂特價果 6 款，但個侍應又講得唔清唔楚，居然話得，到落單個時，先知原來每人只可以點一款特價野，服務好似唔係咁專業 wor，要改善改善，既然係咁，咪先點兩款特價野(花之戀 & 海膽)，因為見特別推介個Menu張相好吸引，我又鍾意食三文魚同海膽，就落住單先，然後睇下再 Order d 咩食喇...點知一睇個 Menu，，價錢比預計中貴，玉子壽司都成十幾蚊，所以只係叫左鰻魚飯同燒三文魚腩，上菜時間都算快，可能無咩人o既關係，但我同女朋友一見到個花之戀同海膽都呆左，因為個花之戀，只係用兩片薄薄的三文魚打橫包住舊飯，細就唔在講，味道只係一般，舊飯有 d 硬，最重要係實際食物同 Menu 張相差左成個碼...而個海膽，Menu 張相入面明明係中板，點知上檯o既係迷你板，因為 Menu 寫o左一句『相片只供參考』，所以又唔可以怪

:huffy星期日放假咪入元朗找男朋友lo,所以在元朗找野食看見有間日本料理掛滿橫額做特價咪入去試一試la從未試個星期日等位不用5分鐘勁快有好多特價食品我地叫了燒三文魚頭10元=濃的/炸天婦籮1x=太干,1定反炸蟹籽炒飯=太多油:食飽去洗手間la:行過龍去了廚房,太油la個地下,不清潔,平就平la7x元埋單,食物價錢成正比,一分價錢一分貨,太失望,不直一試下次來多次影相比你地睇下.見識下點差法

今晚大約七點幾入去,估唔到咁多人囉,平日靜蠅蠅今次就係坐左入面,平時我覺得okay個個waitress已經唔係到個老闆同d waitress比我個感覺態度麻麻,有點差兩個人叫左:咖哩豬扒飯$38,兩客三文魚刺身$16x2,一客鰻魚長sushi$30同炸生蠔卷($35)個豬扒真係麻麻,MeiMei話d豬扒好硬好un,好似係翻炸過咁三文魚刺身okay...鰻魚長sushi勁縮水!!!!!!!!!!比起上次差成倍囉!!!又多骨又短仲要$30!!!!!!!!!!!!去麻布十番$20仲要長好多添,好失望炸生蠔卷算okay的...沙律醬幾好~兩個人食左$150...即係每人$75,唔抵唔抵比tips,個人見我地冇比又黑黑地面咁之前都成日來,印象差左,以後睇怕都唔會來了......

與祖兒的歌無關，以此為題純為了我的燒湯圓念：在OR見食評講到頗差，本來不試也罷，但當知道這裡有特別的燒湯圓後，就變成非吃不可了!　其實木村環境比隔離鐵腕更好更清靜，很適合兩個人拍拖食飯，不過食物比同區貴，質素又麻麻，是晚二人吃了：　腐皮壽司-龍每次都會點這味，簡單關係少有失手，但這裡卻是太乾又欠甜味，卻賣$16，不好食又不抵食。海膽-繼生蠔後，另一質感似鼻涕、又是小妹不懂欣賞的食物，龍卻幾新鮮美味，留給他一個人清碟吧。燒三文魚頭-不知為何樣子很兇惡，肉質又燒得較乾，令我不太提得興趣去吃。蒲燒鰻魚飯-雖然醬汁稍為偏甜，由於鰻魚夠肥美都算好吃，但珍珠米飯卻硬硬的不棉不香，甚不吸引。燒湯圓-期待的一味，但上了第三次才吃到：第一次的湯圓燒過火，完全爆開了，侍者答應重做；第二次火候剛好，卻錯誤的換上了花生湯圓；第三次的湯圓才終於收貨。由於湯圓是急凍貨色而非鮮製，皮一點韌度也沒有，雖餡芯不差但也效果欠佳，加一後超過$10/粒絕不抵食，但總叫完成心願了。　當然我與燒湯圓不會緣盡於此，相信燒鳥亭的出品會較有水準，希望以後有機會吧。其實整餐最好是清淡宜人的玄米茶，二人中午都吃得甚飽，一杯茶下來有助消滯。

上星期6黎e間野試下...5丁人,坐左間好似k房既, 叫野食....試左個肥牛拉面($48),,d汁超正...又試左個泡菜豬頸肉拉面($48), d汁都唔差,肉都幾爽個雜錦sashimi就mama地...($12x) 三文魚壽司勝在特長..其他都ok既...伙計真係招呼周到, 一見你少d水,就加比你;食完,等1-2分鐘,就有人幫你執走佢.....個老闆仲親自黎serve我地..成日都有人,唔洗驚要等人黎落單..

早一個月係呢間同朋友食飯因為附近都爆哂人見呢間冇乜人就入左去話有7定8蚊一件sushi 仲係特長三文魚喎入到去 個atmosphere都唔錯 幾靚不過d服務就一般 d人好似好趕住落單咁係咁催人但係間野又冇乜人喎我叫左個鰻魚飯 朋友叫左三文魚飯仲有個好似係鰻魚炒飯叫左好多件7吋三文魚第一件黎就係7吋三文魚 本來幾期待但係食落口好似怪怪地咁陣味我覺得唔係好新鮮有陣"叔"味 即刻放低冇再食 呢個扣哂分黎到個鰻魚炒飯 ..個樣幾靚架不過食落陣味呢 干炒牛河咁 真係一樣味d飯先奇怪 個口感唔係日本米 係香港珍珠米跟住個個飯都係呢d米 好奇怪三文魚飯d三文魚係新鮮過個d 7吋三文魚 係唔同味 但係個樣又一樣完全唔知咩事 真係好奇怪價錢可以接受 50啦大約 不過我唔會再黎囉 呢間野太奇怪