影片
味道不差，过年前吃过一次，数量也足够。今日再叫外卖自取，打包得很好，分门别类，不是全部东西都放在一起，味道也不变；就是觉得烧金针菇不知是不是蒜处理不好，好苦，吃不下去。
继续阅读
店主坚持所有串烧都是由生烧熟，每串都系心机野，唔会好似部分市面串烧店为省时间，用油炸或翻烧。串烧新鲜烧起，即叫即烧，每串都香脆可口又jucy,绝对系吃得出分别。多春鱼脆口好有风味，秋葵串烧烧到冇咁粘滑，好有香料味皮脆好钟意丫😍另外XO酱炒肠粉够晒镬气之余每粒肠粉2面都好香脆火喉控制得好好，辣辣地好惹味😍烧龙虾亦有水准，用新鲜龙虾，加入清酒、蒜和调味去烧。火候控制得刚好，保持到龙虾水分够爽口多肉汁😋
继续阅读
老板娘姐姐劲风趣，好开心。老板专业，串烧啲嘢热辣辣，海鲜好好食，蛏子皇超级正，最钟意烧鸡翼。价钱都好平。个个嚟到都好似熟客，好有亲切咁。重点有啤酒得啤下。依家香港好少有呢一啲类似大排档嘅感觉。有机会一定再嚟
继续阅读
呢间烧烤店新开，见佢啲选择几新颖，所以过来试下。店舖细细，得老板一个人做晒。👨🏻我就小试牛刀，叫咗串鸡肉、猪肉、一款海鲜，同炒杂菜。海鲜老板话系即日买，所以日日有唔同，我叫咗只蛏子试下。鸡肉同猪肉都系同一款汁烧，但腌嘅味唔同。鸡肉嘅鸡味都几浓，肉质似鸡胸肉，比较干身，我个人几钟意😂。猪肉就有啲肉汁，肉质比较滑，口感好过鸡肉。两款都唔错蛏子到！哇好多葱，好开心😆 海鲜真心新鲜，肉质好鲜甜，好少喺烧烤店食到咁高质嘅海鲜！调味应该只系用咗盐同葱，比较浓味，好彩蛏子肉鲜甜，平衡返。好味！炒杂菜有惊喜！竟然用咗牛油炒😱 又几好味㖞！同埋见到啲菜嘅配搭都算多，讲真，出面啲中级居酒屋，都系是旦炒下椰菜、菇。但木屋炭火有椰菜、芽菜、翠玉瓜、芥兰、而且全部都系炒得比较幼身，$28大大碟，非常抵食！👍🏻👍🏻 有时食烧烤太多肉，食碟菜中和都好，多啲纤维帮助肠道消化👍🏻 支持！虽然系烧烤店，但都有好多特色菜，好似系炒杂菜、xo酱炒肠粉等（写咗喺黑板冇印出来），唔怕食串烧食唔饱，平时肚饿又可以来医肚，正餐宵夜都啱，唔错！最重要系，街坊价钱都好有质素保证！掂👍🏻
继续阅读
网上见到慈云山竟然有间舖肯攞炭烧牌，用炭火？当然要试吓！当晚好大风，闻唔到炭烧味，返而风中带点燃油味，唔知系附近巴士站定食店传来，附近有几间都卖串烧，门面最大过间特别多人，依间间中有外卖客，坐底食唔多，可能时间尚早。小妹帮忙开枱，一家人打理，柯打纸同餐牌一样，所以旁边加印既字同手写字落单都要手写。师父推介游水虎虾，话今日新鲜取货，大小适中，肉质鲜嫩，烧得够脆，加上淡淡盐香，连壳都可以食，以依种质素价钱还可接受。烧茄子，一般店舖会烧到茄子扁下，保持全形以为会唔够软，但完全唔会，反而外皮无㶶可以连皮食，辣味够，蒜味差D。烧鸡皮，基本都烧得香脆，只差串中间小小，用少量孜然粉调味，但粉未烧香，不过都系食本身味道。蛏子皇，是我太傻以为依个价系一份，无留意系皇！烧烤计其实差唔多，但依个真系唔抵，肉质系新鲜，但水份已流走，蒜蓉又无烤到，一D烧烤香都无。盐烧黄脚𫚭，最为推荐！大小适中，成条都烧得香脆，肉质鲜嫩带微咸，虽然系平价鱼，但依个味道对得起依个价钱。烧鸡中翼，花时间嘅食物，本身有腌唔洗调味，饱满，带油香，肉质带滑，烧得出色，抵食！炒什菜，份量合理，但配搭？淡淡牛油香几特别，但未炒香，似煮菜，不过依度本身唔系食炒，未当清吓把囗。今次食都偏特别嘢，除咗蛏子皇无烧烤味同炒菜炒唔够，其他都好值得食！建议调味早D落令香味烧出。去到尾都闻到小小炭烧香，但越夜越大风，都几难慢慢坐，其实衬宜家凉返坐街边档都系唔错，细雨都仲开到两张。
继续阅读