朝日館火鍋・小菜

营业中

休息中

最憎食肆訂枱嗰時就點都得，訂枱當日先話安排唔到，唔係因為臨急臨忙轉唔到地方就點都唔會去幫襯，個場直頭似機票超賣，你食就食唔食就罷，明白生意難做所以想接多啲生意，但係你可以唔應承吖~ 陳經理仲夠膽講唔知邊個聽電話~ 大佬你經理嚟喎~ 我食完唔俾錢你知唔知呀？！陳經理無責任感之餘仲無誠意，求其講句唔好意思今晚full哂安排唔到仲直接開口講經openrice訂係咁，不如直接响openrice下架好過啦.....不過我相信打去訂唔會有分別咁嘅服務質素係唔值得去食

晚市三寶套餐（$348）🔸 清蒸海石斑 🐟魚肉嫩滑如凝脂，火候精準無腥氣！豉油蔥油鹹香提鮮，完美襯托海魚鮮甜。 🔸 海南走地雞🐥（最令人驚喜）皮脂晶亮如琥珀，肉質白滑彈牙，「雞味」濃郁帶青草香，蘸醬料更昇華！ 🔸 流沙黃金蝦🍤鹹蛋黃外衣略厚，蝦肉鮮甜稍被掩蓋，整體中規中矩。 澳洲龍蝦餐（$598）🔸 西澳龍蝦上湯伊麵（是日重點菜）龍蝦斬件霸氣鋪滿，蝦膏橙紅融入上湯，啖啖肉爽脆鮮甜，伊麵吸盡精華！ 🔸 豉椒炒大蜆蜆肉肥美無砂，豉椒鑊氣十足，醬香滲透每寸肉，媲美大排檔風味！ 家鄉滋味碌鵝（$168）醬色油亮誘人，甜鹹交織的濃稠醬汁滲透鵝肉及芋頭，芋頭鬆軟吸收醬汁精華，地道小菜，配白飯瞬間清盤！ 💡 總結人均$220嘆盡海陸招牌菜，街坊價錢卻有酒樓質素，鑊氣十足無味精，荃灣隱世抵食推薦！ 🌟 朝日館火鍋·小菜🏠 荃灣 兆和街4號周氏大廈1樓🕰️Mon-Sun 0700-0100

點解咁好食嘅地方🥹竟然咁少follow？今日係父皇生日暨我生日🙈🙈🙈因為要就2條友返學，所以搵附近酒樓食晚飯👍🏻係OP搵咗好耐，忽然醒起附近咪有呢一間囉😨即刻上網搵…見到YouTube 有介紹，就打電話book位，順便問埋收唔收蛋糕費🎂唔收費👍🏻正食物🥘燉湯👍🏻羅漢果豬肺湯⭐️⭐️⭐️⭐️⭐️勁清甜，又潤！個湯都好大，父皇勁鐘意😍足料！咕嚕肉⭐️⭐️⭐️⭐️⭐️我同哥哥都勁鍾意食呢一個👍🏻外脆內軟，甜度啱啱好！黃金大蝦⭐️⭐️⭐️⭐️⭐️父皇大讚！佢仲喺度研究緊點解人哋可以整得咁多沙同咁好食😂😂😂呢啲手工野～都係岀去食啦豉油王炒麵⭐️⭐️⭐️⭐️⭐️呢個堅抵食！佢哋見到飲茶抵😂又近佢哋已經度緊早茶過嚟飲😍😍😍咁我就唔洗湊住佢2個過去😂😂😂鱔紅燒乳鴿星洲炒米#荃灣飲茶 #飲茶 #打邊爐 #晚飯小菜 #荃灣美食🚕🚕🚕🚕🚕🚕🚕🚕🚕🚕🚕🚕🚕

一個星期前已經用OpenRice訂枱預備同屋企人食生日飯，仲驚有咩甩漏所以再打個電話去再三確認。到咗食飯今日1月24日嘅下午，收到電郵話餐廳取消訂枱，原因係餐廳已滿座。 我問餐廳點解一個星期前訂枱已確認，而家先嚟話滿坐？跟住先解釋話個同事唔小心睇漏咗，問我介唔介意食8:30或者坐張細枱坐迫啲。呢啲係乜嘢餐廳服務態度？離晒大譜，將我張枱俾咗其他客人，仲要我改時間將就😡，所以話香港食肆衰落唔係冇原因。

提早食團年飯既時候朋友推介試下 這間食店於是一行8人就決定食這間香麻萍果手撕雞 一隻$248😋龍躉孖寶😋紅燒乳鴿$28一隻😋羊腩煲 + 蒸鱔套餐😋小炒皇😋炸蝦球😋還有其他小菜 一樣好味道新裝修 環境👍👍老闆同侍應服務友善 招呼👍👍🥰吾收開瓶費 不趕客大家食得開心好滿足🥳🥰👍

今次訂左房擺兩圍，慶祝老公50歲生日。約晒親戚家人俾個驚喜佢。有卡拉ok同麻雀耍樂。16:30俾我開始秘密佈置房間。等我有足夠時間準備。又冇收切餅費。仲不時問我哋要唔要幫手佈置，好好人。食物質數方面，每位親戚都讚大碟夾抵食，而好味，特別是蝦多士。龍蝦🦞伊面啖啖肉，好正😊。今次選朝日館慶祝生日🎂好開心。老公好滿意👍。下次我們有人生日如要包房都會首選呢度。

大概兩個月之前行過見到早茶有特價，好似幾抵，攞咗張點心紙返屋企慢慢睇，如是者過咗一排又唔記得咗，早兩日執屋摷返出嚟，今日決定去試吓。星期日晏咗起身早茶特惠完了，點咗一向鍾意食嘅點心，加埋special promotion嘅乳鴿，先試試水溫。鮑汁鳳爪滿有驚喜，夠熱夠淋夠入味，呢個下次可以encore。 乳鴿夠熱夠香夠脆口，唔似係返炸再返炸啲friend唯一美中不足嘅係四寶雞扎，咬咗一啖發現原來件雞未熟透，拿拿淋叫個夥記更換，阿姐態度好好不斷話唔好意思，最終雞扎已經售罄張單取消了。整體意見所有點心都好食，唔怪得早茶午茶全場爆滿啦見到有晚飯package唔知好唔好食呢？下次可以試吓！

食物非常之好， 小菜有鑊氣， 賣相夠靚， 值得一試， 特別係佢嗰個蝦多士， 加芝士醬嘅配搭非常之好， 另外白肺湯非常入味， 蒸白鱔非常彈牙可口， 咕嚕肉好香脆， 最緊要係服務態度良好， 對老人家都非常有愛心

今日(17-8-2024 Sat)朝，同老公整完呢樣嗰樣後出發，石圍角冇咩好食，橫豎要落荃灣，就喺荃灣食啦，落到嚟唔知食乜好，飲茶吖。老公話青葉。我話貴，老馮吖。佢話老馮坐得好迫，佢記起上次食過嘅呢間(上次食評係2024年5月15日刊登嘅呢篇:https://www.openrice.com/zh/hongkong/r-%E6%9C%9D%E6%97%A5%E9%A4%A8%E7%81%AB%E9%8D%8B%E3%83%BB%E5%B0%8F%E8%8F%9C-%E8%8D%83%E7%81%A3-%E6%B8%AF%E5%BC%8F-%E7%81%AB%E9%8D%8B-r864053/reviews)，於是走嚟。我哋嚟到都重有啲位嘅，我見到一張4人枱整到好似有人同要搭枱咁，就唔敢行去，之後負責上菜嘅亞姐見冇人招呼我哋，亦叫我哋坐嗰張。好的。行到埋去，我想坐嗰張凳係濕嘅，於是我就想同老公自己轉啲凳，但可能因為係埋邊，姐姐睇到就話俾塊布我抹，但見唔到有布，佢就俾濕紙巾我抹，謝謝。但抹完等幾耐吓都唔乾，於是我哋唯有用抹過汗嘅紙巾抹乾嚟坐。然後睇menu，就剔咗：1.中點，星期六午市$2

今日星期日去到邊間酒樓都排長隊，本身想行多幾步路去另一間食，行過馬路就見到呢間冇人排隊就上去試下。未食過咁厚嘅腸粉，仲好似未整熟咁，入面仲係粉嘅，肉有味，咬咗一啖，同屋企人齊齊話難食，中伏。點心啲肉唔新鮮，有雪味同酸味，食唔落口。腐皮好硬同乾，咬唔郁。而且唔知落單混亂定係當我水魚，明明落咗幾個午市優惠，後尾又加咗幾個正價點心，埋單嘅時候只計咗兩個點心優惠。算，當我懶，交學費。招呼我哋嘅樓面姐姐態度ok，可能新嚟嘅比較客氣，不過收銀態度就差，唔想再講佢最離譜嘅就係，佢嘅廁所就咁敞開對住食廳，冇個門隔開劃分區域，好似開放式咁，不過好彩個個隔間有門，唔係嘅話食嘢又睇嘢。離食嘢嘅大廳又特別近喔，如果唔係有人去廁所我都唔敢相信嗰個位係廁所，我哋成班人就一邊食嘢一邊欣賞啲客上廁所來來又去去我第一次特登上網俾負評，真係忍唔到，頂唔順呢間嘢

今日路過荃灣見到新酒樓，有早茶優惠就上去試下，一試就中伏，我2個人叫咗6個點心，啲點心上到嚟唔夠熱，連茶水都唔滾就咁拎上枱。食物質數好一般，唔算好食。服務態度差，上錯點心退回，但姐姐仲要係點心紙上劃圈，事後仲要俾上菜姐姐鬧我做咩唔叫上手唔好劃，喂！佢手快過我口講都冇計喎！到埋單時，同收銀講要check單，仲要黑我面，好似睇單就唔啱。今時今日咁既服務和食物質素，唔好成日賴港人北上消費，先自我檢討一下啦！

新開張！有點心,有小菜,有火鍋走到來今次嘗試它的小菜一個冬瓜盅+酥炸鮑魚+蒸海斑+乳鴿大滿足🤩人均有$250味道啱啱好，冬瓜盅用充足有冬菇粒帶子另外乳鴿味道啱啱好條魚也蒸得不錯，豉油也配搭得好好會再到來吃⋯

傳統的中式美食，味道令人回味，份量適中，火候十足！我們是在母親節當天到訪，雖然客人很多，但服務也做得很貼心，絲毫沒有怠慢，要給一個讚！🙏🏻我們還好是預先訂了枱，吃完離開的時候看見很多客人在等候呢！只是地方是有點兒擠迫的。

上篇麥當勞食評提到，11-5-2024（Sat）朝同老公留肚去日本洋食屋 翔（https://s.openrice.com/QrbS0kfe800~ukrQAAA）食晏，我哋去到搵到間嘢，但原來已結業，唯有搭返車落荃灣搵嘢食。食咩呢？呢日朝早經過呢喥，見到新開嘅呢間， 於是就嚟試下，我哋去到自己搵位，都有幾張細枱。 由於我唔想搭枱，所以入去最入嗰張正方形細枱，但未有人執嘢，咁我就叫人執嘢，個阿姐就指住中間位置一張圓枱，叫我哋坐嗰張，應該因為已經執好咗，咁我哋過去坐。叫咗茶就睇menu剔嘢食，剔咗:1. $35.00嘅鹹菜豬肚湯豬肚口感啱啱好，唔會太腍或太韌 ，但我食到豬肚嘅腥味，亦有少少胡椒吊味，鹹菜就正常冇問題。4分2. $35.00嘅脆皮豆金粒脆皮豆腐粒呢個熱騰騰外脆內滑，金粒係鹹蛋黃粒，不過炸到太硬，但呢個幾好食。5分3. $48.00嘅七味椒鹽魷魚鬚呢個都係炸得外脆，魷魚鬚嘅口感亦啱啱好，但味道唔夠，我要蘸喼汁食。o家睇返先至知原來係椒鹽，但我食唔到椒鹽嘅味道，而七味粉亦都係，我食唔到辣味。2分4. 中點嘅古法馬拉糕呢個啱啱蒸起，係好熱，亦嗅到好香，食落好鬆軟又唔太甜好好味。

我和朋友在兩星期前去食晚飯、真係估唔到咁好食、龍蝦新鮮份量大、蝦多士不油膩😋😋還有乳鴿外脆內軟、燉湯非常足料、味道鮮甜、😋😋冰鎮鮑魚好爽口,星班蒸得啱啱好、非常鮮美、咕嚕肉又脆口、禾稈冚珍珠是特色菜、👍👍又可以約埋朋友打麻雀、又可以唱卡拉OK、聚會的好地方、已經約好下次會再去食👍😋價錢合理！服務態度良好！會問我哋對菜式的意見、餸菜有特色、八個人去食都稱讚！不枉我由將軍澳搭車去食啊😊