朝日屋 (已結業)

日式小店係幾抵食呢個餐有幾款刺身都係70幾蚊魚生味道唔錯，同埋份量岩岩好夠飽。另外一提佢有個小甜品係黑糖草餅，雖然賣相一般但其實好好味！呢間餐廳lunch都keep坐有人等位，但都無趕客 算係咁！

觀塘的中海日升中心，最出名是《南記》和《紅茶》，因為每到午膳皆大排長龍。其實，上多兩層的近電梯口，有間日式小店《朝日屋》，六十幾元一客午餐，值得一戰。日式午餐九款，價錢相對經濟。另有魚生飯之類的海鮮丼，價錢約$90-$128不等，相對較貴。R5 吉列豬柳滑蛋煮 $68包括沙律一客、味噌湯、麻糬一只。胡麻醬沙律，生菜成為主力，脆卜卜夠新鮮味噌湯味道有點淡，一般較濃的，感覺怪怪的滑蛋吉列豬柳，炸得香脆，肉質頗嫩滑，一絲絲的配上洋蔥汁和紫菜絲，用以撈飯，一流。為平平無奇的珍珠米，添上色彩重點是滑蛋夠多夠香，值得一戰！

今日下午愛麗絲約左舊同事食飯，佢提議食佢平時有食開嘅日本餐廳—朝日屋🇯🇵等位時候見到好多人嗌魚生飯，所以叫左一個帆立貝三文魚刺身丼飯set，配沙津、麵豉湯、甜品，而且唔洗加一，性格比高！帆立貝比我想像中細粒，底下有一塊紫蘇葉墊底，三文魚都有四五片，刺身肥美新鮮，配埋wasabi同豉油食，份量啱啱好。估唔到觀塘都有咁好食既日本餐廳😋不得不提佢個甜品，唔知佢咩名，應該係一個黑糖紅豆蓉果子，果子皮煙un軟糯，略帶黑糖香味，紅豆蓉甜度適中，真係好想再食多個😋😋📍朝日屋都幾多人黎食，12:30出面就排哂隊了，有興趣既要早啲黎等位呀！

自年初發現這間日式料理店後，便暗暗地在心裡私藏了良久。想著到底要不要分享出來，畢竟人的本性大多還是自私的，生怕分享了出來會一傳十、十傳百，而通常當一間食店成名以後，質量變差或是大幅漲價似乎已是定律；相反地，要是不推介給親朋好友自私食，又怕一間好店白白地過著冷清的日子，繼而抵擋不了香港寸金尺土的昂貴舖租。結果在掙扎了一整個月後，還是想要和大家分享這間性價比超高的朝日屋。和我相熟的朋友都知道我向來很喜歡原木的家俱和食器，才甫進店內我已經被牆身尤如日式雜貨屋般的裝潢與擺設所吸引，店內的一椅一桌也是木造的，偏愛原木的原因是覺得它有份細膩感，同時很有溫度和人情味。在這裡，唯一顯得不太合群的就是這銀色的杯子，令整個日本簡約風頓時暴走成韓國路線！要是將杯子換成與醬料瓶同系列的瓷器應該不會有這麼大的違和感吧？店內提供的是清水，如果可以是熱茶就更好了。期間限定的原板海膽配富士山丼，不知道在我寫這篇文章的時候還有沒有在提供，畢竟距離我吃這個定食已經時隔超過一個月，原板海膽的賣點更是每天只供應20份！還記得到訪的日子是個星期六，因此在將近下午2時仍有供應，換著是平日，附近四周都是在工商廈上班的上班族，想必早

觀塘性價比高的日本餐廳迷你甜蝦帆立貝丼❣️配細牛肉湯烏冬，沙律，味噌湯，甜品迷你丼有3隻帶頭甜蝦同4片帆立貝，仲有1片玉子同牛蒡，好豐富。細牛肉湯烏冬有2片牛肉，湯好清甜，烏冬唔係普通貨色，小妹連湯都清埋。沙律有水果同沙律菜好開胃。以日本紅豆水晶mochi作甜品，好滿足！HKD88 (dinner) 免加一p. s. 食食下飯仲要俾小妹見到catgirl呀，佢都係度食😆朝日屋觀塘

今日同同事去左位於日升中心既朝日屋到食lunch😊呢間我地一直都冇食過，就決定試下啦😋見到佢lunch set其實都有好多選擇，有丼飯或熟食，完全可以滿足所有人士。我就叫左個北海道海鮮丼，因為我本身比較喜歡食生野，同埋好似黎到日本餐廳唔食生野感覺怪怪的🤔-🎈北海道海鮮丼呢個北海道海鮮丼有帆立貝、海膽、甘蝦、蔥碎拖羅、三文魚籽配上前菜、沙律🥗、茶碗蒸蛋同味噌湯🤣先講佢既前菜，少許胡麻醬配埋沙律成件事好開胃！而味噌湯個味都好好，唔會太鹹咁。終於到個海鮮丼，所有既配料都好新鮮，大愛帆立貝啊🥰至於入面既蔥碎拖羅配埋個飯食好正🙆‍♀️茶碗蒸蛋係完全可以媲美出面大型連鎖的日本餐廳！！我覺得一個lunch set裡面有咁多野食真係好抵！重點係好新鮮，所以呢個價錢完全係可以接受喔🤣推介👍🏼🤗

觀塘有很多隱世小店，最近發現左呢間好味又抵食既日式海鮮丼飯，已成為我想經常去的餐廳之一了🤤北海道海鮮丼 $88 (lunch)勁豐富，見到賣相已經好開心。丼飯有：帶子，甜蝦，吞拿魚蓉，三文魚子，海膽，玉子。好鮮甜，而且份量好多。另附上沙律，茶碗蒸，麵鼓湯，甜品黑糖團子。十分滿足😋😋😋❤️食物質數相當好，刺身不是剛從雪櫃拿出來那種，溫度是剛好的，而且份量及種類多，此價錢相當超值，還有不收加一服務費。希望此餐廳生意越來越好啦，支持用心小店❤️ 我會常常幫襯的哦～

豬年新年後第一日返工，更係要同同事食好D啦。公司附近就有一間半隱世好食日本料理店（因不是好多人知點去）。豬年當然要應下節啦，所以食左個吉列日本三元豚定食，包Miso Soup同小沙拉，仲有一件小糕甜點。另外，識食一定要加一個只係8蚊茶蒸蛋。整體好有在日本餐廳的水準。只係如果有茶免費提供一下會更好。但六七十蚊可以食到咁Full咁有水準的日本定食。值得一再去食。

誤打誤撞黎到既日本餐廳，隱閉地開左向觀塘商廈中！有好多款式而且都算幾抵既日本料理！本來好想食壽司、湯烏冬！向openrice search左好耐，觀塘實在太多！今次星期六黎都好在walkin都有位。睇一睇餐牌，都好多款式！想食壽司同烏冬，剛好2樣都有！連晚餐都有迷你刺身丼加細牛肉烏冬、甜品、沙津、味噌湯，價錢只係88蚊，好抵！仲有大約8款款式晚餐set!另外仲有78蚊既晚餐，因為無叫，所以唔記得有咩款！由於本人胃食，好想食叫左蛋壽司、帆立貝壽司、赤蝦壽司，散叫壽司唔算平，同元氣差唔多價錢！壽司味道都ok,壽司飯味道好香，但手握既度麻麻，一夾就散，不過總體都好味！刺身好新鮮同好大件！晚餐內刺身丼既海膽同炙燒左口魚裙邊配合得好好，第一次試這個組合！餸好多份量！而且砌得好精緻！別出心裁！沙津就係胡麻醬沙津、甜品是紅豆既水晶質感既野，黑蚊蚊，但幾好味！其實一個餐已好飽！另外再加20蚊追加蟹肉茶碗蒸蛋，好好味！值得推介！個蛋好滑！而且上面有蟹鉗同蟹肉同蟹籽，好有誠意！好有心思！👍🏻👍🏻但再加多個鹽燒油甘魚魚頭，由於無三文魚既野。本身想叫三文魚魚頭，最後試左呢個！本來以為一樣，但原來唔係！感覺魚肉

Friday lunch, 今日特別想食日本野，嚟到鋪頭見到門口既menu幾吸引，而且價錢唔算太貴就決定入去試一試星期五既lunch time特別多人，等左二十分鐘左右終於有位。入到鋪頭見到裝修都唔錯，日式簡約設計，幾舒服。排隊個陣已經諗好食咩，一入嚟就可以落單。叫左個北海道海鮮丼，成個set都幾多野，有沙律、麵鼓湯、茶碗蒸、甜品、刺身飯（帆立貝、甘蝦、海膽、、蔥碎拖羅、三文魚籽）全部都係我鐘意食既，個刺身飯好大碗，各樣刺身都幾新鮮，份量亦算多，不過海膽多返少少會更好。茶碗蒸入面有蟹柳同粉絲，味道唔錯，有鮮味。最後食完個飯真係飽到上心口。不過lunch繁忙時間，食完好快就有侍應催我地交枱，野飲都快快飲完就埋單。另外，餐廳無茶水供應，要飲野就要自己加錢了。

唔知呢一間朝日屋係唔係新開既呢? 係門外見到好似日本小店咁既感覺,再睇埋MENU峂衝左入去試下啦入到店內,裝潢有8/10 好舒適既感覺,座位同座位之間空間足夠選餐方面, 老公簡左$98海膽三文魚丼 而我就簡左$88 B3迷你花見三色海鮮丼$98海膽三文魚丼 海膽份量以呢一個價錢算唔錯,而且味道甘甜，入口即溶三文魚味道正常, 惟太薄一片,但整體好食。相對地我個餐就正好多啦~$88 B3迷你花見三色海鮮丼雖然呢一個餐係迷你丼,但係成SET野相當豐富LAM LAM利先係講個前菜沙律,份量雖然係一個人, 但我地2個人食都足夠, 重有水果(火龍果)係入面之後重有一碗味噌湯﹑細牛肉湯烏東(開頭以為真係牛肉湯姐, 點知真係有牛肉比埋你食)還有甜品。$88 日本定食餐黎講相當豐富。三色海鮮丼-你無睇錯呀, 舊三文魚腩位係有一節手指咁厚, 搞到老公係對面話:點解迷丼咁正超級肥美可口, 咬一啖再配啖飯簡直係幸福感蝦又夠大隻又鮮甜,不得不讚佢D海鮮質素係出色的!唔食甜品既老公都叫正, 內面係包住D紅豆蓉,一D都唔會太甜,口感『煙煙韌韌』價錢唔加一, 又多一個食日本丼飯堂既好地方了

今日去左食午市定食，叫左鰻魚定食。定食包前菜沙拉及麵史湯，飲品要加錢散叫。前菜是雜菜加芝麻醬，味道一般，湯夠熱，太咸，ok。 主菜鰻魚兩大條在飯面，但是冷冷的，好彩飯底是熱辣辣以補不足。後來我叫左個drink百香果蜂蜜，酸酸甜甜的，也不錯。沒有熱茶供應，有少少美中足

除了有定食選擇之外 ，仲有刺身飯， 有熱又有凍，任君選擇。 鰻魚滑蛋定食呢個鰻魚飯 略嫌溫度不足不過不失啦 我就鍾意佢送嘅甜品,係綠茶果子 唔會太甜! 估唔到午市定食都有甜品送

早上做完瑜珈輪 林生好醒目即刻帶我找好東西食原本諗住食尚素 可惜只有brunch buffet 無午餐嗯。。唔係好想食自助餐 再睇下有咩食上左上面果層見到有日本餐廳望下餐牌幾岩食午市定食幾多選擇 價錢大眾化另外有本餐牌 有其他選擇 壽司刺身鍋物有一頁教如何食丼飯 原來一直既食法都正確我叫左個紅葉海鮮丼飯＋$8茶碗蒸林生叫左雜錦海鮮鍋 無加飯/烏冬飲品要另外加$8 我們飲水就可以了隔離檯一對母女叫左兩個海膽飯 好似幾正！店內環境小品日系舒適 佈置有心思紅葉海鮮丼定食先上 有沙津味噌湯甜品加茶碗蒸沙津有生菜蕃茄火龍果加芝麻醬 簡單好食紅葉海鮮丼有兩隻赤蝦, 吞拿魚, 三文魚, 蝦子魚生新鮮特別係赤蝦 大大隻肉彈牙 唔會梅好快就食哂好飽 湯同茶碗蒸恰到好處反而個甜品真係太甜 亦唔知係乜 食左啖就無食林生亦喜歡這個海鮮鍋 全部都是他可以食的特別一提鍋內竟然有蟹腳！唔係用蟹柳另外林生說這個湯底很好飲 推介👍埋單加一後$152 記得午餐只收現金食完林生帶我參觀他的新辦公室恭喜林生開展新一頁 生意興隆🎊😘

今日其中一個飯腳話lunch約咗朋友要出街食,所以女人們就偷懶一天唔煮飯啦,咁就成就咗我哋三個為食兵團落街覓食嘅好機會粉麵呀茶餐呀今次都已經唔入選喇,媽媽兵就搵到呢間我哋都未試過而又十分之近公司嘅<朝日屋>食魚生丼飯,聽聞仲話係好食又多人嘅添!所以我就率先靜稍稍咁早咗十分鐘落嚟攞飛排定隊先~到夠鐘甲乙兵仔都落到嚟喇...再略略等多五分鐘左右我哋先有位入去~所以喺等位嘅時間裡面,我哋都各自諗好咗自己要食啲咩喇呢度有各式各樣嘅魚生丼飯,lunch time就係午巿定食嚟,呢個($88蚊)嘅海膽。三文魚丼就最為深得我心呢兩款東西都係我嘅至愛,呢個價位嚟講我仲覺得性比價好高添。雖然等位都浪費咗啲時間,但呢度嘅上餐速度都算好快,定食擺到面前來~除咗丼飯仲配有前菜沙律+茶碗蒸蛋+味噌湯。我本身就唔太鍾意飲味噌湯嘅不過我都呷咗幾口濕吓個咀,味道都算幾清唔係太咸都幾啱我口味,個前菜沙律淋咗啲日式胡麻醬基本上都係清新開胃嘅餐前小菜,仲發現裡面有一小舊紅火龍果我哋三個都鍾意食,有益吖嘛至於個茶碗蒸蛋都唔錯,絕對唔會比出面嘅高價日式餐廳遜色,夠熱之餘蛋味都幾香。輪到主角海膽。三文魚丼飯喇!三