望月樓

营业中

休息中

食物方面：其實幾好味，雖然唔係算平（$65起標），但係質素都OK。嘢食出嚟熱辣辣味道都可以食到嘅😌服務方面：一個星期四嘅下午三點左右，舉手🙋🏻‍♀️去嗌人收點心紙，已經冇乜人（都幾空虛），都要等咗兩三分鐘先有人發現我舉左手，仲俾我搵到兩個員工喺角落頭喺度傾偈💬。之後上咗一碗烏冬，跟住個阿嬸叫隔離一位同學坐過啲有咩「要移開先上到個碗烏冬」個碗根本唔係咁大正正常常同日本拉麵嗰啲差唔多，擺明係不滿，又叫佢縮開啲，個樣衰衰地，超級冇禮貌😤😟。

今次係第3次黎食，之前2次食晚飯，今日黎試下食lunch。我地2個人叫咗幾個點心同2個白肺湯（誠意推介，好足料，感受到廚房用心煲呢個湯，所以次次都會叫，湯連料成碗清晒），今次掛住食唔記得影相。其他點心質素都。蒜蓉鮮🦑好新鮮冇蒸過龍啱啱好，XO蘿蔔糕大大粒（圖中已食左幾舊），百花魚肚同蝦餃用料都好足，蝦餃皮夠薄。特別一提，呢度既甜品唔會死甜，適合鍾意低糖一族。不過，可能因為假日關係，見到伙記都忙於招呼，所以未必可以即時加茶水。

幾個身形有份量的舊同事敘舊，離不開飲飲食食， 中菜是我們最愛的菜式之一. 見到餐牌，樣樣都想食😆， 煩惱一輪後，點了4人套餐，含兩個前菜，一個湯，四個餸，一個飯，及甜品.前菜：蒜泥白肉及四川豆乾. 蒜泥磨到好幼細，值得加分，沾上白肉，好香好配合. 豆乾正常發揮.湯：黑蒜海玉竹燉雞湯，湯是黑色清透，清甜，平時甚少有住家湯飲的我，飲完這個湯，覺得成個人滋潤晒🥰.餸：青椒清香桂花魚，豉油王煎海中蝦，蒜蓉唐生菜，荔蓉香酥鴿.～桂花魚片好滑溜，鍾意食魚的我哋，搶住食🤣.～海中蝦略嫌唔夠爽口.～生菜正常發揮.～荔蓉香酥鴿，讚👍，通常荔蓉配‘鴨’， 估唔到配‘鴿’係咁好味，香酥荔芋做得好鬆化，同鴿配合得天衣無縫😋.飯：望月焗豬扒飯，見到加有‘望月’二字，一定是餐廳的招牌菜，果然名不虛傳，豬扒飯上面放有兩隻荷包蛋，感覺好有住家feel😍，醬汁酸酸甜甜，非常開胃，我哋一班飯桶，食完一粒飯都無剩✌️.甜品：脆米流沙紫薯果，細細粒的煎堆仔，普普通通.

望月樓：LUBUDS餐飲集團注入現代中式韻味的粵川中菜廳位於九龍塘又一城的望月樓，由LUBUDS餐飲集團經營🎈這家餐廳以現代中式風格打造室內裝潢，巧妙融合了傳統與簡約的設計元素🎖️牆上掛有兩幅書法作品，分別書寫「念」和「川」字，寓意著粵菜與川菜的完美結合🪅濃淡適宜的墨色和蒼勁有力的筆觸，為整個空間增添了文藝氣息📝喝茶是去酒樓不可或缺的儀式,望月樓特別提供了一款造型優雅的銅製茶壺🛎️壺身金黃,雕刻著精緻的幾何和花卉圖案,散發著濃濃的復古韻味🌼木質手柄握感溫潤,壺嘴設計優雅,兼具美觀與功能性,讓品茗時刻更添情趣🫖在點心方面,他們家融合了傳統與創新的烹飪手法🥢其中,香蒜薑蔥牛柏菜以爽脆的口感和恰到好處的蒜薑香氣開胃🐮上湯煎粉果外酥內軟,清甜鮮美🥟金勾琥珀咸水角別緻精致,鹹香中帶有清新的鮮味🥐雪山叉燒焗饗包酥皮松化,叉燒香甜可口🐷香茜牛肉腸粉皮薄肉嫩,展現了傳統港式點心的精湛製作🍽️**總結**：望月樓在傳統粵菜基礎上注入創新元素，其環境和細節設計也讓人倍感舒適🍾若偏好精緻中式餐飲與舒適環境，這裡絕對是一個值得一試的好去處👍

間酒樓啲點心個樣真係唔錯，可惜味道就個人覺得非常唔似廣式點心，味道淡到無味，雪山叉燒包啲餡料食唔出似叉燒，燒賣無佢應有嘅香味同肉汁，果嗰啲餃啲菜饀又比較爛。咁高級地段嘅酒樓無理由要貴客限時用餐，這九龍塘嘅客人好有水準，如果間餐廳好多人等位相信佢哋用完餐都會交枱唔須要餐廳一入去就同你講限時，覺得咁做唔甲間裝修咁有格調嘅餐廳囉！

在又一城的望月樓用餐，這次的體驗讓我對中式料理有了更深的認識。首先，蒜泥白肉的搭配令人驚喜，薄片的豬肉鮮嫩，搭配蒜泥的香氣，口感層次分明，十分開胃。杏汁燉白肺湯清淡可口，湯底鮮香，讓人感受到食材的鮮味，帶有一絲杏汁的甜香，非常暖胃。水煮桂花魚則是另一道亮點，魚肉嫩滑，與香辣的湯底相得益彰，十分入味。香油萵筍絲清脆爽口，為整體菜餚增添了一抹清新。高手炒飯的米粒分明，配料新鮮，炒得恰到好處，讓人一試成主顧。最後，蛋白杏仁茶的甜度適中，口感順滑，是完美的結尾。整體而言，望月樓的菜品展現了廚師的用心，無論是味道還是擺盤，都讓人感受到中式料理的魅力，值得再次光臨。

黃沙豬潤燒賣好似啲黑松露一片片擺喺上面，豬潤三大塊覆蓋燒賣，跌晒出嚟。 好厚實好似牛舌咁，冇咩蘇味。流心奶皇包三大粒，奶黃味道香搣開一半都流出嚟，嗰包好軟熟熱辣辣，口感比較少流沙。芝麻卷，好香口，而且大大嚿成條車呔咁厚，啲芝麻都燒得幾香鹹水角，隻碟好得意，好似嗰啲青豆 ，但係我唔鍾意食冇食到一鍋菜，不過不失

差不多從來唔寫食評，但今次實在太驚喜~親戚係外國返嚟，有小朋友，搵間就腳又好坐嘅中菜本身見到餐牌覺得偏貴，但份量好大，我地6個大人叫4人餐都有食淨水煮牛舌，蒜泥白肉，荔芋乳鴿，焗豬飯，都極度好食！牛舌係我最愛，大大舊又厚肉。蒜泥白肉啲蒜泥係打到好似醬咁，夠唒香荔芋乳鴿係超驚喜！！！酥脆到不得了焗豬飯有2隻煎蛋，超有誠意！！！小朋友飲湯同食焗豬飯嗰陣對眼發唒光咁🤩成餐飯又不停又人話好好食呀😍下次再嚟

食物味道可以（ 個人覺得好）, 點咗焗魚腸同埋陳皮牛肉餅 較為特別嘅食物. 經理很好, 門口接待處的男經理很好, 訂咗枱, 早咗到都畀我哋入座, 可能附近都係街坊生意, 餐廳啲經理都好人性化 , 好nice. 上菜d姨姨就慢咗少少, 要講兩三次先明. 上菜嘅時間都快, 會推薦這間餐廳！ ！

三個人都有選擇困難症，就揀個$898二人套餐加個生炒糯米飯算了。蒜泥好香但係少咗啲，醬汁味濃，豬肉唔嚡，很好的前菜。豬肺要好花時間去處理，所以要慢慢品嘗。湯夠熱，有三嚿豬肺同少少菜，有淡淡杏仁味，鹹淡適中。同川菜差好遠，少辣唔夠麻，魚片細塊都算滑，有薯粉同金菇。份量足夠，好多蝦乾，多啲蝦醬會更香。當係一個小食，餡料爽口，煎得香脆，清清哋的上湯。甜品都係杏汁，唔係好甜。希望下次有第二種糖水或湯水。今餐最好食嘅，飯炒得乾身，臘味粒夠多，味濃但唔太鹹，但最後都食唔晒，要攞返屋企。

一家大細岩食之選，同老人家小朋友坐得舒服，環境每張枱相隔有一定空間，比較舒服 。至愛佢地個泡飯，同埋焗豬扒飯都好出色，個豬扒軟硬適中，配飯同埋d 汁熱騰騰好好食❤️

坐位舒服，點心選擇都多，定價較高，我地叫左特式豉味蒸鮮排骨❤排骨香口，較多骨，芋頭粒好食碧綠野菌素菜餃😀味道正常，皮薄百花鮮魚籽釀魚肚❤最中意呢個! 好味，好有咬口金蝦芋絲餅😀香脆可口海中龍皇伴金魚餃😀皮厚，餡料味道正常，反而個湯幾好味，清甜海鮮灌湯餃😀大大隻湯浸餃鮮蘆筍蝦餃蛗🙂好重花生油味，原隻大蝦，皮較厚瑤柱帶子菜菌餃🙂 正常發揮 蒜蓉紅椒蒸鮮魷❤必點，好惹味，鮮魷彈牙，大大塊，底下粉絲索哂汁，食起黎都唔會太油膩蟹子燒賣皇😀正常發揮，好食黃沙豬潤燒賣❤豬潤大大塊，好有厚度，好味零騷味流心奶皇包😀奶味較重，冇咩起沙口感韮黃鮮鰕腸粉❤皮薄大隻蝦，必點鮑汁雞腳❤惹味香口，好入味椒鹽九肚魚😀正常發揮，可口!紅油抄手❤唔會太辣 細細粒，醬汁香口櫻花煆茸醬😀做緊特價先買返去

一行三人點了四道菜式,每一道都別具特色。個人最喜歡的是「黃金蝦球」。新鮮的蝦肉彈牙可口,沾上酥脆的外層,每一口都令人流連忘返。另一道「粟米青衣斑塊」的脆漿恰到好處,不厚不薄,保全魚肉的鮮味。「欖角四季豆」豆質清脆,有意外驚喜。最後的「椒鹽豆腐」外脆內軟,口感層次豐富。可是價格略高,但考慮到餐點和環境的質素,我們認為這是一個很值得一試的中菜餐廳。下次再光臨時,我們定會嘗試其他特色菜式。

星期日同長輩去又一城望月樓飲茶，呢度有唔少comment話服務麻麻，呢一日去食我又覺得冇咩問題，不過去到三、四點都仲好旺場。望月樓出名食嘅點止係精緻點心，仲有環境同氛圍，所以價錢唔平，不過長輩就食得好開心☺️。蒜泥白肉薄片白肉加上薄片青瓜，口感特別，再加埋底嘅醬料味道豐富，蒜泥剁得夠細緻，溝埋一齊好好食。芙蓉海鮮芋角絕對係新鮮炸起，好酥脆，餡料豐富，芋蓉好滑，食到有帶子同埋有肉粒。雪山叉燒焗餐包正常發揮，不過同出邊嘅雪山包唔一樣，個皮唔係好脆果種，但係好薄一層。瑤柱帶子菜菌餃唔係好食到有瑤柱同帶子，反而有蝦，食落都爽口新鮮。蜜汁叉燒腸粉皮薄，好滑，入邊嘅餡料好足，有好多好多叉燒，完全冇肥肉👍🏼。望月焗豬扒飯呢個有驚喜，冇諗過飲茶有焗豬😂，有埋「望月」兩個字明顯係招牌菜。👦🏻好開心，因為係佢至愛，好足料，面頭仲要有隻煎蛋。個蕃茄汁係中式鴛鴦炒飯嘅蕃茄汁，即係類似傳說中嘅螢光汁，唔係平時快餐店焗豬嗰種鮮茄汁，冇青豆要加分，但冇菠蘿又要扣分😂。魚湯青菜缽有驚喜，因為份量十足。菜心清脆鮮嫩，加上魚湯湯底好好飲。

今次再次来港去过很多地方，感覺香港已經不是以前的香港，希望香港文旅局能多做一些努力。但这次再次特意来九龍塘的望月楼晚餐，晚上八点到，沒有預約，稍為等了一会就能入座，环境还是那样有点暗网上都在说香港的餐飲業已經失去美食天堂，所以还是怀着十五十六的心情过来，最後还好菜品味道还是那味道不錯，推薦红油抄手，燒鸡，松露瑤柱炒飯我家小孩每次必点，蛋白杏仁茶都不错，不足地方是人手稍有不足，整体的体验服务很好，经理，服务员都很好。