影片
虹桥本身好多嘢食，今晚好想食饭，就拣咗朗猪爸爸。餐牌好多嘢拣，有选择困难症嘅我，今晚拣咗豉油王美极肉排，屋企人要咗个蚝饼。行到返屋企，理论上蚝饼已经会淋晒，但系店主好细心，个盒拮穿过窿，再𠝹花个盒，仍然系好味嘅。我叫嘅系客饭套餐，一盒饭一盒𩠌，绝对足够两个唔太大食嘅人。好多人都企喺度睇咗餐牌好耐先落单，虽然舖头细细，但系选择好多。款式好多，有客饭、有碟头饭、有两𩠌饭、有炒粉面饭，亦都有小食，三十零蚊有饭食，想食好啲就四十几，绝对啱一般人士如我。太多𩠌，下次要拣个新嘅嚟试吓！
继续阅读
哩间朗猪爸爸已经喺区入面做左六、七年有多，系由一对夫妇，即系朗猪爸爸同朗猪妈妈两个人经营嘅小店。间舖净系做外卖饭盒生意，虽然区内有齐记出现，但朗猪爸爸出面都经常有好多人喺度等外卖，好多熟街坊都会成日帮衬。朗猪爸爸除左小炒同埋粉面饭，重有好多野可以拣，例如煎酿三宝、蚝饼、鸡猪牛扒常餐，大时大节重会有盆菜订！今日我就试左西兰花牛肉，重有我成日必食的芙蓉蛋！西兰花牛肉好足料，牛肉好嫩，西兰花入味！芙蓉蛋大块到可以遮哂成个饭盒！而且口感厚实，唔系普通茶记薄痴痴一块，正！朗猪爸爸除左方便，重点都系平同大份，性价比高！上面两样野加埋都系$78，但始终都多人排，等待时间都有点长，记住喺屯公打定电话叫外卖呀！餐厅：朗猪爸爸小厨地址：屯门青翠径9号多宝商场地下73号舖 Address：Shop 73, G/F, Dor Boa Shopping Arcade, 9 Tsing Chui Path, Tuen Mun #肥诚 #肥诚揾食 #fatshinghk #instagramhk #instagramfood #food #餐厅 #香港美食 #香港餐厅 #湾仔lunch系列 #湾仔 #屯门 #美孚 #早餐 #午餐 #晚餐 #hongkong #hongkongfood #hongkongfoodie #hongkongfoodblogger #food #foodie #foodiehk #wine #winelover #winelovers #steak #小炒 #屯门dinner系列 #朗猪爸爸小厨
继续阅读
屯门虹桥呢度有间性价比高嘅小炒据闻已经响虹桥开左好耐舖而家间舖净做外卖不过好多熟街坊成日帮衬呢度嘅小炒可以拣跟饭同唔跟饭重点系跟唔跟都超平同大份今日嗌左沙嗲金菇牛肉粉丝煲/沙拉排骨/ 奇味鸡 唔跟饭沙嗲金菇牛肉粉丝煲牛肉唔韧 个汁唔会太咸 粉丝够多同爽口沙拉排骨 份量超多 岩哂肉食人士同男士 不过留意个酱系千岛酱奇味鸡鸡嘅份量好多人 个汁似似地鸡煲汁少少辣 好好送饭仲要只系$43-45一个菜式 价廉物美 应该大力支持💪🏻💪🏻💪🏻
继续阅读
今日早放工，返到屯门先7:30。屋企附近周围行下揾食，见到呢间即炒小菜外卖店。抵食又好食！！我叫左个虾仁炒蛋，佢比两个盒我放，一盒饭、一盒𩠌，企企理理，加分！小弟对炒蛋系列既菜式好有要求，佢既蛋嫰滑，虾仁足，够镬气，高分👍🏻 $45有埋白饭（大约两碗饭既份量），我觉得抵。因为本来无谂过会写食评，所以无相放，但个虾仁炒蛋既size，系多过白饭既份量既！间野仲有好多古灵精怪野卖，三宝、蚝饼、炒公、捞乌冬。我见前面啲人买蚝饼，见到厨房出品既一刹那都对版。下次会试！佢仲有一个两𩠌饭、单𩠌饭系列，好似啲蕃茄蛋、葱油煎猪扒、盐酥鸡、粟米肉片咁，都系即叫即炒！！仲要只系$35！！唔心急既，我觉得值得等下佢炒!街坊野，价廉物美，支持下，一定再帮衬！
继续阅读
您可能会有兴趣的...