有間到會

营业中

休息中

上網搵到好多唔同盤菜 酒樓ig又有好多最後見呢間評價幾好 價錢又唔太貴係屯門自取 亦可送貨 一盒pack好哂都有d好奇d食物咁樣焗住得唔得架打開一個大鐡盤用鍚紙保鮮紙包住賣相都幾整潔 排得都好靚👍🏼鮑魚花膠雞盤菜 ($898)有鮑魚5隻，花膠，貴妃雞，冬菇，魚蛋豬皮，蓮藕，枝竹，芋頭，蘿蔔好大盤 另外有枝醬 自己按口味落幾多鮑魚唔韌 都幾多花膠 雞就有d血 要再滾下肥膏比較多唔係好多肉 一般冬菇、枝竹、蘿蔔好入味 魚蛋大大粒正常豬皮勁大塊 剪細塊d會比較好蓮藕唔夠冧 仲係好硬 不過都拉絲芋頭勁粉都好食 整體都ok 抵食份量絕對夠8個人食👌🏼

聖誕節知道係hot season所以都一早訂定野食見佢價錢尚可 咁咪試下叫左個16-18人餐其實野食到 我地都即開但食物都係凍嘅 係凍 唔係溫佢只有2個暖包暖住 入左銀色保溫袋咁說好的 送甜品係無嘅 問返佢地當然已讀不回 其實唔送 咪直接拒絕送漏 咪認左佢唔駛落單時鬼咁好 收到錢就唔理人嘅味道方面 炸物係淋晒 包括炸雞 /薯條/魷魚天婦羅都係淋嘅豬肋骨勁乾 無醬點豬手 好少肉炒飯 雖然好多蟹子 但成個飯無味勁淡糯米飯 無臘味嘅 完全無油香唔會再試下次

因為公司搞小型 Party, 同事就推薦呢間到會俾我地, 我地得8個人, 所以好合理咁Order 咗 6-8 人餐 可能因為聖誕節關係, 可以選擇的款式已經唔多, 而且個 Menu 一 d 聖誕氣氛都冇好啦, 大家見到佢個價錢一d 都唔平, 所以都有d 期望.當日收外賣就知出事啦.......因為全部都好輕, 一打開D 野食全部凍嘅有倒汗水🤬🤬🤬🤬🤬煙三文魚炒蟹籽飯  -  除咗飯面有少量蟹籽和煙三文魚, 好明顯後加上去之外, 個飯係冇料, 仲要冇味, 好似食白飯. 份量少 4個人分完已經冇晒啦 狂惹水牛城雞翼 - 好多隻中間位置係唔熟, 根本食唔到黑椒徳國去骨咸豬手  -本身送嚟已經切好咗, 外面睇好大盒. 但其實入面有舊豬骨係度,數埋數埋其實得20塊左右 四季豆黑椒牛柳粒 - 牛柳粒係邊? 我地成班都搵唔到, 成盒野D 油好似唔使錢咁, 根本就係淨炒 四季豆煙鴨胸牛油果沙律 - 煙鴨胸 同 牛油果 有出現嘅, 但牛油果凍到冰食唔到,  煙鴨胸還可以啦, 盒野得呢樣係可以食, 放低嘅沙律菜又係唔食得人意式辣肉腸Pizza  & 千島夏威夷Pizza  - 呢個一定冇問題啦, 好明顯係

本身聽朋友介紹呢間了會，諗住今日同家人提早做冬叫來試下，book左6:30pm送餐。去到6:50都唔見有人送同無電話打來，問間野咩事又話半個鐘緩衝。但我6:30佢7點都無人打來，佢就話再問問，點知話要多半個鐘先到，用垃圾藉口去解釋，好啦過左半個鐘，個司機打來話岩岩拎餐要再20分鐘？？？？一拖再拖最後8點先送到要人落去拎，d野食又凍L啦，難食到，真係嬲L到成餐飯都無哂胃口！！！！！！🤬🤬🤬🤬🤬🤬🤬🤬🤬

屋企人多懶得煮，出街又限制人數，所以嗌到會😋。唔知係咪冬天特別好食欲，覺得道道菜都好高質，個人鍾意燒羊架、沖繩雞中翼同泰式豬頸肉，好足料👍。份量有d多，最後都係食唔晒😂。個人鍾意佢可以散嗌，唔洗捆綁式買套餐。（ps 佢有3-6人少人套餐，唔知點解要wtsapp問先有。）✅老闆好好人，服務好好，包裝又嚴密，成個流程體驗都滿意。以前嗌到會，D野黎到凍晒、淋晒，包裝又亂晒，所以都唔鍾意食，但今次既食物真係顛覆我對「到會」既睇法😱！食物黎到仲係暖，甚至「出煙」，款式多，味道比得上餐廳堂食質素，真心推介❤️！！【圖中菜式為】避風塘雞中翼千島海鮮Pizza串燒大虎蝦牛油蒜蓉青口煙三文魚蟹籽炒飯泰式酸辣豬頸肉串燒孜然牛柳粒香草燒紐西蘭羊架椒鹽魷魚酥