月禾居串燒手打鳥冬 (已結業)

今晚唔知食乜好，唯有去下黑布街睇下有咩食…老公有無乜 idea, 唯有求其入左間食日本野既舖頭三文魚刺身少墨魚餅一上枱，就感覺到果個好熱氣既感覺，呢個都唔係重要，重點係…味道唔算好食海膽炒飯味道一般，但勝在唔貴蒜香燒茄子都係好一般，但係算係成餐最好食既食物…總括嚟講，呢間港式日本餐廳只可以講價錢唔貴

9點許喺旺角搵食，除咗花園街，兆萬樓上舖。其實黑布街都有好多野食。雖然平日唔算多人，其它舖都好多人(老實講) 雖則我好討厭街頭等位，不過我愛闖"疑似伏"的店。所以就選擇今次依間"疑似伏"的月禾居入到去有20%客，服務態度一般。快點了冷烏冬及 鐵板海鮮燒餅然後慢慢點。鐵板海鮮燒餅－好好食（不排除部分飢餓因素）海鮮中魷魚佔大多數。粉不會過多，仍保留少少鮮味。燒汁不會太濃，醬汁與燒餅的味道剛剛好。出事溫泉蛋冷烏冬首先個人認為冷烏冬的上菜方法有點尷尬，以裝飾葉墊烏冬溫泉蛋分開，吃起來比較困惑。應該分開吃還是拌勻一起吃。結果我是吃得很狼狽。再點了帆立貝刺身咁樣食帆立貝刺身真係前所未有我欣賞帆立貝配青瓜 食落好青新不過略欠賣相，而且帆立貝好像都比例偏少鹽燒三文魚頭肉質新鮮，火喉夠。仍然保留肉汁，而且唔會過老。正！食埋軟骨更加正！完。－－－－－－－－－－－－－－－－－－－－－－－－－－－－回頭率：8/10 絕對是為了三文魚頭而來。

買咗團購，第一次食，感覺好👌所以再黎，但今次就有啲失望la，相約咗細妹一行六人去食，之前食過芝士鍋烏冬好好食架，好濃芝士味，於是再叫，今次的味道麻麻，竟然無芝士味，只得酸酸的乳酪味 ，燒茄子太淋同埋好油，咖喱海鮮飯好味，足料吉烈魚柳同蝦各有2件都好大碟， 豬軟骨烏冬足料同埋好夠味，豬軟骨夠淋，雞軟骨無特別普通啦，蟹籽沙律有啲苦，吾夠沙律醬，燒韮菜好夠味，有啲麻辣味 三文魚刺身都新鮮，我哋叫咗六隻芝士燒蠔，點知黎咗個蒜蓉燒，  同職員講番黎錯咗，唯有再整過啦！真係有啲吾好意思，但我哋吾食蒜蓉所以無計，芝士燒蠔上次食過都👌架！今次真係吾掂，無芝士味同好水，吾夠乾身，仲要係有2隻吾新鮮！啲炸嘢就夠熱味道一般啦！如無團購未必會再去!

因團購關係,再會一次.叫左:清酒煮蜆,蒜香三文魚蟹籽炒飯,招牌什錦鍋仔烏冬,紫芋甘栗餅,吉列墨魚餅,汁燒魷魚筒,蒜燒茄子,黑椒露荀牛肉卷清酒煮蜆$55:味道唔錯,清酒香辣,蜆肉一般,太細粒,可試嘅.蒜香三文魚蟹籽炒飯:三文魚肉唔多,蟹籽唔錯鹹鮮味足,個飯冇味蒜味,飯炒得乾身唔油但味太淡,要加醬油先夠味.招牌什錦鍋仔烏冬$60:湯底做得唔錯,好有豚骨味,烏冬幾滑唔粉,天婦羅蝦幾大隻,肉質彈牙,雞肉入味又香滑,义燒大大件有口感,口感似食燻腣,味道唔錯.紫芋甘栗餅$20:仍可一試,但有退步感.吉列墨魚餅$38:味道可以,但太油,入口都算多墨魚肉,炸得幾香脆.汁燒魷魚筒$52:做得唔錯,魷魚筒好淋又夠味.都幾大隻架.蒜燒茄子$36:蒜味香濃,但茄子唔靚,肉太爛,片太硬.選料真要留意囉!黑椒露荀牛肉卷$18:冇咩黑椒味,露荀新鮮爽口,牛肉卷好有牛味同油香,肉香而有肉汁.整體覺得好飄忽,時好時壞,比我覺得食材同烹調上有不穩定嘅感覺.

之前同朋友仔約左今日食飯，但唔知食咩好，上團購網睇睇，最後簡左呢間。星期六，七點左右到，個場都仲係大半空，可能位置較偏吧。兩個人叫左兩個烏冬，一個刺身，一個小食。首先上三文魚刺身，幾乎係食日本野必點。如色澤所示，不太新鮮，芥辣唔辣。之後上炸雞軟骨。炸既食物通常不太差，呢個雞軟骨都無失望，炸得岩岩好，食到幾粒軟骨！之後烏冬都上了。朋友的招牌烏冬鍋，見到顆生蛋即雙眼發光，好似好正。我的牛肉烏冬，熟蛋……如果係糖心蛋就好了。牛肉份量正常，唔多唔少，烏冬質感滑嫩，和一般手打烏冬分別不大，只是要說特別的地方，倒也沒有。栗米香甜，湯底味精湯，好味。見到MENU價錢正常，係普通日本野價錢，有幾款睇落特別抵，例如生蠔，可以簡烹調方法，好似都只係廿幾定三十幾蚊隻，不過個人唔好生蠔，就無緣一試啦。鄰座有人叫燒茄子，倒是很吸引，正所謂隔離飯香嘛！八點左右走，間野就大半滿了。

買左團購今晚去食.訂位時總係唔想比繁忙時間你訂坐.地點都算方便.價錢唔貴,中下價錢.叫左:明太子手羽燒,吉列炸生蠔,帆立貝刺身,忌廉蟹肉薯餅,紫芋甘栗餅,海鮮芝士烏冬鍋,蒜燒茄子,鐵板海鮮燒餅.明太子手羽燒$35:雞翼炸得好脆,又唔會流走肉汁,食唔到明太子味道,可能比個醬嘅辣味覆蓋左.味道唔錯,香辣又醒胃.吉列炸生蠔$35:唔算好大隻但不失蠔味,唔會太乾,都唔錯.帆立貝刺身$48:帆立貝幾新鮮,都唔貴,如果可以厚身D就更好喇!忌廉蟹肉薯餅$28:薯餅炸得好脆,忌廉好正,但完全食唔到蟹肉味,可惜.紫芋甘栗餅$20:我覺得是必食之選,表面睇好似好油,入口完全唔覺,紫芋好香甜,甘栗做成粒狀,再同芋蓉合成,好有口感.海鮮芝士烏冬鍋$58:海鮮有日本魚蛋,青口,元貝,蝦,三文魚肉,賣相吸引,味道都可以,不過可能加左青椒等材料,令個芝士味帶酸,令味道變得麻麻地.蒜燒茄子$36:又一驚喜,茄子好腍,好重蒜香,內於加左七味粉,令味道更濃,超正.鐵板海鮮燒餅$45:睇落好細個,食完你就知.味道同外面差不多,但用料好足,章魚粒超多,燒餅份量十足,又重又厚,超飽呀!下次會再來幫襯!

年初三同朋友睇完戲食飯，旺角勁多人。。記得黑布街有間新開日本野，就試食一下。。2個女仔叫3樣野share~ 本來想試生蠔，但無貨。。胡麻豆腐沙律- 比例岩岩好，醬汁略嫌微酸。西京燒銀鱈魚- 魚肉夠滑、燒得甘香。芝士海鮮烏冬鍋- 芝士份量好重，但一凍左d芝士就有d起沙兼漿住，如果可以用爐仔熱住黎食會好好多，好似芝士火鍋咁！p.s. 服務一般la, 另外隻來杯太細。。要成日叫佢斟茶。。haha。。

新年同幾個朋友出去旺角行吓，順便睇吓整車啲野。睇睇吓睇到晚飯時間，去咗附近一間日式烏冬店開飯。環境裝修都幾好，整整齊齊，又乾淨！成班侍應生都喺後生仔女，好好傾！傾開先知原來啱啱開張無耐，但已經好多客人！依間日式烏冬店主打自家製食日式烏冬同皇帝蟹，新年一場嚟到，緊喺食豪啲啦！正餐前叫啲小食試吓先！豪豪哋叫咗《燒鵝肝多士》試吓！依個鵝肝真喺幾好，入口即熔，只喺帶有少少鵝肝本身嘅羶味，一口咬落去，上軟下脆，口感一流！特色小食當然包括自家製嘅《紫芋金栗餅》，咬口一流，外脆內嫩，而且好濃郁嘅芋頭味同栗子味！唔食碘粉質嘅我都忍唔住試咗幾嚿！開頭我問啲老友做咩叫炸魚蛋，原來依個叫《紫心香芋丸》！好有特色，而且有如菜名一樣，原來內裏喺紫色芋頭，可見師父非常有創意同心思！講明新年食豪啲，緊喺要試吓主打嘅《皇帝蟹》，唔試真係唔知，蟹肉口感一流，成條蟹腳啖啖肉！而且侍應生好體貼，提供埋鉸剪，剪開蟹殼，啱哂我依啲懶人！《燒魚》又喺一絕！魚皮燒到少少燶，以為裏面一定會有啲肉唔食得啦！但原來成條魚燒得啱啱，燒到外脆內嫩，仲帶魚嘅鮮味，可見師父真喺工多藝術。《芝士黃金虎蝦》又喺唔錯，好濃郁嘅芝士味中帶有新鮮嘅虎

新食店，因為有稻庭烏冬，同友人兩個就去試，叫左4款野食，清酒煮蜆、稻庭烏冬、什菜豆腐鍋 & 天婦羅，清酒煮蜆味道適中，蜆既鮮味又大隻，份量算多又唔細隻，跟住上稻庭烏冬，加埋特定既汁，食落去有咬口仲煙煙un un, 什菜豆腐鍋同天婦羅就一般，都好食，無咩特別，但我可能坐近個門口位，最後上既天婦羅好快就凍晒(本人覺得要趁熱食)，但個清酒煮蜆實在太好味而同友人一味掛住食個煮蜆所以擺到個天婦羅凍晒先食，原先仲諗住叫刺身，因為望到隔離食既三文魚刺身大大舊好新鮮咁，但兩個人食晒4款野已經好飽 ,下次除左會試刺身外，佢既炒飯同湯麵都好吸引。