影片
食家推介
在大角嘴呢个比较平民的小社区，呢个餐厅有小小不起眼，价位也比较贵，小小餐厅，但服务态度非常好，食物方面，质素算中上，选择也算多，上菜速度合理，可以再去的一间餐厅
继续阅读
月岛系位于大角咀大同新村的小店，午巿都有很多定食选择，而且海鲜丼仲好新鲜添。呢度虽然铺面细细，坐位与坐位之间有点迫，但胜在食物有质素，因此午饭时间经常爆满。原本谂住试试佢即叫即做的火炙三文鱼头，可是因为要等二十分钟而放弃，改为食快、靓、正的海鲜丼。北海丼（$98）由甜虾、带子、油甘鱼、三文鱼几种刺身组成的北海丼，未食都觉得很吸引。特别是油甘鱼非常肥美，至于带子及甜虾都很鲜甜。三文鱼就一贯的肥美，油脂分布很平均。套餐仲有浓郁的海鲜汤送。
继续阅读
同咁多位分店同事一齐去食，霸左佢门口所有位置，睇装修确实几好，感觉高级，野食摆设都非常令，令人未食先有好感。因为我地方位实在太多人所以预先点好左野食，有同事要食素佢地都好好礼貌讲明无咩选择，净系可以做到净豉油乌冬。大家都开始食既时候 食左2啖就开始放慢手脚，因为前菜大家都觉得太咸啦，汤底都系，我叫吞拿鱼丼，觉得5错，不过前菜我食左2啖都接受5到。讲反个吞拿鱼其实真心5错，如果成个set多样前菜都配搭到就好啦，因为就算日本原口味偏重都未至于咸成咁，连个汤都系，希望佢地会改良一下个配菜令个set对得起个价钱，因为都偏贵以lunch尼讲。
继续阅读
今日去食肆林立嘅大角嘴揾食，周未嘅lunch 静好多，好多舖头未开，见呢间有啲人气入去试下先。叫左三个set lunch, 老公要筑地丼，孩子至爱三文鱼亲子丼同我要热食猪软骨拉面，set lunch包味噌汤、沙律同fruit punch。三文鱼亲子丼，三文鱼子又多又脆卜卜，两个仔争住食，三文鱼又肥又厚。猪软骨拉面，面质软硬适中，不会淋巴巴的，汤头浓郁。配个温泉蛋令拉面条更香更滑，感觉吃埋猪软骨，骨胶原补充得满满的。午市池鱼刺身比晚市经济，好似$140条。大仔夹完一片又一片，厚切薄切都试晒，还是薄切过瘾啲。食完两条仲未够喉，阿仔自己走去鱼生枱点多条薄切😋😋唔记得影筑地丼，一上枱细仔已经动手食虾同刺身，好鲜甜，所以encore 左单点甜虾热食仲有秋刀鱼，店员话日本返的唔同出面，果然烧得唔错，肉滑又juicy ，令我有啲改观。老公好钟意食，但我总觉得啲肉好干鞋。今次有惊喜芝士年糕外面香脆，内𥚃软糯，芝士精不能错过。饺子本是大仔之好，但这饺子略为失色，个皮好硬，馅料无肉汁，可以唔试。午餐选择几多，下次要试下鳗鱼丼先得。同埋我地听错左炙烧拖罗寿司要加钱，原来系lunch set $88 以上送... ... 我地答左话唔要，🐷左呀！仲有之前食评话service 差，经理机械人，今次去又唔觉㖞，我地五个人叫到成枱野，店员好好心机上菜。唔知系咪转左人呢？
继续阅读
经过一条又一条既小巷，见到呢间日式小店，望入去装潢都几特别，于是走左入去啦🙈 lunch set好多选择，不过都系熟食，想食鱼生刺身，就要系大餐牌拣啦🤭一坐低店员已经拎左前菜，沙律同埋饮品黎，好特别个西柚汁好好饮大餐牌既丼都会配面豉汤😊免治拖罗蓉丼，好地道，有埋生既小鹌鹑蛋。拖罗蓉唔腥，而且份量都多，捞埋三文鱼子食好正北海丼就有多款刺身，全部都好新鲜同厚切架😍有三文鱼、油金鱼、带子、虾、三文鱼子店入面坐得好舒服，位置好阔落，下次会再黎试下其他野！
继续阅读