月來月好 (已結業)

沙田市中心要搵一間連帶有燒味部的茶餐廳在之前其實有點兒難度,除非搵上連鎖式快餐店或餐廳、 近來就給我發現了其中一間新開在(沙田街市)對面之茶餐廳。。。店舖原身也是茶餐廳但就沒有燒味部門, 但經易手後 又或者是轉換了裝潢、 新裝修下茶餐廳卻加入了叉燒、油雞、燒鴨、燒肉等， 絕對是喜歡吃燒味 的一眾人士喜訊~午市方面燒味部分別有叉燒飯、燒鴨飯、燒骨飯、油雞飯、切雞飯油、HK$35至37元不等,雙拼飯、 四寶飯、燒肉雙拼飯、燒肉飯等就以HK$42元交易。。而碟頭飯方面選擇亦甚多，例如有生炒雞絲飯、豉椒排骨飯、西炒飯、椒鹽豬扒飯、叉燒粒炒飯、粟米肉粒飯、芙蓉蛋飯、京都豬扒飯、時菜斑腩飯、叉燒火腩飯、蒜蓉雞扒蛋飯、麻婆豆腐飯、洋蔥豬扒蛋飯、魚香茄子飯、黑椒牛扒蛋飯、鴛鴦扒飯等等都是以HK$42元作交易~另外午市炒粉麵類或一以HK$ 47元. 款式有乾炒牛河、時菜牛肉炒河、沙爹肥牛炒河、星洲炒米、炒貴刁、廈門炒米、豉椒排骨炒河、魚香茄子炆米、雪菜肉絲炆米、三絲炒麵、乾炒牛肉意粉等等~沒有多心早早已選定目標燒鴨米粉HK$37. 湯底用(師傅)味道是必然的， 燒鴨味道平平穩穩沒有太大之驚喜、相反份量

因為附近返工既關係，所以成日都要試付近既野食，哩間之前都食過常餐，覺得好普通無特別所以無再食過。近日發現佢拉左個橫額有特別外賣及下午茶，外賣差燒瀨都係16蚊。天丫，16蚊而家哩個世代都唔知買到啲咩野可以當一餐溫飽既午餐。所以我決定再試。地點都方便既，入到去有招呼，成個過程只需5分鐘連等外賣，方便快捷簡單，而且全日供應。岩晒我拎返公司食。打開飯盒，對眼發光，估唔到有配菜而且份量唔少，足夠女仔既食量，啲差燒勁厚切都幾驚喜。不過個人認為味道要自行調教。總括是良心驚天小餐廳，我都會比滿意既分數。

上次自己黎食蒸魚食到成肚氣，今次叫做對佢有啲改觀啦⋯⋯今次兩個人黎叫左個二人餐，燒味（例）+炒菜+自選小菜一味。似乎開業一段時間run熟左，啲啊姐識自動自覺比例湯，反而吹我落單添。之後keep住同屋企人幫襯左幾次，小炒夠鍋氣，炒菜略嚴太油，燒味夠鬆化唔會太乾身。撞啱消夜時段仲有波睇，夫復何求？ 但係希望佢另一部電視唔會再狂loop新聞啦！

不論野食幾好食都好 我絕不會再黎黎左3次 3次啲阿姐都呼呼喝喝 好似欠佢地十萬九千七咁 不知所謂 不論早午晚都係一樣 已經俾左三次機會 唔會再食 食物係好食既 但態度極差極差極差

路過看到banner寫著 $16一碗外賣自取叉燒瀨，是日一個人冇飯開而且臨近聖誕駛凸咗……便放棄了人間美味扮慳妹。由買到拎走的過程不用3分鐘，好有效率。不知道是否一早裝好⋯d瀨粉再5分鐘後開餐就已經「林」到爛咁濟⋯叉燒就ok 既，夠焾，以$16黎講性價比非常高！

沙田難得有間比較有水準既茶記，上次試左 扣肉飯 （$38 ）略多汁，食到底勁咸。今次再試梅菜鲩魚（$58），真係想講「同之前果間一樣垃圾」。$58蚊個餐茶記黎講算貴，街市買舊鲩魚頂盡十幾蚊，呢個餐得唔夠 1"既魚肉完全係唔值，唔知係咪恰我一個妹妹仔。 叫得蒸魚預左等!!! 今轉等左30mins分鐘，時間上同口感上睇落都似蒸老晒，同枱客人都走左兩轉，「呢個價錢咁既質素！唔掂！」行多兩步去美心快餐食個蒸魚套餐真係冇咁嬲！！！！！！！！

嘩～佢門口大大個易拉架寫住外賣叉燒飯$20，外賣叉燒瀨$16，好難唔留意佢地喎～我屋企決定提早做冬，揀左呢度試新野！真係大件夾抵食！一坐低就送上例湯～我地嗌左個四人餐（雞或燒味兩揀一，佢地印錯左～）沙薑鹽焗雞，咁岩有隻脾，啖啖肉。粟米班塊，食落去好似有少少炸粉未熟，但個粟米汁OK～茄子牛仔骨，麵豉醬炒既，味道偏甜，茄子剛剛好唔會炒到林晒咁，幾好。海鮮什菜煲，海鮮只係魷魚蝦米咁，菜就有小白菜、粉絲同菇，味道清甜。套餐仲另外送個清炒時菜，同四杯飲品同四個白飯埋單$298，四個人除開$80都唔駛。間餐廳仲要係24小時營業，沙田區居民可以一試～