最掂燒味 (廣福道) (已結業)

一向都好钟意食烧味，听到同事极力推荐呢间烧腊店，特登过嚟买，睇吓系咪真系咁好食😆呢间舖头好干净，而且有好多透明柜，一入到去已经见到有好多烧鹅。叉烧系必食的，经过店员推介，我选择左腩叉，佢比一般嘅叉烧肥少少，食落去系爽脆的，调味亦都非常好，算系我食过最好食嘅叉烧之一。腩仔亦好出色，个皮脆卜卜，满口油香，口感松化，送饭一流！另外买多咗个五宝饭，超多𩠌，全部烧味都好好食，另外仲送嘢饮，性价比超高！…查看更多

今日放工冇咩心机煮饭路过见到「最掂烧味」，烧味挂出黎好靓仔所以被吸引，灵机一触就立即入去买烧味加𩠌，咁就可以懒一日唔煮饭一入铺内，我即刻明白点解烧味咁靓原来烧味是即时在铺内制作咁新鲜热辣每日仲会有唔同优惠最好嘅系可以WhatsApp 69394033预订烧味真系方便晒要返工嘅妈妈！今次买左半斤脢头叉烧叉烧一入口非常惊喜肉质又腍又滑，充满玫瑰露甜味下次再买烧味加𩠌我一定会再Encore!卤水鹅下庄卤水很香，拿了一点来捞白饭好好味鹅肉质地也不错卤水鸭下巴两份十二只首先价钱超值$20一份有六只特意买多啲鸭下巴，给家人送酒用我都食左两只配饭吃因为刚才已讲过卤水出色所以鸭下巴味必然会好肉质软滑真心推介俾大家！头先我7点到铺，其实食物已卖得七七八八同埋有唔少客人入内买食物加𩠌真系谂多一阵就咩都卖晒了所以预先订购食物真系方便我地，唔驶惊放工去到铺咩都卖晒。快到母亲节，大家可以当日早上预订烧味，当晚返屋企加𩠌就真系Very good 啦！…查看更多

上前两日同朋友去左大埔踏单车，经过广福道闻到呢间烧味香喷喷，忍唔住停底买左野今晚帮屋企人加饭𩠌。卤水鹅$138/斤卤水鹅系自家工场制做，师傅建议我地中意食肉既，可以选择上装，鹅胸位啖啖肉，咬落口满满鹅脂香味，口感嫩滑，食完唔会好口渴，绝无味精！烧鹅拼烧腩仔双拼饭 60烧鹅同样系自家工场每日新鲜制作，烧鹅烧得肥而不腻, 咬落去皮脆卜卜，烧腩仔一样烧得香喷喷，肉质散发住阵阵既炭火香气，用黎配白饭食一流。叉烧（半斤）69肉质肥瘦平均，口感食落好林，㶶㶶地既边仲有淡淡既木香味，每一口食完都回味无穷 …查看更多

💥新鲜出炉烧味档今晚即兴母亲节饭食烧味 就去左斩料 拣咗呢间新鲜出炉😊即时制作👍👍店后面有工埸即时自家制 连酱汁都系自己调味😊即叫即斩可以电话whatsapp预订 几方便职员好好态度🫢五点几多都开始多人排队等候 见有车既都可以过嚟经过买 后来都知道原来都近太和站添逢礼拜一至日有唔同嘅优惠叫左📌头抽豉油鸡🐔屋企人都话鸡好滑呀 好味😋📌挂炉烧鸭🦆好滋味🤭小朋友最钟意食📌怀旧腩叉🐷阿妹钟意食叉烧🤣 够腍身 📌卤水豆腐 阿妈醉爱👍🤣📌卤水鸭下巴几入味😊🏷️最掂烧味 📍大埔广福道11号地舖#大埔 #烧味 #外卖店 #即时制作…查看更多

今日同朋友去咗大埔行山行完之后梗系买啲手信返屋企慢慢叹啦，经过广福道嘅呢间最掂烧味 见佢吊起一只只卤水鹅超级吸引，于是就买佢啦卤水鹅叫咗下庄 佢系计斤两去买价值$120 外皮索晒卤水汁嘅味道 够香唔太咸 用嚟送饭一流，皮下脂肪唔太多 证明只鹅有运动 整体上都唔太肥 女士都啱食 肉质细嫩有咬口 仲有好多肉汁贵妃鸡半只 闪令令嘅鸡皮加上淡淡的浅橙色 令我食指大动 鸡肉够晒嫩滑 鸡味浓郁怀旧腩叉 叉烧唔系鲜红色都系第一次见 佢系淡淡的啡红色 证明落嘅色素唔多 够晒健康 虽然系猪腩位，不过肥肉都唔多 肥瘦适中有咬口 加上蜜汁甜甜地 细路仔啱晒呀…查看更多