曼谷車站

营业中

休息中

曼谷車站餐廳LUNCH，食物質素較為一般，雖然味道不算特別出色，但仍然可以滿足基本的用餐需求。我們點了金邊粉、紫菜魚旦粉和冬蔭公海鮮河粉，這幾道菜在口味上都有一定的水準，但缺乏讓人驚艷的特色，適合隨便一試。餐廳的環境寬敞，通常都有空位，非常適合和朋友一起聚餐。如果你不想等位，又想坐得舒適，這裡是一個不錯的選擇。座位安排合理，讓人能輕鬆享受用餐時光。在價格方面，餐廳的定價相對合理，對於尋找性價比的食客來說，還算友善。雖然食物質素一般，但如果只是想要一頓簡單的餐點，這裡仍然能夠滿足需求。總的來說，這裡的用餐體驗屬於中規中矩，如果你對食物的要求不高，這裡可以是個輕鬆的選擇，但若尋求高質素的美食，可能需要考慮其他地方。

係網上面嗌外賣送餐，好快送到但當我一打開個外賣袋見到個菜就諗自己頭先點錯餐？定送錯餐？馬拉盞炒椰菜苗$82 實物以為跟餐加錢 配嘅菜一個人想食豐富啲但見到個菜都sad左

同事帶我地行左好遠，原來去德寶商場食，地點唔太方便，但勝在成棚人去都即時有位，唔嘈，方便傾計幾個人都叫唔同既午餐，有蝦醬炒飯，扎肉湯河，海南雞飯，通菜炒牛肉飯都幾多款式選擇我食既蝦醬炒飯覺得偏咸，味道係ok的，但如果無禁咸就再好少少同事叫海南雞飯，雞有少部分唔夠熟，所以無食完，通菜炒牛肉賣相算係最吸引，菜係青翠既顏色，另外牛肉都嫩滑其他就不過不失，但價錢算係九龍灣係便宜既，所以都算值得再去食下Lunch

🌶️ 【冬陰功火鍋之泰美味】 🥘喂～想食泰國嘢又唔想飛去曼谷？等我介紹呢間隱世小店畀你！喺牛頭角得寶商場入面，有間曼谷車站嘅泰式火鍋店🚂，個招牌冬陰功湯底真係香勁！🔥今次試咗佢哋嘅美國安格斯牛肉套餐 $98，仲送埋海鮮盒添！手切黑魚片新鮮彈牙，泰式蝦丸就香彈可口，兩隻新鮮海蝦都幾大隻下～個冬陰功湯底香料十足，酸辣開胃又唔會太嗆，啱晒香港人口味！🍲想講重點嚟㗎！佢哋嘅泰式蟹膏肉鬆炒飯真係驚為天人，啲蟹膏香濃夠晒鹹香，上面仲有蛋絲同肉鬆，配埋芒果沙冰完全係絕配 🥭 人均$100左右就食到咁多嘢，真係抵食到震！想去食記住提早book位，熱門時段好易爆滿㗎！仲等咩？Tag埋你嘅伙伴一齊去歎返個泰式火鍋啦～

點了生蝦刺身，$83上菜時只有五隻生蝦，平均$20一小隻蝦餅雖有六件，都是切半后的6件。這家餐廳不是第一次去，漲價了，但portion 整體也減小了。感覺自己踩雷了。

這是一間火車主題的泰國餐廳，裝修充滿火車元素，有很多打卡位 🤩 很適合帶小朋友用餐！🔸生蝦刺身 $83蝦肉透出晶瑩剔透的色澤，十分新鮮 😋 配上酸辣的泰式醬汁，好好吃！🔸冬陰功（小） $75各樣香料完美融合，帶着酸辣啲濃郁香氣撲鼻而來 😍 有很多配料，辣得很過癮！🔸肉碎生菜包 $69微酸微辣惹味又香口的肉碎，用新鮮爽脆的生菜包住一起吃，真是很過癮 🤤🔸乾炒雞肉河 $60很夠鑊氣！河粉炒得很乾身同時雞肉又不會太乾，不錯 👍🏻🔸飛天通菜 $57幾乎是每次都會叫的菜式，十分喜歡通菜的爽脆 ❤️🔸椰青 $38 / 凍奶茶 $18

以前喺觀塘返工嘅時候，好多同事都介紹過呢間泰國餐廳，不過一直冇機會試，因為都要行幾遠。不過今日咁啱嚟到附近，就一於嚟試吓啦。一去到，就見到個門口係好似一格泰國嘅車咁，好有特色，啱晒打卡。一坐低我哋就叫咗呢個海南雞飯，佢嘅雞食落好嫩好滑，而且無骨，大人小朋友都食得。同埋佢嘅油飯都好抵讚，雞油味好重，又好食又唔會太過飽。我就認為呢個生菜包係最抵讚，因為我揀咗大辣，估唔到佢真係夠晒辣。如果唔食辣嘅朋友就要小心啲叫啦，但係因為我好鍾意食辣，平時食嘅生菜包通常都只係少少酸辣，估唔到佢真係好辣好開胃。朋友就話，呢杯西瓜冰唔算太甜，非常解渴。飲落好有西瓜味之餘仲食多少少西瓜嘅肉，啱晒夏天消暑啊。個冬陰功明爐烏頭都好值得一讚，因為佢非常大條，但係啲魚仍然整得好嫩滑。佢仲另外俾咗一碗冬陰功湯，可以拎嚟飲之餘，又可以加落個爐度，非常開胃。而且佢嘅配料都好多，佢嘅菇都非常出色，好適合送飯。呢間餐廳又平又抵食又靚，唔怪得咁多年來都咁多人介紹啦。雖然呢度嘅地方唔係好就腳，但我都一定會再嚟啊。

間吾中都同屋企人嚟到曼谷車站食晚餐鍾意呢度好有泰國風味，環境闊落，坐得都好舒服，加上價錢又吾貴，d姐姐仲非常友善，絕對值得推介咖喱軟殼蟹 $140原隻軟殼蟹非常香脆，咖喱汁帶微甜，小朋友都啱食，送飯一流串燒半打（牛雞各三串） $78阿仔最鐘意呢款串燒，尤其配上特色沙爹醬，見佢食到吾停口炒雜菜 $55炒雜菜款式多又有鑊氣炸蝦餅 $68炸蝦餅新鮮熱辣，非常酥脆，不過比較多油龍眼冰 $26龍眼冰解渴清甜菠蘿沙冰 $32菠蘿沙冰清新可口又解渴

喺九龍灣想食泰國菜，於是瓹窿瓹罅嚟咗呢間街坊小店，估唔到又幾有驚喜喎，食咗個幾高性價比嘅晚餐🍽️明爐烏頭魚見到隔離枱嗌呢一條明爐烏頭魚好吸引，所以我哋都嗌返一份嚟食。明爐烏頭魚有清湯或者冬蔭功湯口味可以選擇🐟我哋就揀咗惹味嘅冬陰功湯，除咗火爐上面嘅魚已經有冬陰功湯之外，餐廳亦都額外俾咗一碗湯我哋，可以加上條魚度。烏頭魚嘅肉質好實淨，同酸酸辣辣嘅冬陰功湯好夾，呢個價錢就食到成條魚真係好抵😉正宗泰式豬手冇諗過呢個無骨豬手用個煲上，咁就可以更加保溫啦，慢慢食都keep住暖笠笠🐷 呢個豬手嘅調味用上咗甜醬油，微甜口味炆得好入味。呢個泰式豬手炆到腍晒，連層豬皮都係入口即溶。炸蝦餅講到食泰國菜必食嘅小食，我嘅首選會係炸蝦餅🍤 呢度嘅炸蝦餅幾彈牙，令人食個不停。串燒半打有牛肉同埋雞肉各3串，啱晒我哋呀，可以一次過試晒兩款口味。個人就更鍾意雞肉串，因為比較嫩滑🐥 沙嗲醬嘅花生味好濃郁，真係串燒嘅絕配。無糖百事可樂最後仲嗌多個可樂開心吓🥳 真係飲到gur一聲㗎🥤呢間餐廳裝修仲設計到有少少火車元素，真係幾特別㗎喎😎 菜式抵食，下次想食泰菜又多個選擇 。

我最近又發掘咗一間高CP值泰國餐廳「曼谷車站」，$149居然食到勁大條嘅明爐烏頭魚，真係估唔到吖，環境佈置到彷彿置身泰國昔日的車站一樣，餐廳並無收取加一服務費，但店員上菜速度快，而且好有禮貌。冬蔭功湯明爐烏頭魚（單點$149），烏頭魚好大條，肉質嫩滑，味道鮮甜，略嫌細骨比較多；冬蔭功湯底味道酸辣，帶有香茅、南薑；配料包括有椰菜、紫洋蔥、車厘茄、芫荽，食落好入味。香草生胡椒炒海鮮（單點$80），鮮蝦肉質爽口，食落好新鮮；魷魚份量多，口感彈牙、不韌；青口肉質飽滿，味道鮮甜；海鮮調味主要依賴香草、辣椒、香蒜，食落好惹味，但生胡椒因為並無拍碎過或磨碎過，所以略嫌胡椒味道欠奉；配料包括有櫛瓜、豆角、生菜。燒牛肉沙律（單點$78），牛肉份量多，肉質厚嫩，牛味濃厚，味道酸辣帶鹹，略嫌炙燒牛肉的香味未夠突出，配以車厘茄、洋蔥、芹菜、青瓜、生菜、香蔥食用，味道清爽。菠蘿海鮮炒飯（單點$75），表面鋪滿肉鬆、腰果，飯粒口感乾身，食落帶有黃薑粉味道，海鮮包括鮮蝦、魷魚、青口，配料包括有菠蘿、臘腸、雞蛋、葡萄乾、紅蘿蔔、青豆、生菜，店員好貼心地已將菠蘿起肉，味道酸甜，食落好Juicy。凍奶茶（單點$18），偏

估唔到俾我搵到一間超抵食嘅泰國菜「曼谷車站」😱除咗價錢平💰無收加一服務費❌仲要份量一啲都唔少😍一定要推介俾大家‼️.生蝦刺身🦐生蝦大隻，新鮮爽口😆連同辣椒🌶️生蒜片🧄以及泰式酸辣汁，辣得過癮😋.冬陰功(小)🥣飲得出好足料😉有大蝦🍤菇菌、🍄‍🟫車厘茄、洋蔥同香料等🥔🌿酸辣開胃🤤.正宗泰式無骨海南雞飯🍚雞肉鮮美嫩滑🐓無骨啖啖肉☺️點上薑蔥蓉、黑醬油同酸辣汁🫚🖤味道更加正宗，配有青瓜片同油飯🥒.泰式青木瓜沙律🥗爽脆青木瓜，加上豆角🫛車厘茄同生菜🍅🥬酸甜清新💦.炸春卷🥢香脆外皮包住清甜蔬菜同肉餡🐖🥦再沾上泰式甜辣醬，正👍🏻.芒果糯米飯🥭糯米飯和暖配上香甜芒果同椰漿🥥好味道😛.青檸梳打🥤泰象梳打水加上青檸糖漿同原粒青檸🍋‍🟩

曼谷車站 去完泰國既我地，仍然好掛住泰國野食於是book左呢間，去到都好多人💛明爐烏頭魚 (清湯) $143上到枱都幾大條幾靚！配左芫茜、清湯同泰式海鮮汁魚肉新鮮嫩滑，泰式海鮮汁香辣惹味咁大條魚價錢都幾抵！💛泰式飛天炒通菜 $57上枱已經聞到好香，通菜炒得好入味帶少少辣，好惹味！💛泰式炒金邊粉 $65好正宗泰式味道！帶甜甜辣辣味道配左蝦，蝦好新鮮彈牙！💛龍眼冰 $26💛椰汁冰 $24價錢：$315（二人）⭐️⭐️⭐️評分：8.5/10⭐️⭐️⭐️📍曼谷車站 (牛頭角)牛頭角牛頭角道3號得寶商場1樓218號舖

由於朋友住德寶花園嘅關係，所以帶咗我去食樓下一間泰國菜叫做曼谷車站，估唔到一間小店平日嘅夜晚都已經全場爆滿，等咗一陣先入去嗌咗幾樣招牌嘅嘢食，都幾唔錯。干炒香葉牛肉河香葉的獨特香氣。炒至金黃的河粉吸收了牛肉的鮮味，口感滑順而有嚼勁，香葉的香氣更為整道菜增添了層次感青咖哩（雞）味道微辣又芳香四溢。咖哩醬中融入了椰奶的香甜，使雞肉更加嫩滑飛天通菜炒至鮮嫩爽脆，保留了菜的原汁原味。用蒜蓉提味，簡單卻非常美味，清新健康明爐烏頭魚（冬蔭功湯）明爐烏頭魚配上冬蔭功湯，魚肉鮮嫩，湯底香辣酸爽，令人胃口大開。冬蔭功的香料和檸檬葉提升了整體風味，讓魚肉的鮮味更加突出泰式青木瓜沙律搭配酸甜的泰式醬汁。口感脆爽，酸辣的味道令人開胃，特別適合夏天食用

呢一間位於九龍灣嘅泰國小店，平日七點去到已經差唔多坐滿人，睇返餐牌每個菜式都唔使$80就有交易，性價比好高喎！肉碎生菜包 🥬 $69食泰國菜點少得生菜包，佢哋嘅肉碎炒得好香，又唔會太辣，生菜嘅份量都好足夠，起碼唔會出現冇晒生菜，剩返好多肉碎嘅情況～泰式馬拉盞炒椰菜苗 $65炒菜我最怕就係油粉太多，呢一個就做得啱啱好，唔會過鹹過油，而且佢哋嘅椰菜苗好鮮嫩，好好食🙌🏻黃咖喱牛腩🍛$75 配 薄餅🥠$32黃咖喱非常大兜，大兜到點完薄餅再嗌多個白飯都應該點晒啲咖喱汁😂😂呢個咖喱香料味唔算太重，口味應該偏向適合香港人，送飯一流！蝦膏炒飯 🦐$65蝦膏炒飯好大碟，三四個人share都應該每人有一碗，鹹香味唔會過重，應該大人細路都啱食😋😋芒果糯米飯 🥭 $52佢哋嘅芒果糯米飯係用青芒果整成嘅，大約有半個青芒果左右，椰汁嘅份量好足夠，整體都幾好食～椰青$38呢個椰青意外地特別大個，而且椰肉椰水都好似格外清甜，$38一個好抵飲！

在Open Rice 平台下單得寶曼谷車站的豬頸肉炒飯，一打開話嘩咗一聲盒豬頸肉炒飯 賣相差、飯濕 、味道差得三片薄切豬頸肉 。 唔會再有下次幫襯永久Blacklist 。負評。