影片
第一次食饭食到一肚气，谷到要喺度打食评！午餐时段嗌咗个泰式肉碎蛋饼饭！食咗第一啖之后，feel到有啲唔对路，啲饭冻嘅？个肉碎蛋饼又系冻嘅？咁我同返个侍应讲，佢就收走左个饭。我见到佢拎入去半开放式个厨房问人点处理，然之后见到个侍应拎住碟饭去另一边嘅厨房。再出返嚟嘅时候，我以为佢比碟新嘅我，点知原来系叮返热，俾返原先𠮶碟我！咁都得？真系第一次食饭食冻嘅野叮翻热就得，即系原来厨房条友叫佢叮翻热就可以比客食啦！原来呢间餐厅系咁控制出品！唔怪得新开都冇乜人食啦。最后我再次出声，个侍应换咗另一碟饭俾我，都系好难食！警世！！！！大家真系唔使试呢间劣食！
继续阅读
系大角咀做完gym行返屋企，原来太子界限街个头好多野食架🤭😮系附近试左间泰式茶记，叫左今日Special: 冬荫功肉碎炒饭够火侯，红咖哩牛肉捞米线入面d牛肉好似牛腩咁淋，两样都好好食！味道唔太辣，菜式又特别，计埋冻饮要加3蚊，两人一共$96，好抵食呀！间餐厅仲要开到凌晨2点，Yeah! 呢间野可以encore! 下次我要试佢既泰式常餐！饮香茅茶！
继续阅读