曲奇四重奏 (已搬遷) 新店位置

今日路過九龍城,所以買了一個蝴蝶酥,因為本人喜愛吃蝴蝶酥,聽閒它的蝴蝶酥不錯,所以一直記著如到九龍城必定要買來一試。可能期望太大,所以吃完後覺得沒有什麼特別,不覺得比較不甜,不過確是比較特別脆,以這個價錢及這個份量,我不會常常買......

想試呢間野好耐, 咁啱去開九龍城食飯, 順手兜去買.佢個Deco同 uniform簡單得黎都好Cozy, 個Sales 好nice, 即刻攞唔同味既曲奇比你試, 又介紹d新口味, 唔 hardsell, 等你慢慢試慢慢揀, 實際上佢亦唔需要sell, 因為收錢都收唔切. 買左合Birthday assorted can, 包裝幾靚, 又多款, 好light, 牛油味唔算太重, 尤其鍾意五穀味, 黑白芝麻, 藍梅, 及牛油條, 蝴蝶酥都好鬆脆又唔太甜. 佢既食法唔同Jenny Bakery, 食左好耐Jenny Bakery, 宜家麻麻地鍾意, 因為太重牛油味, 好heavy好溜,不過呢間就略嫌貴左d., 都唔會成日食.

媽媽去親九龍城買送都會順手買盒曲奇同兩三包蝴蝶酥返黎. 個人認為佢既出品偏淡, 食好多都唔會太滯, 最好食係芝麻味曲奇, 有raisin 既就最一般, 蝴蝶酥都幾好, 但又未至於係一試難忘.... 計埋packaging, 總括黎講係ok 既...

尋晚同屋企人出九龍城食飯，本來諗住睇下有冇機會黎呢間曲奇店，因為媽咪自從在報紙上知道有呢間鋪之後一直嚷著要去試下，話有好多好評wo~之前星期一黎撞正休息><去到間店，好多人啊~!不過我同媽咪睇左D價錢就覺得偏貴，冇即時買。但我地食完飯都係忍唔住手去返買~首先一讚的老闆娘謝寧的服務態度，當時佢好有心同我地推介，我地試左一隻比較辣的曲奇，我們嫌辣，佢都好好咁為我地推介其他，老闆娘落手落腳做，都幾有心!我地最後買左夏威夷曲奇，食左一塊.......好好味~比一般的曲奇鬆化.......但唔係一咬就散哂嗰隻~牛油味OK~唔會太多太膻~(好怕有D牛油味太濃)......果仁就OK LA~可以多D~初初都有D驚只係明星效應......實質唔好食~但今次我又覺得唔係吹水WO~只係$38 只得10 幾塊......有D唔夠喉~如果大盒的要$178 TIM~的確係唔錯的曲奇~下次試埋其他嗰D先~

全部味道都有得試食, 雖然款色都幾多, 大多數款色牛油味都比較重, 覺得好漏呢....今次是第二次光顧, 同上次一樣都係買咗呢兩樣曲奇, 因呢兩款係唔重牛油味既, 食完又唔會覺得漏同濟...特濃朱古力 ~ 超級濃既朱古力味, 唔會太甜...首選既!! 蝴蝶酥 ~ 好鬆化, 最好係唔漏又一d 都唔覺得油...這個是次選吧!!

就快放完假，唔得閒四圍揾食，所以今日特登到九龍城買曲奇，好似幾出名。地點 : 對住港島嘅人嚟講，真係好遠，好唔方便，不過聽聞分店會9月喺跑馬地開。食物 : 曲奇好脆，好多款式，好香。服務 : D sales 幾有禮貌。有得試食完先買，幾大方。要改進嘅地方 : 竟然冇得簽咭 / EPS，帶唔夠$，勁麻煩！要改！ 雜錦只得一種罐裝，但又有D款唔啱食，如果可以改為任揀計磅數買就 perfect嘞!

早前有朋友送這裡的蝴蝶酥給我，一試難忘。今次想送些小禮物給朋友，便首選這裡。放工第一時間由港島趕過來，因這裡晚上八點便關門大吉，怕會趕不及。雖然接近關門時間，但仍人頭湧湧，不愧為人氣名店。入到舖內先被試食區吸引著，每種曲奇都可試食。我的愛人看見高興極了，他試了兩款：川椒朱古力曲奇 ~ 真有點辣，但沒甚朱古力味；夏威夷果仁曲奇 ~ 只得曲奇味，沒果仁味。最後我買了四包蝴蝶酥，盛惠 $152 元。回到家拆開，一包原來祇得十三件，差不多 $3/件，也算昂貴。不過它的味道很合我胃口，偶爾食包，也不算太過。

上次來剛好新年本想買一盒但要排到初十才有(好誇張)所以放棄了.........今次跟友人去九龍城食飯順道買了包蝴蝶酥味道不太甜很脆, 但實了一點, 不夠鬆, 不過都可以接受只是用原身的袋加靚靚萬字夾夾住放在家過了好幾天都仍然很脆~~不俗~不過價錢就真的有點貴......

在各大傳媒未刊登這間鋪時,我己路過一次,當時鋪頭水靜鵝飛,跟前陣子經常排滿人真是天與地之別.由於一向對於曲奇沒有多大興趣,理所當然唔會去買.今次有幸食到也是因為姐姐買回來才有機會品嚐蝴蝶酥:這個酥做得好鬆化,唔會好死實,只是略嫌厚了一點,如果可以整薄一點會合我心意多點.最最欣賞這塊餅唔會做得好甜,加上充滿牛油香,連我這個唔太愛餅的人都貪吃到停不了手.牛油杏仁片:杏仁下得重手,整塊也充滿杏仁味.杏仁味又唔覺好重,只是覺得自在吃果仁,還有新年吃煎堆的感覺,吃完果仁味還在口腔久久不能散去,對於不太愛果仁的我,這款餅便不能得我的垂青了總括來說味道也不錯,只是又未至於我到會肯俾錢買的地步呢

慕名而黎買曲奇, $138一盒, 勁失望, 平心而論, 謝寧牌曲奇真係名大於實, 咁既價錢相當唔值, 曲奇既味道同素質不及Jenny Bakery, 佢既出品,只可以話同一般屋邨麵包店賣既自家製曲奇差不多, 牛油味欠奉 ,味道又寡 (可能為左標榜健康?) 質地粗糙,(刻薄點可以話有d"鞋口"), 試過就算 lu同場試食佢地既招牌蝴蝶酥, 係就係夠鬆化同脆,不過可惜唔甜呢......(P.S++ 真係見到謝寧架.....佢仲響收銀處幫手打點 tim)

話說新開張時,產品斷貨。曾到過此店,全店只得幾個樽,前放試食碟,個個伸隻手去拿,”丁屎”咁細粒既曲奇,認真沒胃口。而且咁既無貨品佈局,擺張枱仔,小梳化,又唔係café喎,好怪。曲奇又貴,沒趣再來。情願好似Jenny’s Bakery, Awfully Choco一個小Counter還受落。轉接下,有人請吃過幾片曲奇,又幾鬆脆,仲微甜咕喎!之後又有人送來蝴蝶酥,嘩!唔通用法國、新西蘭牛油+有機麵粉,會令食物咁好食既!? 蝴蝶酥輕口唔膩,又少甜。鍾意佢鬆脆,不像吃麵粉層,入口即化啊!

今日早上好肚餓呀同事請了她的蝴蝶酥給我吃細細件,烘得好脆好好味件餅又唔甜喎~ 真係very good ar我食咗二件, 想再食,但要忍口呀~食咁多好肥架嘛~果然好出名既蝴蝶酥呀~

是日係曲奇泰菜團。孖妹見到曲奇相煽動群眾買曲奇。買曲奇既時候，仲見到謝寧小姐巡舖呢~試左D Tasting Cookies，最終買左蝴蝶酥。牛油味唔會太重，糖份亦唔係特別甜(甚至我會覺得唔算甜)但賣鬆化同脆囉。講真$38蚊又唔算好貴，不過長途跋涉我又覺得一次就夠。

其實我聽聞好奈，好想試試呢間有明星效應嘅店鋪，我終於專登搭車去買嚟試試因為我買完會再約朋友去TEA，所以問下朋友要唔要可以幫佢買埋，我朋友就叫我話事，幫埋買啦！我幫我朋友買咗一盒雜錦曲奇、一小包蝴蝶酥。我自已都係一盒雜錦曲奇、一盒蝴蝶酥。食落覺得佢嘅曲奇同Jenny比，佢唔及Jenny香脆，但都好食不過，蝴蝶酥就做得好好甜度適中、又夠香脆鬆化。有好多人都話帝菀都好好，但我未食過，眞係要去試下。但奇怪就係原來我朋友對佢D曲奇敏感，食完之後皮膚痕癢初時唔知，之後越食越唔掂，只好唔食、留畀家人食啦！因為我都係剛剛先知道呢件事，所以宜家先寫食評囉！佢地仲有好靚嘅包裝飾物，如果送禮都好大方得體。

上次星期一黎到咁啱佢休息今晚大顆兒又黎九龍城食飯特登早d去到買左先入到去覺得裝修得幾好喎，佈置清雅不同口味的曲奇和蝴蝶酥放了出來供人試食讓人可以選擇自己喜歡的口味真好老實說，我覺得有試食是很重要的，因為試過鍾意先買好過買到返去唔鍾意浪費哂d食物最後買了一包蝴蝶酥走因為份量不太多，對我和家人來說剛好D姐姐笑容同服務都好好喎回到家當然即刻試吃和家人一起分享啦它的外型很漂亮呢咬下去很鬆脆，很重牛油味，重要的是不會過甜讓人有想一吃再吃的衝動p.s. 我好鍾意佢個袋上面個個夾...=P