曲奇四重奏 (已搬遷) 新店位置

買了一盒蝴蝶酥和一盒什錦曲奇，兩盒的包裝盒一樣，只是盒面的顏色唔同，曲奇係白色面，蝴蝶酥係紫色面．蝴蝶酥的size唔係太大個，兩啖剛剛好．雖然面層佈滿糖粒，但食落又唔覺得好甜．蝴蝶酥做得好鬆化無'蘇'味做得非常之出色，真係俾出面的舖頭整得好味．一打開個曲奇會見到幾個哈哈笑，雖然未食都會覺得好開心，由於無介紹，所以有d食完都唔知道係咩味，不過其中一隻芝麻味就真係好香好脆，這間的曲奇和Jenny Bakery的好唔同，Jenny Bakery的曲奇好鬆化和入口即'溶'，有時大力d去攞都會爛．這間主要係鬆脆．

看了多篇Cookies Quartet 的報導,今日特登同老公和囝囝去了九龍城買了一盒什錦曲奇.各曲款奇的鬆化程度不同, 都非常好味.我和老公最喜愛的是"川椒榛子曲奇"和"咖啡合桃曲奇".下次會試"蝴蝶酥".

於餅店未開張前，　我老公因公事到餅店安裝寬頻, 剛巧謝寧在店中, 據我老公說謝寧十分友善沒架子, 更請他食蝴蝶酥。老公帶了些給我和仔仔食, 我們至今在回味蝴蝶酥很鬆化, 和香甜。見其他食評說曲奇好味,下次到九龍城一定會買番盒蝴蝶酥同試試其他曲奇!

知道呢間曲奇舖終於開張已經莫名去試~因為得知是由謝寧、黃志煒、關琬潼和黃耀文四位名人合辦由於我很愛食甜品和製作, 而且也幾愛黃耀文這位甜品大師的咁品所以走進了去八八舖面設計不多, 面前有幾款曲奇, 他們給了幾塊給我們嘗試試了芝麻味, 味道很香很脆, 而且牛油味不太重, 唔會覺得好漏很飽肚另外試了蝴碟酥, 和中式西餅舖吃下時有d感覺不同, 每層都好酥脆, 唔會好硬, 味道適中, 我想吃多塊都不會覺得很濟胃買了一盒雜錦曲奇回家, 每款食後真的不錯比起Jennys Bakery那種叫鬆化的曲奇比還要好更多!!!!不過可惜是單張和網頁也没有介紹每款曲奇是什麼味道.....

幾星期前已經留意到這間舖,名字叫"曲奇四重奏".途經多次,望入去間舖只有張梳化和一張檯,檯上放了七八個玻璃瓶; 想來想去都不知究竟這間店賣甚麼...終於前幾天,阿妹買了盒曲奇回來. 一打開個盒就看到有幾塊畫了哈哈笑樣子的曲奇,十分討好. 一盒共有八種味道的曲奇,曲奇十分鬆化,好食之餘又不會覺得甜. 我也記不起有那八種味道了,因為鐵盒只寫上"雜錦曲奇". 不過一定要提提有款特別的川椒曲奇! 味道有些少辣(微辣)之餘感覺很得意; 出奇地食落又不會覺得難入口,反而有興趣再食多幾塊...我覺得這盒曲奇好掂,無論包裝和味道都比Jenny Bakery更加出色. 因為今次是由阿妹買,所以不太清楚詳情,但據說現在只有雜錦曲奇和蝴蝶酥賣. 聽說蝴蝶酥比曲奇更受歡迎,已經斷市多日;昨天去過都話一定要預訂才有...唯一要彈是盒內沒有提供單張介紹有邊八款曲奇..有機會一定要試試個蝴蝶酥.