影片
以上资料只供参考，请与餐厅确认详情
今日返工好忙啊，所以我叫咗个外卖，为咗令自己唔使食饭时间都要出去餐厅度买，咁就可以多啲时间食吓饭摊唞下，为了食完饭之后继续努力工作。所以我今日叫咗样好西俾自己。我用咗唔同嘅角度去分析一下今次嘅餐饮体验。鸡蛋肉碎肠粉喺初初用个app点餐嘅时候有质疑过呢一个餐够唔够食呢？因为得个肠粉同埋个甜品，但系当你食完成个餐之后发觉系饱到呕嘅最后我系食唔晒。讲返呢一个鸡蛋肉碎肠粉先，味道嚟讲都算唔错，但系因为我叫完之后唔系即刻食嘅关系，所以个肠粉有少少冻，搞到个肠粉皮个质地有啲唔知点咁样样。但系个鸡蛋同肉碎又整得几好味㖞衰鬼。调味方面唔会太咸，亦唔会太油，感觉上食完之后个负担唔系好大，仲有少少健康嘅感觉添。香滑养颜芝麻糊你唔好睇碗芝麻糊好似细细碗，其实好饱，芝麻味唔算好浓，叫做好过冇有碗嘢食吓咁啰。黑豆浆浓郁嘅豆浆味，真材实料，有豆渣，好饮。成个餐加埋$55.20，外卖嚟讲真系相当抵食，希望下次可以热辣辣咁食。
继续阅读
肠粉冇以前好食，好失望😌粉浆林，没有烟靭感觉，没有米香味。豆浆好似开粉，饮到成口粉都未溶。一啲豆浆味都没有。芝麻糊冇芝麻香味，质地吓人，开生粉芡🤢🤢我记得以前系好好味，肠粉好烟靭，芝麻糊人手做好香芝麻味，而家完全唔同晒，连辣椒油都已经冇以前咁香，唔会再食。非常失望。
继续阅读
上次经过呢间肠粉已经觉得好吸引，香港唔系好多间，而且屋企同埋公司附近都系得啲普通嘅肠粉又唔好食😞去到同事已经好好态度，又话随时可以打电话嚟落单，搞掂先过嚟唔使等。所以就同朋友外卖咗三个款式食- 新鲜猪膶肠粉 $24好入味，猪膶鲜甜大大粒，食落唔会蒸到硬崩崩。- 素三丝肠炒 $24甘荀，木耳丝，翠肉瓜斋肠都好鲜甜😋感觉亦无咁多油，食落无咁罪恶感- 肉燥捞肠粉 $26斋肠加肉燥，呢个最重口味😜不过就好睇钟唔钟意捞汁食。个人比较钟意啲配料喺肠粉入边。整体每款肠粉都非常滑身，三款都好好食👍🏾佢配左辣椒同埋个咸菜都好出色！仲大大份好足料饱肚好想试埋其他😋希望再有机会黎（个样比较唔讨好😂因为我哋将三款分左之后先醒起影相，但真系好食😌）
继续阅读
两间分店都喺屯门 而我哋就拣咗去良景市集呢间超方便行菠萝山前后食😆老实讲 我第一次食石磨肠粉而且皱皮肠嘅卖相唔算讨好因为佢完全唔系平时早餐啲猪肠粉咁挺身但食落又好ok㖞😋而家排名系炸两 > 猪肠粉 & 皱皮肠 > 酒楼蒸肠粉呢间老板娘真系超nice 可能因为我哋堂食佢系咁同我哋吹水😆 又同我哋讲边样受欢迎啲👏🏻仲有呢间几健康 可以走油 (即系肠粉面𠮶浸)新鲜猪润肠粉 (拉薄) $20 🙆🏿♀️老板娘话晚晚零晨2点开始石磨拉薄嘅肠粉睇落会俾正常嘅少一半左右但完全睇到入边啲料 够晒透 证明真系皮薄馅靓👍🏿友人识落有种特别嘅味道老板娘话我哋听 先知原来𠮶种系米香味因为系石磨嘅关系 如果好眼少少有机会会见到米衣添而猪润份量亦够多够鲜😋素三丝蒸肠粉 加粟米 $22 🙆🏿♀️素食者首选 除咗健康之外 味道亦都唔错㗎素三丝系红萝卜、木耳同翠玉瓜 再加埋粟米口感好丰富除咗肠粉本身之外 亦有送自制梅菜同埋青辣椒捞埋一齐食 一流🤤🤤🤤叉烧蒸米粉 加金菇加腊肠 $38 🙆🏿♀️拣完叉烧之后又想加嘢 但又唔知加乜好呢个时候 老板娘又出场啦 佢叫埋啲伙计一齐帮我哋谂最后加咗金菇同腊肠 因为本身有跟菜最后出嚟啲颜色红红绿绿咁 好鬼鲜艳😆蒸米粉同炒米粉最大嘅分别系少咗𠮶浸油同埋佢啲米粉食落都好弹牙 最后食下食下又清晒😂黑豆浆 (细枝) $7 💁🏿♀️豆浆每日都系由铺头新鲜整味道唔甜 够晒健康仲有淡淡豆香味 几啱我口味芝麻糊 $15 💁🏿♀️稠得嚟又唔会太甜同有芝麻味 但唔算重红枣雪耳桃胶糖水 $25 🙆🏿♀️好足料 啖啖都有桃胶食呢碗真系好补🥰 但相对其他嘢会偏甜少少❎ 加一服务费
继续阅读
放假当然去揾下好嘢食啦😊 最近好想食啲手拉肠粉！咁就上网揾到呢间「曜鸿石磨肠粉」好多好评👍去到老板娘非常热情嘅招待，介绍唔同类型嘅款式😊由于系空肚去食早餐+午餐嘅缘故，最后我哋拣左好多嘢食🤪秘制叉烧鸡蛋肠粉$25材料好丰富, 好香嘅蛋味 同 叉烧味😊肉燥捞肠粉$22肉燥捞落啲肠粉度又唔会好咸而味道亦岩岩好😋鸡丝肠粉(薄拉)$18呢个薄拉肠粉真系又滑又薄，皮薄馅靓🤤虾米蒸米粉$25+$7肉碎蒸米粉听起黎好似麻麻地，但食落好好味😋老板娘话佢哋唔同出面舖头落油炒嘅做法，成件事健康啲😬香滑养颜芝麻糊$15呢个芝麻糊系老板娘每朝亲自炒的，所以佢强烈推介我哋试呢个芝麻糊😬好香好滑😋红枣雪耳桃胶$25啲料好足，好多雪耳好多桃胶，同埋 红枣杞子好补🤣手工秘制辣椒油$45/酱老板娘话呢樽酱好多客话正，用黎食米粉食面食米线打边炉都好正😋😋黑豆浆$8/支(购买肠粉可减$1）
继续阅读
您可能会有兴趣的...