曜嚐 · 吐司 (已搬遷) 新店位置

又去左太安樓覓食，見到呢間新開既吐司店，仲發現左佢係黃店☺️決定買黎做午餐嚐下鮮🙆🏼‍♀️———————————🍞和風牛肉吐司 $40 🍞(7.5/10)餐廳主要賣唔同口味既吐司同豬仔包，我就揀左個和風牛肉吐司，真人黎到比我想像中大份，配料仲落左好多，另外送一罐烏龍茶，價錢40蚊都算幾合理～～吐司夾住一大塊炒蛋同日式既牛肉同洋蔥勁足料，除左牛肉本身既照燒汁之外包入面仲搽左千島醬，食落味道幾夾😋不過方包就冇我想像中既個種脆口，食落感覺偏向三文治，就食落冇咁過癮XD總括而言性價比都唔低，同埋太安樓比較少呢一類既野食賣，所以平日諗唔到食咩既呢間會係我係太安樓會回訪既選擇☺️☺️———————😋味道：7.5/10🤵🏻服務：7.5/10💰抵食：7.5/10⏳排隊時間：15分鐘

個包身整得好脆身。個蛋都好滑，雞係滑雞。上面表面睇落去好豐富咁，食完上面啲料之後去到個底原來就係得返啲沙律菜。😢成個口感有啲唔均勻，開心咗個頭但係個結局係爛尾。因為一開頭個包真係好大好難一口食得晒蛋雞麵包🥯。每次都係逐樣分開食🥪而家仲係試業期間，有烏龍茶送

本來見開張試業，我又鍾意食麵包，就買過野菌黑松露吐司試下啦，俾錢時見蝦多士20蚊有8舊，好平又試下啦。返到去食時只係覺得靚靚地，冇諗過影相寫評語。個包都脆，都ok。再試下個細細蝦多士，冇期望既，但試左一舊，好好味喎，蝦膠好厚，一陣就俾阿女清埋。得，會要試其他。（因冇諗過好食，所以冇影相，下次再試先影）*建議唔好用咁細既膠袋放哂所有野，壓到有啲核突，同埋送個罐飲唔好放埋一齊，整濕左個蝦多士就唔脆，但真心覺得抵。

行過見佢新開，就望下，間店主要賣脆朱包同吐司為主，款式都算多，仲有啲小食，我叫左個韓式豚肉脆朱包，炸魚薯角。佢地即整，新鮮熱騰騰，所以要耐心等待。炸魚薯角都幾好食，不會炸得太硬，主角個包，好大好脆，內面勁足料，又多汁，好夠味，小小辣，食得出佢用心做，值得一試，價錢合理！