暹羅苑

营业中

休息中

係呢頭返工，平日lunch 都係度食，今次第一次食晚餐，估唔到又幾好！ 餐廳做緊優惠，叫左個冬蔭功明爐烏頭再加多個小菜都係二百蚊左右，咁我地就叫左鐵板牛仔骨。另外再加左牛肉沙律同菠蘿炒飯，三個人食岩岩好！ 首先要讚下個冬蔭功烏頭，味道幾好，唔會太辣又夠香，可以當湯飲都得。烏頭還可以，係有啲魚鱗唔清。牛仔骨超級惹味，係油左少少。牛肉沙律十分清新，唔會太多香料太濃味。菠蘿炒飯勁多菠蘿粒，亦炒得幾乾身，好味！

同同事食飯已經食到唔知食咩好，佢地話呢間泰國餐廳唔錯，咁我地就試試。平時好多人排隊，今日一入就有位。原來佢後面好大，侍應帶我地轉左入去房仔度坐，無咁嘈。豬手飯-都好大碟，豬手好腍，而且好多都係瘦既，個汁好甜，食到lamlam利呢度既喇沙都好出名，呢個有魚片頭，冬菇，豆卜好多料，又大碗，而且唔太辣，同事唔食得辣都話食到。我地誇張到飲左湯底添呀！真係好唔錯不過我地坐係房仔，侍應好少入黎，如果想叫佢地都要等幾耐下。

呢排真係食咗好多餐，農曆年未出來拜年的，今晚出來飯聚這餐7：30，我在這之前5：30已經在灣仔街市食了另一餐然後飛巴士過來，這裡選址由朋友作主，又是新店又近朋友屋企。朋友訂了個套餐（個餐牌還是寫住水晶晶~仲用緊之前上手的餐牌），從門口穿過大廳走出後巷，再進入房間冷氣溫度適中光線柔和，自成一閣，方便傾計大笑都唔會吵到別人。職員服務唔錯。在未人齊時已有碟蝦片招待我們，脆脆的無油溢味微微辣食吓都食咗幾片（好彩我唔食辣的都接受到），好快就人齊上菜雞肉牛肉沙嗲串有酸菜配住開胃沙律好多材料有花生碎，辣魚乾，柚子肉，果仁，好香好吸引。蝦餅好熱剛煎好，外皮脆，肉質煙韌沾泰式甜辣醬食一流蝦冬蔭功湯好足料，食到有南薑，香葉，泰式香料，大蝦幾隻，青口，墨魚，仿蟹柳好似人人有份，草菇，個湯辣得嚟香我分開幾次才飲完，呢個湯襯熱飲好正，因為放涼了海鮮的醒味會跑出來！黃金蝦，蝦夠大大隻，蛋黃炒香夠入味，伴飯吃也好。炸魚，連魚頭也炸脆我們用匙羹就壓得開來食，真係由頭食到尾都食晒……魚骨除外，連魚口的炸粉絲定米粉都唔放過。放魚面及周圍的配菜當然也無得留低。咖喱蟹，蟹大大隻好多肉，要用拑整碎蟹殼，咖喱汁味道食落有幾分似李

七姊妹道近健威坊附近都有不少食肆，而這間是這區鮮有的泰國菜館。改名後裝修，餐牌及供應的食物都無變，即管試下味道如何。午市lunch set都有超過廿款選擇，算幾多野揀，有海南雞飯，燒豬脾飯，咖哩雞飯，各款叻沙等等，價位也不算太貴，而且也包了飲品。點了雞絲叻沙，都幾大碗，叻沙湯底算幾濃，也算ok唔太鹹，麵質正路但唔算好索到d湯底味，雞絲，豆卜普普通通，份量都夠食嘅。整體來說無咩驚喜，但也可說是一碗合格叻沙。

之前講過奶油包既父母有3個生日咁今次到左媽媽既新曆生日奶油包就揀左同媽媽食泰國菜而『暹羅苑』其實唔係新開既鋪頭佢既前身奶油包一家都幫襯過幾次所以決定再幫襯一去到就俾佢個$168套餐吸引左勁抵食....套餐係有魚有肉奶油包就揀左個燒鱸魚同雞個魚就咁單叫都會$148而家係set先$168真係不吃不是人睇睇個魚既賣相先真心好大條...而且好好食識奶油包既人都知道奶油包除左魚生之外好少食魚....甚至講係唔鍾意食魚但係呢個燒鱸魚真係好好食魚又唔腥...肉仲好滑而個雞既肉都好滑不過冇咩咸味但有汁同醬俾客人去點嚟食都幾唔錯有魚有肉之外當然要有菜奶油包就叫左通菜通菜炒得幾香口又唔會好多菜渣中國人點都要有D飯到肚既因為咁既原因就要左個菠蘿海鮮炒飯菠蘿海鮮炒飯好好食腰果又夠多海鮮又多而且菠蘿都好甜奶油包俾呢餐飯既分數係85分真心好值得去食多幾次

過開黎呢邊搵朋友食飯，咁岩經過，問朋友佢有冇試過，一於就試下啦！午市餐牌：下午菜餐牌：一於就叫海南雞飯同泰式炒豬頸肉河啦～Close-up下個雞飯先～雞都算幾大份呀，而且好厚肉。下午有兩塊青瓜。個汁都係咸咸辣辣咁，幾好味，送飯送雞一流。而個黃油飯微咸而唔油膩，幾好幾好！膩，泰式炒豬頸肉河都幾大份呀！唔知係咪泰式炒法關係，個河粉係碎濕濕咁，每條都唔過3cm，都幾難夾。不過，係幾好味架喎～微辣，幾惹味開胃！凍飲唔駛加錢，難得！

同事約了飯局許久因上月尾錢包情況告急便推遲至今天才吃也不是多昂貴的價錢 只是上班的日子總不想花費太多畢竟我比較多日子都是自備午飯言歸正傳這間餐廳一直都在我想試的名單中已經由水晶晶改名為暹羅苑到現在還是懶得去查讀音和意思如果朋友問我我也很難介紹啊還是覺得水晶晶較親切呢午市當然點午市套餐最划算我點了泰式冬蔭雞絲扎肉金邊粉  52說到泰菜我的最愛非金邊粉莫屬了無論乾炒濕炒還是湯粉我都同樣喜歡喜歡的是麵的質感與它的吸湯力簡直不得了！不過 這碗冬蔭功的湯頭就沒有很濃厚了雖然顏色看起來挺鮮豔但味道有點清淡 雞絲跟扎肉的份量則不過不失如果配料類似芽菜之類的能多給就好了女生吃的話份量剛好 跟餐點了熱柑桔蜜 滿好喝了 不會死甜 對喉嚨很好以上