智勝所小食店 (已結業)

呢間甜品舖嘅隱蔽程度，係要住附近嘅人先會識帶路嚟食。舖頭位置好少，但會安排客人坐出邊。由於出面空間好大，所以都接受到。夜晚九點嚟到已經有人等緊位。舖頭似乎只係得一個人經營，由落單執枱同整嘢食都係由一個男人負責。都幾佩服佢嘅堅持同毅力。收錢嘅方式係靠客人嘅自律，放入收錢盒，或者自行找續叫$40甜品仲送埋雪糕。真係幾抵食招牌純蛋白疏乎厘。非常之鬆軟，但蛋白味唔算好重。法式焦糖燉蛋。呢個蛋味比較重，面頭係燒過既焦糖，好香。雪糕就不過不失。

聽聞呢到隻雞髀好大隻，炸出黎又唔油膩，專誠黎拜訪一下。店內坐位不多，受疫情影響下，午餐時間冇乜人，唔使等位。 兩個人叫左兩個餐，一個雞翼出前一丁拼奶油豬，一個雞髀芝士撈丁。雞翼出前一丁 黎到好香麻油味，證明係堅野奶油豬脆卜卜、細細個 岩哂女仔細細既胃 隻雞髀大隻過隻碟，個麵既芝士味就可以再濃啲。不過整體都唔錯大家一定要去試下。

屯門一定是我去過面積最廣大的地區,比香港島還要大,主要以西鐵和輕鐵為交通工具。今次坐614輕鐵來到景峰,是TM其中一個最多黃店的地區。等一會兒,這間著名心太軟的智勝所小食店就開店。店內只有幾個座位,所以也不方便堂食,不過心太軟要即食才好味,就選擇在門口的小座位等啦。由於即叫即做的關係,等了大約20分鐘才有,價錢是自由定價,找錢也是自己來,相當特別的一間小店。朱古力心太軟 5/5分  40元:滿分之作,因為確實有流心的效果,而內里的朱古力溫暖+外軟的外層,非常出色好味做會員可以有隱藏名單,相信住在附近的手足會吃過,我就不做會員了相當有水準的小食店,值得推介~

呢間小店係有老闆一個人自己打理，睇得出老闆好用心去對待客人同時食物價錢都係由自己而定，老闆真係好信任每一個客人鋪頭每日都有隱形餐牌，有興趣嘅可以問吓老闆呢度嘅甜品真係價錢合理又好大件最出名嘅就係心太遠，從來都冇見過心太軟咁大件，味道又多樣化又好食，不過佢嘅客人應該都係以街坊生意為主，唔係朋友帶黎都唔知道有間甜品店。另外一個加分為就係如果女性周期嘅時候，仲可以向老闆要一杯黑糖薑母茶，成件事太細心了吧！

自訂收費，餐牌價錢只作參考，如學生財政有困難可以少付一點甚至免費。這樣特別的付款方式在香港還是第一次見。首試朱古力心太軟配冰淇淋，水準一流，賣相味道滿分，濃濃巧克力沾滿整個口腔，太滿足了。上菜速度快，老闆熱情有禮，人情味濃厚，必須一試，支持支持

呢間店甜點既款式好少... 同行友人最推薦既係心太軟...呢個價錢配呢個份量真係抵都冇得再抵😭個心太軟勁流心，配埋曲奇雪糕真係一流😛最搞笑既係，呢間野係自己比錢自己找🤣🤣 睇黎老闆都好信任大家～ 一定會再去支持🤎💛🤎💛

屯門紅橋多良心小店就應該人人皆知，最近見朋友推薦呢間小店，就走去試下！心太軟配一球雪糕街坊價40蚊，又平又好食！除咗心太軟，仲有窩夫、梳乎里、燉蛋，再有機會一定要試哂佢。呢間小店有基督教背景，好樂意回饋社會，其實所有嘢都係自由定價，希望一啲有困難嘅人都可以食到好食嘅甜品，真係好有人情味！老闆仲介紹我入會，只要喺佢WhatsApp登記電話同姓名就可以喇，佢會同會員講幾時唔開，仲有隱藏Menu，大家去食嘅時候記住入埋會，睇隱藏Menu呀！

晚上過嚟呢一邊心情太好，事關近期活動令大家香港人都覺得對社會真係冇一份歸屬感！而且政府亦都不斷咁樣壓迫市民，令我都真係好想放棄！入到黎呢一間鋪頭嘅時候，老闆就介紹我食下呢一邊嘅甜品，是關乎呢一度嘅甜品都唔算貴，於是我就叫咗個疏附梨去食，等咗大概5分鐘左右就到咗啦！呢個甜品都算唔錯，我疏乎厘好大，而且裏面亦都好香園，熱熱的甜甜的令我食得好開心之前嘅歡喜心態亦都放棄咗啦！而旁邊一個你夢想的寫滿好多支持嘅說話令我好開心！

話說今日都幾凍下，食完餐飯我就過咗嚟呢一度食個甜品，特別係佢呢一個心態真係好受大家歡迎嘅我男朋友近排因為覺得太肥，於是就同我分一半叫咗個特濃心太軟！不到5分鐘，個心太軟就嚟咗啦！我見到個心太軟真係好大好大，比其他嘅酒店同埋糖水舖都帶好多！男朋友將個心太軟上面切開咗一半， 啲朱古力流晒出嚟，連我嘅口水都流埋出嚟啦！呢個朱古力真係好香濃好軟芯！我真係識咁多間來講呢間算唔錯架，間野亦都有宗教背景亦都屬於黃店，我真係下次會過嚟㗎啦！

天寒地凍，食完飯當然要食個甜品啦，特別係要是一個心太軟係常識吧！今次竟然唔俾女朋友捉住左過嚟食甜品，於是我就叫咗個特龍心太軟！佢見到個心太軟又本身黑晒面咁嘅款突然間都心花怒放，於是我梗係要做少少花臣嘢啦！切開少少又做到個心形啦！正呀！終於唔使俾人嘈啦！

《真·黃店💛已FC》有日想食下午茶，發現了這間小店下午茶餐包括一杯飲品飲品揀咗熱朱古力，味道正常無特別主食我叫咗芝士撈丁配炸雞髀如圖所見，超多芝士，可以撈晒成個麵，食到最後一啖都有芝士汁唔係好濃味嘅芝士，所以食完都唔會覺得膩/飽飽濟濟我比較中意食淋麵，如果個麵可以再煮淋啲就更啱我口味炸雞髀有我一隻手掌咁大咬開雞肉仲好嫩滑，係新鮮炸起熱辣辣嘅不過始終係炸物，怕油嘅人可能食唔晒成份肉店舖牆內嘅裝飾無得頂下次夜晚去試佢地嘅甜品！

話說食同朋友食完飯之後，想食甜品有個朋友推薦咗呢間小店，雖然唔係好多位 但係入到去有種好親切嘅感覺，我哋坐低咗見到，有好多款甜品揀，但係由於我唔食朱古力所以我揀咗呢個芒果流心布甸🍮，一嚟到嘅時候 已經好驚訝一睇就知應該幾好食我攞住支匙羹一下砌落去🥄，啲芒果流心流曬出嚟，在試一試味道，嘩！真係好好食，好有芒果味，同埋凍冰冰真係消暑🥶 跟住食埋個巴菲🍧 好有層次好得意🤩絕對唔錯推薦大家嚟試下😋😋

時下少見的共享舖位-🌞早午市小食店🌝晚市只供應四至五款甜品本來打算吃輕型晚餐🌆結果遇上晚市老闆在店外派傳單, 一睇原來是中學時代甜品鋪👧Sugar Mama(元朗)重開, 即刻蠢蠢欲動尋味那些年🙉🎶當年最愛心太軟因為考工夫, 心太軟亦是該店主打, 但佳哥心血來潮想試梳乎厘, 點一客配雲尼拿雪糕🍦店主, 即大廚, 很細心🙊偷聽到我們不想吃太甜所以主動在梳乎厘減糖梳乎厘材料極簡單, 不外乎蛋和奶, 身價完全是食手工🙈蛋白梳乎厘膨脹鬆軟是基本, 這個騎高高兩個人分竟然有飽肚感❗大廚減糖後口味較淡, 配甜甜的雲尼拿雪糕剛好, 冰火口感讚👉唯一挑剔是成品不平均, 底部偏硬較甜😽減糖後記: 店家是福音小店, 雖然食品選擇不多, 但老闆親切友善且結業多年重出江湖, 滿滿正能量

今日女朋友唔得閒，簡直係如同放監一樣， 於是我就同一班好友過嚟享受下甜品啦！今次我有新攪作，亦都係老闆完全推介我嘅！呢個就係特色心太軟啦！你個心太軟並不是用朱古力去做，而係裏面有香濃嘅果汁味！以佢嘅外面亦都係用咗香濃嘅果凍去做，配上戀戀嘅果汁！真係人生嘅享受！另外佢唔係只係陪一個簡單嘅雪糕，而係焦糖布甸上面塗上一層糖粉，令到一個好普通嘅布甸昇華成為一個殿堂級嘅甜品！另外呢啲唔係太過識享受嘅人亦都覺得呢個簡直係超富酒店級嘅甜品一般！蔡言語間我感到朋友嘅愛，亦是重要的！但是女朋友的愛是長久的！最後我只能回去找他乖乖地回到監倉去了！

星期六晚上同朋友一齊，想揾間甜器舖坐下。偶然之下發現呢個隱世小店—智勝所。老闆係一個非常有heart嘅人。我地叫左特濃朱古力流心，配雲呢嗱或者朱古力雪糕。特濃朱古力比起就咁朱古力流心無咁甜，配塐土雪糕好好食，而且價錢唔貴，只係$40，值得一試。