晴朗吧 (已結業)

無諗過旺角都有天台燒野食既小店,呢度好近旺角油麻地MTR,同埋有兩張大檯,岩三5知己一齊BBQ。店員有一站食服務,仲會幫手燒D。佢既調味料有特色,有印度風味、法式同日式。我食左D丸、翠玉瓜、香腸、PORK NECK MEAT,最中意係牛油金姑,所以有ENCORE。雞翼同牛排都幾好味。PORK NECK MEAT要成塊燒,就熟時先CUT開一片片。有技巧的。飲品任飲,有汽水亦有茶。店員都幾有心,有賓至如歸既感覺。

同幾位朋友見天氣凍, BBQ 癮起, 咁啱就搵到呢間新開喺鬧市中嘅BBQ 場. 地點都算方便又易搵, 喺旺角百老匯斜對面嘅大廈頂樓, 上層天台燒嘢食, 感覺幾chill; 下層有擲飛鏢同唱K, 似party room 嘅格局, 包場玩應該會幾開心多得老闆掌握好時間, 我地一嚟到老闆啱啱透好爐, 仲講佢地用靚貨備長炭 (對炭冇研究唔識分), 之後老闆介紹佢地有咩肉類同蔬菜提供, 仲話有咩鐘意食嘅都可以叫老闆再整，真係好鬼nice。🥦蔬菜即刻包嘅蒜蓉牛油金菇脆肉瓜包有老闆幫手燒嘅茄子🥩肉類雞扒，豬頸肉，廚師腸，魷魚亦，豬扒等等🍢各種丸類唔知燒燒吓老闆係咪睇穿我地幾位都係廢青唔識燒, 仲好細心教我地要點燒 ”雞扒燒咗雞皮先, 燒到咁上下先反” “豬頸肉俾佢燒多陣先好剪開, 咁就鎖得住D肉汁” “一陣教下你地點樣燒矮瓜啦” 全程好似去咗party room 包埋人serve 你咁, 幾新鮮嘅體驗😂

秋意濃，係燒野食嘅好時候🍂出嚟做野之後同學仔都忙 ，好難就時間，所以今次揀左位置便利，旺角戲院附近嘅大廈天台度燒野食啦🤩天台位置寬敞，有一排長椅同埋啲矮椅子，大家可以圍爐燒野食。爐嘅高度都適中，側面連住一張枱可以放野食。一路燒，火候都好足夠，加上老闆用咗啲好耐燒嘅碳，煙都唔算好大。同埋喺天台燒野食，燒完都唔會成身碳味，輕鬆咁返屋企🙂可以食嘅嘢好豐富，而且唔同其他燒烤店，唔會用同一隻醃料整所有嘅肉類，有日式、法式等等整法，有辣有唔辣，適合唔同人嘅口味。以下燒緊嘅雞翼就係有辣同唔辣揀，不過辣嘅雞翼比較惹味，記得食左淡味嘅先。除左肉類以外，仲有好多其他種類嘅野食，包括香腸、各類丸、麵包都可以燒，不得不提嘅係香腸係正宗廚師腸😋～而且有蜜糖提供食到有d膩，可以整金針菇、翠肉瓜同茄子，蒜蓉落得好足夠所以都好好味。留意返行上天台嘅樓梯盞燈壞左，比較暗，建議朋友約埋一齊先上去好啲。

想BBQ嗰啲 都會去到西貢或者大埔而家疫情又冇得上山bbq無意中發現旺角鬧市竟然可以天台BBQ佢呢度係下面嗰層酒吧 天台就係BBQ地方唔算好大 坐多幾張枱 適合幾個friend上嚟放鬆吓 吹吓水BBQ但係 望落去下面就係熟悉嘅旺角鬧市感覺好特別 唔使再為咗BBQ搭好耐車平均消費都係三百幾蚊 食到好飽好飽選擇種類都好多 蔬菜 肉類 丸BBQ平時會食嘅基本上都有 佢啲食物全部都係 一包包密封 感覺衛生雞翼有啲冬陰功味 辣辣地幾特別腸仔正常 丸類都好味 彈牙 師傅有時得閒都會過嚟幫手燒好nice 好好傾 同埋啲食物全部都係佢醃製會問吓意見有咩改進 好有heart魷魚好彈口 新鮮金菇重點推介 好重蒜香味蜜糖應該喺雪櫃攞出嚟 需要啲時間解凍瓜都可以一試 好清爽飲品種類唔算多 但勝在夠凍 呢餐飯同平時喺旺角食嘢真係好唔同似係上咗去朋友屋企天台一班fd BBQ咁生日之類 慶祝活動 都可以考慮👍🏻場地唔算大 要預早book位

西北風起，九華徑俾人收左⋯⋯ 我同friend去左旺角頂樓　晴朗 bar BBQ 🍖 法式豬扒我自己就幾鍾意呢個味道，其實都唔知道咩係法式；但豬扒得夠林就係真嘅雞翼佢就有分兩種，就係所謂嘅印度雞翼（辣）同埋日本雞翼（唔辣），我自己就鍾意食辣條多啲。因為其實佢所謂嘅辣，都唔係真係好辣，反而有啲風味。二原味嘅「日本」雞翼，就可以用來整蜜糖雞翼。嗰度連多春魚都有得食真係算係幾多點㗎中東黑羊架呢個應該係最抵玩最抵食嘅，仲要係黑羊肉，喺冬天食感覺真係好暖。原塊燒豬頸肉我估都係咁大塊，其實應該係四人份量先至啱。幫手燒嘅師傅佢話係馬來西亞味道，唔知係咪因為咁有少少酸酸辣辣。但係肉質係相當彈牙。燒完外層之後，仲要展開，燒埋側邊先會熟透金菇金菇菜　翠玉瓜兩種蔬菜都好夠水份，可以自己家鹽，或者係孜然粉調味食。原條燒茄子🍆我原來，要燒熟咗佢外面，之後先再剪開，搽上蒜蓉醬再燒過。食嘅時候，就咁用筷子將佢裏面嘅纖維，一條一條絲夾起來食就得，咁就算佢外表都生cancer都冇問題

喺旺角鬧市中，有一個可以燒烤嘅地方， 非常之好， 地點好方便 ，喺旺角地鐵站 一出，行幾分鐘，就搵到。 環境都好舒適 ，係露天嘅天台燒烤， 別有一番風味。 一路望住旺角嘅鬧市， 一路與三五知己燒烤，很開心。有1中東特色嘅雞翼， 味道好特別，好有特色 ，與其他燒烤場嘅雞翼唔同， 值得一試 。雞肉鮮嫩，有一點點辣， 但係辣得好惹味。仲有燒烤必備嘅芝士腸，廚師腸 。有中東特色嘅豬扒 ，店主用咗秘製嘅醬汁， 同普通燒烤店食嘅豬扒唔一樣 ，肉質鮮嫩柔滑，好有中東風味。呢度仲有羊架 、豬扒、 牛扒 、雞扒 ，等等嘅肉類供應， 全部都好新鮮， 味道仲要係店主親自去調味， 喺出面係食唔到嘅。仲有唔同種類嘅丸供應，有龍蝦丸 、牛丸等等， 都係好新鮮。仲有蒜蓉金針菇， 非常之好食同新鮮。仲有原條茄子可供燒烤， 再加上蒜蓉醬， 非常之有風味。