景霖正宗四川麻辣米線 (已結業)

有機會返到紅磡老地方，都會爭取時間大吃大喝。响民泰街有3間專賣米線既食肆，相隔只幾個舖位，相信競爭唔細。而景霖同另一間既歷史最悠久，但一直都無幫襯過佢，今日路過啱啱係下午茶時間，不如試下啦！下午荼套餐有兩個選擇，一款係1餸米線 + 兩隻雞翼 + 豆漿；而另一款係兩餸米線 + 豆漿。我都係選擇集中火力試米線。 黑木耳、豬腩肉麻辣米線 + 豆漿- 黑木耳、豬腩肉麻辣米線：湯底過鹹，完全唔麻，只覺得有少少胡椒味。豬腩肉令我聯想起上海鹹肉，因為真係幾鹹，但又無鹹肉咁香喎，又似廣東既燒肉，但係係唔靚果隻，白雪雪，d肉硬硬地，獨沽一味鹹，而且肥肉又頗多，輕輕咬過，應該唔係爽果隻，所以只係食d瘦既部份就算。 - 豆漿：太甜喇！一間屹立紅磡長時間既食肆，質素都係如此，真係令人失望！

最後都係比門口的雞翼圖片吸引了入黎試新野。望一望 menu，只有下午茶有一送米加豆醬同雞翼 x2 比較抵咁。我地呢 d dinner time 黎的，價錢就逐樣同你計。炸醬都算一個送咁收 $3....Ok...所以我地選了一款大碗米線，覺得比較多送好似抵 d，$38 有雞、腩肉、牛肉、豬肉、炸醬、豆卜、魚蛋、黑木耳、冬菇、豬潤、火腿、酸菜。$40個個海鮮感覺 d 料好少好似唔抵咁。炸醬幾好味，不算好辣。酸菜都不錯！其他貨仔 ok。再加多一個鱈魚豆腐鮑魚 2 送米。因要鱈魚豆腐加 $1。假鮑魚 d 味都幾出，反而鱈魚豆腐應該有少少的味道就無....米線呢間野都做得幾爽，不過有 d 爽過頭個種硬左少少。加多 $10/3 新疆香草燒雞翼。我覺得不算即叫即燒啦，因為不熱的...同埋可以燒耐少少入味 d，因只食到出面的香草 coating....Overall 都 ok 啦。

聽說呢間好出名,不過其實我唔食麻辣所以係清湯 雞肉炸醬米線唔知係未先入為主左食親米線都會聯想起譚仔(別怪我只係識去食譚仔=_=)不過,清湯湯底幾好味,D 配料都唔少 , 都係芽菜, 腐皮果DD雞肉係一條條,唔係一粒粒, 仲要有好多嫩肉好入口 ,炸醬對我黎講真係成個面既靈魂,起碼分到佢唔係用D唔知咩肉整俾你又唔會太辣 眼見D同學叫左小辣額頭標晒汗咁.. 真係好辣?佢地又話係唔知係未因為午飯時間, 差唔多半間店都係我地D同學哈哈,30蚊左右, 包杯豆漿, 讚!