景村雲南米線 (已結業)

呢度係公司樓下1/f, 呢排好想食米綫. 所以下午茶時段就去咗回味一吓,因有1個多月無幫襯 ^ ^一去到就人山人海, 可能d人都知道下午茶有飲品送 ! 我選咗至愛牛𦟌丶貢丸, 芝士腸, 牛丸米綫! 食米綫最緊要豐富材料, 內有芽菜丶久菜！呢度保持米綫原有特色, 正! 麻辣辣度適中，有用麻椒作麻辣用料!誠意推介牛展，有鹵水過入口夠霖；其他都是正常口感！

轉左新工，和同事午飯時來了這裡，本身就不太喜好米線的，但同事介紹話這裡不錯，試試無妨。點了麻辣米線( $22) ，另外再選擇配料，有$5，有$8 的選擇，自己喜歡的就可以，而且米線本身已包含很多配菜，有芽菜有肉噪有雪菜等等...所以我就不選擇菜類的食物，轉移選擇肉類，選了豬耳和腩肉(辣)。一上枱好大碗，試一啖湯，辣得黎甜甜地，都算易入口，不會太辣，食麻辣配豬耳係我必食的組合，豬耳份量很多，好像食唔完..,,,腩肉好薄身，不會太鞋，...最後還有墨魚丸，正常水準，沒有特別。最後發現了湯底會甜甜的難道是因為有雪菜 ??

今日路過MFC大廈，見到這兒有米線餐廳，好奇心下一於試試，沒想到可以咁差，真係好唔抵。只係叫左三個餸加飲品就收我$40，而那些餸其實只係一般普通車仔麵的配料。 我叫左酸辣湯底，朋友叫左麻辣湯底，但是憑肉眼看湯底其實並無分別，於是我們互相交換喝一口，發現真的無分別，於是問下亞姐，但佢話沒有落錯單，湯底亦沒有錯，那我們都沒有再追問，再問都係徒然，原來酸辣和麻辣其實是一樣的。 而那些價值$10的五香牛肉，賣相好唔掂，似牛脷多些，見到都唔開胃，而且完全沒有五香味，亦沒有牛肉味，只是一塊塊很硬很難咬開的肉片；腐竹亦煮到溶溶爛爛，有點像糖水，米線和湯底則一般。 食完賣單真係好不憤，根本談不上雲南米線，$40如果唔食這些車仔麵貨色，在觀塘區應該可以食到更好的東西，唯有當$40買個教訓吧！