影片
住美孚的朋友推介米线一定要试这间, 刚好晚上一个人食就专程过嚟一尝这间小店位置并唁难揾, 嚟到已经6点钟 店入面已经坐无虚席入坐后立即点咗个 腩肉小锅米线首先汤底借得一赞 酸菜味好够汤底又够浓味 而米线口感几爽 不过腩肉连软骨太多 连嘢饮都系$34顺带一提 虽然人流很快 但离坐时仍然系满座
继续阅读
有系美孚一带觅食既街坊，一定食过呢间米线铺，我由佢开张果时已经帮衬到依家。最爱系佢个小食 - 麻辣墨鱼咀，唔食得辣既朋友记得叫小辣。麻辣米线当然算出色，汤底有好多肉碎，个汤又浓，够重口味！如果叫埋猪红做送真系一流，但猪红成日卖晒。。。
继续阅读
美孚食野选择唔算好多，好彩有间又平又好食嘅米线😋呢个铺比较逼，人流去得好快，坐得唔算舒服，而且餐具同埋台面都感觉有d黏黏的🙀不过食物系唔错嘅😛要左少辣，猪软骨同肉碎👅汤底好浓味💕猪软骨好浓好入味，肉质亦唔会好un😋肉碎份量好多，本身带点微辣，将佢搅匀系汤底到，会令成碗米线嘅味道升华晒😆重口味之选不过唔知系咪太多人太忙，米线煮得软身左少少，唔够弹牙😿呢间野好多人排队，尤其午市🙀所以我通常都系夜晚早d过泥食👅不过卫生情况真系有待改善💀
继续阅读
今日午餐想食米线，但成日食三X都好闷，谂起公司附近呢间小店就试下啦。舖仔细细，座位唔多，好彩我来到都有位，不过转头就座满，原来刚好2点下午茶时间送饮品。我一向都唔喜欢食酸嘢，所以拣咗麻辣汤+猪红+墨丸，上菜速度好快，转头来到，等我满心期待食麻辣米线嘅时候，点解个汤麻辣但又有酸辣味好奇怪⋯讲返啲𩠌，猪红味道可以，不过不失；墨丸都有墨鱼味，唔会一旧面粉咁。总括来讲汤底我就觉得麻麻，因为味道偏酸，但𩠌就可以啦。
继续阅读
惨惨猪，今晚要孤零零一个食晚餐，谂起有间四川米线好耐都冇食过，所以今晚谂住宠幸下佢。夜晚八点几，里面都座无虚席。坐低左之后，因为好耐都冇帮衬，所以我都唔记得有乜嘢食，打开Menu睇，都几多配料拣嘅。最后我叫咗个鸡肉猪膶米线，好快就上菜，卖相不错。米线有点粉粉地，蕃茄汤底味道够浓郁，猪润几弹牙，鸡肉就一般般啦，加埋芫荽同埋䓤段，味道都几好，不过米线份量比较少，男仔可能会唔够食。最后埋单46蚊，晚餐来说，算好抵！
继续阅读