普洱

营业中

休息中

為什麼要帶避雷針試試呢？因為這間餐廳不是所有菜式都好吃。好吃的會令人覺得下次一定要再吃，遇到雷的下次一定不會再來吃，所以好評劣評參半。曾經試過跟友人一起吃米線，她的米線沒有煮熟，還是硬硬的口感。最後店員把米線用微波爐翻熱，但變得過腍，帶點粉感。但飲品的確很有特色，最推薦的是普洱系列。餐牌吃粉麵可以選擇不少餸菜，也可以用$8加配各種小食。湯底，餸菜及飲料的選擇豐富，很有彈性。薄荷朱古力偏甜了一點，薄荷味沒有很突出，較淡。朱古力味比較濃，但有點粉狀，應該可以沖多點水把粉末溶解。香脆酥肉及醬烤脆肉湯通心米線 $48沒想到酥肉及脆肉都是豬頸肉，醬烤脆肉比較好吃。香脆酥肉炸粉太厚，泡湯後更影響口感，不太適合配湯麵。可能因為送來的時候，已經泡湯一陣子，所以不夠香脆，味道普普通通。醬烤脆肉有驚喜，樣子雖然平凡，但脆脆的口感搭配醬料很好吃。也因為湯底沒有很濃，更突出脆肉的味道～而通心米線則普普通通，沒有很吸收湯汁，中段還吃到未熟透的略硬口感。不過通心米線比較有彈性，可以補少少它的不足。

今日自己一個去食晏行左幾間餐廳最後揀左普洱普洱係真係有普洱飲不過我揀左朱古力咖啡再加珍珠，味道係幾正，當係茶記黎講係頂班。焗飯熱辣辣，分量正常，味道唔錯。Lunch 係一個唔錯的選擇，夜晚人多就坐得迫d

💁🏻‍♀️普洱 (荃灣)🍴-呢到出名係普洱朱古力，個人覺得唔錯，真係飲到普洱嘅甘香，但有啲甜，怕甜可以叫少甜🤡山珍海鮮🦞丸砂鍋米線（$46）米線大大份，但味道麻麻，冇咩味，都係中意食譚仔多啲，但見隔離枱個拌麵好似幾吸引，🤧下次可以試吓白汁焗白菇雞排飯（$52）好味！！大大份，同埋勁足料落左勁多芝士，焗得好香，😍可以encore-📍普洱 (荃灣)#荃灣 大壩街59號地舖#小丸子搵食記 #小丸子荃灣-#hkig #hkigfood #hkfoodblogger #hkfoodie #食好西 #香港美食 #香港 #hkfries #hkiger #852 #hkfoodlover #hkfood #hkfoodstagram #hkfoodporn #素食

荃灣的米線餐廳選擇太多，我一直都未試呢間，但由於朋友經常去呢間食，我今次都試下先！米線的配料和種類都好多，樣樣都想試！除左米線，另外有飯類可以選呢。豆腐丸子+燒豬軟骨通心米線 $43份量都幾多，通心米線第一次食，口感好得意，中間通心所以食嘅時候可以連湯一齊食。豬軟骨就唔夠惗，本以為可以連軟骨食，但骨太硬食唔到呢。 豆腐丸子不是平時食開丸類食品嘅彈牙口感，因為是豆腐造所以口感比較惗。整體味道都不錯！朱古力普洱一碗米線跟一杯特式飲品，仲要係幾好飲，好有驚喜。朱古力裡有淡淡普洱味，而且唔太甜，正！呢個價錢有米線+特式飲品，而且食物質數都唔太差，算幾抵食呢！

荃灣多野食到唔知揀咩，聽朋友推介呢到既焗飯好食，所以就黎左試下午茶。• 葡汁豆腐雞扒飯即叫即焗熱辣辣，葡汁食落好夠味，岩重口味既我，雞扒都好滑，豆腐成件上怕你睇唔到。• 白汁火焗香菇雞扒呢個白汁就比較清淡。• 雲南酸辣米線一上台見到覺得好單調，不過驚訝係食落味道竟然好夠，一d都唔會淡只係唔夠辣。• 普洱朱古力真係有茶味，你話好重茶味又唔係，重朱古力味多d，但就係會飲到個少少茶味。= 總結性價比中上，可以再試。

曲靖辣子雞春城豆花酸辣湯通心米線- 酸辣湯微酸微辣，帶醬油肉碎甜香- 蔥乾芽菜腍，起不到平衡膩滯之效，不加更好- 雞件連皮去骨上，啖啖肉，味道鹹中帶甜，帶紅酒糟沉穩酸香- 豆花是盒裝百福蒸煮豆腐切厚片，上放微辣肉碎。豆腐滑溜豆味淡，肉碎富醬油香帶甜。配搭上佳，唯用料普通，但理解到加一個餸只需6元，理應如此方能生存- 通心米線咬落煙韌，不會像米線般難以咬斷，飽滯感亦減半，討好- 白菜新鮮香甜，縱只是配菜，亦用心處理*辣椒油辣勁足，但不香*凍檸檬普洱看上去像檸啡，茶味濃郁帶酸，消滯

位於荃灣大壩街的普洱，門面紅色大大的普洱讓人好奇地想看看這裡究竟是賣茶葉還是喝茶的點心店，原來這裡是主打米線與焗飯的餐廳，晚上八點仍然坐滿了客。看著MENU選擇也不少，當然第一時間已選好了特別推介的朱古力普洱，因為不難見到每檯客人起碼都有一杯朱古力普洱坐陣，真心第一啖喝到兩種香味味道層次，而這杯可以說是此店的鎮山之寶，喝到底的濃厚朱古力仍然感覺整杯飲品好岩口味。山珍辣雞砂窩米線，取山珍為名其實即是雜菇麻辣雞米線，難得這裡有通心米線當然要轉一轉，整個砂窩煲仔上檯幾吸引，吃落未算有驚喜但勝在材料充足，通心米線比如期無口感，因為從前食的通心米線是比較大通心的口感，整個米線好味在於有辣味襯托，因為清湯比較淡口，所以吃慣了濃味的四川米線會完全唔習慣這裡清淡的米線。整體而言，只有朱古力普洱等飲品讓我有再來的衝動, CP是高的，因為米線配$20飲品來講米線的性價被提高了，又或者焗飯會令人有回頭的意慾吧。

夜晚約左幾位跑友去荃灣西跑步跑完之後搵下野食吹下水朋友介紹呢間「普洱」都唔錯啊！我地9點幾入到去剛好有張卡位呢度主打係食米線咁我就揀左通心米線好似幾特別咁出面又好少有得食餸我就揀左手撕雞及豆腐丸子加杯凍檸茶呢間既凍檸茶既茶底都幾濃好似同出面既凍檸茶有d唔同寧舍好飲咁主角出場了本以為通心米線好似通心粉果類原來比平常米線粗身d手撕雞唔錯 幾嫩豆腐丸子好特別呀個口感又幾得意佢仲有d芽菜做配料湯底清清地岩哂做完運動又唔想食咁重口味👍🏻

今日同同事出去食飯終於有機會去試下我地之前好想食既餐廳其實我係比佢既「朱古力普洱」吸引住我地大約12點半左右到達，去到既時候都full full 地啦，我地兩個，所以就搭張四人枱我好想試下啲焗飯$47所以就叫左呢個魚塊焗飯份量夠焗飯好有口感，一黎到就已經好香魚塊味而我既朱古力普洱😍到啦我地叫左少冰好香濃既朱古力味，再帶點普洱香岩晒我個人既口味實在太好味，性價比高又會成為我飯堂啦到左1點半左右，出面就開始多人排隊所以我地都快快食完交枱

老公接放工後，一齊去食晚飯，慶祝大家一齊返新工。平時我是食焗飯的，但因為下午食左散水餅仲飽緊，所以少d，揀米線食。一心諗住食五香腩肉夠入味，點知無為意那辣椒🌶️圖案，辣到頂唔住，要攞隻碗仔裝起d湯再用老公碗清湯黎溝淡先食到！老公的favour，次次都係叫又爽又甜的「山珍」（即係菇）及雞絲。飲品我選了招牌的普洱朱古力，用上茶膽普洱黎沖朱古力，比起普通的朱古力多了茶的「香淳」及「滑」。而老公飲蘋果冰汽，甜甜酸酸，無乜色素。

我想我也算是普洱的常客，每次去到也是食黑椒焗茄子豬頸肉飯和飲凍朱古力普洱，但最近去食發現好像比之前不同，因為焗茄子比之前小了，但朱古力普洱還是最好飲的，總括他也算是荃灣區的平民飯堂。

普洱可以說是在荃灣的飯堂，這裡食物的選擇有點像茶記，都是焗或炒飯或意粉，沒有甚麼特別。一直鍾情於這裡的朱古力普洱，沒有珍珠奶茶那麼甜跟膩，雖然係朱古力但充滿茶香，沒有想過這兩種味道會這麼夾～食物方面，今次叫了雞肉炒空心通心粉。味道非常一般，比茶記的乾炒牛河更沒有味，可以說是難食。綜觀覺得這裡的食物都好一般，但飲品值得一試。但最後不得不提他們的服務態度，真的很差！看服務員衣著應該是老闆，看到樓面這麼full我都明白他們很忙，但點飲品時想叫走甜和走冰，叫既時候已經好爽快，無欸，但佢個樣黑到一個點，比澳牛更恐怖。如非必要都不會再去。

呢個地方係比個名引左入來入到來 好似沒人汁台甘我叫左個牛肉米線下午茶30$分量唔太夠因為我大食😂😂😂不過幾多特色野飲野食野飲味道都幾好最緊要泊到車係門口😁😁不過都要小心比人抄牌阿😄食完再行商場喇

為一杯朱古力普洱特飲，所以來試下。落單時，跟服務員說明我們四人只純粹是為一杯朱古力普洱特，所以我們能在內面坐下等待嗎？跟著服務員說沒問題，然後門外有2至3人在門外看著，我們實在太不好意思，就說我們在外面等，另一服務員的第一反應是拿張單來給我們付錢，當場感覺他怕我們一走了之，還給我們面色。每個服務員處理態度不一致，面上全無笑容。茶記態度真的還好過他們很多，唯一真的好是一杯朱古力普洱，不過為左一杯朱古力普洱特外賣，要受到態度咁差劣，只是短短接觸就感受得到，我為何要受氣呢？

每次朋友經過都一定會買朱古力普洱我飲，今次難得約到朋友親自黎一趟，打開Meun已令我垂涎三尺🤤但朋友未到先是有位禮貌幾好既Staff帶位，但入到去被一位呀姐同一位後生仔先後左點右點坐左係一個奇怪既位置。三人位安排六人座搭枱，明明旁邊都有四人卡位或四人枱🤔然後趁朋友未到向一位staff Request 轉卡位，他答應，點知起身行埋去呀姐又出口話陣間收野方便，坐六人枱好d😑之後後生仔又問我朋友幾時到？我話行緊黎就到，佢就指示我話未到出去等😱 其實嬲嬲地既，因為出面無人等位又滴水，而且內堂有數張吉枱。我同朋友講自己被趕出黎，佢都一肚氣。因為朋友遲黎，問staff可否只飲野，佢話ok，點知結帳時staff又話咁唔岩數，唔得😰最後俾得成錢但一肚氣，d野好食好飲但態度真係一時一樣一嚿嚿。其實野食唔係貴，加上食物不錯，正常係客似雲來，但感覺比澳牛更差，真係再好食都好唔開心😢