普慶餐廳

营业中

休息中

普慶自助餐已經幫襯多年，價錢多級跳，我都樂意繼續幫襯，皆因酒店級廚師當然有一定水準，海鮮經常都新鮮值得一贊。今日我哋幾個去食自助午餐，一樣座無虛席，熱熱鬧鬧，差唔多食到一半時段，已經冇乜人排隊攞食物，當我喺日式串燒bar攞食物時，對面壽司檔有位女長者對檔員講＂唔該要兩塊三文魚刺身＂女檔員語氣很差叫佢排隊，我好奇怪，只得佢一個攞食物排乜嘢隊呢？女長者退後兩個身位，再講兩片三文魚刺身，兩位一男一女檔員完全冇反應，唔睬佢，女長者面懵懵轉身嚟攞日式串燒。唉！就算你哋幾唔鍾意長者都好，唔好冷待人家囉！佢都有俾錢嚟食，唔係嚟乞！

之前都有post過普慶既晚餐buffet ，今次就介紹下佢既早餐buffet 😋😋⭐️成人$128，小童$100⭐️🕰️6:30-10:30am供應中式，西式嘅早餐應有盡有，佢哋嘅早餐都算種類繁多，🍹嘢飲方面:蘋果汁，橙汁，鮮奶，咖啡奶茶都有😆😆🍞至於包嘅種類多好多，包括有牛角包，鬆餅，法包，杯子蛋糕等，我比較鍾意食既係🍫朱古力丹麥酥，放落加熱器焗一焗，完全唔使加任何醬料，食落鬆軟😋然後又有西式另類早餐，粟米片，可可脆片同麥皮等，你可以任意加水果果肉，同埋鮮奶等，之後既仲有pancakes🥞，預先整好唔駛等，仲有好多醬揀仲有新鮮即叫即整嘅🥚奄列，隨你鍾意可以揀唔同嘅配料，大概兩三分鐘就食得之後就係中式早餐，佢哋有🥟點心，粥，炒麵，腸粉同埋湯麵，湯麵都係揀自己鍾意嘅配料，唔同🍜麵種都有，幼麵粗麵，米粉，米線，應有盡有

尋日同一大班朋友去咗食自助餐慶祝生日以前都成日食自助餐但始終覺得食物質素係一般食完一轉就覺得夠/今次本身都冇期望 但係竟然發現所有食物質素都好好生蠔好鮮甜 我食咗幾轉佢仲有好多唔同國家嘅菜式日本壽司竟然意外地好好食仲有即場炸嘅炸物 天婦羅非常好食/中式食物方面竟然有北京烤鴨好開心 而且都幾好食佢哋嘅中式老火湯非常入味 /最後連甜品我都覺得好好食而且款式都幾多 食物質素真係好食 我會再回頭😋👍🏻

星期日下午兩點，可以定到當天3：15的下午茶自助餐，已經覺得有埋伏！298元加一差唔多330元一位，一行四人1仟3佰元，環境及服務唔差，但是食物真係用“慘不忍睹”來形容，你想食回一半價值的回本食物都， 好好好好艱難！真係平野無好， 好野冇平！想飲杯咖啡來安撫下心情，入口真係差D噴了出來，大佬呀，酒店嚟㗎！老麥的美式咖啡都比你高兩班，真係情何以堪？結果3：15入座，4：05埋單走人，要走去佐敦麥文記食雲吞麵！你話係咪坐咗直升機？伏伏伏……………………

大推薦😋普慶餐廳@theastorhk @eaton.hk 晚市自助餐🍽人均$650-$700（視乎平日定週末）🕰晚市時段1800-2130（得一個時段）🦪 生蠔供應十分充足🦞 龍蝦夠大隻，好多肉🧀 芝士多種類🍷每人有一杯特式飲品，天氣凍我叫咗熱紅酒，都幾好飲🍰🧁🍩甜品種類多（睇相）好少自助餐嘅甜品質素會咁高！極推薦🍦雪糕係Movenpick，口味都算多，有十幾種整體服務同環境都冇得彈，侍應都不停幫客人加水，十分體貼👍🏻Bible rating: 9/10📍地址：普慶餐廳 (佐敦)佐敦彌敦道380號香港逸東酒店B1樓層

今個月做緊環球海鮮大餐，作為海鮮控既我就比佢吸引左呢到真心好大，食物分晒唔同區域，凍海鮮區，刺身區，日式小食區，西式區，中式區，東南亞區同埋甜品區不過我最鍾意佢個甜品區，係movenpick雪糕丫，有成十款咁多，仲要有最愛既青檸雪葩，雪葩類既都有三款。食晚餐係有龍蝦既，所以價錢會比午餐貴的，但都係cp值高，龍蝦好鮮甜，生蠔有海水味，唔會腥串燒同炸野雖然唔多，但質素都ok，刺身款都比一般既自助餐多少少，有五至八款（唔係好記得）中式野有野味既避風塘炒龍蝦鉗，呢個好食，但食得多就覺得咸啦可惜位，呢度只包一杯野飲，當然水係任飲的，想要任飲就要加$98啦不過整體黎講我都好滿意既

普慶餐廳價錢💲: $98+1好味程度😋: 3.6/5服務🍴: 3.8/5環境🗾: 4/5性價比🥢: 5/5!回頭率😚: 3.3/5-逸東酒店間唔中都會做自助早餐優惠，平日只需要$98+1就可以食到😀 雖然早餐都係個啲嘢，但呢個價錢任食又冇咩要求，同埋都食得幾開心。食完一餐真係可以去到四五點先肚餓架啦😂 樓底幾高坐得幾舒服，整體感覺都唔錯！-✅✅Live omelette station. 呢個我覺得係最好食😋 即做的蛋好滑溜，入面有滿滿芝士！自己仲揀左煙肉、火腿、蘑菇、洋葱，超愛😎我encore左一次呀😌-✅✅麵包區係超正！白麵包麥包，仲可以request gluten free麵包！另外仲有牛角包、丹麥酥、朱古力酥、鬆餅、餐包、法包等。最正係雞蛋仔，質感算唔錯，可惜唔係即刻做，有d凍同軟左，不過沾啲花生醬、煉奶都好好食😂其他的麵包就正常啦！仲有pancake！算熱辣辣，幾好食。-✅中式粉麵區又估唔到ok！因為個湯有清雞湯的感覺，唔係冇味既湯😝叫左小小丸同菜加油麵，油麵好滑，當食下菜都唔錯。同埋🌶️油好夠香！-✅西式好似allday breakfast個d都係正常啦！薯餅、豬肉腸、雞肉腸

焗蔬菜普遍來講，唔夠熟，可以再焗耐啲，薯仔同粟米芯係生嘅，西蘭花都係偏生，最好食嘅係焗紫薯同埋蜜糖栗子，總之唔使點樣調味嘅就好食，經過左調味之後，味道去咗另一個層次，係難食既層次。雞肉係比十成熟更加熟，牙力唔係咁好都咬唔開肉扒切得好薄，同埋好難咬開，都冇乜肉味。最好食嘅熟食係馬來西亞區，啲魚好入味，同埋唔會太熟。無食到凍海鮮，無意見比燒味區，同街市買到嘅燒味差唔多甜品係日式放題嘅甜品質素，喺超市可以買到嗰啲魚生壽司質素正常，炸物夠新鮮，夠熱。服務的話，問及食物的內容基本上都唔能夠解答，但收盤夠快手。如果長者嚟食嘅話，價錢幾抵，夠60歲就可以係長者價錢。

逸東酒店旗下普慶餐廳的自助餐向來好評，上個月去左食聖誕大餐，成人每位$658加一，真係幾多野食，服務唔錯，仲有攤位遊戲玩。餐廳食物區域分佈在不同位置，樓梯入口位有聖誕火雞、燒牛肉及豬腩卷，燒牛肉幾好食，夠腍。旁邊有素食區，不同食材以烤為主，不過我就無食到；再旁邊有牛面脥，龍蝦汁意大利飯都唔錯。升降機旁的是回本海鮮吧，生蠔、龍蝦、麵包蟹、翡翠螺等等，職員會將生蠔沖水再給客人，算是肥美；而麵包蟹蓋亦有好多膏！轉角有芝士、火腿等冷盤前菜，比較吸引我的是醃三文魚。另一區是日式料理區，有刺身，壽司和卷物，以及較少見的串燒及天婦羅，仲有不同口味的鹽，不過我夾左兩次天婦羅都係凍既，明明賣點係即炸，只怪我唔啱時候。東南亞美食有泰式火山排骨，印度咖喱，即煮粉麵，蟲草海鮮粥和點心等等選擇。但這區最吸引我的是熔岩芝士，自行選取食材例如西蘭花，麵包，火腿等，再望住職員一層熱溶芝士淋在面頭，極之邪惡！另一邊盡頭是中菜區，燒味就一般，不過有片皮鴨，羊腩煲，中湯都唔錯，最正係原條蒸魚！好滑溜！餐廳中央是甜品區！除了朱古力樹頭蛋糕，還有多款聖誕造型糕點，曲奇及水果。重點是有12款口味的MÖVENPICK雪糕，配可麗餅

仍然回味中😋😋食物質素好，款式多。熟食都好好味，印尼炒飯意外地好食片皮鴨good，燒腩仔好食皮好脆，龍蝦湯好濃好正。海鮮整體都OK，刺身新鮮，會用冰鎮住。生蠔龍蝦可以，長腳蟹鮮甜。甜品方面朱古力整嘅甜品都好食。其他就還好服務好，收碟都好快手但係只包一杯特飲就少啲。。好彩當晚有抽獎活動，我抽中咗杯特飲券，老公仔抽一張酒水券可以飲下啤酒特飲選擇不多，全晚飲咗兩杯Fruit punch drink。。。連杯無糖可樂都冇得飲希望可改進下～

常常聽到這食店的名字，那一夜又是座無虛席。這是我們大家族的冬至飯，揀呢度原因是海鮮冷盤啱大人，天婦羅、甜品啱孩子，就試一次。我哋成十幾人，所以被安排較偏位置，我就不覺大問題，因為本身這裡的每個角落都會放置食品，都係要周圍行的。先說冷的，開邊龍蝦，有大有細，有膏冇膏都係師傅隨手給。疫情下，這樣都衛生。龍蝦肉都爽實，味道一般啦！本身這些開邊龍蝦間間都無乜味，所以唔霉算贏。還有生蠔，之前睇食評有啲幾大隻，這晚較細，不過我覺得都新鮮，唔落野都食到。特別讚，女師傅手勢好，完全冇殼。換左男師傅就有少少殼了，立即浪費了。還有青口、翡翠螺、凍蝦、蟹腳等，不過我冇試。刺身款式都係三文魚、吞拿肉、劍魚、八爪魚、北寄貝和帶子等。我食左一round就冇食，因為唔覺得特別鮮到要encore.阿仔成日見到有新炸起的天婦羅🍤就會取，的確味道不錯。師傅不停炸，不斷出貨，所以唔怕冇。還有多款西菜，如：西班牙海鮮炒飯、意大利飯。。。多到唔記得。中式就蒸魚，不過一般啦。唔覺得特別鮮甜，自助餐質素屬正常。聽講燒味很出名，的確叉燒軟林；燒腩肉燒得皮脆，肉不鞋。剛好有個細路👦🏻問職員有冇海南雞飯🤔⋯⋯原來有，但不會放出來。我問了

之前都聽唔少人讚過呢間餐廳唔貴選擇又多。。。咁lunch都book唔到，咁就book佢哋個下午茶自助餐。🥱🥱🥱價錢二百幾蚊再加一，但係食物款式選擇好少，西餐中餐甜品區，每個區域嘅食品選擇都係得幾款，不值得一試！

自助餐居然只包1杯飲品,我真係好服D酒店管理層！而且佢嘅Lunch Buffet 價錢又唔係特別便宜,尤其海鮮又不是特別新鮮,甚至有D好難食！再講場內裝修,成間香港茶餐廳咁,毫無格調可言！垃圾！

臨近年尾 公司都會叫我地揀間餐廳食飯😆 今年就決定試下The Astor ! 近聖誕節早成個月去book位！餐廳會透過whatsapp confirm booking 以12月平日自助餐成人價錢為 $658+10% 一入門口落地庫 人山人海 但位置好大 覺得唔係太逼！佢地今次個主題係歡樂今宵💃🏻餐廳個格調同氣氛都做到呢個感覺！每人都會有張券可以玩一次轉輪/估大小數字卡😗-海鮮🦞刺身🍣生蠔🦪每次拎2隻 真係好鮮甜肥美！海鮮就一大盤比你 入面有麵包蟹 青口 虎蝦 海蝦！麵包蟹蟹蓋 勁多蟹膏😍 撈南瓜湯入面好好食～ 刺身有三文魚 帶子 吞拿魚 油甘魚 鯛魚！除左呑拿魚之外 其他都好鮮甜😗-西式燒牛肉/豬腩肉 兩款都好好食😋夠淋夠嫩！熱熔芝士鍋 自己揀配料 即熱熔芝士放上面👍🏻-天婦羅🍤 有勁多唔同款 重點皮夠薄配竹炭鹽 不錯😛-中式片皮鴨 條人龍無等過～ 每人2舊 已經包好比你 不過覺得醬汁落得有啲多 偏甜🥲 蒸魚好好食 勁滑😍 蟲草花海鮮粥 好鮮甜 仲有蔥花肉鬆其他配料可以俾你揀！-甜品/特飲movenpick雪糕🍦有10幾款口味 可以揀配pancake/waffle/香蕉船！waffle

呢間性價比高又有節日氣氛既酒店自助餐🤩 呢度既食物選擇多, 有中式, 西式, 日式, 海鮮, 麵檔, 甜品😎咁多野食入面印象最深刻係個皮燒到好鬆脆既燒腩仔, 即叫即開既生蠔好鮮海水味好濃, 半邊凍龍蝦肉好彈牙, 新鮮炸既可樂餅, 大蔥雞肉串🍢 麵檔我就揀左菠菜麵, 魚片頭, 魚蛋, 芽菜, 超濃又夠辣既叻沙湯好好食🍜 日式既壽司比魚生好食, 款式絕對有驚喜😍 仲有即叫即整將芝士整融直接擺ham同麵包上面, 雖然好食, 但係最好攞一份share, 因為芝士會好快滯😊甜品款式相當蛋, 每樣都好好食, 最深刻係開心果慕絲布丁, 綠茶芝士蛋糕, 朱古力卷蛋, Crepes, 雪糕都有好多味揀, 我最鐘意檸檬青檸sorbet🍋 飲品方面每人都可以憑票去換一杯特飲, 有黑牛, Mulled Wine, Fruit Punch 等等☺️ 飲品都幾大杯mulled wine飲落暖笠笠玉桂味香, 不過酒精濃度都高😋如果想飲多啲既話可以加$90一位 Free Flow, 有Sparking, Red, White wine, beer, soft drinks, 我建議可以叫佢一次俾細杯啲, 如果唔係飲一杯