春嬌越南河

营业中

休息中

🥬🌮烤牛肉生菜包配手抓餅看來是2人份量，手抓餅和生菜都有兩份。加著清爽的紅蘿蔔絲和青瓜絲，烤牛肉碎調味比較甜口，加上紅蔥醉，一道不錯的小吃。🍜🚇招牌春嬌火車頭咖沙金黃色濃濃椰香沙爹湯底，又鹹又香。火車頭有兩片大的生嫩牛肉、五花腩、牛丸、牛腩脂、豆卜，貓太太再追加一個脆邊流心荷包蛋，滿滿配料大滿足😍可以選擇檬粉或者是河粉，湯粉底還夾雜著芽菜。🌶️🐣河內麻香手撕雞🌶️挺辣的，辣得口水一邊吃一邊分泌🤣手撕雞用青瓜、芫荽和芝麻拌在一起。貓太太忍不住要問店員哥哥要一個白飯來吃。

屯門市中心最近新開左間越南菜 仲係試業中餐廳環境唔算大 但裝修得幾別緻有唔同座位既類型 就算多人黎食都可以餐牌選擇都幾多 由普通粉麵到小菜都有✨香茅豬扒湯檬 $62豬扒原塊另上 唔會比湯浸到冇晒味而且好大塊 會提供刀叉比你切 等你易啲食豬扒幾入味 咬落軟腍湯檬香料味好足 食落好清爽✨招牌春嬌火車頭叻沙 $83叻沙湯頭好濃郁 值得一讚入面好足料 有生牛肉 牛腩片 牛丸 豆卜仲有大大塊花膠 有成隻手掌咁大超抵食！✨越式香茅雞翼 $58雞翼炸得好香脆 醃得好入味✨脆炸米網蝦春卷 $48呢個有驚喜 香脆得黎一啲都唔油入面竟然有芋頭涵 食落更加香！✨話梅咸檸七 $36鹹鹹酸酸好開胃✨百香果梳打 $36唔會好酸 仲有甜度可以揀 飲落好清爽價錢黎講唔算貴 食物質素都唔錯 而且仲好大份性價比黎講都幾高 可以一試

生牛肉河粉，湯底好味，湯都夠熱，但係啲牛肉未解凍就黐埋，好似一坺嘢咁樣，要用手撕開嚟食，冇處理好就放落湯啦。春卷OK幾脆，但係春卷只有金絲春卷，冇普通春卷。泰式鳳爪沙律，幾惹味

近排發現屯門時代廣場附近多咗間越南餐廳，一於同朋友去食越南河。餐廳既食物選擇多，我地揀咗招牌春嬌火車頭（$79）、香茅豬扒湯粉（$62）（追加魚腐2件）（$9）、咸滑雞小食（$ 52.00）同埋涷咸檸七（$ 32.00）。朋友既招牌春嬌火車頭既牛骨湯底清甜，配料包括花膠、生牛肉、牛腩片等，非常豐富！生牛肉仲可以揀全熟，啱哂唔食得太生既朋友。仲有香茅豬扒湯粉同埋咸滑雞，兩樣都熱辣辣香噴噴，正！香茅豬扒一d都唔嚡口，而咸滑雞就好入味，用嚟送飯一流。而凍咸檸七大大杯好解渴。

屯門時代廣場開咗間越菜，同老公試吓。志明咸滑雞髀飯餐牌推介👍🏼就試下，點知一食有驚喜，用鹽醃製嘅雞髀咸香無比，入味十足。雞肉🍗入口嫩滑，肉質鮮嫩，嘗到最原始的味道，而且份量不少，好值得試。馬拉盞通菜扎肉飯食越南菜通常會食扎肉，當搭配爽脆通菜更是一道惹味料理。可以選擇少咸少油，惹味又不會太濃郁。越南脆炸蝦餅熱騰騰的蝦餅外脆內彈牙，加埋甜酸醬一齊食，非常開胃，真係好味。熱話梅金桔茶唔想飲凍野，呢款熱飲係不錯選擇，特別食完熱氣香口嘢飲返杯生津解渴，芳香甘甜。凍志明奶茶🧋老公第一次試越南奶茶，感覺同泰式奶茶類似。

少得可憐既粉！要加埋一，一碗面要成91蚊！咁既價錢！咁既份量 唔需要再幫襯😑總結 Lasha湯 夠酸,椰香極少，生牛肉份量正常 夠滑 牛丸少兩粒！係個面未食前已經問侍應！得咁少？！一隻匙羹都可以「筆」起哂！ 91蚊！no more next time !

見到巿廣場榮少喇沙個位轉咗手越南菜叫 春嬌 喺銅鑼灣將軍澳都有分店見到group友評價都唔錯，放工就同老公過嚟試吓😌😌招牌春嬌火車頭 佢哋嘅招牌菜式當然要試啦一上枱用料非常足，仲有大大塊勁長花膠😍😍生熟牛肉、牛丸等等配菜亦都唔少而且非常大碗，份量足！湯頭清甜，唔會油膩，金邊河粉亦夠滑 ，每啖粉都絆住湯一齊食，湯都飲晒🤣🤣馬來咖喱牛腩配手抓餅 🫓好耐冇食馬來咖喱，估唔到越南餐廳都有呢個菜式，咖喱濃稠適中，非常惹味！唔會太辣，適合港人口味沾上手抓餅非常惹味，牛腩亦都軟淋有牛味😋😋馬來咖喱雞翼飯 咖喱太好味 嚟多個咖喱雞翼飯😝😝雞亦嫩滑，醃得非常惹味，外皮酥脆，炸得非常唔錯👍👍配上可樂一流有質素，份量很足 非常正宗，仲有很多小食和其他菜式，下次再過嚟試吓其他🥳🥳

之前通常係屯門巿廣場食lunch , 開始食悶咗， 今次行遠少少去咗屯門時代廣場搵野食， 本身都唔知食咩好， 經過d 間越南餐廳， 好似都如似好耐冇食越南野， 就入咗去試吓.餐廳地方唔算好大， 但環境亁淨簡潔， 職員態度親切有禮. 上菜速度都快， 冇漏單，適合返工出嚟食lunch 既我哋.河內生牛肉河金邊粉， 加太陽旦： 大碗， 牛肉新鮮， 唔鞋口，湯底味道唔太咸， 清清甜甜， 配料豐富招牌烤牛肉湯檬粉， 加扎肉： 烤牛肉碎上， 牛骨湯味濃， 惹味脆炸米網蝦春卷： 上枱仲熱辣辣， 入口脆卜卜， 入面仲包咗芋頭餡， 好味， 唔太油膩春嬌豬肉蒸粉包： 即叫即整， 個皮唔算好厚， 餡料足， 啖啖肉

春嬌 (屯門)📍屯門屯隆街2號屯門時代廣場北翼地下44號舖當初見到春嬌🙈呢個名第一時間諗到係 春嬌打救志明 🙈🙈（唔知大家有冇睇過春嬌興志明 ）🙈講返餐廳🙈🙈係最近屯門市中心新開嘅餐廳🙈🙈最近天氣太過潮濕又有D熱🙈🙈好想食d 酸酸甜甜🙈🙈第一時間會諗起撈檬🙈🙈香茅豬扒撈檬💰62招牌春嬌火車頭💰79脆炸米網蝦春卷💰48志明奶茶 💰12（套餐價）荔枝茉莉茶💰12（套餐價）食物黎嘅速度快 份量唔少🙈🙈我個碗撈檬有2大塊大過我手掌嘅豬扒🙈🙈朋友個碗招牌春嬌火車頭嘅花膠都好大塊🙈🙈荔枝茉莉茶 其實佢係綠茶🙈但有濃濃嘅荔枝 同綠茶味 有d 驚喜🙈志明奶茶又係有驚喜🙈杯邊嘅泡泡都好甜🙈🙈朋友飲嘅時候都話幾有層次🙈🙈我自己覺得 呢到2xx /2個人 環境舒服 食物質素ok 價錢都叫做親民🙈#karlee90s #春嬌 #春嬌救志明 #春嬌與志明 #屯門 #屯門美食 #屯門市中心 #屯門時代廣場美食 #越南菜 #春卷 #撈檬 #foodiehk #hkfoodie #hkig #ighk

春嬌呢個名會令人諗起胡志明市店舖內環境清潔，上次經過好多人今次約朋友一齊試下👻志明咸滑雞髀撈檬呢個雞脾超滑！雞嫩不肥，雞肉細滑且有雞味，平時唔食雞皮既我都連肉食！好惹味！檬粉加甜酸汁，會令人胃口大增招牌春嬌火車頭湯粉我地簡左河粉底，湯底幾濃郁，入面仲有大大件花膠！牛肉味濃！脆炸米網蝦春卷呢個春卷上枱時熱辣辣！內邊包了芋頭餡，呢個好好食！凍志明奶茶奶茶茶底又濃又滑，又不會太甜夠大杯可以過口癮👻青檸梳打清爽！又可以走甜！

📍春嬌 地址：屯門屯隆街2號屯門時代廣場北翼地下44號舖呢幾個月新開張嘅越南菜🇻🇳係屯市入面但價位一啲都唔高，CP值幾高呢🍴招牌春嬌火車頭叻沙-河粉 $83叻沙湯底椰奶味好濃郁🌟🌟啲香料令到成個湯底再香啲豐富左～配料有花膠、生牛肉、牛腩片、牛丸、豆卜，認真八十蚊碗麵有咁大塊花膠太過份lols 仲要好厚身好彈牙🤤 生牛肉份量一樣好多，另外牛丸超好食咬落去爆落啲牛汁出黎💦🍴生熟牛肉湯粉-金邊粉 $63呢個係配牛骨湯，清清甜甜，唔會有味精感🤭牛肉又係多到爆炸～生牛肉軟嫩，牛腩片好淋身又有牛味，整體都不錯🙌🍴泰式酸辣鳳爪沙律 $58鳳爪本身有嚼勁又彈牙，而沙律汁酸酸甜甜、微辣，幾開胃嘅感覺，啲西芹都幾新鮮，加埋一齊好清新呢💫🍹凍咸檸梳打 $32🍹凍龍眼水 $12飲品做緊第二杯半價嘅discount📣📣

><經過新開張試業中 天氣涼涼地 就想食d辣嘢暖下志明咸滑雞叻沙(72)魚片頭2件(+9)當日賣晒雞髀 就嗌咗雞胸肉質比想像中腍軟帶點鹹香而叻沙湯底辣辣地 馬來咖喱牛腩配手抓餅(88)撕開手抓餅細細塊嚟蘸咖喱 辣度剛好 仲想加多幾塊🫢越南脆炸蝦餅(58)好多蔥花配嚟一齊食原個蝦餅切開一片片茉莉綠茶(24)凍飲幾大杯><><><><><><><><><><><><春嬌 屯門屯隆街2號屯門時代廣場北翼地下44號舖

屯市唔係太多地方有喇沙食，專登帶媽子黎試下～👉🏻招牌火車頭喇沙材料非常豐富，最驚喜係有一大塊花膠🤤🤤🤤軟滑煙韌超好食。仲有生牛肉、牛丸、牛腩片、豆卜、豆芽，牛肉可以揀另上/放湯都幾貼心。喇沙湯重椰奶香，味道豐富濃郁，飲左好多湯。👉🏻香茅豬扒蔥油飯加荷包蛋豬扒份量好慷慨🤤軟滑無渣～醬汁咸中帶甜幾好味。👉🏻越式香茅雞翼雞翼係XXL size，好好肉地又炸得好香。👉🏻凍話梅鹹檸七半個鹹檸檬好夠味🤤咁大杯野飲飲到最後都有味。👉🏻越南煉奶咖啡有得揀多煉奶，夠甜好好飲。

屯門可以選擇嘅越南餐廳唔多，最近春嬌開咗喺屯門時代廣場，有時突然間想食返碗PHO 都係一個選擇👍🏻香茅豬扒撈檬份量十足，暫時係我食撈檬最多配料嘅一間，配料豐富有紅蘿蔔絲青瓜絲同埋生菜絲，豬扒入味 口感鬆化。😋魚片頭扎肉叻沙今次嚟到冇食佢哋嘅牛骨湯，叫咗佢哋嘅喇沙試吓，估唔到佢哋嘅喇沙湯底又幾濃郁，椰香味十足，湯底唔會好辣,豆卜索晒啲湯底好味😙😙米網春卷春卷嘅外皮鬆脆，一啲油膩感都冇，不錯😍

榮少喇沙執咗好快換咗呢間，搭車經過成日見到，去到春嬌食lunch，啱啱有張5至6人大枱，就坐呢度，不過要同人搭枱。老公食魚蛋牛丸牛骨湯河粉，牛骨湯啲味道有啲怪，魚蛋老公話鹹咗啲，我覺得可以接受：我嗌咗啲推介：蔥油撈檬，得啲肉碎同蔥油，味道一般啦，早知食扎肉嗰啲仲好！女兒食豬扒喇沙，個豬扒真係好大塊，可以分俾我哋食，但係醃得犀利，麻麻哋，感覺好似食緊啲渣，個喇沙椰奶味好勁好香，但係食落口佢話鹹得滯，又唔夠辣。杯越南咖啡好香咖啡味，只係甜咗少少。春嬌越南河（屯門）凍龍眼水少甜 $3.00爽脆魚片頭配牛丸湯粉（河粉）$60凍越南煉乳咖啡少煉奶 少冰 $12.00香茅豬扒叻沙 金邊粉 $66.00凍茉莉綠茶 走甜$3.00招牌蔥油烤牛肉撈檬 $56.00總計 $200.00