春嬌越南河

营业中

休息中

自從這間商場翻新後，進駐了不少新的食店，這家越式食店也是其一，整體的價錢都蠻貼地的。下午茶時間更便宜幾塊錢呢。河內麻香手撕雞手撕雞肉蠻多，跟麻醬、花生醬、芝麻混在一起，濃厚入味，不過醬汁有點過多。越南食店當然來碗牛肉麵吧。河內生牛肉河粉多片薄薄又大片的牛肉塊，呈現鮮粉紅色，輕輕灼一會，很易撕開且很稔滑。湯底是牛骨熬煮成的湯，濃郁又清甜，熱湯很快便把生牛肉灼熟，跟湯還有芽菜、蔥花、薄荷葉、生洋蔥、炸蒜片等，河粉特別掛湯及吸味，吸盡湯底精華。跟餐的飲料挑選了龍眼水，原粒龍眼，甜甜又健康的飲品。

好多餐廳都推行電子點單，呢度都唔例外朋友叫咗個招牌蔥油牛肉飯加隻太陽蛋太陽蛋煎到有燶邊，係流心嘅 因為天氣凍好想食熱嘢，所以就揀咗個香茅雞翼 湯金邊粉 電子落單可以好customize，每一樣配料都可以走，個清單水蛇春咁長，有蔥、芫茜、洋蔥、蒜、芽菜、九層塔、青檸等等 越式香茅雞翼冇得輸香茅嘅味道好重，炸雞翼金黃香脆，咬開雪白嘅雞肉，流曬汁好juicy 張青檸滴幾滴落去個湯麵度，令到牛肉湯嘅鹹味唔會單調，帶點兒酸酸甜甜 配搭埋青蔥等嘅配料食落清爽 炭燒豬頸肉上面有好多嘅炸蒜，切片睇得出每塊肉都燒得粉嫩 加上自家調製嘅酸甜醬 珍多冰係獨立包裝，好似外賣嘅台式飲品咁由椰汁同埋綠色條狀嘅啫喱組成，好甜 跟餐嘅玫瑰花茶正好為寒冬加添一點溫暖

近排坑口明德商場完成全面翻新，除咗一啲比較有實力既鋪頭留低之外，仲引入咗幾間新食店～因為老公中意食越南野，所以一落去就揀咗呢間叫「春嬌」既越式餐廳，可能疫情關係，lunch time 唔使等就可以直接入座，餐廳係用 QR code 落單，方便又快捷，仲慳番唔少人手添🤣我哋兩個分別叫咗雞翼湯河同香茅豬扒蔥油飯。老公覺得越南湯河個湯底好緊要，所以通常未食個河粉前都會先試一口，湯底都好夠火喉，而雞翼上枱時都新鮮熱辣，誠意十足；至於我果個香茅豬扒亦醃得非常入味，唯一美中不足既係佢哋套餐只配熱龍眼水或苿利綠茶😅如果可以配奶茶咖啡就會更好喇☺️

雖然我好不容易，終於在「筲箕灣」的外賣小菜店裡面，購買到中式「青瓜」「雲耳」炒「雞柳」小菜客飯套餐，可惜外賣小菜店沒有「牛腩」菜式，迫使我要繼續搜索提供到「牛腩」食品的食店。當日我在「西貢」準備出發尋找晚餐食店的時候，本來是有考慮光顧位於「將軍澳」「明德商場」裡面的新越南菜餐廳「春嬌」，因為「春嬌」也有製作和提供「咖喱牛腩飯」食品。反而「春嬌」餐牌裡面，屬於「雞肉」類別的小食食品實際選擇不算非常多，幸好我之前已經在「筲箕灣」購買了中式「青瓜」「雲耳」炒「雞柳」小菜客飯，所以不需要再在「春嬌」購買「雞肉」食品。恰巧我回到「坑口」的時候，時間已經過了下午六點，「堂食時間」都已經過去了，我只好隔着「春嬌」餐廳的外牆牆壁，預先觀察「春嬌」實際樓面狀況，下次光顧體驗效果或許會比較舒適自在。我購買完「春嬌」一盒外賣「咖喱牛腩飯」之後，馬上坐車返回「西貢」，回家之後馬上享用作為「晚餐」主菜食品裡面的「咖喱牛腩飯」。其實我在「明德商場」，由付款購買「咖喱牛腩飯」，領取製作完成的「咖喱牛腩飯」，再乘搭交通工具返回「西貢」，實際需要的時間其實不算很長。但是我一回到家裡面，開始享用「春嬌」廚房製造的越式「咖

陪完媽媽看完醫生，順便來到明德商場醫肚,見有間越南菜春嬌，媽媽少食越南菜，所以入左去，叫左6樣野食和飲。馬拉蓋通菜牛肉飯份量多，菜鑊氣十足，翠綠不油膩，牛肉質嫩，配搭越南想料，味道好極。香茅豬扒金邊粉扒和金邊粉分開上，這樣扒更香噴和肉嫩，香茅幾香。越南的香料好香，令金邊粉更香，湯底好香。河內麻香手撕美雞手撕雞配料好豐富，有芝麻，青瓜絲，紅蘿蔔絲，醬帶點香辣，雞肉嫩辣。龍眼水和話梅金桔茶(熱)話梅金桔茶好喝，平時少餐廳有得飲，另外後加椰青水，清甜解渴健康。整體而言，好吃的越南菜。

招牌火車頭($66) 好食， 除了一般的牛丸牛肉和牛腩， 還有大大片香滑的花膠， 好養顏， 又大碗， 湯粉麵份量多， 而且又多蔥粒生洋蔥， 咁樣先係越式風味。另外點了生牛肉河粉($53)， 同樣係又多料又大碗，不過生牛肉稍為熟了一點。脆炸米網蝦春捲（$36） 好香脆，唔油膩，每一個春捲都有蝦 ，特別係會另外有生菜，可以包住春捲嚟食 ，所以食落唔會好乾。豬肉粉包（$34） 雖然係小食但係都幾飽肚， 粉皮比較比一般腸粉皮厚身， 入面有豬肉碎， 上面就有蔥油粒和炸蒜片。點主食有熱嘢飲餸， 加八蚊有越南咖啡， 都幾香， 想甜啲可以加煉奶。

冇得去旅行，梗係喺香港搵啲好嘢食獎勵吓自己啦，咁啱行過坑口，經過明德邨依間越南菜嘅餐廳，見新裝修環境超乾淨，而且菜單好吸引，一於同屋企人入嚟試吓，估唔到有驚喜☺️而且價錢超級吸引，仲要唔洗加一🤟🏻河內生牛肉金邊粉 配餐飲係柚子茉莉茶真係超級推介，勁大碗，而且真係食到越南正宗嘅味道，生牛肉肉質超級鮮嫩，配住柚子茶嚟飲一流雞肉串燒三串勁好食！我超級鍾意食雞肉串燒，上邊仲有沙嗲醬，勁好食😋越式香茅雞翼又係另一樣必食推介，外層炸到脆卜卜，雞肉裏面好多汁，抵食又好食😛👍🏻越式脆炸蝦餅超級正宗嘅味道，同我去越南食到嘅味道一樣，仲要可以點住泰式辣醬住，成個味道酸酸甜甜，超級開胃😁估唔到依間餐廳有驚喜，以後都會keep住嚟食！

想不到小商場裡都有一間優質的越南菜，價錢也非常平民抵食。招牌的越式牛肉河份量好大，湯地濃度適中，有牛丸、生牛肉和牛腩，生牛肉切得好，上湯時也不會過熟，喜歡它的生肉，牛丸帶甜，總體是一碗價錢便宜又好吃的越南湯河，推介它們的招牌燒春雞炸得很脆，肉質也嫩滑，沒想到這個價錢也可以吃到這種質素的燒雞；生蝦也算新鮮爽口。總括而言是一間性價比高的越南菜，份量也偏大，兩個人大約吃兩個菜也可以，推介大家吃這間越南餐廳。

今日去咗明德邨搵朋友，同佢快食咗個lunch，喺商場新開嘅呢間越南餐廳估唔到又幾好喎😳 事關我哋兩個都low carbs 緊，所以儘管見到好多越南粉都忍住.⭐️春嬌秘製燒春雞配薯條呢個應該係舖頭嘅招牌菜，即叫即燒，賣相好靚仔，皮脆肉嫩，一搣開好多汁，雞胸都唔會好鞋！配上2個醬汁去佢點雞肉，另外店員好細心咁俾咗手套，方便進食😳.⭐生菜包個人覺得同泰式嗰啲好唔同，冇咁辣，比較啱香港人口味，但係如果份量多少少會好啲！.⭐牛肉沙嗲串燒沙嗲汁都幾濃郁，但係啲牛肉有少少un，叫豬肉或者牛肉會好啲！

趕喺政府實施六點後禁堂食措施嘅前一晚，放工同好耐冇見嘅朋友約咗明德商場食晚飯🤣春嬌秘製燒春雞配薯條：雞皮燒到薄薄一片，完全冇曬脂肪食落好香脆，雞肉亦都嫩滑係略嫌味道淡咗少少，不過配埋醬汁食就剛剛好！薯條薯味十足，比麥當當嘅更加好食！醬汁方面除咗有茄汁之外仲有兩款，味道各有千秋，我自己就好鍾意中間嗰款，食落酸酸甜甜好開胃！🤤香葉肉碎炒飯：望落好似好單調，但菜粒同肉碎嘅配搭口感出奇地豐富，炒飯炒得粒粒分明唔油膩，香葉味道好惹味！而且份量一啲都唔少但係我哋都食清光🤭脆炸米網蝦春卷：基本上炸物只要即炸嘅一定唔會唔好食，外皮炸得熱辣辣香脆鬆化唔會油淋淋，餡料惹味唔需要點醬汁都已經好好食！搭配埋爽脆嘅生菜一齊食感覺清爽，好味到我哋想叫多一碟！❤️

上次在附近的店吃火鍋，發覺這間越南食肆已經開到將軍澳，今日便來到一試。越南菜炸蝦餅$46，蝦肉爽口彈牙，配上蔥油和旋片，非常有越南特色。招牌蔥油烤牛肉河粉$36，牛肉以免治形式炮製，帶點越南的香料味道，配上爽滑的河粉，非常惹味。香茅豬扒金邊粉$46，豬扒帶點香茅味道，肉質亂畫，如果豬扒可以用煎煮的方式，味道更佳。越南凍咖啡跟餐$8，咖啡味道甘香，甜度適中，非常有越南咖啡的特色。話梅鹹檸七跟餐$8，話梅加上咸檸，令到這個七喜不再一樣。

看見春嬌這個名字，很自然會想起。雖然不知道為什麼這間越南餐廳會叫春嬌，但的確名字會吸引人第一眼的注意力。餐廳格局不算四正，不過木系裝修加上越南傳統尖帽，帶有點點越式風情。星期六的下午食客頗多，午餐主食包飲品龍眼水或茉莉花茶，另用手機落單主食減兩蚊。生熟牛湯粉生牛肉上枱時顏色依然粉嫩，稍候片刻即剛剛熟透，入口肉味輕輕的嫩滑無渣。熟牛肉比生牛肉略厚，肉味比較濃郁。河粉份量很多，吸收上湯味道，再加上不少配料如金不換、芽菜、洋蔥絲、炸蒜、蔥粒及青檸，同食滿口芳香。招牌蔥油烤牛肉湯粉烤牛肉原以為是一片片的，原來有點像牛肉碎般，配上幼身爽口的金邊粉及越南粉必備的配菜，味道亦很濃郁芳香。馬拉盞炒通菜馬拉盞醬帶有發酵蝦仔味，加上炸蒜，濃香惹味。通菜用上青通，比較幼身嫩滑。炒菜份量很多，猶如一個小山丘。越式香茅雞翼香茅雞翼外層炸得非常香脆熱辣，內裡雞肉嫩滑，香料味濃，非常入味。茉莉花茶茉莉花茶看來更像玫瑰花茶，玫瑰花蕾緊密，花茶沒有加糖，茶味芳香，味道合意。龍眼水龍眼水味道清甜，糖份沒有下得太多，亦屬健康之選。

得知春嬌新分店於將軍澳坑口開咗今日去探寶寶表姐就去試下🤤.［招牌春嬌火車頭］牛肉、牛腩、牛丸、最特別係有1大片厚厚嘅花膠😍所以個湯底都有少少海尾味，輕微花膠湯mix牛湯不過成個湯味道偏淡，唔夠香🤔牛肉牛腩都ok，牛丸普通.［牛肉生菜包］同泰式嗰種好唔同，無辣味反而好甜啲肉好冧，無食到肉汁嘅原味，普通😝.［沙嗲雞串燒］外表好吸引食慾大增，沙嗲汁唔慳成串都食到上面仲加埋花生碎好香❣️雞肉正常無特別....#呢度無bb凳 #ca師奶餐廳_坑口#ca師奶餐廳_將軍澳 #越南菜 #火車頭 #Vietnam #Vietnamfood #Vietnamese #fiahmaw #noodles #noodle #beef #beefnoodles #串燒

第四坡疫情還未控制好， 六點後只有外賣沒有堂食之下， 趁住買餸時間出來走走， 發現在明德商場地下有間越南菜叫春嬌， 新開的光猛又整潔， 門口餐牌上的價錢相宜， 所以就入去一試。 還有一個優惠是用手機掃描QR Code落單每款主菜即減$2， 我就點春嬌火車頭金邊粉$61、 鴛鴦春捲撈檬$38、招牌春嬌小食拼盤$36、 春嬌豬肉粉包$34、 越南咖啡$8、 玫瑰茉莉花茶$2、 龍眼水。春嬌火車頭金邊粉～ 有超大塊又厚身的花膠、牛丸彈牙、牛肉和牛腩軟腍， 湯底熱辣辣的， 味道香濃， 金邊粉份量好多， 抵食。超大塊花膠鴛鴦春捲撈檬～ 炸春捲口感酥脆，有兩粒蕃薯仔， 撈檬的靈魂當然是魚露甜酸汁， 甜甜酸酸非常開胃。招牌春嬌小食拼盤～ 拼盤有扎肉、鳳爪、春捲和炸蝦丸， 扎肉香濃富肉味， 鳳爪酸酸甜甜， 春捲酥脆， 炸蝦丸香口好味， 小食份量剛剛好。春嬌豬肉粉包～ 熱辣辣的豬肉粉包，吃時蘸魚露品嘗，令這清新菜式倍添滋味。玫瑰茉莉花茶～ 茉莉花味很清香， 點了一杯凍的，沒有冰粒，原汁原味。越南咖啡～ 喜歡越南咖啡香味較濃，酸味較淡，口感細滑。龍眼水～ 味道少甜帶清淡， 杯裏面有大量龍眼肉， 真材實料。

//春嬌與春雞🐔//銅鑼灣呢間越南野係將軍澳開咗分店啦，就去試下🤤發現性價比幾高🤣👍🏻·✨泰式香草燒春雞配薯條 $98需時二十分鐘，實際應該半個鐘以上😂燒春雞整體燒得幾靚仔，外皮脆卜卜，雞髀位肉質juicy嫩滑，雞胸位都唔會好鞋唔難食😚但雞翼位就燒得乾柴咗啲薯條份量多，落咗酸梅粉，熱辣辣，好食😋·✨招牌春嬌火車頭 $68花膠、牛肉、牛腩、牛丸，粉就可選金邊粉/河粉/檬粉，我地揀咗金邊粉影完相一拎起花膠，原來係咗咁大條😍，夠哂腍身，補充骨膠原呀😛牛肉都大塊，份量夠，食落又腍又滑😬牛腩薄薄地唔係話好腍，口感一般，冇牛肉咁吸引😚美中不足係湯底太鹹，我會淨粉走湯再加撈檬汁食🤣·✨脆炸米網蝦春卷 $36有四件，炸得酥脆，點泰式辣醬，配生菜食，幾正🤤·✨話梅咸檸梳打 加配$12正常·🌟性價比幾高，有大大塊花膠同牛肉，係湯底死鹹咗，春雞都唔錯😛用app下單主菜可減$2😬