映山紅 (已結業)

自己本身住沙田區，每次經過映山紅都好想試下，今日終於有機會食晚飯喇。好好味ge前菜小食，醉雞，蝦子蒸豆腐：好香好有鮮味，有蝦子ge點綴簡直一流！唔記得咩名的拉麵：有蕃茄又有肉碎，又唔太濃味，好健康，好適合一家大細食。小籠包：好香好有湯汁！湯：清清地唔濃味，似大家一向食開ge雲吞雞～Last的甜品，高力豆沙香蕉：都好好味，只係嫌佢唔夠糖多～整體黎講都真係味道唔錯，適合一家大細都食！

馬鞍山似乎無咩好食的 (應除咗某麵店), 但見呢間無咁多街坊或‏嘈, 可坐得舒服d, 呢間已係上佳之選 (環境 + 佢 1 分)。 醉雞： 雪到隻雞d肉都實晒, 何來鮮嫩? 酒味又唔夠，都賣$55/$60？ 我寧願俾多少少食知味X 或杭X酒家吧.... 雞煨麵: 賣相一般, 麵過腍。但湯底估佢唔到咁清, 感覺無咩味精似的，健康d, 好! 松鼠黃魚: 魚食到有d 腥, 炸後都依然有... 但外皮又炸得唔夠脆... 改個好長又懶特別個名拉麵: 其實係蕃茄洋蔥牛肉碎撈粗. 沒什麼特別的, 味道好家庭式同健康。 鍋X魚塊(特價小食$38），但份量一d都唔少, 雖味道一般, 汁又鹹咗d。

一行三人於映山紅飲茶, 此店於早上十一時半才營業, 當我們到達時, 客人不算太多, 甫坐下, 便送上前菜, 內裡有青爪粒及齋豆腐粒, 可惜就只得小小的一碟, 我們還是快快剔選點心吧。 我們點了以下食物:蟹子燒賣荷葉珍珠雞濃湯鮮竹卷潮洲粉果迷你雞包仔天津牛肉球河蝦仁拉腸高力豆沙香蕉四川擔擔麵上述大部份都是廣東點心,除了高力豆沙及四川擔擔麵。點心亦很快上枱, 質素跟外面酒樓相若, 新鮮熱辣辣, 其中四川擔擔麵水準不錯, 值得推介, 而服務方面及環境亦很舒服, 我們三人邊吃邊談, 十分愉快。

呢度D嘢都幾好食，但可能樓底矮的關係，真係好嘈，傾計唔係咁方便。

諗住係馬鞍山無O物特別好食, 20/12特別日子, 於是想找間特別好的中餐食, 不計較價錢, 於是決定去映山紅, 因為之前聽人講口碑幾好8:30PM入到去點了個2人冬至套餐 $258 (加一茶介要$358), 差到不知所謂:1. 前菜 海蜇素鴨 - 素鴨淡而無味, 海蜇完全唔爽, 好難食2. 湯 雞絲翅 - OK可以接受3. 主菜 明爐燒大煆 - 味道算最好, 大煆有肉, 可惜一人得一隻4. 主菜 滑溜魚 - 又係淡而無味, 伴汁又難食5. 主菜 菜肉餃 - 每人有2隻, 味道平平淡淡, 重差過係新港城街巿食個d5. 甜品 杏仁糊 - OK可以接受茶叫了香片, 一d都唔甘香, 重要係苦, 本身係鍾意飲茶的人, 都係第一次飲到唔想飲茶, 真係好差。看返整體食品質素, 整個餐只值$148, 往費映山紅係馬鞍山出名好食又貴, 原來食品質素比新港城四期的新都酒樓重要差, 係馬鞍山咁多間飲茶, 映山紅係最差個間。 如果你問我, 比得起錢寧願去隔離美心皇宮或海澄軒個間酒樓食。

一行6人, 中午來飲餐茶.唔洗等位, 馬上有位坐.見d 白色裝修又幾靚幾潮呢.叫的都係普通點心.d 女同事叫幾個油菜.好快上, 夠熱, 腸粉我食了不少.味一般, 冇咩特別.服務ok.一人都係食45蚊, 坐得又舒適 又relaxed, 仲想點?會再來的.

今日午市去左映山紅飲茶入到去 坐低 幾舒服!!之後見到有兩張點心紙!一細一大!細果張 係原來特別小食 無半價優惠!!後來我點了一個炸蝦波的物體!!一粒細 一粒大 前後者有五粒!!味道尚可!28蚊一碟!貴之後點了幾個點心!點了高力豆沙,牛肉球,排骨,蝦餃.燒賣,味道: 牛肉球:味道無咩特別!! 排骨:肉太肥 艼頭放底 好似垃圾咁 有D硬 有D散!!好奇怪 蝦餃:好似雪藏咁既味道LAW!!蝦好特別有一隻霉 有一隻爽口!!怪 後來取消了這個點心 燒賣:大粒 好味 有蝦!!最好既點心!!!!! 全場焦點高力豆沙香蕉:蛋白夠滑 外脆內軟豆沙香蕉融係中間 合埋D沙糖食 感覺一流!!仲要12蚊4粒 邊度搵我地3人行食左8粒好味價錢OK連茶錢 泡茶 +1 100幾蚊 可以找數!!味道5分都係比高力豆沙!

今日因為太累所以無影相...一行三人食咗: 水煮魚片: 魚片口感尚可但個"水"變咗"紅油", 跟本做不到川菜水煮的味道, 只可以說是紅油, 不夠麻只有辣, 無得用汁撈飯因為所有都係油... 失敗!回鍋肉: 太甜, 太多油. 材料尚可. 砂鍋篤得鮮: 類似砂鍋津白, 湯底不錯, 有雲腿味! 津白新鮮, 另有魚旦, 旦絲, 荀等~ 好味! 蒸菜肉水餃: 蒸得幾好, 餃內有湯! 好味!價錢是打了33% 折扣 (AE CARD)

和豬豬女友及媽飲個茶.來了映山紅.食了幾款點心, 再加個雞肉煨米線.點心ok, 齋腸都幾足料.雞肉煨米係廿幾蚊, 但都ok大碗架.唔少雞肉呢, 米線也ok.似係魚湯底的白色湯, 我也一飲而盡!!ok播.服務正常.

According to OR, this is the only "alternative" to Modern China if you would like to have 京川滬 cuisine in the Ma On Shan area - so we went there to have a try with our friends. We found that, although the type and presentation of the food offered were quite similar to that of Modern China, the overall quality of the dishes were not the same. We tried the braised tofu (the tofu had a smooth texture but the dish tasted a bit bland), the fried dumpings (quite oily !), the noddles with chicken (ok),

之前試過飲茶都 ok, 但經過今晚晚飯後, 我以後都唔會再去!!! 早前訂左枱, 7:30 到餐廳, 見到裡面都有 5, 6 張吉枱. 門口個姐姐見我地 3 個人, 就隨手俾左對住門口果張. 我同佢講我地唔想坐門口, 佢話會幫我地安排, 但有一個侍應聽到後, 就用寸寸貢咁另一個講: "佢地話唔想問口喎~ 果張枱都算門口呀?" 喂, 你地又唔係冇枱, 點解客人唔可以選擇呀?!等左一陣, 裡面終於有枱.....好, 講返食物:1) 片皮鴨 ($180 , 一隻): 鴨本身只有鴨蘇味, 鴨肉頗un, 皮唔脆, d包皮好厚同好 "鞋", d 醬汁帶甜, 總之唔好食~2) 炒鱔糊 ($76): 鱔肉唔新鮮, 帶少少腥味, 總之又係唔好食.3) 醬爆豬頸肉 ($38): 呢個係唯一好味既餸: 豬頸肉好爽, 醬汁甜甜地, 既好味埋單前, 我地問佢隻片皮鴨既屍骸去左邊 (我地想拎返去煲粥), 個侍應竟然答: "等我睇下有冇dump 到先...." 我地聽完真係 o 晒咀! 喂, 你收我 $180, 唔係真係食皮呀?!最後, 佢都有o係拎返個鴨屍俾我地.整體來說, 呢間野既服務真係好唔掂! 人手不足,

上次食過絕對呢度中午飲茶吾錯﹐所有再黎!試左個"南北亂炒蘿蔔糕" 同素餃都吾錯﹐另外碗皮蛋瘦肉粥都幾棉﹐半價後只係$10。個"南北亂炒蘿蔔糕"真係值得推薦﹐好有味﹐好味過好多貴價茶樓。下次會再返黎試埋其他野!

星期五放假同屋企人黎呢度飲茶。去到門口見到星期一至五11:30到3:30所以點心紙上食物全部半價﹐好抵呀! 3個人叫左:芝麻大餅 - 鬆脆香口﹐好味!蝦餃 - 不過不失賽螃蟹腸粉 - 呢度D腸粉話明係手拉﹐果然好滑﹐配賽螃蟹﹐特別又好味道! 推薦!!素鵝 - 呢個就差左D﹐味道有D似外面即食個D。。。蒸牛肉球 - 同普通酒樓味道差不多天津狗不理 - 個餡吾係好正宗。。。個皮還可以高利豆沙香蕉 - 好味!! 出門食都起碼要$48﹐呢度半價後只洗$12!!! 抵食呀!!最後3個人賣單連茶錢($8 位)﹐花生($10) 同加一都吾使$150﹐ 最緊要係呢度裝修靚﹐價錢平! 下次會再黎!

第二次喺呢到食晚飯，感覺不錯，地方不錯，同樣是美心集團，比起美心各方面都出色。點了小籠包、寧波炒年糕、酸辣湯、腐竹津白、糖醋排骨同酒釀丸子。小籠包，一客六件，辣熱熱，咬落去肉汁咇晒出嚟，好好味。炒年糕用上肉絲同菜去炒，雖然唔係十分特別，但炒得入味，大家最快清左嘅餸。酸辣湯真係頗辣，普普通通，味道略淡。津白夠清淡，平衡返油膩食物。糖醋排骨覺得最唔好味，夠酸，但排骨就嚡口。酒釀丸子雖然冇食，但睇得出其他人食到津津有味，應該不差。服務方面真係唔錯，比起美心酒樓，侍應有活力，後生，勤力得多。全場雖然唔算大，有兩部大電視，一邊食飯一邊睇奧運，幾正。

很久沒有去映山紅了, 記得當初食物唔錯, 雖然貴一點, 但都值得但今日再次來飲茶, 已經大不如前了.地方 - 太熱叫食物時, 很快便到齊, 一早蒸好吧了.鳳爪 - 冇味糯米雞 - ok, 好燒賣 - 冇味腸粉 - 差還有一個忘了..5籠點心唔夠飽, 但不願再叫了..$140.