星薈

营业中

休息中

位於尖沙咀天文臺道的星薈環境真係好靚設有落地玻璃及戶外露台可以飽覽無敵維港景點了一個晚市二人套餐（$1288)套餐菜式勁豐富首先頭盤有有百味豆腐同拍蒜青瓜🥒豆腐炸到外脆內軟非常滑溜青瓜夠爽脆夠入味每位會有半隻海老汁龍蝦🦞龍蝦好大隻食落啖啖肉肉質爽口又彈牙食得出好新鮮加上濃郁海老汁🦐再將鮮味提升虎乳菌翡翠炒帶子帶子大大粒虎乳菌香氣十足原條清蒸海星斑🐟條魚蒸得剛剛好又嫩滑又唔會腥羊肚菌杞子浸菜苗清清地都不錯套餐還包了半隻炸子雞🐔外皮炸到金黃色皮脆肉嫩又多肉汁真係好惹味而甜品當然都唔少得有原個蛋黃壽桃包同紅豆沙🫘個壽桃包好軟熟蓮蓉好香好滑入面仲有原隻鹹蛋黃真係好出色總結整個套餐真的超值菜式豐富之餘用料亦相當新鮮員工服務又周到🥰再配上無敵大海景實在令人難忘下次要同成班屋企人👨‍👩‍👧‍👦黎食

約埋屋企人食飯，Book咗尖沙咀星薈，地點都算方便係天文台道，地鐵站行過去都係10分鐘左右。去到環境幾靚，望到海景，個view都好開揚。叫咗套餐有乳鴿， 醉雞，竹笙杞子浸菜苗，小籠包，炒飯等等。乳鴿味道OK, 係咸咗少少，食完要飲多啖水，醉雞浸得入味，幾嫩滑，菜就普通啲，全部食野一般。最激氣係酒樓職員態度麻麻，枱面餐具多咗叫阿姐叫走，但一味話無錯岩岩好，個下無語，之後套餐寫明係包埋罐裝汽水，我地全部叫汽水，阿姐係咁叫我地飲橙汁，話橙汁好飲，講咗唔要橙汁，仲係度不停叫我地飲，唔肯俾汽水我地，真係好激氣，之後仲話我地唔識野，好啦阿姐之後去拎汽水，點知係吧枱拎罐裝汽水倒落玻璃杯到， 倒到8成滿，就淨係拎杯汽水黎，之後同佢講之後幾杯唔使幫我倒落杯度，成罐俾我地自己倒，阿姐即時反駁話經理唔俾，要佢地倒埋比客，叫佢係我地面前倒又唔肯，我真係第一次聽，餐單明明係寫一罐，但酒樓就唔肯俾一罐。我俾比錢，但都要咁樣慳皮，呢間酒樓真係超唔掂，個經理仲要全程唔過黎，扮唔知，食到一肚氣，無下次。

仲未諗到母親節帶媽咪去邊度食飯？我有好介紹🥰 位於尖沙嘴嘅星薈 係21樓 落地大玻璃仲可以睇到海景架☺️ 仲有室外位睇夜景 環境真係唔錯👍🏻今晚一於試下佢哋嘅中菜 果然值得再帶屋企人食🤤椒鹽魷魚鬚•陳醋雲耳前菜一次過滿足哂你2個願望 想開胃 酸酸甜甜嘅陳醋雲耳就岩哂你👅 想香口 又有炸到酥脆嘅魷魚鬚👍🏻XO醬翡翠炒蝦仁蝦仁好多隻 大大隻爽口彈牙 加上XO醬好惹味😍濃湯花膠翅好足料 啖啖都食到花膠 肉絲 翅等食材 味道出色🤤蠔皇鮑魚伴花菇醬汁功不可沒 鮑魚同花菇都入哂味🥳招牌銅盤牛煎雞上菜後店員先揭開錫紙 用銅盤上雞肉保持到温度👍🏻 雞肉又嫩又入味 好有鑊氣有特色🥰蒜茸炒畤蔬原個蛋黃壽桃包必試 大大個壽桃包口感鬆軟 入面除左有原隻流哂油嘅鹹蛋黃之外 蓮蓉都好出色 口感幼滑又唔會太甜 有驚喜😋精美甜品最後食埋碗起哂沙嘅綠豆沙就完美啦🌟

尖沙咀好多嘢食，所以都好喜愛行尖沙咀，今晚選擇了食天文台道的星薈。在門口已經感覺到餐廳的高雅，餐廳位於21 樓，樓底高，整幅的落地玻璃，可以一邊食，一邊欣賞維港的夜景。菜遠炒牛肉$138 牛肉切得大片，肉質軟淋不鞋，而且炒得入味。菜心很嫩不會硬，隻是爽脆。孖寶B招牌黃油雞半隻+清蒸海虎杉，原價$597特價65折$388招牌黃油雞不是很大隻，雞肉剛好熟，所以肉質嫰滑，皮炸到金黃色，皮帶點脆，入味很香。清蒸海虎杉海虎杉面上切成絲的蔥花，經熱油淋過後滲入到魚肉及鼓油，令咸中帶少少甜的豉油，及嫩滑帶鮮味的海虎杉帶著一層蔥的香！

平時成日食西餐， 今晚放工好想食中菜🤩，所以到尖沙咀天文臺道8號21樓的星薈吃晚餐。 店內有落地玻璃和戶外露台， 可以一邊享受美食，一邊欣賞維港迷人景緻， 室內環境的樓底很高， 高貴的裝修，極具氣派。 店員們的服務亦非常貼心🥰， 添茶和換碟的速度很快👍🏻。晚餐🥢 ～ 百味豆腐、拍蒜青瓜、 海蛯汁龍蝦、 虎乳菌翡翠炒帶子、 清蒸游水海星斑、 脆皮炸子雞、 羊肚菌杞子浸菜苗、 原個蛋黃壽桃包和精美甜品。 🔴百味豆腐🧈 ～ 炸得外酥裡嫩， 金黃脆皮，香口美味。 🔴拍蒜青瓜🥒 ～ 青瓜香脆開胃，涼拌菜清爽好味，最適合夏天作前菜之選。 🔴海蛯汁龍蝦🦞 ～ 龍蝦肉鮮甜Q彈，海蛯汁有提鮮效果， 非常美味。🔴虎乳菌翡翠炒帶子🫛 ～ 帶子甜美厚肉，炒起來有鑊氣， 整碟菜式輕鬆又健康。 🔴清蒸游水海星斑🐟 ～ 蒸得恰當， 海星斑肉質嫩滑鮮甜， 因為新鮮，簡簡單單的做法，已經帶出非常美味的效果。 🔴脆皮炸子雞🍖 ～ 脆卜卜的炸子雞，炸得好乾爽，食落唔會有油膩感， 金黃脆皮又嫩滑，非常吸引。 🔴羊肚菌杞子浸菜苗🥬 ～ 羊肚菌健胃補腎很有益， 配上甜甜的杞子浸菜苗， 清甜入味。 🔴原個蛋黃壽桃包🍑 ～ 超大個熱

朋友帶我黎到呢間位於21樓既酒樓,入面環境好靚,全部落地玻璃同埋望到維港既海景,我地夜晚去望住個夜景食飯,響咁靚既餐廳下用餐真係好CHILL,餐廳仲設有戶外位置,客人可以自己選擇坐室內定戶外,我地叫左一人半條開邊龍蝦,龍蝦厚肉又新鮮,啖啖肉咁,另外仲叫左一條星斑,條魚SIZE適中岩岩好,肉質鮮嫩,炸子雞既皮好香脆,隻雞炸到食落嗦嗦聲咁,最尾叫左綠豆沙同超大個又飽滿既壽包,綠豆沙好足料好入味,壽包係小編呢度既必食推介,下次再黎一定都會叫。

在尖沙咀食飯要有海景的飯店通常都幾貴，但肯行多幾步去到天文台道、呢間星薈，海景相伴，價錢好公道，非常適合與只有中菜胃的家人及朋友一齊來。地方乾淨企理。正在推出多款優惠，作參考：今晚我們點了九款菜，百味豆腐及柏蒜青瓜作前菜；豆腐超滑，青瓜極爽。海老汁龍蝦勁精彩，每人有半隻，肉厚，汁極多。清蒸海星班、羊肚菌杞子浸菜苗、腐乳菌翡翠炒帶子，全部都是老幼咸宜，清且健康。炸子雞皮脆肉嫩。原個蛋黃壽桃包想不到超大，精美甜品是杞子桂花糕，清清地。

✿╮❤╭✿✿雜感女生   好味日記✿˚*•✰。星薈．高質出品一流環境！。✰•*˚✿✿小資女的Dolce Vita✿✿❤餓底飯聚．食勻全世界❤❤吾係POL - Peggy On Line．Proof Of Life❤  ❤食飯既野食食材，食技巧，食氣派今次同朋友去到一家3樣野都滿分的餐廳食飯令人心滿意足  星薈具有270度開揚景觀座落天文臺道8號頂層有戶外位，內裡裝修更是氣派 百味豆腐．拍蒜青瓜2款小涼菜豆腐炸得外脆內嫩好好食青瓜酸香中帶微辣，好開胃  海蛯汁龍蝦 (每人半隻)份量好足，厚肉靚靚汁味香濃，提鮮效果突出龍蝦肉一入口就是爆鮮味彈牙香鮮好吃，只有新鮮龍蝦才有的味道白肉脆嫩鮮甜點一點汁又提升了味道發揮出極強的引人口感 清蒸游水海星斑新鮮的星斑魚魚清蒸最能突出其鮮味果然，用料好，入口即知鮮甜的魚肉，香滑的魚皮伴以好吃的香蔥齒頰留香    虎乳菌翡翠炒帶子來點清翠的甜豆與帶子2款清甜結合在一起口感爽脆虎乳菌有獨特的香氣令整碟翡翠菜式更有不一樣的吸引力  脆皮炸子雞-半隻脆到一個點！連骨都可以食！炸子雞是必食的，香酥脆口皮脆夠刺激，肉嫩帶鹽香只有中式酒家才有此店連雞翼尖都脆卜卜可以食埋

又到食大閘蟹嘅月份喇， 今年揀鴻星食呢個大閘蟹宴，因為有三隻蟹，夠滿足，揀星薈另一原因，佢環境一流， 可以出露台睇夜景。一行七人最後揀咗， 王者大閘蟹一位餐。頭盤嘅鴨胸青瓜，味道都 ok。蟹肉芙蓉羹，唔算多蟹肉。第一輛上嘅係蟹公，都算大隻同埋都多膏。蟹粉小籠包，個皮做得幾好，唔厚，味道不錯。侍應生見你食完第一輪，就會上第二輪，係蟹乸，明顯比蟹公細好多。最後個輪，就係蟹公啦。食晒蟹先會上其他菜。黑醋霜降肉， 呢個做得好，肉質好爽，味道又唔錯，有驚喜。😋酥炸廣島蠔 ，畧為油D，同粉厚，個蠔較細 。最尾上呢個窩心薑茶湯圓， 薑茶夠熱同薑，湯圓皮薄， 芝麻餡都唔太甜，完美句號。侍應生服務都做得好好，招呼周到亦都有禮貌。

天氣開始轉涼,有一日搭地鐵,見到車廂賣鴻星大閘蟹廣告,諗起不時不食,就約左D同事去食大閘蟹🦀啦。睇返鴻星分店唔係好多間,我地就選擇左尖沙咀星薈。第一次黎,嘩...有室外,有夜景,裝修都好精緻,入到店鋪9成坐滿,成個場充斥住大閘蟹的味道,叫左個四人餐(每人2皇1后)再加多左2份多士。第一轉蟹到啦,開動拆蟹模式,蟹肉甜,爆膏,豎起正...食完蟹知後就開始出其它小菜,令我記得的有1) 蟹粉小籠包(鮮甜,爆汁)2) 蟹粉多士(啖啖蟹粉)3) 紅燒乳鴿(厚肉,脆皮,多汁)食完成個餐用左2.5-3小時。對比起其他大閘蟹餐,鴻星性價比較高 。

嘩哈哈！一年一度、期待已久嘅大閘蟹季節又黎啦！🥳🥳🥳.今次同三個朋友仔，一齊去左尖沙咀星薈食「大閘蟹四人套餐」：.。每人兩隻公蟹及一隻乸蟹：隻隻都好多蟹膏😍😍😍，仲要好鮮甜、好滿足呀！👏🏻👏🏻👏🏻.。仲有皮薄餡靚嘅蟹粉小籠包：湯汁多到爆出黎咁滯（甚實可能係我太輪盡😅😅）.。仲有自家製嘅杏香炸蟹鉗：真材實料啖啖肉，比起平時去飲宴食嗰種蟹鉗，好食10倍👍🏻👍🏻.。蟹肉芙蓉羹：有豆腐、有蟹肉、口感豐富，又夠滑嘅湯羹，好味～🥳🥳.。食完大閘蟹，當然要食埋薑茶湯圓驅寒啦～好夠薑，差d想再encore多一碗呢🤣🤣.。其實套餐入面仲包括：乳鴿、鴨胸、菜苗等等～好豐富、性價比超高👏🏻👏🏻👏🏻👍🏻👍🏻👍🏻

呢個係星薈早前推出的至尊龍蝦4人餐，金蒜蒸波士頓龍蝦當然是主菜，其實比想像中細，不過好入味，龍蝦肉亦彈牙，不錯。除了龍蝦外，紅燒乳鴿亦相當好食，燒得剛剛好，油香仍在，鴨肉唔會太乾身鞋口。其他菜式仲有蟹肉千絲羹、蔥油蒸花尾、千層腐竹浸青蔬、瑤柱蛋白炒飯，仲有紅棗糕做甜品，四個人好夠飽。

聽聞鴻星集團尖沙咀嘅星薈開午市， 專登約埋幾個朋友去試下， 該店經理介紹我哋兩個菜， 一個是蒜蓉炒菜心，牛肉蛋炒飯。 兩個都係好普通但係好考廚房功夫嘅菜。記得我有個世伯佢經營酒樓，請廚師嗰陣時佢就會叫兩個菜試厨师功夫，一個就是炒菜心，另一個就係炒牛肉。我哋自己亦揀咗啲點心， 蟹肉鍋貼， 牛肉同埋棉花雞 。蒜蓉炒菜心及牛肉蛋炒飯 ，新鮮上台即舉快試下， 果然 不枉介紹 ，兩個都有驚喜 菜心嫩及淋， 牛肉炒飯有好香蛋味，係炒到好似桂花咁。牛肉又好嫩，令到兩種在一起有一個好夾嘅味道，疍香加上牛肉味。 兩個餸都見證到廚師嘅功力 ，果然係鴻星嘅出品。

這天來到了尖沙咀天文台道的【星薈】吃飯，愛其戶外露台，飽覽維港景觀一流，價錢親民，今次試了「 大閘蟹前傳」，先來個蟹饌過過口癮吧!。賽螃蟹肉餃由經典菜式賽螃蟹變奏而成，餃子皮軟硬適中有韌勁，細滑的炒蛋白特別添加蟹肉及帶子，口感豐富，餃子吃起來香滑多汁，像在吃真蟹肉一樣。鮮蟹肉焗蟹蓋最正就是啖啖肉，內裡還有芝士及洋蔥，汁多肉豐，外層保持金黃酥香，鮮甜味美。花雕雞油蒸肉蟹用雞油及花雕來蒸肉蟹，這個完美比例組合，大大提昇華了阿拉斯加蟹肉的鮮味，加上粗大的蟹腳，啖啖鮮甜充塞著嘴巴，鮮味及滿足感同樣爆燈。黃金酥炸軟殼蟹超邪惡但超好味，軟殼蟹超滿鹹蛋黃，入口鬆脆無比，佐酒一流。冬瓜蟹肉鮑魚卷冬瓜能消暑熱，祛濕又利尿，大廚特意將冬瓜切成薄片，包裹冬菇絲、蔬菜絲和鮑魚絲，再淋上蟹粉，清甜好味超吸引。蟹肉野菌忌廉湯用了新鮮蟹肉與野菌忌廉同煮，蟹的清甜與鮮味融入野菌忌廉湯中，入口滑溜無比，鮮甜味足，超好飲。星薈地址：九龍尖沙咀天文臺道8號21樓 電話：2628 0282

【星薈】是「鴻星集團」旗下食府，位於尖沙咀天文台道商廈內，設有戶外露台可飽覽香港維港景色。大廳樓底不叫高，但有華麗水晶燈。看到這個格局就知道餐廳主打婚宴、公司晚會。對於這類主打婚宴酒樓的食物點心有些保留，不過印象中鴻星味道不錯，所以一試。對小编來說，最吸引之處必定是這個點心五折優惠！(記住要訂位先有優惠！) 。午市點心 $30 小 / $36 中/ $42 大，原價不吸引，五折後抵吃！注意：五折優惠只限點心，點心紙以外的廚房小食沒有特價。多款點心以每位計，對於小編三口子來說最適合又化算。但唔知點解，逐件計的點心每逢週末就要每件加多 $1；只係多一蚊，好似冇乜嘢意義？【XO醬炒蘿蔔糕  $48】蘿蔔糕表面煎得不夠香脆，入口比較糊口，粘米粉份量偏多、蘿蔔份量少 ⋯⋯ 沒有蘿蔔絲的清甜口感。勝在XO醬夠惹味，令質素平平的蘿蔔糕搶回不少分數。【蜜餞雞中翼 $48】甜甜地，有燒雞翼（塗上蜜糖）的美味；只嫌炸得未夠香脆，少了炸雞翼皮的脆身口感。【瑤柱花膠灌湯餃 $49 (原價) 】饀料不豐富，只有豬肉碎及蟹柳；湯頭不鮮甜，只是普通的現成雞湯。勝在湯料豐富，有整整一粒瑤柱、大大隻花菇及一小片金華火