影片
眨眼间有2几个月冇嚟过（星点心）唔太肚饿落嚟食个下午茶，食物依旧不变分量正常，我每次都必叫嘅米网虾肠，脆皮米网肠曾经喺早几年好多酒楼都有做,热潮过后就少咗地方有做，整体食物，在长沙湾道计大南基隆白杨街呢边，距离地铁站远dd但我觉得佢好食嘅，牛柏叶有好耐冇见过嘅玻璃兜，而家酒楼都好少见，牛肉有挞过有入味口感颇好，虾饺冇乜肥透明粒，同区有间好出名嘅点心样样里面都超过一半肥粒，所以呢间这无肥粒我好满意，而味道系比平时嘅酒楼点心淡少少同无咁油肥，，感觉健康啲，6蚊一位茶，冇加一服务费
继续阅读
成日行开界限街呢边试过附近几间酒楼都发觉无边间特别好食，所以每次都系嚟星点心饮早茶，附近泊位唔多，揸车过嚟都好难揾位，难得咁啱今日过呢边又有泊车位，连平时要等位嘅星点心今日都唔驶等，咁就一定要再帮衬啦。大大话话帮衬过十几廿次，平时要等位无嘢做一定次次喺门口认签名，都好多明星留过名，今日有位直入就唔驶咁无聊喇。每次同朋友嚟一定会一人一碟虎皮尖椒，星点心嘅虎皮尖椒系我食过全港最好味咁济，今日影呢张相个样无咁靓，但食落味道依旧，煎到好香，又唔会太辣。以前有黑松露百花鱼肚又系我必食，但近几个月都转埋餐牌无得再食，希望迟啲会有返，咁就唯有食棉花鸡顶住先，味道都好好，但始终百花鱼肚有旧虾胶食落质感好过食鸡。而肠粉虽然唔系皮薄但馅靓同埋好足料，一夹起实会跌到啲叉烧出嚟。其实so far星点心样样点心都好味道，一食就知唔系啲大陆制嘅预制点心，店心专门店嚟讲算系高质，但奈何间舖太细，又多公公婆婆坐喺度打趸，好多人都唔想排就走咗，九龙城间分店好少少嘅，但希望长远再开多几间分店，等好多人帮衬吓啦。
继续阅读
深水埗卧虎藏龙美食处处，问题系你识唔识得去揾，有间食点心喺界限街同基隆街交界，唔系大街大行唔系旺区，则边布行整车造胶片，门口细细行过咗都唔知原来里面系食点心。见到门口咁多签名，先好奇望一望发掘左一间食店。一入到去铺仔细细，有啲似添乜运格局，茶钱唔系贵，品质仲好过啲屋邨酒楼。试菜食基本野，虾饺烧卖牛肉球少不了。因为肠胃有限，叫得唔太多。虾饺爽口弹牙皮薄仲有少许笋，唔咸唔淡味道适中，食完都无口渴嘅感觉，如果多番少少汁就完美，老实讲，净系呢个虾饺已经赢过大部份大酒楼。虾肉烧卖就食到猪肉切粒而唔系绞碎猪肉，除咗头先所讲嘅鲜虾味，呢个猪肉味非常出，肥瘦比例啱啱好。不过干蒸烧卖就非常失望，好大梳打粉味，食落有乸口嘅感觉，而且无牛肉味，好彩系叫鸳鸯，都系输咗两粒烧卖啫。至于个黑松露百花鱼肚，都系啲gimmick野，当然系食唔到黑松露味，几廿蚊食两块野，性价比就差咗啲。另外值得推介就系脆皮虾肠粉，简单来讲就系鲜虾腐皮卷外边包个肠粉皮，估唔到有几好食。我喺第度食𠮶啲变种，就系用炸两包住个虾饺，口感同呢一个争好远，始终用腐皮簿啲好食啲。至于个煎酿茄子系用虾胶做，不过虾饺无调味，唔系好够味。食食吓听到啲人话啲萝卜糕好正，就叫一碟嚟试吓。食落就唔系好啱我口味，因为我钟意食𠮶啲萝卜糕系用萝卜丝而唔系萝卜条做，同埋有落胡椒粉，另外啲材料系要用豉油爆香，以上三点佢都无，所以揾到啱我食嘅萝卜糕都好困难，不过客观讲一句，佢好食过外边啲大集团做𠮶啲萝卜糕。最后买单180左右，喺深水埗来讲未算便宜，不过以质素来讲，呢个价钱系值。
继续阅读
☕饮茶唔一定朝早嘅😆之前同friend食过呢度点心好味😋尤其喺灌汤饺🥟😍所以收工同老公嚟呢度饮茶呢度瑶柱灌汤饺🥟皮薄又足料食过呢度系返唔到转头仲有我最爱嘅干蒸牛肉烧卖😋唔系间间酒楼有得食另外滋补药膳凤爪，凤爪好淋，药材汤味浓😋我全部饮哂其它点心有：虾饺皇🦐烧卖皇🥟黑松露凤眼饺，脆皮虾肠粉都唔错😋所有虾都爽口仲有个香脆虾春卷，新鲜炸起热辣辣好香口平时唔食青椒虎皮椒嘅老公😊呢度香煎虎皮椒佢竟然都会食总括都会再来帮衬👍楼面姐姐都亲切友善
继续阅读
以前饮茶都系一家大细齐齐去不过因为疫情关系都好耐无去饮茶今日止下瘾连食评都无睇就叫左呢几样野问心。。都真系好一般咸水角黎到都淋哂其实细心小小系外卖盒到整返个窿比佢透透气会好好多烧卖-正路唔肥唔瘦岩岩好凤找-够味山竹牛肉都系正路4样的份量都偏细唔难食正正路路
继续阅读