星海．譽宴 (鱷魚恤中心)

营业中

休息中

星期六約咗朋友去觀塘飲茶，朋友建議去鱷魚恤中心譽宴飲茶，咁呢間嘅裝修靚靚，服務又幾好嘅，就去試下啦，等咗一陣就可以入座😁👍🏻 送上來之點心碟碟都熱騰騰，特別是墨汁蝦餃$32 十分正😋咬落多汁好好味。如果2點前落單，還有特價點心-鮮蝦腸粉$18.8 好抵食👍🏻 我哋仲點了蒜蓉斑腩籠仔飯，斑腩新鮮肉質實又好彈牙，我下次去都要點來食👍🏻😋

今日同同事離開觀塘做嘢， 順便喺鱷魚卹中心度望下有啲咩食，同事話想食中菜， 就上咗譽宴睇下有咩食 見到佢有個晚市套餐幾吸引， 仲可以斷位咁樣計， 就嗌咗嚟試下。燒味拼盤拼盤入面有叉燒、海蜇同埋燒腩仔。 燒腩仔外皮炸得好香脆，但肉又唔會話好肥！ 海蜇好惹味爽口，而我最鍾意就係佢嘅叉燒， 燒得好香又好有口感， 嫩嫩嘅肉食到我地食得好和味！花膠元貝燉螺頭個湯係估唔到咁足料，花膠同埋螺頭都好大隻，湯飲落去先甜，應該煲咗好耐而且冇味精，非常健康！西蘭花炒帶子蝦仁帶子好鮮甜，口感爽滑，而且西蘭花煮得啱啱好，唔會太硬亦唔會太林！西施龍躉球龍躉味道新鮮，個汁有少少似濃少少嘅雞湯， 唔會搶咗龍躉嘅味道之餘仲帶出咗佢嘅鮮味！ 嫩滑嘅口感更係加令人停唔到口。乾隆石鍋炒飯石鍋炒飯上到枱仲係熱辣辣冒曬煙， 炒飯簡單炒帶子仔為主菜， 飯炒到粒粒分明而且乾身， 而調味做得唔錯！食完飯仲送咗個紅豆沙畀我哋，相當滿足！

很久沒跟母親大人飲茶，襯著放假陪她。觀塘酒樓眾多，這次再去鱷魚裇大廈2/F這間酒樓最近新裝修成黑夜星海裝潢，有格調又浪漫💕配上牆邊傳統酒樓設計的水族箱，目不暇給。這天豪爽地吃了$468/位套餐🥰前菜有厚切叉燒、燒腩仔和海蜇，叉燒蜜汁香甜軟稔，啖啖肉很好吃😋咀刁的我平常不吃外賣燒腩仔，因為肥肉多外皮又不脆，總不能浪費Quota ，只有偶然吃酒席或是酒樓招牌菜才吃。這份燒腩仔卻令人欲罷不能😍燒得外皮香脆，半肥瘦，入口脆而不膩👍🏻海蜇微辣爽口。花膠元貝燉螺頭：👍🏻👍🏻👍🏻不單有母親大人最愛花膠，還有元貝螺頭，十足海味鮮味，咸淡適中！每碗一件厚身花膠，彈口軟稔度剛好！西蘭花炒大蝦帶子: 西蘭花翠綠爽，剛好熟不過稔唔硬，大蝦🍤爽口，帶子大大粒，酒席必選西施龍躉球- 蒸蛋白： 厚肉龍躉球😍無骨啖啖肉又夠滑，以為只得米白色茨汁，原來底下是嫩滑蒸蛋白😋配上爽口新鮮蘆筍+菇條好好味！乾隆石窩炒飯- 鮑汁海皇炒飯！鮑汁炒飯好入味，用原個石窩上桌，不單保持到水準熱度，窩底炒飯帶少許焦香，配上小貝柱粟米菜粒口感夠豐富😚因為吃得太飽，連附送的紅豆沙也吃不下了！

相識十多年既好姊妹剛為人母，黎梗重會同佢既小寶貝（我契仔xpp）擺百日宴！！佢老公要返工唔得閒，所以呢日就由我同佢上黎試下菜先~~~聽好姊妹講，呢個套餐圍返起就HKd$468一位（包埋茶芥同服務費），當中既菜色湯品都好大睇！！先有燒味拼盤同湯品~~拼盤有叉燒、海蜇同燒腩仔，質素都唔錯，當中既燒腩仔尤其出色，皮脆肉嫩，肥瘦得宜！湯品係“花膠元貝燉螺頭”，呢個燉湯非常足料，每啖都充斥住由雞件同瘦肉帶出元貝螺頭既鮮味~~~接住就係“西蘭花炒帶子蝦仁”，西蘭花脆綠爽甜，而蝦仁大而爽彈，帶子亦為鮮嫩，味道不俗！然後既“西施龍躉球”更係令我喜出望外，甚有驚喜~~龍躉魚片厚切肉嫩，魚皮含住滿滿既膠質！！魚片之下既燉蛋白就係精華所在，滑不留口不在話下，仲要每啖都嚐其之蛋香、魚之鮮，妙極✔✔✔之後既“乾隆石鍋炒飯”作為主食，亦不馬虎~~以石鍋呈上既炒飯既能保温，亦讓底部既飯粒烤至微焦，食落更為香口~~呢個炒飯份量甚多，一鍋已可分成三至四碗！！！幸而飯粒分明，配料同樣不少，既有炒蛋蔥花，也有不少小鮮貝，既是滋味又是惹味，所以在半飽既情况下亦能夠多吃兩三碗xppp宴會之中，最後食既當然係糖水、果盤或者美點雙

上次去譽宴飲朋友喜酒， 無論喺環境食物定係服務都讓我 印象深刻。 故此今餐商務午宴， 就約咗個客去返觀塘嘅譽宴星海， 貪佢食物有質素而且夠派頭， 唔會失禮個客。 觀塘譽宴 喺鱷魚裇中心，由地鐵站經apm行過嚟 只需要一分鐘， 極其方便。 而且餐廳裝修夠華麗夠有睇頭， 首先幾十米長嘅魚缸已經不在話下, 陪襯埋深藍黑色嘅格局， 加埋假天花好似一塊塊閃令令嘅金片， 淨係環境已經覺得舒適一流。 順帶一提呢度仲有室 人造草地可以舉行婚禮 簽紙儀式， 整個環境高尚尊貴。 今餐商務午宴， 叫咗幾客菜式。 燒味拼盤， 有黑毛豬叉燒腩仔同埋海蜇， 叉燒肉質夠淋而入味， 而且半肥瘦，入口即溶。 燒腩仔 以五層腩 入饌， 肥與肉 層層相間， 外皮燒得勁脆。  海蜇酸酸地， 非常彈牙，夠開胃。 花膠元貝鮮雞燉響螺 燉湯超級足料， 湯底以元貝 螺頭 鮮雞 豬肉 花膠等 淆製而成 。 花膠 滋補養顏， 湯頭清甜， 而隔油功夫亦做得好。 整道湯補脾益腎 ， 養顏活膚。 怪不得客人飲到舐舐脷。 西蘭花蝦仁炒帶子 帶子蝦仁新鮮彈牙， 西蘭花爽甜味美。 西施龍躉球 龍躉入口嫩滑，魚味濃， 最不得不提

有外國朋友來香港咁就梗係要帶佢哋去食中菜啦！呢間酒樓好近地鐵站，大概4分鐘嘅步行距離。酒樓裝修亦都好高級，喺度擺酒嘅話感覺好華麗。每一道菜都好精緻，擺碟好有心機，食物味道又好高質。食中菜又點少得點呢個燒味呢！海蜇彈牙，少少酸辣，好開胃！燒腩仔外皮超級脆！有兩隻花膠同埋一大粒元貝，味道甘甜，好滋補，餐廳並沒有吝嗇任何食材！無論蝦球定帶子size 都比較大。蝦球彈牙爽口，帶子軟熟，伴碟嘅蔬菜稍嫌略鹹最欣賞係呢一味蒸石斑。估唔到佢竟然以蒸蛋白作為伴碟，味道甜甜地，再配上魚嘅鹹香，令人回味無窮！呢個炒飯分量驚人，仲要用石鍋裝住，所以上菜嗰陣仲係熱辣辣嘅！ 一個人冇可能食得哂。炒飯粒粒分明，味道都唔錯！紅豆沙都幾綿蜜，食到淡淡的陳皮味！

今日我地去左譽宴食飯，位於䲔魚恤中心二樓，唔黎呢到食飯都唔知原來成座大廈都係餐廳，酒樓居多。因為係主打婚宴為主，裡面裝修好夢幻，以藍色為主，咁岩我地就坐左係一體式既大魚缸隔離。燒味拼盤套餐首先上既係燒味拼盤，叉燒，燒腩仔，海蜇。叉燒就算係瘦叉居多既，半肥瘦既fans可能會失望少少。燒腩仔個皮仲係好脆口，海蜇就正常味道。花膠元貝燉響螺呢個湯就不得了，自己煲都未必會落咁多料，味道濃郁，飲完成碗湯，得番既係花膠元貝同響螺。所以點解話自己煲都無咁多料。西蘭花炒帶子蝦仁蝦仁同帶子就無過老，非常彈牙。西蘭花顏色都係綠油油。西施龍躉球龍躉片下面有燉蛋白，龍躉片冇刺，清清淡淡，鮮味十足。乾隆石鍋炒飯石鍋炒飯又真係有石鍋上菜，乾隆又唔知何解呢。紅豆沙是日糖水係紅豆沙，紅豆沙向來看似簡單，但煲到好食都其實好難，沙沙地媽媽既味道。大家同屋企人呢排係觀塘可以去一試究竟。

好耐冇同屋企人晚上一齊去酒樓食晚飯，通常都係中午飲茶多，譽宴有好多間分店，今日就同屋企人去。環境位於APM旁邊既鱷魚恤中心，估唔到傳統既酒樓裝修都咁靚，比較新式既酒樓，以藍色做主調，配合返星海既主題。燒味拼盤原來有每位計既set $468，一人包4餸1湯及糖水，首先嚟既係燒味拼盤包括叉燒四片、腩仔四件及海蜇。叉燒以瘦肉為主，但唔會柴口夠味，腩仔脆皮下帶層脂肪，海蜇彈牙，不錯的燒味拼盤。花膠元貝燉響螺十分足料，有好幾件雞件，大粒元貝，兩三粒響螺，湯頭清甜，飲完好舒服。西蘭花炒帶子蝦仁蝦仁及帶子同樣彈牙，西蘭花新鮮唔會炒到老哂。西施龍躉球龍躉片下面有燉蛋白，龍躉片冇骨刺，配燉蛋白估唔到又幾match，蛋白嫩滑，細細份都夠飽肚。乾隆石鍋炒飯每人都有個石鍋，好似食韓國石鍋拌飯咁，裏面有迷你元貝、瓜粒，飯應該係用左XO醬炒，已經夠味，石鍋炒飯更香，加上有飯焦，鍾意既可以加啲豆瓣醬調味更惹味。紅豆沙是日糖水係紅豆沙，紅豆沙向來看似簡單，其實好難做到好食，呢碗就比較平庸，起唔到沙，幸好唔會死甜。總括而言，一間頗高質既酒樓，裝修美觀，呢個套餐既食物都好係水平之上，亦夠飽肚，後尾屋企人先講原來遲啲有親戚

去咗觀塘呢一間譽宴入面，裝修極之豪華，而且好似帶咗你去水族館咁，兩邊好多魚，裝修氣氛一流，勁似去咗海洋公園咁，食得好開心今次你點左個二人套餐，裏面包左啲燒味拼盤，花膠燉螺頭，西蘭花炒帶子蝦仁，西施龍躉球，仲有石鍋炒飯，當然唔少得飯後甜品啦初初以為個份量好細唔會夠食，點知道原來兩個人份量都夠飽個喎，而且菜式好友中菜水準，極之高質，特別不得不提那個西施龍躉球，做法新穎，魚肉很柔嫩，而且仲用蛋來做配菜，十分之可口，燒味裏便嘅叉燒，燒肉，亦都10分高質總結，嚟到呢度食得個中菜肯定唔會令你失望，而且仲非常有質素，絕對唔會有錯。

依間係小編推薦大家擺酒或者同親朋去試試，食物都有不錯既水準，價錢合理燒味拼盤叉燒半肥瘦，肥瘦均勻👍🏻👍🏻海蜇係小編最愛，燒腩肉質幾軟嫩，皮都香脆花膠元貝燉螺頭螺頭有咬口，花膠，又有瑤柱、雞、豬肉，味道好夠豐富👍🏻西蘭花炒帶子蝦仁西蘭花爽脆，蝦仁夠彈牙，帶子都不錯西施龍躉球蒸蛋白龍躉，成道菜都好滑，龍躉肉質鮮嫩乾隆石鍋炒飯炒飯粒粒分明，配菜有帶子味道都好香楊枝甘露甜品非常足料👍🏻👍🏻

譽宴。星海有靚裝修，環境闊落舒服。二人晚飯，專登叫個套餐，可以每樣都食到，份量又唔會太多。燒味拼盤：叉燒、海蜇、燒腩仔，燒腩仔肥瘦相間，叉燒夠入味。花膠元貝燉螺頭：燉湯好清甜，有大大粒元貝，螺頭有咬口，好足料。西蘭花炒帶子蝦仁：帶子大大粒，蝦仁都算爽口，西蘭花走過油後好有鑊氣。西施龍躉球：龍躉肉好鮮味，下面的蛋白好嫩滑。乾隆石鍋炒飯：炒飯裝在熱辣辣的石鍋上，飯粒乾身，鍋底有點飯焦好香。紅豆沙：最後的糖水都好好味，紅豆沙起沙的，絕不水溜溜呢！

屋企黎緊有喜事，考慮黎觀塘呢間豪裝酒樓擺酒，今晚就黎見識下啲飲宴菜式，原來除左食物真係幾得，連裝修都夠曬氣派，都幾有信心黎呢度擺酒。<燒味拼盤>分別有叉燒、海蜇、燒腩仔。叉燒半肥瘦，海蜇彈牙而調味洽度好處。燒腩切開四小舊，肉質幾軟嫩，一啲都唔鞋口，點啲芥末簡直完美。<花膠元貝燉螺頭>呢個湯超有味，湯料亦好好味，螺頭有咬口，大大塊花膠，又有瑤柱、雞、豬肉，營養都夠曬豐富，而且隔左油先上，感覺唔會好油。<西蘭花炒帶子蝦仁>西蘭花爽脆，如果再熟少少會較好。蝦仁無得彈，夠彈牙，帶子亦非常嫩滑。<西施龍躉球>呢個厲害，一大塊龍躉下面竟然係蒸蛋。等我仲以為係個碗底既白色。龍躉好嫩滑，而且完全無骨。<乾隆石鍋炒飯>黎到係沙沙聲咁每人一個小石鍋上，入面既飯粒粒粒分明，但略嫌比較油，味道係非常出既，有帶子。<楊枝甘露>食到呢度已經幾飽，不過甜品係另一個胃，而且係咁足料既楊枝甘露！味道唔死甜，幾有奶香，作為宴會甜品都幾得體。人均$500左右，幾好。

2019年9月6日 (星期五) 11:15am 35°C 環境光亮整潔，餐具乾淨。 酒家設計以黑色和閃亮燈飾為主，牆壁內裝置超長形魚缸，顏色鮮艷的熱帶魚兒正在慢游，賞心悅目。 人數：6 人 HK$4XX 肉絲炒麵 - 麵條屬幼身，炸得非常香脆，豬肉絲肥瘦適中，只是份量少了些，銀芽爽口。當中伴隨紅蘿蔔絲、冬菇和韮黃，配合大量玻璃茨汁後，感覺滑溜。整體來說，份量適中，味道不會太鹹。【推介之選】❤❤❤ 雪菜鴨絲窩麵 - 鴨肉軟腍，麵條亦是非常幼身，驟眼一看，反而以為是米粉呢 ~ 整體來說，湯多麵少，味道帶辣。 蟹籽燒賣皇 - 大大隻蝦，爽口新鮮，豬肉餡料肥美，蟹籽卜卜脆，味道佳。【推介之選】❤❤❤ 山竹牛肉球 - 牛肉鮮嫩，大大個，咬開內裏肉質呈粉紅色，軟腍不韌，蒸得恰到好處。【推介之選】❤❤❤ 蟲草花棉花雞 - 用蟲草花來配搭雞紮，構思創新，肉質嫩滑，混和茨汁一起吃，味道昇華。 蝦餃之王 - 大大粒，皮薄適中，餡料夠多，蝦肉滑溜。【推介之選】❤❤❤ 安格斯牛肉腸 - 賣相相當獨特，切開六段，牛肉味香，不煙靱，於點上豉油後進食，整體味道得以提昇。 紅豆桂花糕 - 紅豆軟滑又綿密，賣相晶瑩，

作為觀塘友，鱷魚恤中心嘅茶我都飲唔少，有時晚市都會同屋企人嚟食，不過呢日係我地第一次嚟譽宴•星海。環境裝修得好靚，天花版一大片閃閃吊飾，真係有種置身星海既感覺，好浪漫。✨餐前小食一埋位，就已經送上脆脆花生一碟，邊睇電視邊食住等上菜。呢到除左環境優美，值得一讚既係，餐具十分乾淨！基本上唔洗沖水，就咁用都唔驚！✨燒味拼盤(叉燒、腩仔、海蜇)睇賣相就已經知呢個係高質燒味拼盤，色澤亮麗唔乾身。海蜇少少辣，彈牙爽脆；腩仔塊皮超脆，仲好鬆化，肉質半肥瘦；叉燒蜜汁香濃，仲好JUICY！呢個燒味拼盤好味之餘，份量足，係一個好好既開始。✨花膠元貝燉螺頭燉湯好夠火候，花膠元貝已經燉到好腍身，全個湯都好清，有好香濃既元貝味，入面既瘦肉同雞都好入味，好滑。✨西蘭花炒帶子蝦仁每人一份，每一份都唔少，好有鑊氣，蝦仁彈牙，帶子好有鮮味。✨西施龍躉球賣相精美有貴氣，龍躉皮煙韌有彈性，骨膠原濃厚。龍躉肉質結實彈牙，鮮味十足。底下既蛋白吸收埋龍躉既精華，鮮甜滑溜。✨乾隆石鍋炒飯熱辣辣上枱，店員好好，幫我地小心擺放好，仲再三提醒我地要小心辣親，因為真係好熱！炒飯炒得乾身，粒粒分明，食落好香口，入面仲有唔少小元貝。較底位置仲

平時去譽宴就去得多, 今次都係第一次黎譽宴。星海. 聽個名已經覺得好特別，就黎睇下呢間同普通既譽宴有咩分別先!一打開lift門，見到個門口已經 ”嘩” 左一聲. 以深藍色為主調既裝修，加上天花上吊燈，感覺好華麗，好有酒店既感覺! 淨係見到呢個環境已經好期待進餐!!今日我地二人同行，叫少少野試試先!第一道 – 花膠元貝燉螺頭嘩! 好足料! 成個碗都裝滿晒D花膠元貝同螺頭! 個湯都好入味，飲第一口覺得好滋潤，再飲，好滋潤好滋潤，飲完湯食埋D湯料後，成個人都潤晒!第二道 – 燒味拼盤嘩嘩! 個presentation好得，整到D燒味好精緻! 燒肉皮脆，內就一般軟，係豬較瘦的部分。而叉燒亦較瘦，不是半肥瘦那種，不過不失。而海折就正常味道!第三道 – 西蘭花炒帶子蝦仁又係驚喜於個presentation，賣相好精緻!! 如相顯示，好大粒帶子，帶子有口感!!第四道 – 西施龍躉球呢碟簡直係藝術品!! 望左好耐都唔捨得食!!! 龍躉好大舊好鮮甜，食完仲想encroce! 而龍躉下滑蛋好滑，不錯不錯!第五道 – 乾隆石鍋炒飯果然無改錯名，成鍋飯都金黃色，好有氣派! 由於原鍋上，炒飯既溫度keep得好好