星海．譽宴 (鱷魚恤中心)

营业中

休息中

收工有人請食飯，去酒樓食下小炒吹吹水🥳，都有陣子無上黎，原來酒樓裝修過，都幾靚👍🏻，成個感覺好似upgrade咗咁，擺酒都唔錯既選擇👍🏻。叫左個燒味拼盤，有海蜇，有豉油雞🐔，有乳豬件🐷，乳豬件食落啖啖肉仆好脆皮🤩，豉油雞食落好滑👍🏻，都差唔有半隻雞👍🏻。湯品經部長介紹，黑蒜螺頭燉雞湯，平時螺頭燉雞湯飲得多，呢個黑蒜湯都係第一次飲🤣，一打開個湯，哇左一聲出嚟😯，湯面無咩油，幾清，飲落依然好香螺頭味，黑蒜唔會太搶😎胡椒蟹真係要講，因為真係超正，胡椒味勁香，辣辣地惹味🤤，蟹都幾新鮮，啖啖肉，又結實，有口感又夠味🤗，食完真係舔手指😋仲有玉環鮑魚盅，係瓜甫鮑魚🤩，個鮑魚好好味，煮得入味，軟綿得黎又彈牙，一隻真係唔夠喉🤣。西施蛋白蝦球，個賣相幾靚，感覺清清地，睇落以為得幾啖，但原來食落都幾大碗🤣，蛋白配上透明㳄汁，少少咸味🧂，味道恰好👍🏻。我鐘意食福建炒飯，因為乾得黎又濕濕地🤩，炒飯底再配上肉粒翠玉瓜蝦仁㳄😍，唔錯，乾濕相衡👍🏻。最後當然要食返個紅豆沙，起晒沙，杰撻撻嘅紅豆沙，真係要酒樓先至做到，正👍🏻

屋企人好鍾意食中菜，於是我前幾日同屋企人夜晚去左呢間譽宴食飯。黑蒜螺頭燉雞湯呢個燉湯感覺好滋補養生，黑蒜味重，食材足料。燒味拼盤有三款燒味，我最鍾意就係啲雞，雞肉嫩滑，雞味重，好食。玉環鮑魚盅隻鮑魚味道香濃彈牙，配埋清新嘅瓜，好味。西施蛋白蝦球燉蛋白好滑，上面有一隻蝦球。蝦球大大隻，又彈牙爽口。呢個感覺好似幾養顏咁。福建炒飯炒飯好大碟！上面嘅海鮮亦都多，有蝦同埋帶子之類。炒飯炒得乾身，粒粒分明，好香好有鑊氣，我好鍾意食個炒飯。招牌白胡椒蟹晚市優惠價$298就有得食。隻蟹好大隻，夠幾個人share食。用鐵板上嘅蟹熱辣辣，上檯之後店員會淋上白胡椒汁。蟹有好香嘅白胡椒味，非常惹味，蟹肉亦都好鮮甜。紅豆沙最後送上甜品，今次係紅豆沙。紅豆沙唔會過甜，但飲到有好多紅豆粒，幾好。呢餐真係豐富，屋企人同我都食得好開心。

< 譽宴 • 星海 > 📍觀塘見幾日同屋企人食飯，就去咗譽宴食。招牌白胡椒蟹見到做緊優惠就叫一隻試下，賣相好吸引🥰 店員會再淋醬汁，胡椒味啱啱好，唔會好辣。蟹膏好甘香，蟹肉肉質肥美鮮甜，充滿白胡椒味😋燒味拼盤拼盤有脆皮燒腩仔、豉油雞同燒鵝，脆皮燒腩仔嘅外皮香脆，肉質鬆化，肥瘦適中🥰 豉油雞好嫩滑，唔會好鹹。燒鵝皮脆，食落一啲都唔肥，肉質都唔會嚡口😆脆皮咕嚕肉開頭以為同出面嘅差唔多，但食落就知呢度嘅特別香脆。😛酸甜嘅醬汁包住每舊咕嚕肉，菠蘿同青椒等配菜都好出色。涼瓜肉鬆煎蛋角涼瓜處理得好好，一啲都唔苦，我都食到。蛋角煎得好香，加埋肉碎多種層次。😆黃金海皇炒飯海皇炒飯好大碟，炒得好香。飯粒分明，有多蝦仁粒同翠玉瓜，啱晒我口味🙌🏼

難得平日放假可以同屋企人去嘆茶🫖媽媽鍾意食中菜點心拼盤🍡蝦餃，燒賣，菜苗餃，馬拉糕！蝦餃皮薄餡靚！燒味拼盤有脆皮燒腩仔，海蜇，叉燒，燒肉好新鮮塊皮卜卜脆！脆皮咕嚕肉咕嚕肉啖啖肉，一粒骨同肥膏都冇，出奇地一啲都唔肥，個人認為咕嚕肉超級出色！仲要係用新鮮菠蘿🍍！欖菜肉鬆四季豆炒得好爽脆，火喉剛剛好！乾隆石鍋炒飯炒飯粒粒均勻，帶子鮮甜！紅豆沙甜品有紅豆沙，幾好味，唔會太甜！

觀塘咁多間酒樓揀邊間好呢 見到譽宴出左個胡椒蟹煲 好似好正咁 一於試一試啦 招牌胡椒蟹煲 做緊特價 $298 嘩 超大隻蟹呀 上枱職員係你面前倒胡椒汁落去 咋渣聲 熱辣辣 胡椒汁唔會太辣鹹淡適中 食落去都好多肉啊 好正好快清晒成隻蟹Dry dry 地飲淡湯先 黑蒜螺頭燉雞湯 無味精 真材實料另外叫左個燒味拼盤 叉燒油雞海蜇玉環鮑魚盅 都好大粒鮑魚 個節瓜就無咩味 都係靠佢個汁 福建炒飯 好足料啊 有蝦有帶子有肉 濕炒飯真係要趁熱食 如果唔係啲汁好快會變到一pat最後食埋紅豆沙就好滿足啦

生日朝早想輕鬆飲個靚茶，就試下呢間質素如何。小籠包味道唔錯，但有2隻穿咗，冇乜汁。椒鹽炸豆腐口感一流，外脆內嫩。好似係墨汁蝦餃，其實個皮冇乜特別味道。腸粉皮夠薄又唔易爛，少少煙韌口感。唔記得名了，不過幾好食，裡面係春卷蝦肉餡有花膠，味道一般般。每次飲茶必嗌鳳爪，十分惹味，略嫌唔夠冧。個第一印象係好大粒 味道中規中矩啦。呢間酒樓食物質數係幾好，對得住價錢。環境幾靚，衛生良好。服務員態度唔錯，上餐都好快手，不過張單係咪冇乜用，唔cup印仔嘅😂

今日同老豆到觀塘譽宴食晚餐，員工介紹餐廳出佐新品油浸魚，同傳統啲油浸魚唔同，魚應該有炸過，表皮系金黃色，卡茲卡茲脆卜卜，魚系淡水魚，豐腴雪白的魚肉外酥內嫩。脆皮燒乳鴿：皮脆肉嫩，鮮香味美，口感鹹鮮。黑蒜螺頭燉雞湯：養生湯水，可以補益肝腎、滋陰養顏😄黑蒜令湯水帶有微微的甘甜，為味覺帶來另一番滋味，佢入口冇大蒜的辛辣感。杭州香醋一口骨：啡啡黑黑、酸酸甜甜，醋味濃、肉質肥厚，濃而不膩、酸中帶甜。黑椒金薯牛仔粒：色彩鮮豔，薯仔粒外脆內軟，牛肉粒肉味香濃，菇粒有嚼勁。乾隆石鍋炒飯：份量十足，有帶子粒、瑤柱絲、翠玉瓜粒，飯炒得粒粒分明，好香且唔會鹹。甜品系陳皮紅豆沙：稠稠沙沙，淡淡啲陳皮香味，食完後唇齒留香。我啲食得好飽好滿足，員工熱情服務到位。

放假同媽媽近近地去觀塘飲茶，鱷魚恤中心酒樓集中，我地揀左2樓既譽宴，一出𨋢企滿人好旺場，等左半個鐘就有位～點左二人餐點心拼盤蝦餃、燒賣、潮州粉果、粗糧糕各兩件蝦餃大大隻，皮薄蝦肉新鮮彈牙！燒賣既豬肉幾鮮味，散發豬油香。潮州粉果大大隻入面嘅葛粒、花生足料！粗糧糕充滿燕麥味幾香，糕身幾挺身脆皮燒腩仔外皮夠香脆，脂肪唔多肥瘦相稱均勻，肉質夠腍帶嚼勁。豐料老火湯時令青紅蘿蔔豬骨湯，啱哂咁熱既天氣，清熱降火。夠火喉每人有三碗，味道清甜。有埋雪耳感覺好滋潤！ 杭州香醋一口骨賣相好靚，充斥住黑醋香，一口骨既外層炸得脆口，內裡肉質鬆軟，入口一咬離骨，幾惹味。福建炒飯大大碟份量好多，金黄色既炒飯上面蓋滿蝦肉、豬肉、翠玉瓜粒等材料，加上瑤柱芡汁。芡汁杰度剛好，濕濕地拌埋所有材料食口感豐富！ 最後上埋甜品，紅豆沙，清甜中帶果皮香，紅豆入口軟腍！整體分量幾多，可以3人享用！

平時飲茶鍾意黎譽宴！今晚同朋友慶祝生日！黎咗試下晚飯睇下得唔得😃！心大心細揀食🦞定🦀好！最後揀咗芝士澳洲龍蝦🦞配伊面底！一隻🦞斤半重。啖啖肉我鍾意😍！🦞肉彈牙爽甜！新鮮度爆燈！條條伊面索晒d芝士汁！相當邪惡🤪！脆皮咕嚕肉外皮香脆肉嫩！酸酸甜甜好開胃😛！涼瓜肉鬆煎🥚角一客四件share岩岩好😬！落足料每啖都食到苦瓜！餡料仲加埋肉粒！大大🈵️足😎！紅豆沙食落有小小起沙！口感幼滑！好滋潤🥰！

［譽宴·星海］鱷魚恤中心入面咁多食肆，其中偏愛食譽宴，好食之餘又會推出吓新菜式保持新鮮感，所以今日又嚟開餐喇~#招牌白胡椒蟹賣相極吸引極具霸氣🤤胡椒味啱啱好，突出蟹肉本身嘅鮮甜而唔會太搶，蟹肉肉質juicy肥美，外殻有香噴噴嘅胡椒味而內裡食到蟹肉嘅鮮味，大滿足😋#燒味拼盤拼盤有叉燒、豉油雞同燒鵝，叉燒色澤同肉質都唔錯，不過個人鍾意唔健康嘅肥叉多啲🤭豉油雞好嫩滑，有水準！比較驚喜嘅係燒鵝，可以做到無肥肉但食落唔會乾柴，怕肥肉嘅朋友可以一試！#脆皮咕嚕肉外皮同平時食嘅唔同，得別脆口，細微嘅地方都見到師傅嘅心思👍🏼內裡肉質爽口，我就係鍾意呢啲啖啖肉嘅感覺🤣#涼瓜肉鬆煎蛋角加入肉鬆，口感更豐富，涼瓜處理得幾好，唔會苦，係易接受嘅口味，簡單嘅菜式更食到師傅嘅功力！#黃金海皇炒飯咸蛋黃fans必試！炒飯充滿咸蛋黃嘅香味，飯粒亦粒粒分明，啱晒我口味🙌🏼🔺🔺🔺🔺🔺🔺🔺🔺🔺🔺🔺🔺譽宴觀塘開源道79號鱷魚恤中心2樓🔻🔻🔻🔻🔻🔻🔻🔻🔻🔻🔻🔻

呢排行過成日見到個胡椒蟹既廣告，今日終於都嚟食! 結果真係冇令我地失望，整體非常出色!成個蟹係炒好再用砂鍋上，熱辣辣再加上隻蟹好厚肉，肉質鮮嫩又入味，胡椒味濃而不辣，重點係蟹膏超誇張，呢個價錢食到咁既蟹真係物超所值！螺頭雞湯原盅上夠哂入味而且足料，冇咩油飲落好順喉。脆皮燒乳鴿新鮮即制皮脆肉嫩，其實只要夠新鮮已經好好食！香醋一口骨＆黑椒牛柳粒呢兩個都係功夫菜好考師傅手勢，但呢度真係有班好勁既師傅，兩道菜都好好食，重點係唔會過咸，又食到食材鮮味又有醬汁既香!石鍋炒飯有埋飯焦而且石鍋上保暖好勁，飯炒得夠乾身!

好耐無同同事一齊飲茶，今日見老闆叫到，就一於早D出門口去拎位!由於12點幾係飲茶的高峰期，都等左一陣先有位!見到餐牌，都有啲優惠價，所以好快就諗咗今餐想食啲乜！🍡燒味拼盤燒味拼盤有海蜇、叉燒及豬腩肉！分量少少啱晒我呢啲咩都想試嘅人！海哲好脆好有彈性，少少辣味好開胃😌叉燒甜甜地，好軟身，又唔算太肥！🤩豬腩肉皮夠脆同埋好厚肉，重要佢一啲都唔鹹，有幾次食過街市買返嚟勁鹹之後真係頂唔順！🤣🤣🍡點心拼盤 HK$55第一次見酒樓有燕麥糕，好奇之下就叫咗個點心拼盤！燕麥糕味道淡淡地，咬落有少少粒粒，同都幾濕潤，有啲似食緊濕潤版嘅麥皮饅頭！如果佢有得散賣做早餐就好啦！燒賣好大粒，豬肉好軟熟，好嫩！🤤蝦餃皮薄，入面收埋成隻大蝦仲要好有彈性！😍😍😍潮州粉果餡好多，調味亦都啱啱好，但可惜係比起蝦餃塊皮大約厚咗約一倍🙈🙈🍡脆皮咕嚕肉 HK$88咕嚕肉夠酸，最緊要係無骨啖啖肉！好開胃！🍡欖菜肉崧四季豆 HK$53四季豆煮到好軟身，肉碎份量比例夠，咸咸地送飯一流！👍🏻🍡乾隆皇石鍋炒飯 HK$118炒飯用石鍋上，可以食到啲飯焦，硬硬地脆脆地，正！炒飯都有好多材料，有帶子粒，櫻花蝦，瑤柱同火腿！🤤

太耐冇飲茶嘆一盅兩件, 今日同媽咪去開觀塘, 記得鱷魚恤中心果座亦係酒樓集中地, 正好順路去飲餐茶。一向知道譽宴口痺唔錯, 諗住上去望下有咩岩食, 點知平日中午時段, 一開lift門, 已見唔少人等入座。咁多人幫襯, 馬上拎位等入座。酒樓以寶藍色做主調, 比起傳統酒店感覺更華麗。揀左午市二人餐 HK$238/位 (包茶芥, 另加一)點心併盤, 包含了四款點心,蝦餃脤卜卜, 皮唔算好厚, 蝦肉爽口鮮甜彈牙燒賣中食到鮮味豬肉餡料, 唔會太乾嫌粉果皮厚左d, 入面粉葛爽口有層次白糖糕有些少乾身唔太甜燒乳鴿: 皮不算很脆, 但肉質嫩滑多汁, 經鹵水浸過都幾入味沙拉蝦球: 蝦球被炸過, 炸皮薄脆唔會太厚, 表面平均沾上沙拉醬, 甜甜地, 蝦肉很爽, 口感同味道一流! 家常燒豆腐: 豆腐外皮索左個汁, 茨汁微微地鹹, 配上雲耳、肉絲, 食落不單調 黃金海皇炒飯: 炒得很有穫氣, 飯粒粒粒分明, 細味有鹹蛋黃香, 跟蝦肉粒同蔬菜粒炒起, 很有層次。最後紅豆沙做甜品, 口感棉滑, 甜度剛好。

提早慶祝父親節🥰好開心屋企人都中意食我安排既呢間餐廳我下次都會黎👍🏻👍🏻👍🏻招牌白胡椒肉蟹 十級推介 又鮮又啖啖肉 真心好食👍🏻黑蒜螺頭燉雞湯飲得出佢好足料 好濃味 本人自己好中意老火湯 呢個真係好岩我 又健康又好飲燒肉拼盤玉環鮑魚盅鮑魚汁好特別 鮑魚彈牙有咬口西施蛋白蝦球蝦球大隻都好嫩好彈口 蛋白超滑蒸得岩岩好 福建炒飯鴨胸粒 冬菇粒 雞肉粒 小元貝 蝦 炒飯粒粒分明有鑊氣👍🏻甜品紅豆沙多紅豆 紅豆唔會太甜 仲有少少陳皮味調劑下 我中意差的想叫多碗添呀😂

友人相約官塘午飯聚聚，我們選了……譽宴.星海叫了個午套餐瓦煲上的豐料老火湯，節瓜红羅白南北杏豬骨湯，清甜滋潤的湯水！脆皮燒腩仔，皮燒得脆脆，不肥而入味燒腩仔做得很不錯！點心拼盤共四款，有蝦餃、燒賣、潮洲粉果、粗糧糕，每款點心用料新鲜，也做得有水準，尤以粗糧糕，我們也叫好！杭州香醋一口骨，此精選靓肉帶骨，此上香醋做而肉能入味，外脆肉香淋，可知主厨藝非凡！賣相亦佳，正！福建炒钣，所用之食料也豐富，所用食材及調味舆軟棉飯底能配合！甜品陳皮紅豆沙，果皮香又不太甜，火路夠，小小甜品也是好！和友人久未相聚，今次在官塘譽宴星海此午飯聚，其價錢合理，用料及味道都好，環境清雅，員工服務待客有禮，整體是滿意，並預算下次會约友再聚於此！