星星 Pho Cha

营业中

休息中

開頭無 expect呢間餐廳會好好食，去到 d waitress好有耐性 recommend我地咩好食。同好多 韓菜一樣會俾 side dish我地，d side dish幾好食，特別係 d eggplant.kimchi都係side dish, 佢 唔算 too spicy and唔太酸。炸雞，一個order有晒 2 隻味 (soy sauce + spicy), 分量都夠 3 個女仔shae. 辣味 其實唔係真係好辣 korean d sauce 都係有 d 扁甜，d雞炸得岩岩好，皮脆肉嫩。我就鐘意 Soy sauce 味多 d, 酸酸 甜甜 咁既，仲有 d 酸瓜其實好好食 好開胃 會越食越多。最好係shop會同 韓國 d shop一樣俾埋手指套你，咁就唔會整dirty d手指。(連外賣都有 好貼心)呢個 芝士抄年糕 超好食 !!!! 個人覺得佢唔辣，但係芝士味超濃，年糕又係soft, d麵 撈埋 d芝士 and d chilly sauce超好食，放凍咗都好好食。年糕又係放凍咗都唔會硬咗。土豆豬肉褒，一路食可以一路滾住 同埋 加湯。略嫌油膩咗少少。柚子酒，我覺得有 d香精味

前排睇到新聞話中國六千旅客迫爆韓國「星你」拍攝地，搞到我暫時都唔敢去韓國玩住，不過又好掛住當地美食喎，唯有黎呢度止住癮先啦！泡菜餃子火鍋(粉絲)大鍋內堆滿泡菜、金菇、餃子、豆腐及粉絲，越煮越香辣。大大隻韓式餃子，包著切得細碎的豬肉及蔬菜，雖然外皮口感比不上中式餃子，但浸在大量濃湯中，每口都包含湯的精華，而且不覺肥膩。芝士炸雞在芝士熱辣辣時，將雞件混合其中捲後拉絲，雞件炸得酥脆，外皮不會太油膩，裡面的雞肉滑溜溜，不會過熟。星星炒粉絲韓國傳統菜式，做法有點像港式炒米粉。韓國粉絲是由番薯乾製而成，味道甜甜辣辣的，配料豐富，對健康當然有益，也很飽肚。星星煎餃子韓式煎餃有點像我們的鍋貼，但皮薄得多，外層煎得金黃，入口有爆破的香脆聲，肉汁在嘴裏四濺，肉香豐腴。

近日成班女同事都中左好深既韓劇毒，個個都攞住手機日煲夜煲《太陽的後裔》，仲鬼咁迷劉大尉，話要識番個oppa做男朋友喎~為左滿足大家嘅幻想，今晚放工就齊齊黎左呢度歎正宗韓國菜~芝士炒年糕 $128吸收左芝士既味道，食落味濃同幾煙韌，不過年糕凍左好易變硬，所以記得要趁熱食。芝士酸辣味炸雞 $148雞嫩醬濃，酸辣汁好吸引，幾乎食一啖就想點多啲醬汁同沾多啲芝士，好在佢個醬唔算油膩，食完唔會飽飽滯滯，keep到雞件香脆可口。特大牛排骨(1件)+LA牛排骨(2件) $198有專人為大家「碎上」方便開心share，肉質夠嫩，甜甜地，好多肉汁，而且厚度啱啱好，食既時候有牛味同時口感唔錯，連埋洋葱一齊放入口別有一番風味。

韓國人真係幸福，到處都係炸雞店，幾次想食就食，每次去旅行我都會買一大盒返酒店慢慢嘆，好在而家港都越來越欠地方有得食，太興奮喇！一坐低諗都唔洗諗，即刻點番份炸雞先，一半辣一半唔辣。有人覺得酸辣炸雞既賣相有點似咕嚕肉，其實比起咕嚕肉，酸辣炸雞既醬汁仲係酸甜中還少少辣，再配埋沙律菜同醃蘿蔔，都好開胃下，一碟炸雞有齊雞翼同雞鎚，同朋友share就最HAPPY！呢度既炒粉絲都唔錯，食得出用麻油烹調過，咬落煙煙韌韌，加上木耳、冬菇、洋蔥等，更覺可口滋味。而睇落去好很普通既飯團，韓式海苔入面包含鹽、芝麻油、芝麻及糖等，飯粒好有黏性呢，是幾正既自家出品~

今日上韓文堂，老師剛好教到韓國料理的講法，於是落堂後就跟同學仔來這裡實習兼開餐。芝士炒年糕：韓式辣醬的色澤鮮亮，看起來就令人食慾大增，年糕口感軟糯彈牙，配上香辣的醬汁及味道濃郁的芝士，好搶手。烤熏製鴨肉：烤出帶陣陣獨特煙熏木香味，皮薄脆，鴨肉脂肪均勻、嫩滑鮮味，夾生菜食即可平衡油膩感。韓式粉絲雞煲：近年香港人都紛紛迷上雞煲，韓式做法你又試過未？汁底甜甜辣辣，粉絲索盡所有汁的精華，雞件大大塊，入口又香又辣，配埋薯仔、蘿蔔、洋葱等配菜，非常豐富和惹味，佐飯也會相當不錯。

一直在懷疑自己上輩子到底是不是韓國人，怎麼那麼喜歡韓國料理？小女子平時愛煮幾味，於是來這裡吃飯兼順道取經。泡菜炒飯我在家也曾弄過，酸香微辣的泡菜混合培根香的米飯，炒飯起鍋前撒入鹽烤海苔。這裡的泡菜炒飯炮製得頗有風味，帶點辣味之餘又夠香口。泡菜煎餅我亦弄過，做法看似非常簡單，但要保持酥脆可口就很考工夫了！用辣泡菜和有嚼勁的魷魚炮製而成，這裡的出品上枱時熱騰騰的十分美味，而且帶點微辣，特別開胃呢！韓式蛋卷倒是我一直想弄卻不敢亂來的，因為不知道怎樣才能做到像這裡吃到的，軟嫩的雞蛋加酸辣的泡菜，很夠味，我也忍不住向店員詢問一番，他們也很好的跟我聊起來。最後當然少不了炸雞吧，沒有它感覺總好像缺少了什麼！雞塊外層炸得鬆脆，內裡雞肉嫩滑多汁。這裡的炸雞全部即叫即炸，份量十足，酸辣的韓式醬汁亦算惹味。

我有少少"美食直覺"， 就是看到餐牌看到哪道菜好味今次我看到星星覺得芝士炸雞好味，結果如何呢？星期五晚上六時許到達，基本上只有我一個客人我想坐四人枱但不太懂中文的侍應禮貌地請我坐靠窗的二人枱，就算吧，好像是ＢＯＯＫ　晒枱點了芝士炸雞，有辣或不辣，但我只想試原味侍應很快遞上韓式小菜，滿滿一兜幾開心，有泡菜，芽菜，菠菜等涼涼地幾開胃主菜芝士炸雞送上很大盤，芝士淋滿在炸雞和粟米上侍應主動幫忙，為我用匙羹將芝士攪勻在炸雞上一吃，果然是啖啖芝味！炸雞炸的很嫩，不是鞋恰恰的，油吃得出來不是用翻炸很多次的份量非常足夠一個人食　（其實很飽）粟米沾滿芝士非常惹味要趁熱吃，冷了的話就有一股肉的腥味跑出來主菜炸雞上枱時，會有另外兩碟小菜，酸蘿白同唔記得左咩仲會有一個盆比你ＬＵＲ骨同埋奉上指套（大小設計僅套得到手指公同食指），哈，細心位！其實我都幾憎成枱屍骸，盤有膠袋墊底非常衛生指套用處食完亦都唔駛成手油未食過韓式炸雞，以為只是ＫＦＣ　之流百幾蚊食炸雞。。。過不了心理關口但試完，真係值回票價期望試下其他款式炸雞食完２個鐘之後行過鋪頭，點知真係ＦＵＬＬ　ＨＯＵＳＥ。。。哈

芝士炸雞（$158）炸雞呢樣野，司令點食都唔會厭。而最近炸雞亦都多左好多新搞作，搞到司令頻頻去食炸雞！今次司令講既係芝士炸雞，濃濃既芝士粟米拌埋炸雞，真係好淫賤😍！韓式炸雞炸得唔油，不過就有啲乾同硬喇，同埋司令係喺啲芝士卜吱卜吱既時候食，但炸雞都係唔熱！因為唔夠熱，所以啲炸雞溝埋啲芝士食落變得更膩，呢度就真係大大減分😩！如果炸雞夠熱既話🤔🤔🤔，我相信就唔同晒喇，不過啲粟米真係幾好味！

近日同一時間煲緊幾套韓劇，真係睇得超投入，所以又忍唔住拉埋幾個fd黎呢度朝聖，當正自己半個韓妹仔。首先梗係叫個部隊火鍋啦，唔係點稱得上係韓迷呀，見到劇入面D主角都成日拉大隊歎部隊鍋，一口泡菜、一口腸子，一口餐肉，睇落平凡，食落充滿風味，仲有大塊芝士mix埋公仔麵，非常豐富，如果可以同oppa一人一啖就好喇，哈哈~之後上枱嘅係人氣十足嘅醬油蟹，又係見到好多韓星必食，點可以唔跟？食法當然亦要跟到足，就係直接將紫菜飯加入蟹蓋內同蟹膏一齊拌食，咁樣就可以嘗真蟹嘅鮮味同鹹香，正~仲有記得之前睇running man，見到成員去左食牛排骨，食到好滋味咁，所以我地都order左特大牛仔骨+LA牛仔骨，店員好細心幫我地碎上，之後包入生菜送入口，惹味得黎唔怕太油膩，亦能豐富牛肉嘅口感~真係好羨慕韓國人可以成日食到咁多美食，黎呢度食總算係滿足我地一班韓粉嘅心癮啦！

新一年當然希望有進步，所以一定要食寓意步步高陞嘅年糕應節，呢種咁好意頭嘅食品，中、日、韓三地各具特色，我就最愛香辣惹味嘅韓國年糕，而呢度嘅星星炒年糕沾滿韓式辣醬，口感煙韌，食落唔會太硬或者太黏，細味之下仲有一陣米香，唔會一味得個辣字，正！另外我想講下呢度嘅環境，設計上花咗唔少心思，令人感覺好似入咗間秘店搵嘢食咁，而到處都見到星星圖案，少少浪漫又有特色，令店名更深入民心。

前陣子到首爾旅遊，那邊的炸雞啤酒潮依然吹得狂熱，隨處都能嘗得到；回到香港，十分懷念那份味道，於是特意上網搜尋，找到這家看上去很地道正宗的韓國餐廳，希望能重拾那種令人一試難忘的滋味！鐵板菜式在韓國一向大受歡迎，這裡的芝士炸雞正好包含了炸雞、芝士和鐵板3大人氣元素，一上枱職員就馬上幫客人將芝士及雞件二合為一，邊炒邊傳來陣陣 濃郁芝士味，非常吸引！大家記得要趁熱食，熱熔的芝士包圍著香脆的雞件，一口咬下去即嘗到啖啖肉的嫩滑雞件，與芝士同吃格外惹味，而粟米粒就起了中和膩感的作用，同時豐富了口感。有炸雞，又怎能少得它的好拍檔啤酒呢？這裡的海特真露正進行推廣，合乎我心意，啤酒口感新鮮甘醇，細味頓覺清涼順口，獨特的麥芽香氣更讓人甚為陶醉，感覺自己就像劇中的千頌伊一樣，一口雞一啖啤酒才是王道，不用轉場就能吃得好又飲得盡情！

近年見到或聽到「星星」呢兩隻字，九成九人都會諗起果套hit爆全亞洲嘅韓劇，所以呢間位於佐敦嘅韓國餐廳亦打正旗號用呢個term作為舖名，易記又直接！餐廳走時尚型格路線，雖然舖仔細細，不過裝潢令人睇落好舒服，而且牆上貼咗唔少韓星相，當然唔少得都教授啦！韓迷嚟到未食都會好興奮，場內亦有唔少星星形狀嘅擺設作呼應，整體上令食客有置身韓國當地餐廳嘅感覺。菜式方面，一系列傳統大熱韓菜都食得多，今晚我就同朋友order咗星星拼份炸雞、韓式豬手同醬油蟹。現場所見，星星拼份炸雞幾乎係每枱都叫嘅美食，可能大家都想應下景、過下電視劇主角癮啦！有豉汁味同香辣味，份量充足，兩個人share就最好，難得入口雞皮香脆而不厚粉，炸得香而唔係太油，雞件都幾嫩滑，個辣醬仲好juicy添！而韓式豬手亦係韓國人常吃嘅道地美食，充滿骨膠原，美容功效受到韓妹仔熱捧~呢度嘅豬手整得好入味，表面鋪滿芝麻香，咬落去彈牙有口感，一件一件送入去，好快就掃晒~至於提到醬油蟹，好多人認為得個「鹹」字，而呢度嘅醬油蟹食落就比較有層次，蟹蓋如手掌般大，蟹肉軟糯鮮甜，最重要係無腥味，相信同來貨新鮮有關，建議將深啡色嘅醬油混入蟹膏一齊送入口，既豐腴又提

近年韓食店進攻香港，本人是一個芝士迷就想試下韓風的芝士炸雞，網上看到有介紹好像蠻吸引的所以就來了這家「星星PHO CHA SENG SENG KOREAN CUISINE」。大約7時左右從佐敦地鐵站走過去文英街原來都要一段時間，還以為要排隊，可能時間尚早吧，就有位直接入去坐了。對，我們是為了芝士炸雞而來，所以我們揀的第一樣菜就是芝士炸雞，而我和朋友都吃辣，因而點了辣的。因為怕芝士炸雞會太膩，另外只點了一個湯鍋，湯鍋的選擇都不少，我們就點了比較少見的土豆豬骨湯，食炸雞當然還每人都點了一枝韓國啤酒！ 這個辣味芝士炸雞，是我有太大的期望嗎首先，看圖都可以見到粟米粒比芝士還要多，咬一口，真的百感交集。粟米粒應該是用牛油煮過，所以很膩，而炸雞的部份皮很厚，肉都不嫩如果粟米粒的作用是用來調和芝士炸雞的話，配搭其實也可以很不錯，不過可惜牛油粟米太膩，整體加在一起，真的over了另外這個叫做土豆豬骨湯，這個湯是很地道的嗎 第一次試，整個湯都是圖中可以看到的紅色粒粒，味道似是花椒但又不太似，這個湯本身可能很好喝，但不是我們兩個的胃口，土豆很硬沒有味，豬骨也是題外話，餐桌太細張了，放低一個P

上星期去到佐敦文英街探個朋友，之後見到有間韓國餐廳“星星Pho Cha”,就去試一下。地方好细，得幾張枱，門口擺放左好多雜物，睇見都無乜胃口，不過入到去就即管一試我地叫左碟鴛鴦炸雞，D炸粉好厚，淨係食到D粉槳，而D雞肉好靱，都咬唔爛，都唔知點吞；再叫多碟醬油蟹，腥都不得了，同我以前食完全兩回事，D醬油味又怪怪地同好濃味，我懷疑可能D蟹唔新鮮，想用醬油蓋左D腥味。呢間星星完全破壞曬韓菜嘅特色同品質，下次唔使錢都唔會再去！

位處佐敦“文字樓”一帶, 其實唔難搵! 兩個人小聚, 從地鐵站相約行過嚟都好方便!一坐低即時可點菜, 因為炸雞是必須的! 衹是取決在原味炸雞還是酸辣炸雞! 最後決定! 酸辣味!上枱後,老闆娘用咗9秒9時間, 將芝士同雞融合為一! 個樣己經不得了! 濃濃芝士味, 一定要即時熱食!呢個炆牛仔骨, 牛味好濃, 不過好韓式地道口味! ...好甜!冇得輸嘅蛋卷! 裏面又係濃濃芝士! 肥死!泡菜海鮮湯: 海鮮就冇乜, 不過主要想飲個泡菜湯, 所以其實就算冇咩海鮮但加上其他蔬菜同豆腐再配白飯已經是大滿足!