星星 Pho Cha

营业中

休息中

Haven't been here for a year and the Korean superstars posters on the wall have been changed a lot!! Food menu is new, decoration is new but the taste is gonna as good as what I recognized!We ordered 2 sets of gimbap, really my favour. Some varieties of gimbap include cheese, spicy cooked squid, kimchi, I also love the gim has been brushed with sesame oil as well! Seafood fried rice with cheese doesn't quite enough for 3 persons but it's really a huge plate of cheese all around the fried rice. T

今日黎開呢頭探朋友，探完之後搵地方醫肚，就黎左呢度~呢間店入到黎好似去左韓國，好地道的感覺~原本這裡剛轉了新menu, 所以與以前的不同，剛好有機會試新野~老闆地道韓國人，親切又熱情~第一道少不了就係我最愛的前菜啦~原味紫菜包飯 $48紫菜包飯(韓文叫Gim Bap)，餡料很豐富，去韓國街頭買來的都是到用錫紙包著原條紫菜包飯，但這樣就切開用碟上，更方便吃呢~呢味有MIX 3款, 包括紫菜包餅, 炒年糕及韓式粉絲豬 $98根據老闆娘解釋，這味MIX 的3款，每樣配料的開頭加起黎就是Kim Top Sun, 是像韓國的女人名字呢~三款都好好味,  我特別喜愛炒年糕呢, 『떡볶이』Dok bo gi, 當年學左韓文, 去韓國最叻係點呢味菜~ 年糕吸收左醬料之後，口感煙韌而又不黏牙，層次很豐富。至於冷面$83 酸酸地很開胃呢~ 芝士海鮮炒飯$98呢味好邪惡呀~好香芝士味，上碟之後撈埋D飯一齊食，好好味~最後當然少不了飲番杯地道韓國飲品啦，錫蘭檸檬茶$13好香茶味又不太甜~下次要同喜歡韓國野的朋友黎先，感受韓國地道人情味同溫暖~

經常去星星食午餐，貪佢選擇多，價錢比同佢其他餐廳平。餐盒試過: 牛肉餐盒，豬肉餐盒，泡菜炒飯餐盒，配料多小菜多款，份量多，幾抵食Set lunch 試過：兩款拉麵，冷麵，自造飯團有麻油香，撈埋芝麻好好味。拉麵辣度大約譚仔五小辣，再辣d就未必太多人食到。今日食左芝士飯團，初初以為會好滯好飽，點知食完成個都覺得可以再食，一d飽滯感都無，十分驚喜。 芝士足料香濃，姐姐仲會上菜之後幫你撈均先比你食，唔洗自己搞咁多野

個醬蟹好好食，又大隻，個人認為好食過醬缸😂如果食燒肉，老闆娘仲會親自出馬，又會教你韓國人食燒肉嘅方法！雖然d炸雞麻麻，但份量多，4個餸都夠5、6個人食！而且燒酒種類都幾多選擇

來到呢頭番工，炎炎夏日唔係商場食既原因梗係因為為荷包著想啦，呢間星星以前食過晚餐，都唔平架，但lunch就變得好抵食～叫左呢個韓式飯盒，老實說呢個豬腰兜造型好似醫院入面D洗傷口既兜兜xD  Sorry影響食欲，但我唔怕既（因為見好多人都食緊！）驟眼睇份量唔多，送都係得菜同腸／餐肉，但飯好味，係偏黏性既飯，痴住D紫菜一齊食無咁寡；D菜味道都唔錯，lunch set仲跟埋湯（胡椒／蘿白／冬瓜既清湯）同泡菜，嗜辣既我其實泡菜送飯都好滿足啦（1餐半餐既話）！

今日lunch三個人去咗佐敦間星星食韓國嘢。間餐廳就比較坐得迫夾， 牆上面貼滿曬韓星嘅相。我諗鍾意 k-pop同睇韓劇嘅朋友去到星星會覺得幾親切。我哋叫咗個部隊拉麵其實就係韓式嘅辛辣麵。裏面有香腸餐肉、薯仔煮嘅辛辣麵。唔太辣， 另外仲配埋有紫菜飯糰。個麵冇乜特別，喺屋企自己都煮到。只不過係佢個兜係好深嘅，係真係韓國啲士兵打仗嘅時候攞嚟食嘢用嘅。仲有叫左個泡菜炒飯餐盤。個炒飯炒得好乾身同埋啲酸辣味啱啱好。好好食！另外配咗四碟配菜夠曬飽。另外仲叫咗個豬肉餐盤。佢哋話豬肉係韓式嘅，但係我哋覺得比較甜。同泡菜炒飯餐盤一樣配咗四碟配菜食到飽飽總括嚟講味道不過不失但係啲枱真係好細張 坐得好迫夾，仲有出餐好慢但性價比係高既。

小店設計好韓國，可能地理位置偏小小，餐廳比較靜同少人，同朋友吹水會開心，因為唔會被趕。係韓國食豬骨煲，十間有七間都做得好好食！但返香港搵唔返隻味，而呢間會點呢？餐牌，價錢中等。土豆豬骨湯 $198(小)超正評！係韓國既味道😭😭😭對上一次食過第二間餐廳既豬骨煲，但完全做得唔似，今次覓食覓岩左啦終於！好多類似花椒粒既調味係面，一呷湯底不太辣，重黑胡椒味以及咸菜調味，惹味非常，撈飯一流！而豬骨大概有5-6舊，肉偏小但唔會煲到肉質老哂，不過就唔夠入味，土豆份量就有待改善，得2,3舊

約左朋友食晏，點幾黎到呢間餐廳都唔算好爆。由於室內太多人，所以同朋友坐左出出面。雖然係對住條馬路，但可能呢個位置偏僻小小，所以無乜車經過，凈係沪左好多車啫。但完全唔感覺污糟。以佐敦既價錢黎講唔算平，或者因為要加一啦！叫左豆付鍋同埋午市牛肉飯。豆付鍋d 醬無混合好，食到底既時候仲有紅色既醬一大pat. 豆付鍋配白飯同埋一碟泡菜。牛肉飯睇落去正好多。牛肉好好味，配飯、湯！小食有荳菜、菠菜、茄子、泡菜、煎蛋！感覺豐富好多。

平時夜晚阿媽唔想煮飯，會叫我同佢落樓下茶記或酒樓食飯醫肚，今晚佢竟然提議行後幾條街嚟試呢間韓國餐廳，我心諗，韓風唔係真係勁到連我阿媽呢D師奶仔都迷倒呀化?!阿媽一入到黎見到人地牆身上貼左D oppa既相就表演得好興奮，原來係佢近期喺屋企睇電視亂咁襟無意中睇到套韓劇，跟住就學人鍾意埋d小鮮肉，真係比佢笑死！都好嘅，阿媽肯與事並進，係好事嚟~首先叫左個芝士炒辣雞孝敬佢，佢話成日聽到人地講咩炸雞啤酒，以為有隻啤酒係炸雞味，真心比佢激死！將d雞件混入濃濃芝士入面，阿媽話正，加埋勁多配菜如紫菜，仲有兩大隻太陽蛋，都幾飽架！辣得好惹味，少食辣嘅阿媽都話好惹味，雞亦唔鞋，good~跟手叫左大大鍋韓式粉絲豬腸，豬腸好鬼爽口，粉絲索晒個湯既精華，連埋湯一齊送入口，好暖身又好滋味。見到阿媽好似大開眼界個樣真係好搞笑，佢仲影左唔少相send比去d師奶群組度威威，見到佢食得咁開心，遲d帶埋老豆黎~

有位朋友是正宗的韓迷，由頭到腳、穿的、玩的、吃的、用的，都是韓國貨，真是十分佩服她！但我一直沒有受她影響，她說那套韓劇好看、那種面膜好用、那個韓星來港搞見面會，我通通都不為所動，燒不到我，因為人家是日飯，我比較喜歡日本的文化，但就在今晚…因為我猜輸了，所以要聽朋友話去食韓菜，我對韓菜的印象亦是一般，因為感覺就只有一個”辣”字，不過來到這裡，朋友很有耐性為我介紹，看看牆上的介紹，也認同原來韓菜選擇也頗多元化，朋友還說這家店夠正宗，好韓風，好地道。朋友說一定要試芝士炸雞，”炸雞”聽就聽得多，但就真的沒有吃過，現在嘗過才明白它為何那麼受歡迎！全晚我最愛叫的就是這個烤雞肉、燒牛肉拼燒豬肉，因本人是如假包換的食肉獸一名，與其要煩惱在豬牛羊這三大主角之中挑一款，我認為這樣將三者合拼在一起就是最聽明的做法，不用食客苦惱。烤雞肉嫩滑多汁，燒牛肉甚香口，豬肉仍很入味，用鐵板上令溫度得以保存一段時間，我先淨吃幾口肉，然後朋友叫我試試夾生菜食，原來又是另一種風味，還因為有減膩作用而可以多吃幾件，這個感覺較健康的食法，不得不讚。噢，難度我也真的要轉呔投入到韓流的懷抱嗎？lol~

不要看輕小店，比起連鎖式集團，我喜歡小店多了一份人情味，而且出品也往往會有意外驚喜：泡菜拌麵→ Q彈滑順的麵條，結合韓式醬汁的微辛辣重口味，有著清爽又濃郁的雙重口感，就是如此輕鬆美味就能飽足一頓~星星拼份炸雞→ 一半是原味、一半是辣味，自家特別秘製，可以說是內外兼備，看上去不會很柴皮，外脆內嫩，幸好不是炸得很油膩。一次可以嘗到原味及甜辣味，最適合心大心細的人。特大牛排骨(1件)+LA牛排骨(2件)→ 起初見到原塊放到鐵板上上枱，還擔心食起來會比較困難，但原來店員會細心地幫客人將牛排剪成細細件，那就變得非常方便食了！牛排骨嫩滑美味，很香口，無論夾不夾生菜食也嚐得出其滋味，連骨都不放過。

近日同朋友嘅最新熱話，就係追睇全智賢最新嘅韓劇，對上一次《來自星星的你》掀起咁多話題，所以對今次都滿有期待，亦令我諗返起果時韓國炸雞嘅熱潮，炸雞配啤酒嘅火紅程度真係唔洗多講，今晚好想回味返果份味道，所以臨時約左個friend出嚟食野兼閒聊。今晚揀左嘅呢間星星pha cha淨係個店名已經令我回想返果時煲劇嘅瘋狂程度，店內風格溫馨，同韓劇入面睇到嘅場晾極似，所以好有feel，menu菜式琳瑯滿目，店內唔少人飲緊啤酒，夾雜著聊天嘅聲音，完全可以當自己身處首爾！回左份星星炸雞，有香酥雞翅、雞腿同雞塊，熱辣辣新鮮送到面前，入口香脆肉質嫩滑，仲搭配左沙律同醃漬蘿蔔，等大家可以一邊食一邊解油膩。牛肉蘑菇火鍋(粉絲)食材選擇新鮮，簡簡單單，其實食清淡啲、嘗到原味就已經好好。 牛肉食起上嚟非常鮮嫩，一口咬下金菇非常juicy，豆腐亦好味。咁多配料mix埋一齊燉煮認真滋味，粉絲加埋少少湯一齊食更係鮮味融合，好食！

很高興今天在這裡嘗到兩款堪稱經典的韓式家常菜，其中一款就是土豆豬骨湯，這款韓式燉湯熱氣騰騰的一鍋端到桌上，有肉有菜還有濃湯，味道鮮濃，馬鈴薯加上豬骨，營養豐富。湯頭非常惹味，差點燙到舌頭也是讓人忍不住一口接一口，豬骨肉燉得非常入味軟綿，整個組合起來根本就是美食王道阿！！！韓國人說它有解酒功效，所以也叫土豆解酒湯，下次有朋友噶醉了就馬上把他帶到這裡來進行測試吧，哈哈！另一經典就是海鮮蔥餅，吃得辣的朋友通常會點泡菜蔥餅，不吃辣的這個就是好選擇了！可以說吃第一次就會喜歡上它，煎出的餅顏色呈金黃，看上去有點像廣東人吃的薄撑，但細味就很能分別出韓式的獨特滋味。味道香香、大大根的香蔥，配上各種海鮮，味道特別鮮美！喜歡海鮮的朋友一定很滿足。附上的醬汁頗特別，值得一試。

最近公司黎左個韓國女同事，開頭覺得好難同佢溝通，不過後來問佢好多關於韓星、韓妝D野之後，就好快熟絡起黎，有時放工仲會孖住去買衫問佢意見。今晚行完街，就黎左呢間佢口中比較地道正宗既韓國餐廳，佢班韓國既上班一族，最鐘意就係放工之班去炸雞店，食炸雞，飲碑酒，啤啤佢，熱熱鬧鬧消遣一個晚上。佢好懷念果種氣氛，所以話要黎呢度感受下！平時見佢斯斯文文，睇唔出咁豪氣鍾意飲返兩杯，佢一見到呢個將3支海特同1支真露mix埋一齊既玩法，就即刻話要飲呢個，果然係女中豪傑，好型呀！小妹平時飲開紅酒同cocktail，呢D韓式啤酒又幾有新鮮感喎，有酒香，口感柔細，飲落甘甜。韓式炸雞之前我都有食過，今次呢個upgrade版芝士酸辣味炸雞又有D唔同，因為多左好多芝士，又有好多粟米，口感極豐富，而雞味就係酸中帶辣，味道好多層次，鐵板令雞肉更香脆可口，同啤酒超夾！食左咁大舊肉，係時候食返D澱粉質平衡下，呢個星星自做的飯團，有得玩又有得食，簡簡單單唔錯，感覺已經好滋味，同事話可以令佢一解思鄉之情喎！

The fried chicken with cheese and corn was really out of the world, enjoyed it till the last bite. However i didnt really like the taste of bimbimpap there, it was so so. i felt like i should have ordered the cheese tokpokki after seeing most of the people ordering the chessy rice cake goodness. We also ordered lemon soju..bit dissapointed bcus it was just soju with squeezed lemon juice, tasted just like normal soju but with few drops of lemon. All in all the fried chicken compensated all the sh