星幕

营业中

休息中

俗語話的偷得浮生半日閒, 兩位閒人今天終於有機會試這間在47樓的靚景high tea 了, 個view真的好開揚, 被安排坐靠玻璃窗的沙發位置, 真的正合我們意。 基本上吾使睇餐牌, 因為大部份人都係點呢個high tea set $278 兩位, 再加一。 咸點有2款, 迷你漢堡, 巴馬火腿多士, 會飽肚的沙律有吞拿魚牛油果沙律, 清新配搭甜點有7款, 最好味的是意想不到的綠色那杯青瓜蓉配上碎火腿, 咸咸甜甜, 雙重口感! 蛋糕不過不失。 總概這餐, 真係睇得又吃得仲有餐飲可再添的, 悠悠閒閒可以坐上幾小時

家住將軍澳，其實諗有乜地方可以飲酒吹水，又吾会趕人走，好似真系冇个晚我地好早到，大约8:00pm左右，上到去，侍應問我地坐室內or室外，我地一致回答utdoor please!坐室外果然好氣氛，我們坐在舒服的布梳化上，旁邊有火焰擺設，令我們即使在有些寒意的晚上也帶点温暖。一眼望過去，在旁有數pair情侶，慢倾心意，慢吃，慢飲，慢慢嘆！講回正题，我們就座之後，侍應很快遞上餐牌，朋友之前吃過pizza,說很不錯，所以我們選了海鮮pizza +20蚊加大好香口，批底厚薄適中，料算豐富另外，依d pizza原來可以包2杯飲品，我們選了2杯红酒，名吾記得lu串燒set,menu上可以自選6款我們就menu上剛有6款，所以就叫各1就ok,侍應好貼心說，6串上碟時会見到12串，因為廚師会將長長的1串剪开成2串，方便食客食用。另外，依d 串燒set又有包2杯飲品，我們又選了2杯红酒，好鬼抵！串燒:有雞肉，3色椒，牛肉，不過不失，有酸酸的酱汁配搭，入口不太肥overall,食物尚可，服務吾錯，加上環境及廣闊開揚的view,價錢每人大约250，吾貴！

約左包包媽媽食個WEEKEND LUNCH呀！因為落雨所以就揀將軍澳喇我地去左將軍澳間CROWN入面47樓間CieloLEE度其實人唔多，入座都冇一半呀！其實對於我地係一件好事，因為可以舒舒服服，唔洗咁嘈HA我早到了就坐下先啦包包籃~~~D包質素都唔錯喎！LEE到個LUNCH係Semi Buffet頭盤沙律就自助形式沙律其實唔多選擇，但味道都好好，沙律菜都好新鮮餐湯係露芛忌廉湯~~~個湯唔夠滑，味道麻麻地主菜我地兩個都係揀左食PASTA香辣帶子意粉~~~帶子煎得剛好，外微脆內軟GOOD，意粉質感很好，味道好好味NICE甜品，三款都不錯，尤其係中間件CHOCOLATE MOUSSE

同朋友食完中菜上呢到飲杯酒, 坐係出面幾靚,本身影好多相推介俾大家,點知批同事真係好有問題囉!大家唔好去!我坐係外面, 想要杯水都等好耐先有同事叫到我舉手. 諗住都算啦因為見佢生意都忙.最離譜係我走個陣見有少少醉同暈,搭番電梯上去想問部車可唔可以放過夜, 上到去好似無掩雞籠, 個女仔坐係房入面掛住夾實個電話數錢, 連我叫佢都聽唔到,唔知傾公事定私事!想行去酒吧問其他人, 就見到個餐廳經理同成班客人圍住個酒吧飲酒好大聲仲句句講曬粗口, 個時仲要有其他客人係到, 竟然無人留意到我行左入去,真係好過份! 雖然陪客人但作為餐廳經理,唔應該咁無分寸! 呢間真係唔知咩酒店, 最後咩都問唔到,唯有叫朋友幫我揸部車走.

昨晚第一次去星幕食飯，是我老公推介的，佢之前食過話OK，晚餐是semi-buffet，3道菜$298，4道菜$398，食物普普通通，酒店應有質素，不是太差，但今次想批評的是他們的銷售手法。昨晚一坐低，有個似是部長或經理級的人走來招呼，問我們飲唔飲酒，我地話要水得啦!佢問我地要有氣定冇氣既，我地一齊話要冇氣既，佢之後無啦啦攞住支樽裝水走去我老公身邊，show 一show 俾佢睇，跟住講"呢支無氣既!" 我老公無為意，點了點頭， 跟住個部長就開咗樽水斟俾我地。之後我越想越古怪，其他枱都無呢支水，之後問另一個侍應，支水係mineral water，即係要收錢啦 首先我地無講過話要mineral water，我地淨係話要冇氣既水，恴思咪即係普通水囉!第二，佢攞支水埋黎，無講過話呢支係mineral water，要收幾多錢，咁好明顯係博大霧啫!諗住我地唔出聲就哽咗支水嗎? 雖然個部長一聽到我質問，就即刻話支水佢簽單，不用收錢，但不埋支水要幾錢，可能只是幾十蚊，但堂堂酒店咁樣做生意,好離譜!當我們是水魚嗎? 點解唔堂堂正正問個客要唔要mineral water ，樽水要幾錢? 就係呢支水，大家唔好

將軍澳除左一間bar Pacific可以飲野之外都冇咩地方，而家多左個選擇可以去 crown plaza 47樓間星幕，個晚9點幾上到去，冇位，接待小姐話等五分鐘左右張台會走，咁我地就出左去outdoor個到坐，雖然係47樓，但望出去個景色唔算太靚，因為都正係見到樓，出面可以食煙，五分鐘後有位我地坐左係中間，望下個meun，飲既選揀真係好少，我點左杯 espresso martini，咖啡酒配上伏特加，朋友就飲左支asahi啤酒，以為會係一杯tim，點知係一支，60蚊，唔太抵，點左D小食，我杯espresso冇咩咖啡味咁，有少少淡，酒精亦唔係太濃，不過係到傾計係唔錯，都算清靜，但太早close了，如果可以再開夜D就好了。

首先要向餐飲部訂枱小姐致敬, 敬業樂業的她給我們煩死了, 但仍然非常樂意給我們協助.  我這無良顧客係短短半小時內做即日訂枱, 由47樓3位改6位, 半小時後改1樓6位, 不到5分鐘改回47樓3位. 佢一邊改一邊同我說我靜了並唔係唔理你, 我只不過要盡快改, 因為之前改咗就等於放咗張枱, 可能比人訂咗, 所以我要快, 一直同我說不好意思, 要你等. 天呀! 我才不好意思呢 , 一定要比十個讚!一入去左手邊有一個 outdoor 地方, 風和日麗係47 樓, 望出去好似好舒服; 不過地點係將軍澳, 唔知會唔會有異味呢?? 不過走的時候已經有好多客係出面, 我諗應該無問題的.不竟是星期六 high tea, 人有些多, 玻璃窗又多, 樓底又不是特別高, 所以有點兒嘈雜.High Tea 由三時至五時, 四時四十五分問 last order. 四時仍然有客入座. $198 兩位起, 如果好似我地三位咁, 可以加 $99 一位.每位有一份食物和飲品(可添加).  一經選定了飲品就不能改, 由頭到尾都係一款. 可選咖啡, 茶, 和一款特飲. 特飲不能添加, 一杯止, 當天是 cranberry

在將軍澳，可以晚上去喝一杯輕鬆下就只有將軍澳站crown plaza 酒店位於47樓的Cielo Bar 星幕。晚上乘電梯到47樓，景色很好，可以望到整個將軍澳的夜海，居高臨下特別興奮。或許因為今晚是星期五，零晨時份走進去還是有很多人。也許因為酒吧不大，聲音困在室內比較噪，一點音樂也聽不到。我要了一杯summer angel成份有vodka 、藍苺、菠蘿酒淡似水，完全不覺得自己喝了酒朋友要了一杯expresso martini不過餐牌上寫vodka , 哪到底是vodka 定martini?不過一點關係也沒有，因為比我那杯summer angel 還要淡味，似水。另外加了一份dessert platter $98有macaron 、tiramisu、蛋卷和一杯疑似panna cotta（或是凍的燉奶？！）。well well…我個人極度懷疑其dessert 就是自助餐剩下的甜品。因為那macaron 不是很新鮮，而且display 的方法求其馬卡龍又只有一粒，酒店的擺設來說是比較失望。tiramisu 和蛋卷還可以，那杯疑似panna cotta 就很抱歉了。因為零晨一點關門，還未吃完

真係完全未見過甘平嘅tea set係酒店出現 $198 for2 無錯係for2 加埋一都係一百鬆啲唔好以為平野冇好野依個完全係好例子！個景舒服又靚不再講服務又好又貼心~~野食仲有保證👍雖然平但全部都好精緻比較喜歡咸點嘅我今次連甜點都吸引埋我特別係個草莓蛋卷個cream同碎草莓混合好平均可以每一口都食到而且不會過甜另外馬卡龍更是一絕完全外脆內軟不會太硬 餡料也是滑滑的❤️飲料不會局限於茶和咖啡一定要叫夏日特飲酸酸甜甜嘅有氣飲品更加開胃而且解暑第一間會爆星的食店👍👍👍💕

出發前，趕緊記一記今週四一家四口，連同友好在香港將軍澳九龍東皇冠假日酒店47樓Cielo的美味、抵食又開心的親子食記。餐廳位處47樓，坐擁270度落地大玻璃美景，景觀遼闊；另一邊還有室外露台位，情調一流。只是到訪之日，天氣陰陰的只是一般，不然環境及氣氛會更加煞食！甜魔一家四口連同兩位友人，給安排就坐這張靠窗的半沙發座，小兄妹一見到這擺設，馬上喜歡不得了，急著想要就坐！講回食，其實年多前在紫粵軒的飯局已經盯上這間高層靚景餐廳，那時見到午餐只是$200餘元，已經覺得很抵食，不過地點實在比較遠，後來慢慢就淡忘了。早前與車媽媽乘著六月6折優惠去尚廚吃buffet時，發覺原來這裡的Weekday Set Lunch不加反減了，只是$168的價錢已經有意式自助頭盤，之後還有每位餐湯、自選主菜、自選意式甜品，以及咖啡／茶，覺得太超值一定要來！先看意式自助頭盤，選擇說多不算很多，全部就放置在這張buffet table上。令人欣喜的是，質素都很好，吃下去十分滿意。首先是甜魔媽媽愛吃的芝士，硬的、半軟及軟身的芝士各有一款供應，甜魔媽媽每款都吃了些，全部都好吃！同樣喜歡芝士的囝囝更是吃完又吃。又有車媽媽說

野食 差 服務 差 員工一啲都吾pro.徹底失望 成餐飯都系FAILED! 物不所值！話說呢間餐廳系朋友推介"話好抵食<<一心諗住試下 就訂左位同男朋友慶生坐底環境還境感覺還好 我們都是選了set dinner 分3-course & 4-course我們各自都有自助頭盤 男友多我一客湯男朋友order的main course是燒春雞我order了意大利雲吞而甜品 只有tiramisu & 玉桂味奶凍 選先說頭盤 煙三文魚 入口感覺都是霉的 唉 就算不好吃 霉的也不應在酒店餐廳裡出現吧 而餐湯 是南瓜湯 只有層次 沒有味道！！到MAIN COURSE#春雞的肉都是超鞋的！！質感比雞胸還要差得很！天啊！#意大利雲吞 味道不知怎麼去形容 怪怪的甜品 都選了tiramisu 很普通很一般至於服務。。。其實由我地order完至食完頭盤 佢地依然未上麵包。。 要我地問佢地先知 我諗每枱客枱上有麵包是必須吧？？！點解可以咁都allert吾到？第二 訂枱的時候已告訴甜品上加生日牌 到order好 都怕員工會吾記得 都有專登出去提多次 麻煩合作**點知到上甜品 真系0了咀<(ˍ

位於將軍澳的五星級酒店的 Ciele 星幕 景觀只屬一般，主要以樓景為主。環境不能跟五星級酒店餐廳相比。餐廳有室內和露天兩個主區，地方不算非常闊落當日1月1日的semi buffet , 不用訂位, 但價格比平時貴了點, 要$228Salad bar 有多款蔬菜沙律、芝士、火腿、煙三文魚....等等，都有不同選擇火腿只有2款, 而且質素一般 磨菇湯味道ok, 但較稀身麵包 有3款不同麵包, 而且是暖暖的~主菜選擇有4款, 但只是普遍的選擇,不太吸引味道不過不失....沒有什麼大驚喜紅蝦意大利飯雞胸意大利粉甜品選了Tiramisu份量大件, 而且味道不錯!!

位於將軍澳Crown International酒店頂樓的Ceilo(星幕)，打著的是意大利餐的旗號，又有露台、海景，環境的確不錯。可惜的是露外燈光昏暗，拍照實在有難度，所以留在室內。室內本來也不錯，但不知為甚麼偌大的落地玻璃，居然在中間橫「加」一條，破壞了本來頗有看頭的開揚景觀，可惜！頭盤：帶子煙肉卷蘆筍炒蛋蛋炒得頗滑，不乾身，煙肉包著清甜帶子，口感豐盈，出奇地合拍。蘆筍也很鮮嫩，只是加了一堆碎腰果，好像和蘆筍格格不入。整體而言，尚算不錯！巴馬臣芝士蟹腳意大利飯Risotto軟硬適中，充份吸收湯汁的精華，是自己喜歡的口感，可惜芝士味道偏淡，令整體比較平淡。籚筍海鮮意大利粉意粉的確能做到Al Dente，蝦、青口還算新鮮，醬汁微辣惹味，不過不失。但以一碟HK$188的價錢，有點overpriced。甜品叫了一款焗朱古力布甸配意大利雲呢拿雪糕（Warm Chocolate Temptation with vanilla gelato)，滿是期待，怎知道一上桌，一看就是「心太軟」！！如今連在酒店的餐廳也玩這種「語言偽術」，真令人失望！味道方面，但入口比較粉，不像廚房即叫即做，而且一點也不「

餐廳不大, 室內约30座位。 雖是星期六, 由於客人不多, 不用等位。跟妹妹各點了2-course dinner + antipasto bar。頭盤於Antipasto bar自取, 有沙律, 芝士拼盤, 煙三文魚, Parma Ham, Salami, 蜜瓜, 哈蜜瓜, 芝士酥, 蛋批, 釀蕃茄, 海鮮雜錦等。餐湯是Potato & Leek, 稍嫌太heavy。Main Course是煎海鱸魚伴牛油焗薯, 鱸魚外脆內嫩。另一main course 帶子意大利飯沒有影相。另點了兩杯白酒, 一份心太軟加 vanilla ice-cream兩份share。整晚服務很好, 侍應attentive, 主動幫掛在椅子的外套加上套子, 耐心講解menu。遲點再來試試午餐。

將軍澳區最近有幾間4星酒店開張，响酒店頂層位置有間 "星幕" 開張，標榜九龍東高級酒店餐廳，而且聽個名都好吸引，諗住朋友生日，不如去試一試新地方啦。位置响將軍澳站POPCORN商場樓上，其實個入口都唔咁明顯，响商場內有個走廊位行入去。但係去到酒店門口，個裝修都好靚，搭電梯上47樓，諗住上到咁高層唔知會睇點樣的靚夜影呢？去得呢D酒店食飯，一心都諗住應該主要都享受個服務和內裡的裝修。但係，唔知係响市區關係，去到餐廳，內裡都裝修好靚，但係望出去個夜景就係全部屋村，感覺上有點兒奇怪，同餐廳內裡的裝修有點兒格格不入。坐低左，侍應的招呼好好。用心介紹餐廳各種食物，服務級數都有五星級酒店水準。 經侍應推介，叫左幾個MAIN COURSE，海鮮潤條麵，羊扒，肉扒蛋飯。同一般酒店餐廳一樣，餐前有都會有法式麵飽，配橄欖油和黑醋，D麵飽都算新鮮，而且款式都有幾種，而且可以任意添加，作為餐前小吃，都係算不錯。個南瓜忌廉湯， 南瓜味好出，而且個湯唔會太稀和太淡。跟住幾個MAIN COURSE都陸續送上，幾個MAIN COURSE都不過不失。海鮮潤條麵和肉扒蛋飯，食落都幾好味，但係份量充當中最特別一提係個羊扒，食