星巴克咖啡 (已搬遷) 新店位置

從來都幾喜歡Starbucks的lemon lamington，覺得既香甜又清新，最近發現原來lemon tart更加精彩!　lemon tart的批皮較弱，像一般美心/聖安娜的果撻會比較稔，但夾心竟有啖啖custard甜香，而那陣custard味又與清新的檸檬出奇地夾，很讚!而且大大的一個lemon tart，足夠兩個人分享，而售價也才$15，真的是超抵食呢!　檸檬粉絲們，前去一試吧!

情人節，我的家人都會互送禮物，真是好無聊卻又溫馨!　Starbucks曲奇是媽咪送給我的禮物，兩隻味道分別為花生牛油味及香橙朱古力味，份量都幾巨大，要分開兩次食。　第一日試了花生牛油味曲奇，既不濕又不脆，屬於我不喜歡的曖昧質感，不過勝在牛油味濃而花生味又輕，合我口味要求。　第二日才試香橙朱古力味，這款質感較濕，而且有濃郁朱古力味，我很鍾意!至於香橙，其實是碎粒舖在曲奇面，不說也不太覺，就令曲奇帶一點聖誕布甸口感。　兩款都好味而非特別出色，不過當中心意令人溫暖。也要多謝好細妹，買了零食朱古力批及食物模型給我。喜歡妳們的無聊心意!

早前朋友收到數碼通星巴克買一送一的優惠的ＳＭＳ～今日打完乒乓波，雖然我唔飲咖啡不過冇０野做就落０黎用埋個優惠佢。聖誕特式咖啡飲品只得３款（其中朱古力味冇哂），朋友話事之下２杯都要了拖肥咖啡。３０蚊有２杯，好抵！味道都可以接受，因為咖啡味唔勁，出面ＣＯＵＮＴＥＲ有很多調味粉任加＾＾玉桂粉試唔出有咩味，不過朱古力粉好好味（哈）最後我加了幾多！一路飲一路睇住黃賢智佢地班藝員歌星響隔離０個舞台睬排緊今晚個倒數節目，最後杯野飲剩１／３，好飽呀！

蝸牛形o既酥. 其實食唔到南瓜味, 非常light, 食完好似無食過咁.

檸檬撻加杯咖啡frappe做tea,悠悠閒閒睇下免費雜誌好唔錯,因為呢間分店比較少人,所以好鐘意黎…不過今次第一次試檸檬撻,覺得麻麻地,主要係唔夠檸檬味,比較甜,但係就真係好大個…建議加多檸檬味份量,就算細件少少都無問題,最緊要係味道嘛!重質不重量呢!

新出肉桂山核桃比利時窩夫, 烘熱後肉桂香味撲鼻. 伴住糖漿+忌廉食, 簡直係人間極品! 以此配mocha frappuccino作為假日早餐, 夫復何求?

雞年最後一天, 朝早就o係屋企樓下starbucks食早餐. 呢間starbucks o既staff好friendly亦好好記性, 幫趁多幾次後佢已經認得我地, 仲會同我地傾閒偈.今日叫左好耐無出過o既coffee twist(咖啡扭紋酥)再加一杯大cappuccino. 焗熱左o既酥好香脆, 咖啡味香濃, 甜度適中, 唔錯! 大cappuccino味淡左少少, 不過奶泡打得好堅挺. 一路睇住本non-no, 歎個早餐, 日日都咁歎就好啦!

同一些牛奶一齊試左薑汁鮮奶咖啡,意外地薑味一d都唔重,而且香香地,又唔會太強勁咖啡味,都幾好!選擇唔要忌廉會比較清,雖然無咁滑,但係都好好飲,呢個絕對係冬日一個好選擇!

環境雖然小,但很容易搵到位。略嫌假日時,商場室內有function,很吵...

琴日去左奧海城間starbucks歎,主要想飲綠茶frapp,但又俾我見到有blueberry scone,以前無見過,亦未食過,見佢三角形大大件,只係$12,所以要左個,服務員會為客人叮番熱,雖然個scone見到藍莓醬,但味道卻唔太夠,反而因加左提子而食到強既提子味,如果多番藍莓醬其至藍莓肉,一定好好多!係質感方面,唔太似scone,反近似muffins,而且又有d好似香草既料,好怪!可能由於starbucks來自美國而scone係英國,佢未能做到傳統英式scone,搞到似muffin,我既意見係基本上可以,但muffins會更佳。另外,呢間分店服務唔錯,最好係客人唔多,好易有位坐!